ARGIA.eus

Egin ARGIAkoa
Oparitu ARGIA
Gizartea Ingurumena Politika Ekonomia Kultura Euskara Feminismoa Hezkuntza Nazioartea Iritzia
ostirala 2024ko abenduaren 20an

Bero-beroan

2021eko uztailaren 19an

Zalantzak airean, egoera aldaketa

Bistan da hauteskunde kanpaina hau ez dela 2001ekoa bezain gogorra eta lehiatua. Horrek EAJ-EAri egin diezaioke kalte eta koalizio abertzalea tentsio egoera bizitzearen aldeko lanean ari da tinko. Tentsio ez horren handiaz gain, EHAKen agerpena izan daiteke bereziki EAJ-EAren emaitzak gehien uki ditzakeen eragilea, azkenean, logikoena dirudien moduan, Batasunak botoa alderdi ezagutu berriarentzat eskatzen badu. Hori baldin eta Espainiako Gobernuak EHAK legez kanpo jartzeko saiakerari ekiten ez badio. PSOEren inguruko zenbait adituren ustez, aldiz, Zapateroren Gobernuak ez du batere argi ikusten Auzitegi Konstituzionalak inpugnaziorik onartzea, batez ere ikusita Aukera Guztiak kanpo uzteko Konstituzionalean izan omen zen eztabaida luzea, ahobateko adostasunak halakorik islatzen ez badu ere. Gatazkaren irakurketatik, halaber, keinu gisa ere uler liteke EHAKen aurka ez jotzeak -azkenean hala balitz-, pentsatzekoa baita Espainiak nahiko balu, topatuko lukeela debekurako zirrikiturik.


ETA elkarrizketaren eta Zapateroren bila

PSOEren Gobernuarekin kontaktu eta elkarrizketa bila ari dela jakinarazi du ETAk Berriari eskainitako elkarrizketa luzean. Anoetako proposamenarekin bat egiten duela dio eta, beraz, proposamenaren haritik, elkarrizketaren helburua enfrentamendu armatuaren ondorioak konpontzea litzateke. Anoetako proposamenaren arabera, gatazkaren sustraietan dauden gai politikoak eragile politiko eta sozialen arteko mahai batek bideratu beharko lituzke. Elkarrizketa apirilaren 2an argitaratu zen eta El Pais-eko Luis R. Aizpeolea kazetari ezagunaren esanetan, Zapatero presidenteari begira argitaratu zen data horretan, Espainiako Gobernuburuak 4an Donostian parte hartu behar baitzuen PSE-EEren kanpainaren lehen mitinean; kazetariaren ustez, ETAk Aberri Egunerako ohikoa duen mezua, beraz, aste pare bat atzerarazi zuen Zapaterorengana gertuagotik zuzentzeko. Azkenean, dena den, Aita Sainduaren heriotza medio Zapatero ez zen Donostian izan eta PSE-EEk bere kanpaina bertan behera utzi zuen dolu agerpen gisa.


PP Espainiako banderak erretiratzen Euskaldunan

Joan den larunbatean, hilak 2, PPk Bilboko Euskalduna Jauregian emandako mitinean, antolatzaileek, mitinera eramaten zituzten Espainiako banderak erretiratzen zizkieten PPzaleei. Sarreran iragazi ez zituzten bandera batzuk astintzen hastean, berehala zihoazten antolatzaileek eta erretiratu. Mariano Rajoi zen hizlari eta ez bide zuen egoki ikusi Espainiako banderaz gainezka agertzea.


Gabi Mouesca gertutik jarraitzen du Frantziako Gobernuak

Frantziako Gobernuak Gabi Mouesca euskal herritarra gertutik jarraitzen duela erakusten du martxoan izandako gertakari batek. Mouesca Presondegietako Nazioarteko Behatokiko (OIP) lehendakaria da eta Gurutze Gorriko presondegietako ataleko arduraduna. Iparretarrak erakundearekin zerikusia zuten auziak medio, 17 urte iragan zituen Frantziako espetxeetan eta gaur egun ere ezin da Parisko erregiotik atera. Bordelen epaile ikasten ari den talde baten aurrean hitzaldi bat emateko baimena eskatu zien agintariei eta ukatu egin zioten. Mouescak ordezkari bat bidali zuen, eta hitzaldi egunean eta tokian polizia han izan zen egiaztatzeko Mouesca ez zela bertan izan. NoubelObs.com-en elkarrizketa foroan internautek egindako galderei erantzuten agertzen da pasadizoa. Elkarrizketan batez ere OIP eta presondegietako gai interesgarriak jorratzen dira (http://www.nouvelobs.com/forum/archives/forum_267.htm).


