Errebisionismoa


2021eko uztailaren 27an
Joan den apirilean Aralarrek Francoren Nafarroako seme kutunaren izendapena ezereztatzeko eskatu zuen Nafarroako Parlamentuan. Ez du iduri diktadore baten memoriari ohore egiten dion titulu hori kentzea sobera eskatzea denik, baina UPNko parlamentariek ez bozkatu nahiago izan zuten. Francoren kontra agertu nahi ez izana justifikatzeko horrelako "jarrera errebisionistak" ez dituztela onartzen argudiatu zuten, argudiatu zuen Miguel Sanz UPNko -eta Nafarroako- lehendakariak; historia, historia dela eta ez dagoela norberaren gustura aldatzerik.

Nafarroan nonbait horrela ez bada ere, toki normaletan, juduen Holokaustoa gertatu zenik ukatzen dutenei deitzen zaie "errebisionista", edo, modu zabalago batean, 30 eta 40ko diktadura faxistak begi onez ikusi eta nolabait zuritzen saiatzen direnei. Espainian, gaur egun, Pío Moa dugu errebisionista nabarmenena »eta arrakastatsuena, zenbait irratitako solasaldietan entzuten ahal dena kontuan hartzera». Errebisionismoa, beraz, eskuarki eskuin muturreko politikari eta historialariekin lotzen da, hamarraldi horietan sorturiko mugimendu faxisten inguruko oinarrizko adostasun batzuk apurtu eta are gertakari batzuk ukatu nahian dabiltzanekin hain zuzen ere. Toki normaletan, errebisionismoa zer den dakiten horietan, harrigarria litzateke Hitler Bavariako seme kutuna izatea, errate baterako. Eta hala gertatuko balitz, izendapen honen aldekoak izanen lirateke errebisionistak, ez aurkakoak.

Baina, agian, gehiegi eskatzen ari gara, naski maila sobera igo dugu: barka dezagun, beraz, Nafarroako presidente jauna, aspalditik erakutsia baitu ez dela kultura zabaleko gizona, eta, esanahi akademikoak baztertuta, azter dezagun zer erran nahi izan zuen. Segur aski "errebisionismo" hitza ustezko eguneroko adiera batean erabili zuen, soilik azaleko esanahia begiratuta. Honen arabera, errebisionistak historia errebisatu, berrikusi, bertze era batean irakurri nahi dutenak izanen lirateke. Zeren izendapenen azpian -edota estatuen azpian- bada beti historia bat, edo istorio ttiki bat, ipuintxo bat. Beharbada, istorio hori ez du inork inoiz aditzera eman, ez du inork inoiz idatzi edo ahoskatu, baina hor dago, inplizituki, azpiegitura baten eran, istorio ttikietatik Historiara »letra larriz» doan haria osatuz. Gure kasuan, Franco Nafarroako seme kutun izendatzera daraman ildo narratiboa, ipuintxoa, honelako hau izan liteke »gutxi gorabehera»: "Franco agintari ona izan da, gauza anitz egin ditu Nafarroaren mesedetan eta horregatik merezi du nafarrok eskerronak adieraz diezazkiogun". Hau horrela bada, orduan bete-betean asmatu zuen Miguel Sanzek, nik bederen aitortu behar baitut erabat errebisionista naizela.

Historia eta historiaz gutxi dakitenek diote iragana bakean utzi behar dela, historia ez dagoela aldatzerik. Egia da ez dagoela gertatutako historia aldatzerik; idatzitako historia, ordea, eten gabe ari da aldatzen, interpretazio eta ikuspuntu berriak sortu ahala. Zer gertatu den, osorik, zehazki, inolako zalantzarik gabe, ez dugu inoiz jakinen, baina saiatzen ahal gara zer gertatu den asmatzen, eta gertatutakoari zentzua ematen; lan honen ondorioa idatzitako historia da, eta ikuspuntua funtsezkoa da historia idazte lan horretan. Historia egin dezakegu garaileen ikuspuntutik »eta ondorioz, Franco seme kutun izendatu», baina galtzaileen ikuspegitik ere bada historia egiterik. Francoren estatuak kentzen direnean, ez da historiaren memoria ezabatu nahi, baten batek erran duen bezala. Memoria mota zehatz bat ezabatu nahi da, indarrez inposaturiko memoria bat hain justu. Francoren ohorezko tituluak deuseztatzeko eskatzen denean, ez da "errebisionismo antzu" batean erortzen, nafartasunaren gure zaindariek adierazi duten bezala, errebisionismo emankor batean baizik, historiaren ikuspuntua baita aldatu nahi dena.


Azkenak
Bai, filosofatu dezagun heriotzaz

Zer nolako harremana dugu heriotzarekin? Zer nolakoa helduek, zer nolakoa haurrek? Adinean gora egin ahala nola aldatzen da heriotzarekiko dugun begirada? Eta nola hitz egin heriotzaz haurrekin?

