Bederatzi


2021eko uztailaren 27an

Anti-demokratikoak" izan omen dira EAEko azken hauteskundeak, baina, hala ere, parte hartu dute. Hori bai, hainbat herritako hormatan itsatsirik ikusten ziren kartelen gainean "anti-demokratiko" kalifikazioa partidu bat baino gehiagori leporatu, baina euren kartelak garbi.

Espainiak inposatutako legeen kontra omen daude, eta zilegitasunik ez duten lege horien arabera aurkeztu ahal izan dute besteek. Eurek?

Hainbat lan-esparrutan parte hartzeko deia jasotzen dutenean, aurreneko kritika beti bera: "Ez dugu marko hau onartzen, lurraldetasuna urratzen du, hemen EHren bi zati handi falta dira eta...", baina eremu urriko EAEn hauteskunde horietan parte hartzeko irrikan.

Aurrekoaz gain, EAEko Gobernu horrek ez omen du behar den eskumen eta ahalmenik, titere hutsa omen, baina 2005eko apiriletik aurrera osatuko duenak orain artekoa ere ezin kudeatu, lehentasuna eurek esandakoak du. Bitartean, ezta gobernu egitasmo edo programarik aurkeztu ere.

Duela hamar urte Elkarrik egin zuen diskurtsoa "traidorea" omen, orain bakea, eta orain bide politikoak garatu behar omen.

Atzo arte "gorrixa" zen oro, nostalgiko espainolista omen. Gaur eurek dira gorrixenak. Dena den, ezin harritu, halatsu izan baita beti eta: Duela hogei urte soldadutzari uko egin zion lehen gaztea inozoa iruditzen -"la mili con los milis" eta Espainiako ejertzitoan gerorako guretzat ikastea hobe-. Handik gutxira intsumisoenak... Atzerago joz gero »1980 inguru hartara» gogora datorkit orduan eta orain buruzagien ingurutxoan diharduen batek nola homosexual -ez hitz hau erabiliz, noski- guztiei sua eman behar zitzaiela aurpegiratu zidan -halakorik sostengatzeko aipatzen zuen arrazoia, beste baterako utziko dut-. Orain "homosexualenak" omen... Eta lehentxeago (1977an) feministak emagaldu eta "likidazionistak" -zer esan nahi jakin ote?- omen, baztertu beharrekoak. Handik gutxira emakumeon eskubideen defendatzaile sutsuenak... Eta 1982 aldean, ea euskara noizko galde egin nionean -euren buruzagitariko bati- "lehena independentzia eta gero txikikeria horiek" -portzierto lehengoan besteen kartelak «anti-demokratikoki» estaltzen ikusi nituen gazteak erdara hutsez ari ziren-. Ai ene! Hirurogeiko hamarkadaren erdialdera "komunistak" taldekoek zein nolako "loreak" jaso zituzten gogoan dut, eta begira, orain izenean ere eurek gorri gorrixak.

Faleeeeee! -honaino ailegatu den bat baino gehiago hori esaten hasia da, dagoeneko-. Askotan ematen dira bilakaera arraroak -nork esan niri duela 20 urte orain dudan lanbidea izanen nuenik!- dudarik ez, baina ez zaizkit sekula "ezkerreko" jarrera iruditu halako irenste akritikoak, etsai politikoaren deuseztapen fisikoa bultzatzea -edo justifikatzea- ezin dudan moduan, ez demokratiko, ez ezkertiartzat jo.

Hala ere, halako "kontraesanei"(?) inolako garrantzirik eman ez, eta hautesleen %10ek gorri gorrixei konfidantza erakutsi eta eman. Egia da -hala esan didate gertuko lagun batzuek- kontraesan historia hori ezagutu eta jakin arren, eta halakoekin ados egon ezinik ere, besterik izan dutela buruan eurei botoa ematerakoan -batzuk hauek, ez guztiek, noski-: "Indarra" omen duen horrek poltsikoan gorderik duen Bakearen Ateko Giltza ea behingoz eskuan hartu, eta Ate horrek duen sarrailan sartzen duen, eta ea behar den moduan -zabaltze aldera, noski- jiratzen duen Giltza hori. Hori omen oraingoan hainbaten itxaropena.

