Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
ostirala 2025eko urtarrilaren 03an
Joxe Joan Glz. de Txabarri: «Eredu neoliberala kritikatzen dutenak dira gehien praktikatzen dutenak»
Ahaldun Nagusiak Gipuzkoa -2.000 kilometro koadro eta 7.000.000 biztanle dituen lurraldea- berritzailea, integratzailea, euskaltzalea eta eskualdez orekatua nahi zuela abiatu zuen bere agintaldia orain bi urte. Ordura arte kanpoan aritu zen politikan eta orain etxean ari da. Espero zuen Gipuzkoa aurkitu ote duen galdezka abiatu dugu solasaldia: "Kargu honetatik gizartea sakonetik ezagutzeko aukera aurkitu dut. Gizarteak osagai zabalak eta anitzak ditu, eta etxe honetatik berauek hurbiletik ikusteko parada daukat. Diputazioak politika maiuskulaz egiteko baliabideak ematen dizkizu. Politikaren adar nagusietako bat kudeatze lana da eta erakunde honetan politika zehatza burutu behar duzu: gizartegintzan, euskalgintzan edota kulturgintzan. Zentzu horretan, etorkizuneko gizartea eraikitzeko politika zehatzak markatzen ari gara".
Donostiako Foru Ogasunean izandako sutea eta bi hildakoez jardun dugu segidan: «Gertaera larri horren aurrean gizartearen eta herritarren gaitasuna nabarmendu nahi dut, baita larrialdietarako zerbitzuen jarrera ere. Herritarrek erakundeak bere sentitzen dituztela ohartu gara. Foru Ogasuna inola ere herritarrek maite duten erakundea da. Krisialdi honi aurre egiteko oso jarrera lagungarria izan da».
Donostiako Foru Ogasunean izandako sutea eta bi hildakoez jardun dugu segidan: «Gertaera larri horren aurrean gizartearen eta herritarren gaitasuna nabarmendu nahi dut, baita larrialdietarako zerbitzuen jarrera ere. Herritarrek erakundeak bere sentitzen dituztela ohartu gara. Foru Ogasuna inola ere herritarrek maite duten erakundea da. Krisialdi honi aurre egiteko oso jarrera lagungarria izan da».
Orain bi urte, politikaren «bidegurutze»an geundela azaldu nizun. Zuk, berriz, politikaren «aukerak» lehenetsi zenuen. Zein dira Diputazio honetan aurkitu duzun aukera?
EAJ eta EAk gehiengo osoa dugu Gipuzkoan, eta eguneroko politikagintzan Aralar eta EBrekin hainbat adostasun lortu dugu, baita PSE-EErekin ere bakar batzuk -PPren kasua salbuespena da-. Gipuzkoan gehiengo osoa ez bagenu bezala jokatuko genuela esan genuen eta gainerako alderdiek jokamolde hori aitortzen digute. Jarrera garrantzizko hori aukeratu izana azpimarratuko nuke.
Bien bitartean, AuBren parte-hartzearen auzia hor dago oraindik.
AuBk eta, oro har, ezker abertzaleak bere erantzukizunei aurre egin behar die. Ezin dute besteen teilatura pilotak botatzen segi. AuBren arazoa konpontzea bere esku dago. Guk gehiengoa ez bagenu bezala jokatu dugu, baita Alderdi Politikoen Legearekiko jarrera garbia hartu ere.
Pasa gaitezen, eremuz eremu, azpiegituren esparrura. Abiadura Handiko Trena (AHT) proiektua ekonomikoki bideragarria al da?
1992an, Madrilgo Kongresura joan nintzenean, Madril eta Sevilla arteko AVE delakoa ekonomikoki bideragarria ote zen galdetzen zuten. PPk zalantzan jartzen zuen batez ere. Zalantzan jartzen zutenek zer diote orain? Beraiek dira AHT proiektua zapuztu eta baztertu nahi dutenak.
Ni gehiago ari naiz herri ekimenen ikuspuntutik, garraiorako beste alternatibak lantzen ari direnen ikuspuntutik.
