Langileek multinazional austriarra bidali eta jabe berria nahi dute
Testuinguru horretan, eta Lakuako Gobernuaren eskariz, bilera dago aurreikusia Gasteizen, irailaren 12rako. Langileek exijitzen dutenaren arabera, beren batzordeaz gainera, beste hauek guztiek egon beharko lukete bileran: Espainiako Gobernuak (SEPIren eta PSOEren bidez), Eusko Jaurlaritzak eta multinazional austriarrak. Enpresako Batzordeak, uztailaren bukaera aldera, bilera horretara joatea berriro ere azterkizun izango zuela adierazi zuen, baldin ATB enpresaren gestioa multinazional austriarraren eskuetatik libratuta, beste era bateko aterabideak emateko borondaterik ikusten ez bazuen. Eusko Jaurlaritza anfitrioi hutsa ez izatea espero dute, zeren, horrela jokatuko balu, "tranpa egiten" arituko bailitzateke. ATBk Babcock Borsig utzi egin behar duela dioen exijentzia (Konpainiatik «ahalik eta bizkorren» alde egin behar duela diote) justifikatzeko, honako hau alegatzen du Enpresako Batzordeak: "Ez da enpresa hondotik ateratzeko gai". Batzordearen iritziz, multinazionalak 18 hilabete egin ditu gerentzian eta ez du erakutsi abiarazteko edo hondotik ateratzeko asmorik. Aitzitik, Babcock Borsig kokatua dagoen lur-sailen gaineko "interes espekulatiboak" sumatu dizkiote.
Egungo egunean, enpresak desmantelatzeko zorian eta etorkizunik gabe dagoela ematen du, nahiz eta oraingo zuzendaritza, iragarritako plan industriala bete ez duen ATB multinazional austriarrari dagokiona, irailetik aurrera berriro aztertuko duela eta enpresa abian jarriko duela esaten ari den. Bere asmoa justifikatzeko, Austriako egoitza zentralera eraman du Euskal Herriko eta Espainiako kazetari-talde bat, hango instalazioak erakusteko eta beren konpromiso berritua, Ezkerraldeko enpresa hondotik ateratzekoa, jakinarazteko.
Babcock Borsig Enpresako Batzordeak, ordea, ez du sinesten benetan hondotik ateratzeko asmoa duenik, orain arteko egitateek kontrako norabidea erakusten baitute. Esate baterako, 2004 eta 2005 ekitaldiei begira, ATBk 320.000 lanorduko karga ekartzeko hitza eman zuen, baina ez da galdara bat konpontzen emandako 6.000 ordutik gora pasatu. Batzordeak dioenaren arabera, gainera, Bizkaiko enpresa horrek ezarriak dauzkan tarifaz azpitik kobratu zen konponketa. Beste eskari bat, Austrian Energy enpresak biomasako galdara konpontzeko egindakoa, aurtengo uztailerako eta abuzturako zegoen aurreikusia. Alabaina, jakina omen da Babcock-en detaileko planak bakarrik egingo direla, eta, hala ere, oraingoz ez dago kontzesiorik. Bestalde, lan hori ere enpresaren ohiko tarifen azpitik egingo litzateke. Horrez gainera, hitza jan dute, halaber, transferentzia teknologikoei buruzko promesetan, bai eta ekipamenduetako ondasunen jarduerarako garapen-zentroei dagozkienetan ere. Sail horretan, I+D arloko inbertsio garrantzitsuak jasotzekoak ziren, baina ez da hala gertatu. Horiek guztiak ikusita, Enpresako Batzordeak duda-mudan jarri ditu enpresaren benetako intentzioak. Enpresako Batzordearen iritziz, "2006ko urrira bitartean nola edo hala irautea da estrategia, gero basamortu industrial horrekin espekulatzeko".
Babcock Borsig multinazional austriarrak ondo bete du, hori bai, enplegu-murrizte progresiboa. Hirurogeita hamarreko hamarkadan (1978), 5.600 pertsona enplegatzera ere iritsi zen BW enpresa. Berregituratzeko hainbat eratako prozesuen ondorioz, langile kopurua murriztu egin zen progresiboki. BW enpresa ATB multinazional austriarraren eskuetara heldu zenerako, 700 lagunez azpikoa zen plantilla. Kopuru horretatik 450 izatera pasatu dira ATBren aldian. Orain, berriro, erregulazioko beste espediente bati heldu nahi dio, eta administrazioko 80 pertsonarengan izango luke eragina.
Asmoak ez direla asmo huts abalatzeko, ATBko zuzendaritzak jakinarazi du ezen udazkenean hasiko direla Bilbon obrak egiten, CO2 emisiorik gabeko energia produzitzeko teknologien ikerketarako eta garapenerako zentroa eraikitzeko. Inbertsio horren lehenbiziko fasean, bost milioi euro inguru jarriko dira. Trapagarango instalazioak aurrera ateratzeko -han daude enpresaren instalazio industrialak-, ATBko zuzendaritzak dio urteko 100 milioi euroko kartera lortzea espero duela, eta horrela galgatuko dituela galerak. Gaur gaurkoz, 56 milioi euroko kartera dauka. Plantillako 450 langileei dagokienez, 42 milioi euroko kostu laboralak dauzka. Multinazionalaren arabera, 12 milioi euro inguruan ibiliko dira aurtengo ekitaldiko galerak. Arduradunek diotenez, bi eskaintza lortuko dituzte luze gabe: bata Leongo Roblarako eta bestea Euskal Herrirako. Hortik, 50 milioi euro gehiago gaineratuko lukete kontratuetan, eta era horretan orekatuko lukete aurrekontua.
