Naziogintzari buruzko adostasun handia
- ARGIAren 2.000. zenbakia ospatzeko antolatutako Topaketen lehena izan zen Bilbon hilaren 4an egindako mahai-ingurua. Astebete lehenago LARRUNeko 92 zenbakian argitaratu ziren nazio eraikuntzaz egin zituzten hausnarketak. Harrituta eta pozik dira halako gai bati buruz aritzeko emakumezkoak deitu ditugulako, ez ei da ohikoena. Berrogeita bat entzule izan zituzten, gehienak emakumezkoak.
Bost mahaikideek Larrun-en egindako lanaren azalpena amaitu zutenerako ordu eta bost minutu pasatu ziren mahai-ingurua hasi zenetik. Beraien arteko eztabaidari eman behar zion paso moderatzaileak »kronika hau sinatzen duenak» baina Josune Ariztondok publikoaren galderen txanda zabaltzea proposatu zuen, egoki gainera.
Hala ekin behar genion, baina Jone Goirizelaiak ez zuen geratu nahi nazio eraikuntzaz mahaikideen artean zegoen adostasun maila azpimarratu barik: «Txanda honetan beti gure arteko ika-miketan hasten gara, eta nik nahiago izan dut adostasun maila aipatzea, handia dela iruditu baitzait». Eta berak apuntatutakoak botatzeari ekin zion: «Autodeterminazioa, euskararen eskubideak, justizia eta demokrazia... Erabakitzeko eskubidea indarrean jartzeko unean denok independentziaren alde egingo genukeela iruditu zait, nahiz eta batzuek bakarrik aipatu dugun garbi. Printzipio horiek zein egiturekin eraman behar diren aurrera, horri buruz gehiago aritzea da faltan ikusi dudana».
Onintza Lasak ere ariketa berdina egin zuen, Goirizelaiak zerrendatutakoei lurraldetasunaren inguruan izandako adostasuna gehitu zien eta hitzaldian zehar egindako gogoeta partekatu zuen publikoarekin: «Adostasun maila ikusita, ez lirateke beste 20 urte pasatuko arazo nagusienak konpondu gabe».
Mertxe Colina bat egin zuen adostasunen kontuarekin, baina errealitatearen kontrapuntua gehitu zion: «Horrela hitz egiten aritzen garenean, askotan badirudi ados gaudela, baina gero herrietan izaten dira liskarrak. Horiek konpontzen ez badira jai dago».
Aintzane Ezenarrok adostasun horiek aurretik ere ezagutzen zirela gehitu zuen, «hemen denok gara abertzaleak». Nazio ikuspegia aurrera ateratzeko erronka abertzale eta ez abertzaleen arteko elkar ulermenean dagoela eta orain Katalunian gertatzen ari dena jarri zuen eredu gisa: «Besteak beste, nazio kontzeptu irekiago bat landu dute eta horrek ekarri du PSCk ere bat egin ahal izan duela horretan».
Denbora oso aurrera zihoan eta publikoari txanda ematea proposatu zuen Ariztondok hartu zuen hitza azkenik, festa giroa mantendu nahi zuela adieraziz baina errealismoa jarriz: «Nik adostasunak eta desadostasunak apuntatu ditut, baina ez naiz ni izango giroaren xarma apurtuko duena». Bazen ironiarik berbetan, eta desadostasunetan murgiltzea interesgarria zatekeen arren, ez zegoen denborarik. Hori bai, Kataluniakoa atera zela-eta, bizpahiru aipamen utzi zituen airean. Bere ustez, nazioaren aldarrikapena da Estatutu berrian onartu den garrantzitsuena, horrek subjektu politikoa agerian uzten duelako eta Europan oso ondo ulertzen delako horrek esan nahi duena. Hutsune gisa ikusten du Estatutu berriak ez duela inolako aipamenik egiten Ipar Kataluniaz eta Paisos Catalans direnen gainean: «Ez dute aberri handiari buruzko aipamenik egiten». Hizkuntza dela eta, «katalana ofiziala da Katalunian, baina ez Ipar Katalunian», zehaztu zuen.
Zorrotz erantzun zion EBBko idazkariak, halakoetan ohikoa duen tinkotasunarekin: «EAJ Madrilen ari denean ez du Euskal Herria ordezkatzen, bere burua baizik. Imaz, Urkullu eta ni aritu gara PSOEko ordezkariekin, baina hori publikoa da. Une honetan saiatuko gara Madrilgo Gobernuaren aurrekontuak ahalik eta txukunenak izan daitezen gure erkidegoetarako. Horrez gain, bakegintzaren alorrean, denok ari gara denokin hitz egiten».