Hala ere, jakina da botoa ematen dutenen artean hamaika arrazoi ezberdin dagoela -talde berari ematen diotenen artean ere- baita ere boto horiek jaso dituztenen buruan hamaika irakurketa ibil daitezkeela -batek daki-. Pozik eta harro -ez dakidana da harrotasunez ala harrokeriaz- omen %10 horrek emaniko konfidantzari ez diotela iruzurrik eginen aldarrikatuz. Datozen hilabeteotan ikusi behar zertan egikaritzen den poz hori, baina hedaturik dagoen beste zerbait ere behin eta berriz entzuten dut inguruan: oraingoan ezin izanen dutela erru, ardura eta erantzukizunaren hautsa auzoko etxetarantz harrotu, bederatzi horien iritzi, boto eta gestioa -orain eta hemen- erabakiorra baita. Hor dira zenbakiak, pertsonak eta banaketak.

Iragana ez omen da bueltatzen, ezta historia errepikatzen -hala irakurtzen omen dute marxistek-. Ez dakigula egun saminik etorri, gure etorkizunaren jabe izateko bide horretan. Hirurogeigarren hamarkadan ere, poetak hori zioen -Santimamiñe egunez, kantuz- baina baita beste hau ere: «Nik ere badut nire egia, eta bankero jaunarenak -edo antzeko guzti ahaldunaren plantak egiten duenarenak- bezainbat edo baino gehiago balio du».


Azkenak
2025-01-31 | Euskal Irratiak
Ramuntxo Labat-Aramendi
“Duintasunez arituko gira; Ahetzeko herriko etxearen egoera egonkortu nahi dugu”

Lehen itzulitik bigarrenera, auzapezgotzara jauzi egin zuen Ramuntxo Labat-Aramendi abertzalearen zerrendak. Erdiespena "xinaurri lanari esker" egin zela uste du Labat-Aramendik. Ahetzen zerrendak bozen %44,39 lortu zuen urtarrilaren 12an eginiko behin betiko bozketan... [+]


Iruñean Laba elkartearen eta Windsor tabernaren lokalak bateratuko dituzte

Modu horretan, euskara eta euskal kultura hiriaren bihotzera eraman duen proiektuari egonkortasuna eta sendotasuna emanen diote.


2025-01-31 | Uriola.eus
Sukalde eta garbiketako grebaren lehen egunak %70etik gorako jarraipena izan zuen atzo, sindikatuen arabera

Ehundaka langile elkartu ostegunean Bilbon egin den giza katean “Lan baldintzak hobetu, hemen eta orain erabakita” lelopean.


Langile bat hil da Arbizun, lanean ari zela kamioi batetik karga gainera erorita

52 urteko altsasuar bat hil da ostegunean Arbizun lan istripua izan ostean, Nafarroako Foruzaingoak jakinarazi duenez. Urtea hasi zenetik Euskal Herrian lan istripu batean hildako laugarren langilea da. Ezbeharra herriko erdigunean dagoen etxebizitza bat zaharberritzeko lanetan... [+]


Greba Nafarroako hezkuntza publikoan
Ikasturteko hirugarren greba deialdia ere arrakastatsua izan dela diote sindikatuek

Ikasturtea hasi denetik hirugarren greba eguna izan da ostegunekoa Nafarroako Hezkuntza Publikoan eta goizeko mobilizazioen ondoren, LAB, Steilas, ELA eta CCOO –protestaren deitzaileak– pozik agertu dira. Euri jasak eta hotzak lagundu ditu etengabe irakasleak... [+]


Jerusalem ekialdean UNRWA debekatu izanak are gehiago zailduko du Gazarako laguntza

Urtarrilaren 30 honetan abian jarri du Israelek Jerusalem ekialderako UNRWA Palestinar Iheslarientzako Laguntza eta Lan Bulegoaren debekua. Urtarrilaren 15ean adosturiko su-etenari segi, bahituen eta presoen hirugarren trukea dute ostegun honetan.