Nik ez dut inor asto gainean ikusten, horienak bai direla eztabaida birtualak. Nork ikusten du gaur egun bere burua euskal arkadia zoriontsu berde batean eta asto baten gainean?
Nik ez dut asto baten gainean joan nahi duenik ezagutzen.
Nik berriz, eztabaida horiek planteatzen dituztenak bakarka eta autoetan ikusten ditut.
Bestela galdetuta: Gipuzkoa eta Bizkaiko orografia ezagututa, AHT proiektuaren 194 kilometroetatik 99 kilometro tunel izango dira, eta 300 kilometro orduko joango da trena. Hori errentagarria izango al da edo goitik behera datorren proiektua nahitaezko ote da?
Teknikoek proiektua egingarria dela diote, eta errentagarritasuna bermatua dagoela ere bai. Hendaian antzeko tren bat dago, TGV delakoa, eta ez dut inoiz kalapitak sortu duen inor ikusi. Iparraldeko lagunek onartzen al dute delako triskantza hori edo?
Ez dut uste konparatzerik dagoenik. Lapurdin oraindik ez da egin abiadura handiko trenbidea.
Baina eginda dagoena antzekoa da.
Posible al da horrenbeste kamioi bideratzen duen ekonomia neoliberal honek aurrera egitea?
Ni atzeraka eredu neokomunistek botatzen naute, ikuspegi politikotik alegia. Inor gutxi ezagutzen dut praxian eredu neokomunistaren baitan bizi dena. Burges jendearen jokabideak ikusten ditut nagusiki, eta bereziki eredu komunista hori bultzatzen dutenen artean. Eta horrek harritu egiten nau. Hau da, gauza bat predikatu eta beste bat egiten dute, aurkakoa. Eredu neoliberala kritikatzen dutenak dira berau gehien praktikatzen dutenak.
Lasarte-Oriatik Hendaiara doazen bideak, batzutan kaosa direla esango nuke.
Gipuzkoan kaosa? Gipuzkoa martxan dago dirua eta proiektuak daudelako. Errealitatea hauxe da: aurki Bergara-Arrasate autobidearen beste zati bat zabalduko dugu, 2007rako Gasteizera iritsiko dena. Berau ardatz alternatibo nagusietako bat izango da. Artean, A-8an obrak egiten ari dira eta abendurako Donostiatik Irunera bitarteko hirugarren karrila egina izango da. Anbizio handiko ekimena gauzatzen ari gara baita ere Donostiatik Andoainera iristeko, hirugarren zati alternatiboa, Urumeako autobidea. Lasarte-Oria eta Oiartzun bitartean, beste zati alternatiboa, 2007rako egingo da. Bistan da, istripu bat nahikoa da errepidea kolapsatzeko, baina bestela errepideak ez daude kolapsatuta.
Tira, zerbaitek huts egiten du, herritarrongandik hasita, jakina. Baina, zergatik egiten dira %180 kilometro orduko joan daitezkeen autoak, autobideetako abiadura 120 kilometrora mugatuta badago? Ez dagokizu zuri erantzutea badakit...
Begira, Iparraldean auto hobeak daude, baina mantsoago doaz. Iparraldean beste kultura eta heziketa bat dago eta hori gidatzean nabaritzen da, horrek asko arintzen du trafikoa. Baina zergatik zaintzen dira Lapurdin abiadura mugak eta Irunen ez?
Gipuzkoan zenbat jende mugitzen garen ere kontuan hartu beharko genuke.
Lapurdiko kostan hemen adineko jendea dago, ez dut uste hori denik kontua. Gizartearen ohitura eta eredu kontua da. Herri garraioa bultzatu behar da, norberak aukera koherenteak egin, eta ez diskurtso teorikoak egin baina autoz joan. Nik kontraesan hori aipatzen dut, diskurtsotik praxira dagoen aldea eta kontraesana.
Gipuzkoan herri garraioa indartuko da, beraz.
Etengabe ari gara indartzen. Egoera ekonomiko txukunean bizi garenez, oro har, herritarrek bere erosotasuna lehenetsi nahi -eta ahal- dute. Baina aizu, Gipuzkoako zenbait herritan auto gehiago dago biztanle baino.
