ARGIA.eus

Egin ARGIAkoa
Oparitu ARGIA
Gizartea Ingurumena Politika Ekonomia Kultura Euskara Feminismoa Hezkuntza Nazioartea Iritzia
astelehena 2025eko urtarrilaren 27an

Argitalpenak

Pilar Iparragirre
2021eko uztailaren 28an
Fernando Amezketarra
Gregorio Mujika
Hiria
120 orrialde 12 euro


Euskaldunen ezin bizia

Hiria argitaletxeak plazaratu du oraingoan Gregorio Mujikaren Fernando Amezketarra, XVIII. mendeko hainbat eta hainbat euskaldunen ezin bizia eta miseria hobekien agertu duen liburuaren azken edizioa. Fernando Bengoetxea Altuna Amezketako seme ospetsua artzaina, baserritarra eta Gipuzkoan zehar plazarik plaza ibilitako bertsolaria da, argia, azkarra, umoretsua eta, alditan, nahikoa garratza. Bere garaiko jende xehearen lekuko ezin hobea dugu, orduko asko eta asko bezala Elizarekiko menpekotasunean bizi den herritar pobrea delako, baina berak Elizaren boterearen aurrean, ironiaz eta pikardiaz jakingo du oldartzen, behin eta berriz. Gregorio Mujikaren liburuan, bizitzaren drama airoski eramateko jakituria paregabea erakutsiko du.

Nafarroa. Ehun paisaia
Santiago Yaniz
Sua
128 orrialde
18,50 euro

Nafarroa Santiago Yanizen ehun argazkitan

Urtaro bakoitzaren joan-etorrian eta une bakoitzak eskaintzen duen argiaz ederki baliatuz eginak daude Nafarroako lurraldeak oinarri dituzten Santiago Yaniz argazkilari bilbotarraren 100 irudi eder hauek. Iratiko oihanaren zenbait paisaia bezala, Iruñeakoak, Cabredo hiribildukoak, Erriberrikoak, San Adrian baselizarenak edota Uxue, Erratzu, Igantzi, Lantz eta beste herri askotakoak. Berdin Pirinioetatik Bardeetara doan artaldea, Leireko monasterioa, Bertizko parkea, Baztango bailara, Mendigorria, Esako urtegia, Belagoako paisaia, Ilunberri, Urbasa, Aezkoako bailara edo Zugarramurdi, Larrun mendia atzean duela agertzen duten argazkiak. Azalpen guztiak euskaraz, gaztelaniaz, ingelesez eta frantsesez daude.

La verdadera historia del kalimotxo
Batzuen artean
Funky Projects
142 orrialde 10 euro


Kalimotxoaren nondik norakoak

Funky Projects argitaletxeak plazaratu duen aurreneko liburua da La verdadera historia del kalimotxo, hain ospetsu egin den edari horren nondik norakoak azaltzeaz batera Euskal Herria eta bertako herritarren nortasuna eta ametsak hizpide dituen lana. Asko dira beren ekarpenekin liburuan parte hartutakoak. Besteak beste, Fermin Muguruza, Jtxo Estebaranz, Martin Mujika, Roberto Moso, Ata, Eduardo Mena, Santiago Cirugeda, Roger, Abarrots, Juventud Alkohólika, Pub Stick, Asier Perez eta Privadero. Nola sortu ote zen ardo txarrez eta Coca-Colaz osaturiko edabe hori, eta zeintzuei bururatu ote zitzaien nahasketa eta edariaren izena? Bada, La verdadera historia del kalimotxok dioenez, 1972an gertatu zen, Algortako kai zaharreko jaietan, eta Antzarrak koadrilakoei bururatu omen zitzaien.

Zehar
Batzuen artean
Gipuzkoako Foru Aldundia
76 orrialde



Joaquim Jordàri elkarrizketa

Artelekuk kaleratutako Zehar aldizkariaren 58. zenbakian, besteak beste, soinu ekoizpenaren eta (Un)Common Sound izeneko proiektuaren inguruan sortzen ari diren eztabaiden zabalkunderako behin-behineko gunea azaltzen da. Eztabaida hori aberasten duten lanen artean, Marina Garcések Joaquim Jordà katalanari egindako elkarrizketa dago. Izan ere, Jordàk dokumental bat filmatu zuen 1979an, Bartzelonako Numax etxetresna elektrikoen lantegia jabeek era irregularrean itxi nahi izan zutenean, bertakoko langileek egin zuten autogestio esperientzia jasoz. Orain, berriz, Veinte años no es nada filmatu du Joaquim Jordàk, Espainiako historiaren azken hogeita bost urteetan gertatutakoa berreraiki nahi duen dokumentala, Numaxeko autogestio esperientzian protagonista izan zirenen ibilbidea abiapuntu hartuz.