2025-01-30 | Julene Flamarique
Erantzukizunak eskatuko dituzte Zaldibarko tragediaren bosgarren urteurrenean

Joaquin Beltran eta Alberto Sololuze gogoratzeko eta hondamendiaren erantzukizunak eskatzeko elkarretaratzea egingo dute igandean Zaldibarko Eitzaga auzoan. Luizia “enpresarien diru goseak” eragin zuela, eta Eusko Jaurlaritzak “ardura txikiena ere ez duela... [+]


Zigor gehiago espero dituzte Zarauzko EAJko zinegotzi ohiaren etxearen auzian

EAEko Auzitegi Nagusiaren epaiak ez duela "zirrikiturik utzi" dio SOS Talaimendi plataformak, eta "oraindik merezi duten legezko zehapena jaso ez duten zenbait erabaki arbitrario eta ia delituzko" geratzen direla adierazi du. Besteak beste, Zarauzko Udalak... [+]


2025-01-30 | Leire Ibar
Osasun publikoaren alde otsailaren 1ean Bilbon, Gasteizen eta Donostian kaleak betetzera deitu dute

Osasun Publikoaren Aldeko Herri Plataformak (OPA) manifestazioak deitu ditu otsailaren 1erako. Mobilizatzeko deia egin dute osasunaren pribatizazioari aurre egiteko, lehen arreta indartzeko, osasun arloko langileen baldintzak hobetzeko, prekaritateari aurre egiteko eta kudeaketa... [+]


2025-01-30 | Julene Flamarique
“Irabazi egin dugu”: Burlatako etxegabetzea gelditu du Iruñerriko Etxebizitza Sindikatu Sozialistak

Genero-indarkeriaren biktima den emakume bat eta haren bost seme-alabak, horietatik hiru hemezortzi urte beherakoak, etxetik bota nahi izan dituzte ostegunean. Erabakia aurrera eramateko baldintzarik ez zegoela argudiatuta ez dute kaleratzea burutu, baina beste data bat... [+]


Isunak kendu dizkiete ertzainei euskaraz hitz egiteagatik zigortutako donostiarrei

Eusko Jaurlaritzak isunak kendu dizkie ertzainei euskaraz hitz egiteagatik zigortuak izan ziren Donostiako herritarrei. Manex Ralla eta Amaia Abendaño dira herritar horiek, isunak kendu dizkietela baieztatu diote hedabide honi.


2025-01-30 | Leire Ibar
EITBko Euskara Batzordeak salatu du euskararen eskakizuna baztertu dela zuzendaritza postuetan

EITBko Euskara Batzordeak gaitzespena adierazi du azken hilabeteetan egindako zuzendaritza postuetarako hautaketa prozesuak direla eta. Salatu dutenez, euskarazko C1 maila ez duten hiru pertsona hautatu dituzte postu garrantzitsuetarako: EITB Mediaren zuzendaritzarako, Social... [+]


Adifek dio AHTko obretan salatutako lan-esklabotza egoerak “gezurra” direla

AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".


2025-01-30 | Aiaraldea
Amurrioko Udalak uko egin dio Aiaraldea Komunikabidearen dirulaguntza 2025eko udal aurrekontuetan sartzeari

Ostegun honetako Udal Osoko Bilkuran eztabaidatu eta bozkatuko dira Amurrioko Udaleko 2025erako aurrekontuak eta, beste behin ere, Udal Gobernuak uko egin dio Aiaraldea Komunikabidearen hitzarmen eta dirulaguntza berrezartzeari.


2025-01-30 | Ahotsa.info
KarKarCar, mugikortasun kooperatiboko proposamen berria Iruñerrian

Kar Kar Car auto elektrikoen erabiltzaileen kooperatiba ibilgailuen flota handitzen eta bere zerbitzua Iruñerriara zabaltzen ari da.


Eguneraketa berriak daude