Oiartzun: Meatze gorrizko bidean
Arditurriko bide gorriak, Oiartzungo hainbat auzo zeharkatzen ditu eta herriko plazatik 5 minutura dago. Bertara iristeko, N-1 errepidea hartuko dugu Donostia edo Irunetik inguratzen bagara. Astigarragatik bagatoz berriz, GI-2132 errepidea hartuko dugu. Azken aukera, A-8 autopista hartzea da, zuzenean eramango gaituena. Bestalde, trena edo autobusez ere irits daiteke Oiartzunera. Ibilbidea nahi dugun lekuan hasi genezake. Bide gorria Pasaiaraino luzatzen da, baina ez dago erabat lotua, nahiz martxan dagoen proiektua. Guk oraingoan, Ugaldetxo auzotik hasiko dugu, ekainean egingo den lore feriaren sarrera izango denetik.
Ibilbidea Oiartzun ibaiaren aldamenetik doa. Kokapen hori aukeratuta, orain 2.000 urte erromatarren garaietatik ustiatu diren Arditurriko meategietara, trenak egiten zuen bide historikoa ezagutarazi nahi izan da. Trenaren ibilbidea 1901ean eratu zen eta 60ko hamarkadaren erdi aldera arte egon zen indarrean. 80ko hamarkadan, udalak lur horiek erosi zituen eta Ugaldetxo, Iturriotz, Altzibar eta Ergoiengo auzoak bateratzen dituen pasealekua egin zuen. Paisaiarekin nahastuta, garai batean garrantzi handia izan zuten errota, dorretxe eta burdinola ugari ikus daitezke. Has gaitezen bada ibilbidearekin.
Lehen pausoak eman bezain pronto, bide gorriaren alboetara baratzeak ikusiko ditugu, oiartzuarrek lurrari dioten atxikipenaren adierazle. Berehala, Iturraldeko tunela zeharkatu beharko dugu. Argiztatua dago eta oso berezia da. Aurrerago, Bide gorriaren bukaeran, topatuko ditugu tunel gehiago. Dagoeneko, Iturriotz auzora iristean, bidegurutze batekin topo egingo dugu. Ezkerreko bideak zuzenean herriko plazara eramango gaitu nahi izanez gero. Gu aurrera, Altzibar auzorantz goaz. Tarte honetan, iturria eta komunak ditugu, beharra izanez gero. Hurrengo bidegurutzean, jarraitu bide gorria aurrerantz. Eskuinera, zubia pasatuz Altzibar auzoa dago. Hemendik aurrera hormigoizko bidea harri txintxarrez osatutakoak ordezkatuko du. Aurrera jarraituz, halako batean, errepideak zeharkatuko du gure bidea. Kontu handiz gurutzatu zebra bidetik. Pixkanaka mendi alderantz goaz. Ergoien auzoa geldialdia egiteko aitzakia ederra da. Bertan bi museo daude, Herri Musikaren Txokoa eta Luberri Oiartzungo ikasgune geologikoa. Jatetxe ugari, pilotalekua eta atseden hartzeko lekuak ere baditugu bertan. Konturatzerako, tunelekin topo egingo dugu eta laster batean, Arditurriko meatzetan izango gara. Paisaiaz gozatuaz, pixkanaka itzulerako bidea hartuko dugu.
Parte hartzeko aukera izango dute ekoizle, lore eta landare saltzaile, paisajista, inguruko artisau, ezti saltzaile, lurrin egile, konpostaje teknikari, sendabelar ekoizle eta gai honen inguruan lan egiten dutenek. Loriartzun Proiektuaren ekintza nagusia izango da lore feria, baina ez bakarra: zuhaitz landaketa, udalerria lorategiz hornitu, herritarrentzat oro har eta eskoletarako bereziki "sentsibilizazio programak" sortu, formazio ikastaroak eta erakusketak antolatu... Udalerriak dituen aberastasun natural, ondare kultural, historiko, gastronomiko eta baliabide turistikoak ezagutarazi nahi dira ekimen honekin, oiartzuarren parte hartzea delarik proiektuaren helburuetariko bat.