Bai, gai tabua bada ere, hitz egin dezagun heriotzaz. Hirugarren saio honetan... [+]


Euskal armagintza industria eztabaidagai (II)
Itsutu nahi gaituzten gerra hotsak

Azken aste eta hilabeteetan, mota guztietako erakunde politiko eta ekonomiko eta enpresarialek etengabe altxatu dituzte gerra-hotsak. Baina zarata burrunbatsu horren asmoa argi pentsatzen ez uztea eta beldurrak gure analisia nahastea balitz? Saia gaitezen errealitate hori... [+]


Non dago palestinarren aurkako sexu-indarkeria "sistematikoaren” aurreko haserrea?

Armadak egindako genero krimenen gero eta froga gehiago dauden arren, Israelgo emakumeen kolektiboek ez dute aintzat hartu edo ukatu egin dute, neurri handi batean, NBEren gaitzespen txosten berria.


Maiatza emankorra eta oparoa: “Maiatza urteko ardatza”

Sasoitsu, osasuntsu eta bizipozez gainezka egotea dut helburu. Jaten dudanak, egiten dudanak eta pentsatzen dudanak eragina du oreka eta malgutasuna lortzeko eta tentsioa saihesteko.


Mari zuria, elurrak urtzen dituena

Anbotoko Mari ezagutzen dugu askok, Aralarko dama, Aketegiko dama eta beste izen ugariz ere ezaguna dena. Amalur izaki gorputza hartua da Mari, gure jainkosa, euskaldunon artean ezaguna. Soineko apainez jantzitako andere bezala aurkezten da herri askotan. Baina nor ote da Mari... [+]


2025-04-28 | Jakoba Errekondo
Egurra diamantea baino arraroagoa da

Egurra diamanteak baino arraroagoa, bakanagoa da. Bai, unibertsoan errazagoa da diamanteak topatzea egurra baino.


2025-04-28 | Garazi Zabaleta
Oihanartia
Alpeetako hegoaldetik Nafarroa Beherera, abeltzaintza estentsibo eta dibertsifikatuarekin

Proventza eskualdean, Alpeen hegoaldean abiatu zuten Lili Saint-Laurent euskaldunak eta Mathias Guibert proventzarrak abeltzaintza proiektua duela hamar urte pasatxo. “Ardi, ahuntz, behi, txerri eta pottokekin plantatu ginen etxalde dibertsifikatua landuz, baina laborantza... [+]


Osakidetzan euskaldunak identifikatuta: arta euskaraz bermatzeko bidean pauso bat?

Ospitalizatuta dauden pazienteek eskumuturrekoan eramango dute “e” ikurra. Hala, osasun langileek badakite herritar horiek eskatu dutela euskaraz artatua izatea. Osakidetzak dio euskarazko komunikazioa errazteko beste tresna bat gehiago dela. Proiektu zabalago bateko... [+]


“Udalak onartu duen HAPOaren ondorioz, Kabia egoera ezegonkorrean dago”

Kabia gune okupatuaren 19. urteurrena ospatzeko jarduerak egingo dituzte gaurtik domekara bitartean, apirilaren 24tik 26ra. Bi hamarkada betetzear dagoen gune autogestionatu honek hainbat gorabehera izan ditu bere ibilbidean, eta, Udala bultzatzen ari den Hiria Antolatzeko Plan... [+]


Anestesia, Delirium Tremens, Zea Mays, Talco, Zetak eta Naxker Hatortxu Rockeko iragarpen berrien artean

24 talde berri iragarri ditu Hatortxu Rock elkartasun jaialdiak. 63 talde iragarri dituzte dagoeneko eta guztira, 100 talde izango dira jaialdiko bost eszenatokietan.


Izaki Gardenak
Kantuak euria atertu zuenekoa

Izaki Gardenak
Noiz: apirilaren 20an.
Non: Iruñeko Gazteluko Plazan.

-----------------------------------------------

Ordu erdia baino ez da falta Iruñeko Gazteluko Plazan kontzertua hasteko; baina erdi hutsik da oraindik, euria ari baitu. Porlanezkoa nahiz ez den,... [+]


Trumpek gelditzeko eskatu dio Putini, eta Errusiak dio bake akordiorako ia prest dagoela

Zelenskiri Ukrainako gerra amaitu behar duen bake akordioa "arriskuan" jartzea leporatu ostean, Putini egin dio errieta Trumpek bere sare sozial Truth Socialen. Sergei Lavrov Atzerri Ministroak adierazi du bake akordioa adosteko prest dagoela Errusia. Kievek jakinarazi... [+]


Eguneko zentro publiko baten beharra aldarrikatu dute Uribe Kostako herritarrek

Bizkaian eguneko zentro publikorik ez duen eskualde bakarra da. Elkarretaratzea eginen dute apirilaren 27an, 12:00etan, Sopelako (Bizkaia) Udaletxeko plazan.


2025-04-25 | Enbata
Herriek (ere) asko egin dezakete euskararen alde

2026ko hauteskundeei begira, zutabe bat ireki du Enbata-k. Plantan emanak izanen diren zerrenda abertzaleen hautagaiei ideia kutxa bat eskaini nahi die, beren programak Herriko Etxeen eskumeneko sail ezberdinetan eraikitzeko. Hilabete honetan, Herriko Etxeek euskararen alde egin... [+]


Eguneraketa berriak daude