Dimisioak NUPeko euskara batzordean

Nafarroako Unibertsitate Publikoaren Hizkuntza Plangintzarako Batzordeko Patxi Salaberrik eta Koldo Asironek dimisioa aurkeztu berri dute. Patxi Salaberri etsitua agertu da Berria egunkariak egindako elkarrizketan. Euskara gaietan errektore ondokoa zenaren ustez, «errektoreak beti eskuak garbitzen ditu. Ez du sekula erabakirik hartu euskararen inguruko gaietan». Erabakiak hartzeko presioak ere aipatu ditu Salaberrik, baina berak dio: «Presioa izan badu ere, gauza gehiago egin zitzakeen; ez ditu egin nahi izan ez duelako». Euskarazko irakasgaiak emateko plangintza egiten bada irakasle berriak behar direla dio Salaberrik, «eta horiek, seguruenik, elebidunak, euskaltzaleak liratekeela eta beharbada abertzaleak. Oreka galduko litzateke, eta oreka hori ez dute galdu nahi».


Eusko Jaurlaritzak 3,3 milio euro jarriko ditu euskaltegientzat

Euskaltegi pribatuek otsailean larri zirela adierazi zuten. Ikasturte honetan zein diru-laguntza jasoko zuten ez omen zekiten eta aurreikusitako diru-laguntza, aurreko urtekoa baino %25 gutxiago omen zen. Orain, Eusko Jaurlaritzaren eskutik euskaltegi eta zentro pribatu homologatu batzuek aurreikusitakoa baino 3,3 milioi euro gehiago jasoko dute. Guztira, beraz, 13,7 milioi euro. Ikasleek laguntza zuzenak ere jasoko dituzte eta horretarako 620.000 euro egongo dira.


Sebastian artzapezpikuaren ordezkoa euskalduna izatea nahi dute

Fernando Sebastian Nafarroako artzapezpikuak 75 urte bete zituen joan den azaroan eta bidalia zion Aita Santu hilberriari kargua uzteko gutuna. Nafarroako 75 apaiz eta laikok osatutako talde batek Aita Santua zenari gutuna bidali zion esanez ordezkoak euskalduna behar duela izan eta euskararekiko konpromisoa erakutsi beharko lukeela. Bestalde, «elizbarruti bakarra osatu ahal izateko» Euskal Herriko gainerako elizbarrutiekin negoziazioak berreskuratzea eskatu du taldeak.


EHUko Farmazia Fakultateari saria euskararen aldeko lanagatik

Feuseren farmaburua izeneko saria sortu berria du Farmazilari Euskaldunen Elkarteak (FEUSE) eta lehenengo sari hori Euskal Herriko Unibertsitateko Farmazia Fakultateari eman dio.

ASTEKARIA
1987. zenbakia
2005eko apirilaren 10
Irakurrienak
Matomo erabiliz
#1
Eraso faxista Irungo Lakaxita Gaztetxearen aurka
Gedar
#2
Preso siriarra askatzen duten CNNren bideoa: iruzur salaketak
Xabier Letona Biteri
#3
Mezu kristaurik gabeko Gabon kantak, ikastetxe ugariren aukera
Mikel Garcia Idiakez
#4
Efemeridea: Carrero Blanco hil zuen ETAk Madrilen, Franco diktadorea ordezka zezakeen pertsona bakarra
ARGIA
#5
Ia urtebete daramate soldatarik gabe Bilboko ikastetxe bateko langileek, funts putre batek eraikina erosi ondoren
Leire Ibar
Azoka
Azkenak
2024-12-20 | Ainhoa Mariezkurrena Etxabe
Globo morean

Ztandap
Nork: Mirari Martiarenak eta Idoia Torrealdaik.
Noiz: abenduaren 6an.
Non: Durangoko San Agustin kultur gunean.

-------------------------------------------------

Laugarren pareta hautsi eta zuzenean, zutik eta beldurrik gabe interpelatzen du publikoa stand... [+]

2024-12-20 | Udane Barinagarrementeria Laka
Existentzia mugimenduan jartzea

TU-K
Non: Ahotsenean (Plateruena, Durango)
Noiz: Abenduaren 8an

-----------------------------------------

Bufandak, aterkiak eta begi-zuloak ditu abenduaren 8ak Durangon. Azokaren azken egunari igande eguerdia eta negu giro sarkorra gehitu zaizkio eta erdi hutsik daude Landako... [+]

2024-12-20 | Leire Artola Arin
ANALISIA
Zure herriko Baltasarrek ere ‘blackface’ egiten du?