Bestalde, dagoeneko martxan da udalerrirako ingurumen-turismoa bultzatzeko tren berdea. Trena herriko plazatik abiatzen da bide gorrian barrena, geldialdiak eginez azalpenak emateko. Bi ordu inguruko bidea egiten du, aukera ezin hobea herri zoragarri hau bisitatu eta naturaz gozatzeko.
Jo ezazu turismo bulegora:
Oarsoaldea Eskualdeko Turismo Bulegoa
Donibane, 11
Tel: 943 494 521
turismooarsoaldea.net
Frantziako Gobernuak Espainiakoari baieztatu dionez, Abiadura Handiko Trena ez da Hego Euskal Herrira iritsiko (Irungo loturara) gutxienez 2042 urtera arte. Ez dago Parisen lehentasunen artean.
20 urte zituela, Alberto Flores-Uranga Mutrikutik Idahora (AEB) joan zen artzain. Bakardadean, mendietan galduta, maiz koiote eta hartzak begira zituela."Berriro egingo nuke, zalantzarik gabe", dio, garai haiek gogoratuta.
Gabonen erroa kristaua dela jakinda ere, erreferentzia katolikorik ez duten kantuak abestea erabakia du (edo eztabaida horretan dihardu) gero eta ikastetxe gehiagok, eskolaren printzipioetako bat laikotasuna dela oinarri hartuta.
.jpg)
Sortu berri duten organoaren eginkizun nagusien artean daude, besteak beste, diskriminazioaren aurkako politikak sortzea, migratzaileen eta gutxiengo etnikoen elkarteen parte hartzea sustatzea, Nafarroako arrazakeriaren egoera globala aztertzea, eta Arrazakeriaren eta... [+]
Alemaniatik etorritako goi kargu batek eman die 655 langileei enpresaren itxieraren berria, ohar bat "hoztasunez" irakurrita, eta langileei “lehiakortasun falta” egotzi die. Langileek presazko bilera eskatu diote BSHko operazio arduradun Pepe Justeri, eta... [+]
“Jaurlaritzak esateko zeukan dena esanda dago txosten horretan” adierazi du asteartean Maria Ubarretxena bozeramaileak, Jaurlaritzak 2019an egindako txostenari erreferentzia eginez. Txosten horretan egiten den kontakizuna “faltsua eta interesatua”... [+]
.jpg)
Atentatua astearte goizean izan da, Kieveko auzitegi batek Kirillovi Ukrainako tropen aurka arma kimiko debekatuak erabiltzea leporatu eta hurrengo egunean. 300 gramo TNTko karga zuen lehergailuak, eta Errusiak jazotakoa argitzeko ikerketa bat jarri du abian.
Palestinatik aberriratu eta urtebetera, Espainiako Gobernuak jakinarazi du familien harrera programa ez duela gehiago finantzatuko eta aterpetxe eta hostaletako egonaldia abenduaren 31n etengo diela. Urtarriletik aurrera Gasteizko Udalak Gazako bost familien ostatuaren gastuak... [+]
Hego Koreako presidente Yoon Suk Yeol-ek abenduaren 3ko arratsean gerra-legea ezarriz sutu zuen krisi politikoa itzaltzetik oso urruti dago oraindik. Nahiko argi badago ere kolpea sustatu zutenak ez direla irabazten ari. Oraingoz.
.jpg)
Bilboko ikastolako ikasle eta ikasle ohien talde batek zentroko irakasle baten partetik jasandako sexu abusuak zerrendatu ditu, eta komunikatu baten bidez salatu du ikastetxeak gizona babestu duela. Gertakariak azalera atera direnean ikastolak “beren burua zuritu besterik... [+]
Urriaren 19an, Xiberoko Batzorde Sindikalak bozketa egin eta adostu zuen lurraldea "babesteko zaila den eremu gisa" (ZBD) izendatzeko eskaera abiatzea, otsoaren "arriskuari" aurre egitea helburu. Artaldeei eraso egin ez badie ere, artzainek otsoari tiro... [+]
Eusko Jaurlaritzaren esku geratu dira beste bi eskumen: Itsasertzaren Antolaketa eta Kudeaketa, eta Zinematografia eta Ikus-entzunezko Jarduera. Astelehenean bildu da Transferentzien Batzorde Mistoa, Madrilen, eta han adostu dute bi eskumen horiek EAEra eskualdatzea.