Mahai-ingurua bukatutakoan tabernara jo genuen zerbait hartu eta ekitaldiaren nondik norakoak aipatzeko. Ariztondo eta Goirizelaia ari ziren berriketan eta bigarrenak, irribarrez, zera zioen atzeko mahaian zirenei buruz: «Esaten ari dira gu garela, Ariztondo eta Goirizelaia». «Behin baino gehiagotan egoten gara, ezta?», gaineratu zuen Ariztondok.
Batzuek etxera eta besteak afaltzera jo genuen, tartean mahaikideetako batzuk. Biharamon goizeko ordu txikiak denon buruan ziren, baina gustura ginen. Mahaiaren bueltan elkarrekin izateko aukera gehiegi ere ez dutela izaten zioten emakume politikariek. Azkenean, kazetariak egindako aktualitateko galdera airean geratu da: «Aterako al da zerbait orain dabilen saltsa guzti honetatik? Aterako beharko du, baina zerbait izatekotan 2006an ikusiko da, 2007ko hauteskundeen aurretik».
Kataluniako azken hauteskundeetako eta Europako hauteskundeetako emaitzetatik abiatuta, presio turistiko handiena bizi duten Herrialde Katalanetako herrietan eskuin muturraren botoak nola egin duen gora aztertuko dugu.
Carles Puigdemonten ihesaldiaren bertsio bat kontatu du La Vanguardiako kazetari Mayka Navarrok, "iturri ofizialetatik lortua". Lastozko txapelak, gurpildun aulki bat eta hiru ibilgailu erabili zituzten mossoak nahasteko. Puigdemontek “gaur edo bihar” hitz... [+]
Mende batean, Baionako Euskal Museoak izan duen bilakaeraz erakusketa berezia sortu dute. Argazki, tindu edo objektuak ikusgai dira. 1924an William Boissel Bordaleko militarrak bultzatu zuen museoaren sorrera, "euskal herri tradizionalaren" ondarea babesteko... [+]
Egia esan, pena ematen dit kritika honi izenburu hau ipintzea. Bizeten Carmen oso opera ederra da, sentimendu unibertsalak jorratzen dituena, hala nola pasioa, jeloskortasuna, maitatuaren posesioa, independentzia... Eta hori guztia musika-lan bikaina oinarri hartuta. Baina... [+]
Bi bortxaketa eta beste sei erasoren salaketa zuzenak jaso ditu Gasteizko Mugimendu Feministak. Elkarretaratzea egin du erasoak salatzeko txosna gunean, ostegunean. Gasteizko Udalak elkarretaratzea ostiralean 11:00etan egin du. Erasoen harira ez dute inor atzeman, momentuz.
Martxoaren 5ean zabaldutako auto batek armarria “kentzea edo ezabatzea” agindu zuen, “jarrera politiko baten aldeko posizionamendua” dela eta “neutraltasun politikoaren aurka” egiten duelako. UPNk jarri zuen salaketa, eta Atarrabiako alkate... [+]
Bizkaiko e28 koordinadorak salatu du kide trans lodi batek eraso lodifoboa pairatu duela Gurutzetako ospitaleko Genero Identitatearen Unitatean.
ARGIAko erredakzioaren eskutik, sei irakurgai proposamen.
UPNk mozioa aurkeztu du Tafallako udalbatzan gobernu taldeari eskatzeko bertan behera utz dezala Raimundo el Canastero musika taldearekin zuen kontratua jaietan kontzertu bat egiteko. Lizarrako jaietan izandako polemikaren ondoren etorri da zentsura eskaera. PSN batu zaio... [+]
Kultura eta Hizkuntza Politikako sailak nagusiki gaztelania darabilten hedabideetan "euskarazko albisteak areagotzeagatik" diru-laguntzak banatu ditu beste urte batez. Ia milioi bat euro banatu dute Noticias, Gara eta Vocento hedabide taldeen artean, artikulu batzuk... [+]
Ertzaintzak ertzain bat atxilotu du, hiru pertsona hiltzen saiatzea egotzita. Agentea lan orduetatik kanpo zegoen, eta deklaratu zuen bere buruaren defentsan egin ziela tiro furgonetan zihoazen ustezko hiru lapurri. Ertzaintzaren ikerketaren arabera, gezurra da deklaratu duena.
Haize-erroten eta eguzki-plaken ezarpen zabalarekin kezkatuta, populazioa "espekulazio energetiko" gisa kalifikatzen duen joera bati aurre egiten ari da.
Venezuelan dauden Askapena talde internazionalistaren brigadistekin hitz egin du ARGIAk, hauteskundeen osteko egoeraz eta etorkizunaz.
Carles Puigdemont erbestetik itzuli da Kataluniara zazpi urteren ondoren. Salvador Illaren inbestidura saiora joan baino lehen, Bartzelonako Garaipenaren Arkuan hitzaldi labur bat eman du milaka lagunen aurrean. Poliziak Puigdemont atxilotzeko agindua du, baina ez du lortu... [+]