Gipuzkoako errepide kilometroak kontutan hartuta, bere ekonomia hipotekatuko den beldur izan behar al dugu?
Inbertsioak aberastasun gehiago sortzen du, ekonomiaren motorea inbertsio publikoa da. Jakina, kezka pentsioekin izan daiteke, gizartean hainbat aldaketa ematen ari da: inmigrazioa dela, babesik ez duten umeak -Diputazioak 1.000 umetik gora babesten ditu-, hirugarren adineko pertsonek gero eta dependentzia handiagoa dute - 5.000 pertsonek alzheimer dute-. Gizarte sektore batzuek harrera duina behar dute. Etxe honen zeregina eremu horietarako egitasmoak bermatzea da.
Bestalde, zer moduz Akitania-Euskadiren arteko harremanak?
Akitania, Departamendu eta BAB delakoarekin ari gara lanean. Paueko Kontseiluarekin eta orobat Jean-Jacques Laserre presidentearekin harremanak sendotu ditugu, programa bat adostu dugu bakoitzak dituen eskuduntzen arabera. Jakina, langa fisikoak altxatu dira baina oraindik langa psikologiko asko dago. Euskaldunak eta auzoak gara, baina urte askotako inertziak nor bere norabidean garamatza. Europako politika egitean elkarrekin aritzeko nahia badago, baina inertziak izugarrizko indarra dauka. Herritarrak erakundeak baino aurreragoa doaz, erakundeek zailtasun gehiago dute herritarrek normaltasunez egiten dutena egiteko. Gure lana, hango eta hemengo funtzionariek harreman estua edukitzea da gizarte eta auzolanean aritu ahal izateko.
Pasaiako eskualdea da atzeratuena Gipuzkoan. Portu berria egingo al da?
Pasaiako eskualdea eta badia birgaitu eta biziberritu behar dira. Gipuzkoan baldin bada XIX. mendeko parametroetan dagoen eskualderik Pasaiako da. Batzuek Gipuzkoa AHT gabe, porturik gabe, aireporturik gabe nahi dute, baina ez dute esaten nola biziko diren, ezta bere seme-alabak ere. Guk ez dugu Gipuzkoa ikusten porturik gabe.
Erakundeen proiektuei herri alternatibak aurkeztea ondo da, ezta?
Bi kontzeptu berezi behar dira: batetik, lurraldetasunarena. Guk Gipuzkoaren interesaren alde egin behar dugu. Guri ez Lapurdik ez Nafarroak ez Bizkaiak, ez dizkigute babak eltzetik aterako.
Gipuzkoako herritarren artean eredu ezberdinak izango dira Pasaiako portua egiterakoan. Mendebaldeko eredu kapitalista eta politika neoliberalen akatsak eta mugak aztertu behar dira...
Danimarka eta Finlandiako heritarrei pasatzen ote zaie burutik eredu sozial-demokrata aurrerakoiei kontra egitea? Edo Herbeheretan? Zer nahi duzu esatea, gure politika eredua neoliberala dela eta hobe dela ezer ez egitea?
Ez dut uste ezer egin behar ez denik. Baina baliabide gutxiagorekin eta eredu xumeagoak egin daitezkeela diot, agian. Baina, nireak ideia neokomunistak direla esango didazu...
Ez. San Petersburgon antzeko portua egin da. Arkadia zoriontsuaren eredua bultza nahi dutenak Domingo Kanpaina dira (irriak). Ezin dena da eztabaidatu eta gezurretan bizi. Nork ordainduko ditu gure pentsioak eta non bizi eta lan egingo dute gure seme-alabek?
Bestalde, errauskailuen arazoa nola bideratu daiteke?
Hasteko zaborrak ez gaitzala jan. Horretarako proiektuak landu behar dira.
Ni interesez baino ikuspegiak plazaratzeko askatasunaz ari naiz. Demokrazia ordezkatuaz gain, aldian aldiko gaiak jorratzeko demokrazia parte-hartzaileari lekua eman dakiokeela.
