Gupidagabeak


2021eko uztailaren 16an
Erasoan datoz gure agintariak, beren azpiegitura planak karpetetan. Hemengo aldean Lasserrek eta Agerrek Orthez-Iruñea 2x2 bandako errepidea egitera tematuak dira, eta Iparla mendian hamaikagarren pista egin nahi du Etxebarrenek.

Horko aldean ere lau haragiak dabilzkigu ikara, goi karguak antolamendu politikaz mintzo direnean. Uztailaren 31ko ARGIAn pozik ageri da Joxe Joan Gonzalez de Txabarri Gipuzkoa martxan delako, dirua eta proiektuak badirelako, eta anbizio handikoak: Arrasateko eta Urumeako autobideak, A-8aren zabaltzea eta Pasaiako superportua. Ezinbestekoa hau, beste probintziek (Bilboko portuak, urrean) ez dizkiotelako gipuzkoarrei babak eltzetik aterako. Gutxi gara eta probintzialistak: ez ikusmolde orokorrik, ez osagarritasunik, ez elkartasunik.

Errege-bideko garraio basa kritikatzen dutenei ahaldun nagusiak erantzuten die ez dituela inoiz astoaren gainean ikusten, eta bai autoan eta bakarka: haren iritziz, eredu neokomunistaren bultzatzaileek dute eredu neoliberala gehien praktikatzen. Beraz, aurrera kamioiak eta besteak isilik.

Gure habitataren etorkizuna jende bakoitzaren kontzientziaren gainean uztea zer da, inozo ala makiavelikoa? Adituak izan gabe denak ohartzen gara nork bere interes txikiak begiratzen dituenean interes orokorrak izaten direla kaltetuak. Agintarien eginbidea da ororen onura bilatzea, eta horren erantzule dira, beren esku baitute herritarren jarduerak baldintzatzea, prestatzen dituzten alternatiben eta araudien bitartez, zergak hor ezarriz eta handik kenduz.

Itxura, ez dute funtsezko berritasunik nahi. Txabarrik dio indarrean den eredua aldatu baino areago (Inch-allah), eredu horri erantzuna eman behar zaiola. Presio fiskalaren bidez zaborren -enbalageen- gutxitzeko poza ez digute emango.

Nuria Lopez de Gereñu Garraio sailburuari agorrilaren 16ko Berrian galdetu diote ez ote litzatekeen komeni garraioaren murriztea. Ba, ez. Industriak merkantziak arin mugitzea eskatzen du eta horixe da gaur egungo erronka: garapenak du lehentasuna, iraunkortasuna bigarren mailakoa da -lehena hautatzeak suntsiketara eramango ez bagintu bezala-. Eta berriz ere errua jendeari bota, gain-gainetik ongizatea nahi dugula eta horretarako garapen mailari eutsi behar zaiola. Eguberriz gereziak jatea eta antipodetatik ekarri arrosak eskura izatea, hori al da ongizatea? Egunero 12.000 kamioi pasatzen ikusten duen autopistan ibiltzeak ekarriko digu garapen pertsonala?

AHTa da denetarako erremedioa. Jaurlaritza hogei urte eta gehiago agintean eta, Baionatik Bilbora zer trenbide petrala! AHTaren proiektu handios eta energia irenslearen menturan egon gabe, bazeukaten Eusko Trena doi bat zuzentzea eta nolabait Europako sarearekin lotura erraztea. Hori ezinezkoa dela esango digute, teknikarien txostenak gure aurpegiaren aurrean astinduz. Ezagutzen dugu leloa, mila aldiz entzun baitugu ingeniari nuklearrak bakarrik haizu direla atomoaren arriskuaz mintzatzera. Ba, zaila da sinestea eginak diren trenbideak hobetzea AHT berria egitea baino zailagoa dela.

Irailaren 30eko Berrian, Katrinaren efektua edo, Esther Larrañaga Ingurumenaren sailburuak iragarri du, garraioen erruz Kyotoko ituna betetzetik gero eta urrunago garenez, joera zuzentzeko plan bat egin gogo duela Lakuak. Bai, baina, alderantzizko zentzuan doaz Bartzelonako goi bileraren osteko jardukitzeak.

Beste irtenbiderik ez balitz bezala, zapal-makinak, honda-makinak eta suntsi-makinak aktibatzen dituzte, gupida gabe eta soraio pasatzen dira edozeren eta edozeinen gainean, dirua mugitzen eta negozioak ondo ibiltzen direno denok irabazle garela predikatzen diguten bitartean. Ez da dudarik, baten batzuk irabazle baino gehiago ere, aberats egiten dira.