ATBko zuzendaritzak dio, halaber, aurrekontuak doitzekotan, gaur egun administrazioan lanean dauzkan 120 lagunetatik 80 bat dituela soberan, eta 40 bitarteko murrizketa egin beharko lukeela. Horrez gainera, gatazka laboralak ere desagertu behar duela diote, aterabidearen parte bat konponbidean jartzeko. Izan ere, baieztatu dutenez, "gatazkaren ondorioz ihes egin digute hainbat kontratuk".
Festa egiteko musika eta kontzertu eskaintza ez ezik, erakusketak, hitzaldiak, zine eta antzerki ikuskizunak eta zientoka ekintza kultural antolatu dituzte eragile ugarik Martxoaren 8aren bueltarako. Artikulu honetan, bilduma moduan, zokorrak gisa miatuko ditugu Euskal Herriko... [+]
Soco Lizarraga mediku eta Nafarroako Duintasunez Hiltzeko Eskubidea elkarteko kidearen ustez bizi testamentuak heriotza duin bat eskaini eta familiari gauzak errazten dizkio.
Bilbo Hari Gorria dinamikarekin ekarriko ditu gurera azken 150 urteetako Bilboko efemerideak Etxebarrieta Memoria Elkarteak. Iker Egiraun kideak xehetasunak eskaini dizkigu.
Laudion, Aiaran eta Okondon izango du eragina energia azpiegiturak eta plataformaren aburuz, proiektuak eta ingurumen-inpaktuaren azterketak gabezia garrantzitsuak dituzte.
"Entseatzen gira arnas gune bat sortzen Donibane Lohizunen, hain turistikoa den herri honetan". 250 kiderekin Donibane Lohizuneko Begiraleak kultur elkarteak 90 urte bete ditu aurten. Lau emaztek sortu zuten talde hauetan eramaile izan zen Madeleine de Jauregiberri... [+]
Karmela espazio autogestionastuan egingo ditu, eta Euskal Herriko zein nazioarteko gonbidatuak egongo dira bertan. "Koiuntura analisi orokorretik abiatu eta Euskal Herriko borroka internazionalistaren gakoetarainoko bidea" egingo dutela adierazi du Askapenak... [+]
33/2013 Foru Legeari Xedapen gehigarri bat gehitu zaio datozen aldaketak gauzatu ahal izateko, eta horren bidez ahalbidetzen da “erregimen frankistaren garaipenaren gorespenezkoak gertatzen diren zati sinbolikoak erretiratzea eta kupularen barnealdeko margolanak... [+]
2025 amaitu baino lehen Gernikako Estatutuan jasotzen diren eskumen guztiak izatea espero du Jaurlaritzak. Oraindik 25 eskumen falta dira. Transferentzia Batzordea aurreko astean biltzekoa zen baina "agenda arazoak" zirela eta atzeratu zuten.
Elgarrekin izena du Duplak egin duen aurtengo abestiak eta Senpereko lakuan grabatu zuten bideoklipa. Dantzari, guraso zein umeen artean azaldu ziren Pantxoa eta Peio ere. Bideoklipa laugarrengo saiakeran egin zen.
“Kasu, ez gitxu lo!”. Gure denbora eta manerekin baina heldu gira.
Azaroaren 25ean Baionako elgarretaratzera joan ez joan eta autoak nola partekatu pentsatzetik (joan-jina bi oren), bat-batean Lartzabalen elgarretaratze bat antolatu genuen, eta 47 emazte bildu!... [+]
Alemaniako Poliziak asteleheneko gertakariaren arrazoiak "politikoak" zirela baztertu duen arren, 35 urteko Alexander Scheuermann Ring Bund talde neonaziko kide zen. Bi hildako eta hamar zauritu utzi dituen atentatuaren egileak sare sozialetan "gorroto mezuak"... [+]
“Bi pertsona mota daude munduan: euskaldunak, batetik, eta euskaldunak izan nahiko luketenak, bestetik”. Gaztea zela, Mary Kim Laragan-Urangak maiz entzuten omen zuen horrelako zerbait, Idahon (AEBak), hain zuzen. Ameriketan jaio, hazi, hezi eta bizi izandakoak 70... [+]
Martxoaren 8a, Emakumeen Nazioarteko Eguna, munduan zehar milioika emakumeontzat berdintasuna, eskubideak eta justizia eskatzeko borroka eguna da. Hala ere, gerrek, gatazkek eta politika militaristen hazkundeak markatutako testuinguru global batean, inoiz baino premiazkoagoa da... [+]
Geroa Baiko lehendakari eta Nafarroako lehendakariorde izandakoa enpresa bati 2,6 milioi euroko diru-laguntzak ustez modu irregularrean emateagatik zegoen auzipetuta, Davalor auzia deiturikoan. Nafarroako Probintzia Auzitegiak erabaki du auzia behin betiko artxibatzea, legalki... [+]
Nahiz eta Nazio Batuen Erakundeak (NBE) 1977an nazioarteko egun bat bezala deklaratu zuen eta haren jatorriaren hipotesi ezberdinak diren, Martxoaren 8aren iturria berez emazte langileen mugimenduari lotua da.