Demokrazia formaletan hiritarra gero eta gehiago aintzakotzat hartzen da. Agintarien erantzukizuna da arazoei ahalik eta konponbiderik onena ematea.
Baina alternatiba bilatzen dutenak asto baten gainean ikusten dituzu...
Esan dezatela zaborrak nola kudeatu behar diren, nola kendu gure paretik. Esaten dutenak ez dio erantzuten gizarte ereduari. Kontua da milaka tona zabor dugula eta zer egin behar den erabaki behar dela. Jar gaitezen tesitura horretan. Gizakiak mendetan zaborrak erre egin ditu eta pertsonak lurperatu. Egun, pertsonak gero eta gehiago erre egiten dira eta zaborrak ez ditugu erre nahi. Orduan, gizarte eredua aldatu behar al da? Beharbada, lehenik gizarte ereduari erantzun bat eman beharko zaio.
«Dikotomia izugarria dago teoriatik praxira, hori da abertzaleen minbizia»
Nola laguntzen du Gipuzkoako Foru Aldundiak Eusko Jaurlaritzaren Estatutu Politiko Berriaren proposamena gauzatzeko orduan?
Egitasmoa gauzatzerakoan bide ezberdinak ikusten dira. Hiruko gobernuaren bidez, gutxiengoan. Ezker abertzalearen aldian aldiko sostenguaz... Zein da zure gustuko bidea?
Josu Jon Imazen irudiko independentziari buruzko eztabaida birtuala da. Zuretzat?
Baita eguneroko politikan ere?
Gizartea abertzalea -koalitatiboki- eskasa da orduan.
EAJko kideak horren abertzaleak ote dira praxian?
Gu bidelagunak gara. Protagonismoa, ekimena eta bultzada Ibarretxe lehendakariak daramatza, eta lidergoa modu egokian eraman ere. Jakina, ez darama bakarrik, ezta Eusko Jaurlaritzak ere. Guk egitasmoaren motorea izan nahi dugu, eta horrek nolabaiteko konplizitate politikoa eskatzen du. Azpiegitura, kulturgintza edo gizartegintzan, sektorez sektore egiten diren proiektuen laguntzaile nabarmenak gara. Estatutu Politiko Berriaren oinarriaren kudeaketa gizarte eta kultur ekimenetan oinarritzen da. Egitasmoaren planteamendua ez da kea saltzeko edo hautsak astintzeko egina. Bere oinarrian gestio lana dago eta gu proiektu politiko sendo horren eragiletako bat gara, diskurtso politikoa mamitzen duena nolabait.
Egitasmoa gauzatzerakoan bide ezberdinak ikusten dira. Hiruko gobernuaren bidez, gutxiengoan. Ezker abertzalearen aldian aldiko sostenguaz... Zein da zure gustuko bidea?
Nik ez dut hirukoaren izaera -koalitatiboki- gutxiengoan ikusten. Europan gobernu asko dago ikuspegi koantitatibotik osatze eskasagoarekin, Zapaterorena adibidez. %40arekin ari da gobernatzen eta normaltasunez ari ere. Zergatik ez ditugu kanpoan erabiltzen ditugun irizpideak euskaldunon artean erabiltzen? Euskaldunok normalizazio politikoaren aldeko apustu serioa egin behar dugu, eta horretarako ETAk apustu sendoa egin behar du. Hortik aurrera, erakundeek, Foru Aldundiak barne, rol nagusia dute. Horretan asmatu behar dugu, eta hirukoa oinarrizkoa ikusten dut.
Josu Jon Imazen irudiko independentziari buruzko eztabaida birtuala da. Zuretzat?
Ni independentista eta abertzalea naiz, eta euskaltzalea.
Baita eguneroko politikan ere?
Ahaldun Nagusiak ikuspuntu horretatik enfokatzen ditu gai guztiak. Aldiz, independentziaz etengabe hitz egiten ari den jende asko ezagutzen dut, eguneroko jardunean botijoa baino espainiarragoa dena. Herri honetan independentziaz aztoratuta eta erradikala den jendea asko dago, bere aukera pertsonalak egiten dituenean ordea, jarrera soziala guztiz espainiarra dauka. Euskararen alde horren sutsu omen den jendea erdara hutsean jarduteak nire onetik ateratzen nau.