« Gure habitataren etorkizuna jende
bakoitzaren kontzientziaren gainean
uztea zer da, inozo ala makiavelikoa?
Adituak izan gabe denak ohartzen
gara nork bere interes txikiak
begiratzen dituenean interes orokorrak
izaten direla kaltetuak. Agintarien
eginbidea da ororen onura bilatzea,
eta horren erantzule dira, beren esku
baitute herritarren jarduerak
baldintzatzea, prestatzen dituzten
alternatiben eta araudien bitartez,
zergak hor ezarriz eta handik kenduz »


Azkenak
Harri-jasotzea
Harri eskolek emandako bultzada

Harri-jasotzearen gorakada nabaritu da azken urteetan, batez ere emakumeen artean. Gazteek harri eskoletan ikasten dute kirolean esperientzia dutenengandik. Crossfit-a, sare sozialak eta telebista faktore garrantzitsuak izan dira kirolaren piztualdian, harri eskolekin batera... [+]


Kanboko Marieneko lurrak irauli dituzte ELB, Lurzaindia eta Ostia sareak

Maiatzaren 17an bertaratu eta barazkiak landatzeko hitzordua jarri diete herritarrei. Karia horretara egun osoko egitaraua osatu dute, Marieneako lurrak laborantzarako atxikiak izatearen alde.


Itzalaldiaren biharamunean, Espainiako Gobernuaren eta Red Eléctrica de Españaren arteko tirabirak dira nagusi

Pedro Sánchezek hornitzaile pribatuei eta Red Eléctrica de Españari egotzi die itzalaldiaren inguruko informazio gutxi eskaintzea, baina azken honek jakinarazi du "gutxi gorabehera" aurkitu dutela Iberiar penintsula osoko argindarra joatearen arrazoia... [+]


Homo erectusek hitz egiten zekiten?

Rudolf Botha hizkuntzalari hegoafrikarrak hipotesi bat bota berri du Homo erectus-i buruz: espezieak ahozko komunikazio moduren bat garatu zuen duela milioi bat urte baino gehiago. Homo sapiens-a da, dakigunez, hitz egiteko gai den espezie bakarra eta, beraz, hortik... [+]


Iraultza, iraultza baino lehen

Böblingen, Germaniako Erromatar Inperio Santua, 1525eko maiatzaren 12a. Georg Truchsess von Waldburgek Wurtembergeko nekazari matxinatuak mendean hartu zituen. Handik hiru egunera, maiatzaren 15ean Filipe Hessekoak eta Saxoniako dukeak bat egin zuten errebelde turingiarrak... [+]


2025-04-30 | Jon Torner Zabala
Aramu + AimarZ
Bizirik bada, musikaren berotasunagatik da

Aramu + AimarZ
Noiz: apirilaren 26an.
Non: Zumarragako Zelai-Arizti frontoi irekian.

---------------------------------------------------------

Udalaren webguneak dio: "Bide Bizia marka turistikoa eta izen bereko jaialdia Zumarragaren arima munduari erakusteko,... [+]


Gorputz hotsak
“Oso literala naizenez, marrazten dudana ulertzea gustatzen zait”

Irudimentsua eta umoretsua da, eta marraztea bere pasioa da. Oihan Iriarte Eletxigerrak (Bilbo, 2001) Autismoa eta biok (Txalaparta, 2025) liburu ilustratua sortu du autismoa ikusarazteko. Bere bizipenetatik abiatutako liburua da. Arte figuratiboaz baliatu da batez ere:... [+]


2025-04-30 | OlatuKoop sarea
Maiatzaren Lehenerako proposamen bat: lan desiragarriak eta burujabeak denontzat

Maiatzaren Lehenaren kari, bere gogoeta partekatu nahi izan du Olatukoop Ekonomia Sozial Eraldatzailea sustatzeko sareak. Langileen egunari lotuta, lanaren izaeraren eta zentzuaren inguruko gogoeta egin dute, lan burujabe eta desiragarriak denontzako garatzeak gure bizitzak eta... [+]


2025-04-30 | Estitxu Eizagirre
Zer dezake udal batek makroberriztagarrien aurrean?

Bizitza ez-berriztagarriak filma ikusentzun zuten atzo 70 inguru lagunek Villabonan. Francisco Vaquero egilea bertan izan zen eta emanaldiaren ostean hitza hartu zuten herritarrek, kargu publiko batek eta egileak berak. Hainbat gai eta ikuspegi anitzak agertu ziren, baina... [+]


2025-04-30 | Sonia González
Zaurgarritasunaren tranpa

Zenbait urtetatik hona sarri entzuten dugun kontzeptua da zaurgarritasuna. Gaur gaurkoz, diskurtso politikoetan pertsona zaurgarriez aritzea ohikoa da. Seguru nago nik ere inoiz erabili dudala berba hori Bizilan.eus webgunean, eskubide laboralak eta prestazio sozialak azaltzeko... [+]


Eurokeynesianismo militarra

Europa berrarmatu. Europa defendatzeko berrindustrializatu. Hori da azkenaldian Europar Batasuneko agintari politikoek sustatu nahi duten agenda, Europako defentsari buruzko Liburu Zuria, Europa BirArmatu eta 2030 Prestasuna planen bidez. Militarismoa sustatzeko aitzakiak dira... [+]


Errolda denontzat!

Maiatzaren 11n, igandea, Errekalde plazan (Bilbo) hitzordua dugu euskal hiri eta herrietan bizi diren pertsona guztiek errolda izan dezaten aldarrikatzeko korrikan. Ekintza hori gure udalerrietan bizi den inor erroldarik gabe ez egotea bultzatzen duen kanpaina zabal baten... [+]


Eguneraketa berriak daude