Anaren bakardadea
Jordi Sierra i Fabra
Erein
208 orrialde

Gogoz kontrako haurdunaldia jasandako gaztea

Hamabost urteko neska bati gertatutako esperientzia azaltzen duen Jordi Sierra i Fabraren Anaren bakardadea. Haurdunaldiak, norena da erantzunkizuna? nobelak, gogoz kontrako haurdunaldia jasatea suertatu zaien ehunka gazteren egoera salatu nahi du. Anak ez zuen beste munduko gauzarik egin, maitemintzea eta bere ametsen jabearekin larrua jotzea baino ez. Ekintza erabat natural horren ondorioak, ordea, oso tamalgarriak izan ziren beretzat. Haurdun zegoela jakin zuenerako, mutila beste batekin zebilen, eta ez zion sinestu, bera lotzeko trikimailua zelakoan. Neskaren gurasoak zorrotzegiak izaki, haien laguntzarik ez zuen izan Anak, ezta sendagile eta farmaziako jendearekin ere.

Idatz & Mintz
Batzuen artean
Diseinu Editoriala
52 or. / 5,70 euro


Lauaxeta, Blas Oterokoa, Gandiaga eta beste gogoan

Idatz & Mintz aldizkariaren 41. zenbakian, Lauaxeta ipuingilea gogoratu dute, Euzkadi egunkarian plazaratu zituen hainbat ipuin agertuz. Bestalde, Jon Aregok Blas Oterokoaren gorazarrea egin du, eta Alvaro Cunqueiro olerkari galiziarrari buruzko lan bat ere eskaini du. Sebastian García Trujillok, berriz, Bitoriano Gandiagaren existentzialismoa du hizpide Biziminaren ziklo osatua izenburuko lanean. Eta Jabier Kalzakortak Uretako jaun eta Zalduko jaunaren balada aurkeztu du, bi testuak azalduz.

Nora joan da argia?
Ruben Ruiz, Jokin Mitxelena
Aizkorri
36 orrialde 5,50 euro

Lehendabiziko Etxepare literatur sariaren irabazlea

Aizkorri argitaletxeak Jokin Mitxelenaren marrazkiekin apaindurik plazaratu duen haurrentzako Nora joan da argia? ipuina, gaur egun Nafarroan bizi den Ruben Ruiz gasteiztarrak sortutakoa da, eta Nafarroako Gobernuak antolatutako lehendabiziko Etxepare literatur saria irabazi zuen. Ruben Ruizen atzoko, gaurko eta biharko maisua den Jon Suarezi eskainia dagoen Nora joan da argia? kontakizuneko protagonista Saioa txikia dugu. Haur hori poz-pozik altxatu ohi da ohetik, batik bat eguzkia lotsagorrituta ikusten duenean, baina bere amak oso esnatze txarra izan ohi du, eta goizero-goizero pipertuta hitz egiten dio bere alabari. Hori gutxi balitz, eskolako motxila hartuta autobus geltokira abiatzen denean, Xugux txakurra ateratzen zaio bidera. Umea ikaratu egiten da, jakina. Halako batean, josta-jostari, Xuguxek belaunean urratu txiki-txiki bat egin dio haurrari. Saioarentzat izugarrizko zauria da, ordea. Eta gertatu zaiona azaldu nahi duenean, nola ez amak, ez maistrak kasu zipitzik ere egiten ez dioten, haurra goibeldu egiten da, bat-batean ikasgelako argia joaten den arte. Orduan ikasiko du Saioak, argia desagertzen denean, ikatz koloreko bihotzak samurtzera doala.

ASTEKARIA
2042. zenbakia
2006ko maiatzaren 28a
Irakurrienak
Matomo erabiliz
#1
Ikasleen gurasoez kokoteraino dauden irakasleak (eta alderantziz)
Mikel Garcia
#2
Hezkuntza politiken “noraeza” geldiaraztea helburu duen taldea sortu du hainbat irakaslek: “Burokrazia jasanezina da”
Mikel Garcia Idiakez
#3
Nola sortu kriminal bat (eta zergatik Aroztegiko auzipetuak ez diren kriminalak)
Gorka Peñagarikano Goikoetxea
#4
Lehen aldiak
Behe Banda
#5
Aitor ala Andoni
Gorka Bereziartua
Azoka
Azkenak
2025-01-27 | Leire Ibar
Langile klasearen batasuna eskatu du GKS-ek faxismoaren eta gerraren aurka

Milaka gazte bildu dura Gazte Koordinadora Solizalistak (GKS) urtarrilaren 25ean Bilbon eta Iruñean antolatu dituen mobilizazioetan, "Euskal Herrian agenda belizista eta faxismoa normalizatu ez daitezen". Jendetza bildu da bi hiriburuetan gerra inperialistaren... [+]

2025-01-27 | Gorka Peñagarikano Goikoetxea
Zarauzko EAJko zinegotzi ohi baten txaleta eraitsi egin behar dela ebatzi dute, legez kanpo eraiki zelako

Epaitegietan hamar urte bete ditu auziak, eta azkenean EAEko Auzitegi Nagusiak ebatzi du beste epaitegi txikiagoek ikusten ez zutena: ez zela baserri zaharra "eraberritu", baizik eta askoz ere eraikin handiagoa altxatu zela eta behar zuen lekutik urrunago. Legez kanpo... [+]