Gizartea abertzalea -koalitatiboki- eskasa da orduan.
Ez. Hemengo herritarrak gero eta kultuagoak dira, zer nahi duen dakitena. Ongizateko gizartean bizi dira gero eta gehiago eta politikariek hori kontuan hartu behar dugu, politika zuzen egin nahi baldin badugu. Baina zer irabazten du gizarte honek diskurtsoak horrenbeste erradikaltzearekin, errealitatea bestelakoa bada? Alferrik ari gara gizarte pedagogia egiten, ez badugu asmatzen gizarte abertzalea eta euskaltzalea izaten. Dikotomia izugarria dago diskurtso teorikotik praxira. Hori da politika abertzalearen minbizia.
EAJko kideak horren abertzaleak ote dira praxian?
Alderdi guztietan denetik dago, dudarik gabe. Alderdi politikoek ez diote koordenada jakin eta zuzenei ekiten beti, ezta EAJk ere. Baina EAJ ez da diskurtsoak erradikaltzen dituena edota bazterrera jotzen duena. Beste sektore sozialek eta alderdi batzuek bai maite dutela marjinalia. Nik euskaltzaletasuna ez dut marjinalian ikusten. Europako herrialde aurreratuenen gizarte parametroetan ikusten dut gurea. Hemen finean dagoen eztabaida gizarte ereduarena da. Jakina, horregatik diot, ez dela bakarrik independentziaren eztabaida mahai gainean jarri behar, zer gizarte eredu nahi dugun ere sakonki eztabaidatu behar dugu.
«Ez euskararen gaian, ez genero kontuetan ez kirol eremuan, ez zait kuoten aplikazioa gustatzen»
Pako Sudupe idazleak, euskara hizpide zuela, kontsumitzaileen legeaz artikulu bat plazaratu zuen ARGIAn (1987. zenbakia). Beteko ez den legea zioen izenburuak eta zu aipatua zinen bertan. Legea baino zerbait gehiago behar dugu, antza.
Iñaki Barcena irakasleak berriz, orain gutxi Leitzarango ahoberoak izeneko artikulua idatzi zuen hemen ere. Nafarroako Miguel Sanz lehendakariarekin eta arerio politikoekin bat eginda irudikatu zintuen.
Hirugarrenik: Imanol Murua Ahaldun Nagusi ohia ere elkarrizketatua izan zen. Leitzarango autobidearen auzia hizpide zuela, agian egunen batean gaiaz liburu bat idatzi beharko duela esan zuen.
Ez naiz gizarte planifikatzailea eta eztabaida politikoa egiten denean, ez euskararen gaian, ez genero kontuetan ez kirol eremuan, ez zait kuoten aplikazioa gustatzen. Gure artean ingeniari sozial gehiegi dago, arazoak bulego eta dekretu bidez konpondu daitezkeela uste dutenak. Legeak, funtsean, herritarrei babesa eta eskubideak aitortzeko egiten dira. Hortik aurrera herrigintzaren eta gizartegintzaren aldekoa naiz. Pako Sudupe ni baino planifikatzaileagoa da, antza.
Iñaki Barcena irakasleak berriz, orain gutxi Leitzarango ahoberoak izeneko artikulua idatzi zuen hemen ere. Nafarroako Miguel Sanz lehendakariarekin eta arerio politikoekin bat eginda irudikatu zintuen.
Hasteko eta behin, Leitzarango autobidea euskaldun guztiok erabiltzen dugu eta harrotasun osoz erabili ere. Nafarroatik Gipuzkoara, edota Gipuzkoatik eta Bizkaitik Nafarroara joateko. Iñaki Barcenaren planteamentuak benetan birtualak dira. Iñaki Barcena jaunari galdetuko nioke ea zer errepide erabiltzen duen, egin dezala gogoeta eta ea zein errepidetan barrena dabilen esan diezagula.
