Mundua mundu den artean
Nafarroan hauteskunde usaina dabil jadanik bazterretan. Urte eta erdi falta da 2007ko hitzordurako, baina lasterketa hasitzat jo daiteke. Diario de Navarra egunkariak jo zuen pistolakada, boto asmoaren gaineko inkesta argitaratuz. Guztiz adierazgarria bera, erraten duenarengatik eta erraten ez duenarengatik. Datu guztiak aletzen abiatu gabe, itsuenak ere ondorio nagusi bat atera dezake: egun Foru Gobernuan nahiz Iruñeko Udalean duten gehiengoa galtzeko bidean egon litezke UPN eta CDN. Horretarako, hiru baldintza "baizik" ez dira behar: PSNk inkesta horretan iragartzen zaion gorakadari eustea, Nafarroa Bai berriz ere hauteskunde-indarra izatea eta ezker abertzale legez kanporatuak aurkezteko aukera izatea. Hiruretarik bigarrena baizik ez da oraingoz gauzatu.
Bistan dena, gehiengoa galtzeak ez luke berez ekarriko Diputazioaren Jauregiko oraingo maizterrak maletak prestatzen hasi beharra. Inkesta honetako datuak egiaztatuz gero ere, PSNk izanen luke giltza. Orain, Iruñeko gezur-etxapeetan bolo-bolo dabil kontua: Diario de Navarrak -Nafarroako politikaren benetako factotuma- sekulakoak eta bat eginen ditu hemendik eta 2007ra bitartean nabarristen eta sozialisten arteko adiskidetzea bultzatzeko. Xedea, abertzaleek muturra ez sartzea gure erakunde nagusietan. Hain juxtu ere, estrategia horretan urratsa -urrats bat gehiago- dateke delako inkestaren argitalpena.
Hala bada, Miguel Sanzek ez du mezua ulertu, edo ez du ulertu nahi izan. Erkidegoaren egoeraren gaineko eztabaidan inoiz baino peperoago jokatu du, bere artileriarik larriena sozialisten kontra desarratuz. Oposizioak Eguesibarrez, De Leonez eta abarrez mintzatu nahi zuen. Baita Hizkuntzan, Osasunean eta Gizarte Zerbitzuetan dagoen bordelaz edo nahaste-borrasteaz ere. Sanzek, berriz, Kataluniako Estatut-ak Espainiari -eta bidenabar Nafarroari- nonbait ekarriko dion hondamendiaz. Diario de Navarraren inkestak lekua egin zion ezker abertzale legez kanporatuak izan litzakeen emaitzei. Nafarroa Bai-ri dagokionez nahiago izan zuen alderdi bakoitzaren datuak argitara ematea, denek batera aterako lituzketenak baino. Sanzek, ordea, badaki lerro artean irakurtzen. Aralarrek, EA-EAJk eta Batzarrek baturik Foru Komunitateko hauteskunde mapari ekartzen ahal dioten inarrosaldiak Corellakoari loa laburtzen diola agerian utzi zuen delako eztabaidan. Euskararekin ausartu zen, gainera, horretarako: "Nafarroa Bai" gabe, "Nafarroa Ez" litzateke, haren irudiko, abertzale gehienen koalizioa.
Ez da harritzekoa UPNren barnean, batzuk Sanzen ordez, Barcina jarri nahirik ari badira gobernurako hurrengo hautagai.
Allik, ohi duenez, zakurrago jokatu du. Hogeita lau ordu gabe lehen adierazpenak eginak zituen hurrengo hauteskundeetan CDNkoak UPNkoekin zerrenda berean joateko premiaz. Duela zenbait urte pentsaezina izanen zena egingarria da gaur egun. Amodiorik gabeko ezkontzetan gertatzen omen dena gertatu da bikote honekin: bideak, malkartu gabe, zelaitu ditu bizikidetzak. Galdetu politikaren mundua segitzen duten kazetariei: aspaldi du UPNkoak baino UPNzaleago agertzen direla CDNko kontseilari eta zinegotziak. Alliren alderdia gobernura ailegatzean, nonbait idatzi zen polizia gaiztoaren ondoan polizia onarena nork egina bagenuela. Aginteak berdindu ditu, eta ez onerako. Boterearen miseriak. Nabarrismo zibilizatuarenak egin duela erran dezakegu jada. Ez bide da posible halakorik mundua mundu den artean.