2025-01-27 | Gorka Peñagarikano Goikoetxea
Bengoetxeak errektore kargua hartu du eta EHUren finantzazioak segitzen du izaten eztabaidagai

Aparteko iragarpenik egin gabe, "askatasun akademikoaren eta izpiritu kritikoaren" aldeko aldarria egin du Joxerra Bengoetxeak EHUko errektore karguaren zina egin duenean, Ajuria Enean: "Ebidentzia zientifikoak ukatzen dituztenen aurkako euste-horma izango da... [+]

2025-01-27 | Leire Ibar
Dozenaka milaka palestinar Gaza iparralde suntsitura itzultzen ari dira

Su-etenaren akordioarekin barnean, Israelgo armadak Netzarim korridorea ireki du. Ia urtebeteko erbestealdiaren ondoren, milaka palestinar euren etxeetara abiatu dira bidaia emozional sakonean. Trumpek gazatarrak Egiptora eta Jordaniara desplazatzea proposatu du, eremua erabat... [+]

2025-01-27 | Axier Lopez
Faxisten gauzatxoak
2025-01-27 | ARGIA
Migrazio politikak salatu eta auzipetuak kargugabetzea eskatu dute epaiketaren atarian

2.000 lagun inguru bildu dira urtarrilaren 26an, Irunetik Hendaiarako martxan, Europaren migrazio politika “hiltzaileak” salatzeko. Korrika igaro zenean hainbat migratzaileri muga igarotzen laguntzeagatik auzipetutako ekintzaileei babesa eman diete. Ekintzaileak... [+]

2025-01-27 | Ahotsa.info
EH Baterak Aberri Egunean erabakitzeko eskubidea modu bateratuan aldarrikatzera deitu du

Euskal Herria Baterak apirilaren 11an Donostiako Kursaalen egingo den ekitaldiaren berri eman du. Ekitaldia Aberri Eguna ospatu baino egun batzuk lehenago eginen da. Agerraldian Mireia Epelde, Xabier Euzkitze eta Carlos Etchepare bozeramaileek hartu dute parte, eta Manex Fuchs... [+]

2025-01-27 | Aritz Arrieta
Euskaldun harrera herria?

Egiari zor, ez dakit zergatik ari naizen hau idazten. Gaur egungo giro liskartsuan ez dira modu honetako iritziak ondo hartzen. Beharbada, ARGIAk ez du hau argitaratuko, ez baitator bat orain arte argitaratu dituzten iritziekin (baina, azkenean argitaratzea erabaki badute,... [+]

2025-01-27 | Ander Gumuzio | Itxaso Zaldibar | Javier Zulaika | Alternatiba
Ez ditzala diruaren hotsak bonben burrunbak isildu

Urtarrilaren 15ean Zedarriak izeneko lobby tekno-enpresarialak bere 6. txostena aurkeztu zuen, Euskadi eta Europar Batasuna, oparotasunaren eta lehiakortasunaren patu partekatua izenekoa. Finantzen mundutik ateratako aditu gorbatadunez osatutako Think Tank neoliberal horrek... [+]

2025-01-27 | Behe Banda
barra warroak |
Lehen aldiak

“Behin batean gertatu zen eta ordutik aurrera egunero gertatzen da […] ez dezagun ikus hemen gertatzen dena. Halaxen da mundua, eta gaur egunean inor ez da profeta bere mendean”.

Beste zerbaitez hitz egin zidaten behin eta ordudanik, ezin dut ezer bestela... [+]

2025-01-27 | Gorka Bereziartua Mitxelena
Aitor ala Andoni
2025-01-27 | Gorka Peñagarikano Goikoetxea
Nola sortu kriminal bat (eta zergatik Aroztegiko auzipetuak ez diren kriminalak)

Euskal nobela beltzaren astea ospatu da Baztanen hilaren 20tik 26ra. Hainbat liburu aurkezpen, solasaldi eta bestelako ekitaldiren artean, zapatu goizeko mahai-inguruak sortu du aparteko ikusmina. Izan ere, nobela beltzaren aitzakian, bestela ere kriminal bat nola eraikitzen den... [+]

2025-01-27 | Bertsozale.eus
Bertsozalez bete da Lesaka Bertso Egunean
Bortzirietako Bertso Eskolarekin elkarlanean, egun osorako egitaraua prest geneukan Bertso Eguna ospatzeko; eta bertsozaleek ere ez dute hutsik egin: giro ederra izan da Lesakan goizetik hasita.
2025-01-27 | Bizi Baratzea | ARGIA
2x07: Salbiaz asko daukagu esateko
MULTIMEDIA - Menda Bikoitza
2025-01-27 | Mikel Garcia Idiakez
Ikasleen gurasoez kokoteraino dauden irakasleak (eta alderantziz)
Eguneraketa berriak daude