Hirugarrenik: Imanol Murua Ahaldun Nagusi ohia ere elkarrizketatua izan zen. Leitzarango autobidearen auzia hizpide zuela, agian egunen batean gaiaz liburu bat idatzi beharko duela esan zuen.
Denok dugu gogoan autobidearen inguruan sortu zen polemika, nik ere bai. Imanol Muruaren adierazpenak irakurri nituenean Zuberoako kantu baten hitzak heldu zitzaizkidan gogora: "Agian, egun batez jaikiko dira egiazko zuberotarrak" dioen kantuarena, alegia. «Agian egunen batean idatziko dut liburu bat!». Ez dut uste eztabaida horiek betirako mantendu behar direnik, Imanolek autobidearen inguruko gorabeherak barru-barrutik ezagutu zituen eta berau nola gauzatu zen ere bai. Tira, gaur egunetik begiratuta, Leitzarango autobidea iragana da, eginda dago. Idatziko duela? Nik garai hartan ETAk idatzi zituen gauzak gogoratzen ditut. Edgar Allan Poe idazlearen literatura ematen zuten. Hala nola, autobidea NATOko tropak Euskal Herrian sartzeko zela esan zuen ETAk. Hemerotekan daude, literatura dirudi, baina hor daude, idatzita.
Irakurrienak
Matomo erabiliz
#1
Euskalerria irratia
#2
#4
Jenofa Berhokoirigoin
#5
Uxue Gutierrez Lorenzo
Azkenak
2025-01-03
Xabier Letona Biteri
LAB: “Klase elkartasunaren oinarrizko printzipioa da langile migranteei harrera egitea”
Botere sindikalaren inguruko bigarren azterlana argitaratu du Ipar Hegoa fundazioak. 2016an argitaratu zuen lehena eta, beraz, orain 2016 eta 2023 arteko eboluzioa ikus daiteke. Ondorio nagusien berri emateko prentsa agerraldia egin dute ostiral honetan LABeko koordinatzaile... [+]
2025-01-03
Leire Ibar
Etxegabetzeko arriskuan daude bi familia Burlatan
Burlatan, Nafarroan, bi familia euren etxeetatik kaleratuak izateko arriskuan daude. Iruñerriko Etxebizitza Sindikatu Sozialistak azaldu duenez, familia bat putre-funts batek bota nahi du, alokairu kontratua berritzea ukatu diolako; beste familia, berriz, etxejabeak bota... [+]
WordPress-en formularioak sortzeko Ninja Forms plugina euskaratu du Iametzak
WordPress-en formularioak sortzeko Ninja Forms pluginaren euskaratzea utzita zegoela ikusita, Iametzak bere gain hartu du itzulpena eguneratzeko lana.
2025-01-03
Urko Apaolaza Avila
Analisia
2025ean etxebizitza zer?
Urte berria hasi dugu, baina etxebizitza arazo oso potoloa bihurtu zaigula aspaldi honetan, hori ez da berria. Hala ere, azkenaldian zabaldu diren datuak ikusita, 2025a mugarri bat markatzekotan dela esan daiteke, eta iragar ezinak diren ondorio sozial eta politikoak antzeman... [+]
2025-01-03
Xabier Letona Biteri
Boli Kosta: Frantziako armada kanporatzen duen zazpigarren estatu afrikarra
Joan den asteartean, hilaren 31n, Boli Kostako presidente Alassane Ouattarak iragarri zuen bertan behera utziko zituela Frantziarekiko harreman militarrak. Horren ondorioz, datozen asteetan 1.000 bat soldadu frantses atera beharko dira herrialdetik.
.jpg)
2025-01-03
Leire Ibar
2025etik aurrera, Hego Euskal Herrian alokairuak gehienez %2,2 igoko dira berritzean
Espainiako Estatistika Institutuak erreferentziazko indize berria argitaratu du urtarrilaren 2an. Horren arabera, alokairuen prezioak gehienez %2,2 garestitu ahalko dira urtean. Indize hau 2023ko maiatzaren 25ean indarrean sartu zen Etxebizitza Legearen ondorio da, eta data... [+]
2025-01-03
Gedar
Pertsona afroamerikar bat kolpeka erail dute kartzelariek AEBetako espetxe batean
Hiru funtzionariok jipoitu zuten Robert Brooks, eskuak bizkarrera lotuta zituela. Hurrengo egunean hil zen, eta autopsiak dio asfixia izan zela heriotzaren kausa.