Badira bi aste beste behin makroproiektuei kaleetan oposizio argi bat erakutsi geniela. Milaka eta milaka pertsona atera ginen kalera dinamika suntsitzaile honek amaitu behar duela aldarrikatzera. Bada, dirudienez horrek ez du lurraren suntsiketaren aldeko politikarietan inolako... [+]
EHEk deituta, Baionan manifestazioa egin dute apirilaren 6an. Euskararentzat eta euskaldunentzat justizia eskatu dute, eta Euskararen Errepublika aldarrikatu. Hilaren 11n EHEko bi kide epaituko dituzte Baionako auzitegian desobedientzia ekintza bat egin izanagatik.
Euskal Herriko Etxebizitza Sindikatu Sozialistak deitua, milaka lagun batu dira gaur eguerdian Donostian, “etxebizitzaren negozioaren aurka” eta “etxebizitzarako eskubide unibertsalaren alde”.
Euskal Herriko Pentsiodunen Mugimenduak deitutako eta ELA, LAB, ESK, CGT, CNT, STEILAS, ETXALDE eta HIRU sindikatuek babestutako manifestazioak Bilbon, Gasteizen, Donostian eta Iruñean izan dira. Bertan, Euskadiko eta Nafarroako gobernuei eskatu diete zerga eta aurrekontu... [+]
Dozenaka auzokidek babesa agertu diote proiektuari igandean. Alde Zaharreko lokala udalaren jabetza da, eta hiru urte dira hainbat eragilek elkarlanean okupatu zutela.
2024ko martxoan jokatu zen Realaren partidu baten atarian zauritu zen foam jaurtigai batekin, eta Donostiako ospitaleko Zaintza Intentsiboko Unitatean ingresatu zuten. Lurrean zela ostikoa jo zion ertzainak adierazi du "estropezu" egin zuela harekin.
Ardatzean haur filosofia izango duen Galdera Basatiak podcastak, ez alferrik, haur filosofia tailerretan barneratzeko asmoa du. Horixe hitzeman digu Iñigo Martinezek lehen atal honetan. Podcastaren zimenduak ezarri dizkigu, markoa marraztu, eta, batik bat, haurtzaroaz... [+]
Guardian Llodio fabrikako behargin gehienek epaitegira jotzeko bidea bertan behera utzi ondoren, multinazionalak lortu du nahi zuena: enpresa errentagarri bat ixtea erabateko inpunitatearekin. Ez da egun batetik bestera sortutako estrategia, eta bide luzea izan arren, erabat... [+]
Testu hau balorazio bilera baten ondorio dela esan genezakeen agian. Ordea, balorazio bilerek sarritan uzten dute aho zapore lehor eta gazi-gozoa. Astearte arratsalde eguzkitsu bat da. 16:53. Balorazio bilerara konektatu, eta erabaki dugu limoizko karamelu bana sartzea... [+]
Aurtengo Lokizaldeako Euskararen Eguna Murieta herrian ospatu dute, larunbatean, goizean hasi eta ordu txikiak handitu arte. Zita garrantzitsua eta gozagarria da Nafarroako Lizarra ondoko eskualdeko euskaltzaleentzako.
Komunitateari buruzko artikulu segida honekin hasi nintzenean, Antoine eta Antoine zeuden etxean, gazta-ganbara hutsik zegoen, hiltegirako bueltak asterokoak ziren eta hiru egunetik behin egiten genuen gazta. Hau idazten hasi naizenerako, Picardieko lagunak jaioterrira joan... [+]
Sugea entzun eta leku lehor bat etorriko zaio burura askori, narrastiek beroa behar dutela ondo barneratua baitu gizakiak. Suge guztiak ez dira berdinak, ordea; denek ez dituzte baldintza berak gustuko, eta horri esker dago, besteak beste, dagoen dibertsitatea. Bakoitzak bere... [+]
Nekazariarentzat baratzea eragozpena besterik ez da. Egungo makina bat nekazari “aurreratuk” horrela pentsatzen du. Bere lanean ez dute baratzerik behar, ezta oilategirik, ezta sagarrondorik, ezta erlauntzarik ere.
Gasteizko Basaldea etxaldean dago kokatuta Soilik nekazaritza birsortzaileko proiektua, Abetxuko auzoan, eta Jaime Garcia, Joseba Vigalondo eta Javier Chaves dira bultzatzaileak. “Lehen sektorean, eredu agroekologikoan inkorporazio berriak bultzatzea da gure helburua,... [+]