2025-01-03
ARGIA
Surf irakasle batentzat 85 urteko kartzela zigor-eskaera, adin txikikoei sexu gehiegikeriak egiteagatik
Gipuzkoako Fiskaltzaren ustez, 40 urteko irakasle hondarribiarrak 9 eta 17 urte arteko hamaika adin txikikori sexu gehiegikeriak egin zizkien 2011 eta 2021 urte artean. 2021ean kartzelatu zuten, bere sei ikaslek salaketa jarri eta gero.
2025-01-03
Jon Torner Zabala
Espainiako Pilota Federazioa
“Eskura dauzkagun lege-erreminta guztiak baliatuko ditugu Espainiaren eskubideak babesteko”
Askok espero zuen moduan, Nazioarteko Pilota Federazioak Euskadikoa onartu ostean eskubide osoko kide gisa, Espainiako kirol-erakunde, alderdi politiko edota hedabideek erabakiaren aurkako oldarraldia hasi dute, nork beretik presioa eginez. Ostegunean, Espainiako Pilota... [+]
2025-01-03
Lander Arbelaitz Mitxelena
Euskararen kontrako oldarraldia salatzeko pintaketak egin dituzte epaitegietan eta CCOO eta UGTren egoitzetan
Baionako eta Donostiako epaitegiak margotu ostean, ostegun gauean Eibarko epaitegian pintaketa egin dute zenbait ekintzailek. "Oldarraldia gelditu" idatzi dute eta pintura berdea jaurti diote eraikinari. Abenduan, CCOO sindikatuaren egoitza ugari margotu dituzte, baita... [+]
2025-01-03
Uxue Gutierrez Lorenzo
Segi dezala akelarre antifaxistak
FERMIN MUGURUZA 40. URTEURRENA
Noiz: abenduaren 21ean.
Non: Bilbo Arenan.
-------------------------------------------
Urtero janzten da festa giroz Bilbo abenduaren 21ean. Sagardoa eta taloa protagonista, San Tomas eguneko azoka eguna da. Aurten, gainera,... [+]
2025-01-03
Jenofa Berhokoirigoin
Sostengua adierazi diote Marieniako lurren aldeko borrokari hogei kolektibok
Kanboko Marienia eremuan etxebizitzak eraikitzeko proiektua badu Bouygues Immobilier agentziak. "Elkarlanaren bidez" zein "indar harremana" mantenduta, proiektua ezeztatzeko borroka eramateko determinazioa plazaratu dute adierazpen bateratu... [+]
Kultur transmisioa feminismotik zikloa izanen dute asteburuan Beran
Goldatz talde feministak antolatua, ortziralean, urtarrilaren 3an, Jantzari dokumentala proiektatuko dute Beralandetan (17:30ean) eta biharamunean, urtarrilaren 4an, Berako bestetako tradizioak aztergai izanen dituzte Maggie Bullen antropologoarekin leku berean (10:30).
Zunda bat Eguzkitik inoizko gertuen igaro da, arrakastaz
NASAren Parker zunda 6,1 milioi kilometroko distantziara arte gerturatu da Eguzkiaren azalera, bere misioaren lehen gerturatzean. Hala, Eguzkitik inoizko gertuen egon den objeku artifiziala bilakatu da. 692.000 kilometro orduko abiaduran igaro da, eta jasotako datuak funtsezkoak... [+]
2025-01-02
Xabier Letona Biteri
Langile bat hil da Zornotzan, Forest Trafic SL enpresan
Boroa industrialdean hil zen 41 urteko I.P.C langilea, abenduaren 30ean biltegiko inbentarioa egiten ari zenean. ELA eta LAB sindikatuek, eta Jaurlaritzako Segurtasun Sailak eman dute istripuaren berri.
Eguneraketa berriak daude