Badatoz urteko asterik magikoenak, edo hobe esanda, kontsumistenak. Askori gustatuko litzaieke opariak Olentzeroren zakutik jasotzea, zerutik erorita bezala, baina errealitatea da Gabonetan gure zakutxoak direla gehien sufritzen dutenak, poltsikoak hustuta hasten dugula urtea... [+]

2024-12-20 | Ahotsak Ahozko Ondarea
Euskararen historia soziala Elgoibarren (1950-1990)
MULTIMEDIA - dokumentala
2024-12-20 | Aritz Peñagarikano Irazusta
Oasiaren ondorena

Nobedadea izan ohi da Durangoko Azokari lotzen zaion hitz entzunenetako bat. Nobedadea han, eta nobedadea hemen. Zenbaitetan, ordea, lehengokoari beste itxura ematea aski izaten da etiketa hori itsasteko. Talentu berriztagarriz birmasterizatutako CDek eta berrargitalpenek badute... [+]

2024-12-20 | Laskoraingo Ikasle Euskaltzaleak
Euskararen Eguneko manifestu bat

Euskara txikitasunean handia den ur emaria dugu. Bertako tanta bakoitzak gure kultura ureztatzen eta biziberritzen du. Egarri den hari itsaso bete ur eskaini. Euskara putzu sakon eta ilun batetik etorri izan bada ere, guztiok atera dugu gure ur-gazi lagina, eta guztiok bilakatu... [+]

2024-12-20 | Pikara Magazine | Garazi Basterretxea
Atzerritartasun legearen erreforma, Regularización Ya taldearen borroka alboratzen duen sasi-konponbidea

Fernanda Callejasek, Tatiana Romerok, Leo Bueriberik eta Vanessa Uyiguosak parte hartu dute Pikara Magazinek antolatutako "Emakume migratuen lana eta egoera ekonomikoa" eztabaida-mahaian.

2024-12-20 | Aratz Gallastegi Sodupe
Frantziara eta Espainiara bidean

Azaroaren erdialdean ARGIA komunikabidearen efemeridearen bitartez gogoratu dut espainiar selekzioan jokatzen jarraitzeko ukoa duela 25 urte egin nuela. Efemeride horrek atzera begiratzeko eta hausnarketa egiteko aukera eman dit.

Nazioarteko Kirol lehiak herrialdeen arteko... [+]

2024-12-20 | Hainbat egile*
Pornografia gaztetan

Gazteak gero eta lehenago hasten dira pornografia kontsumitzen; izan ere, bere sexu heziketa bakarra da pornoa. Nola demontre heldu gara honaino?

Gaur egun, onartu behar da Interneti esker pornografia ikustea askoz errazagoa dela. Tamalez, klik baten bidez 7-9 urte arteko... [+]

2024-12-20 | Xabier Letona Biteri
Hedabideen iruzurrak
Preso siriarra askatzen duten CNNren bideoa: iruzur salaketak

Bideoak erakusten du nola CNN telebista kateko nazioarteko buru Clarissa Ward kazetaria ari den sartzen Siriako kartzela sekretu batean, eta nola grabatzen den preso bat askatzen duten unea.

2024-12-20 | Gedar
Eraso faxista Irungo Lakaxita Gaztetxearen aurka

 Eraikin osoan zehar egin dituzte margoketa faxistak. Erasoa salatzeko, protesta bat antolatu dute larunbaterako.

2024-12-20 | Euskal Irratiak
France 3 Euskal Herri katearen berri saila, berriz ere murrizturik

France 3 Euskal Herri telebista katea apalduz doa. Kate horretako kazetari eta langileek jakin berri dute berriz ere programazio eta finantzaketa apaltze bat pairatuko dutela. Egun oroz, zazpi minutuko berriak eman izan dituzte, baina iragan udatik bi minutuz murriztu zieten... [+]

2024-12-20 | Uriola.eus
Bilboko Loraldia Festibalaren 11. edizioarako sarrerak salgai daude

2025eko martxoaren 10etik 30era Loraldia Festibalaren 11. edizioa ospatuko du Loraldiak, Trikua esnatu da lemapean. Programazio artistikoak proposamen anitzak eskainiko ditu Bilbon, diziplina ezberdinak uztartuko dira eta 100 sortzailetik gora bilduko ditu. Loraldiak jada... [+]

2024-12-20 | Hala Bedi
Okupazioaren aurkako neurri berriari ezetz esan diote Gasteizen, hainbat gaztetxek eta kolektibok deitutako elkarretaratzean

Gaur, behin betiko bozkatuko da okupazioaren aurkako lege-aldaketa kongresuan. Atzo, Eusko Jaurlaritzaren aurrean elkarretaratzea egin dute hainbat gaztetxeetako kideek; aldarrikatu dute "okupazioaren aurkako kriminalizazio oro gelditzea, eta okupazioaren aurkako neurri... [+]

2024-12-20 | Irutxuloko Hitza | Beñat Parra
Gizon bati espetxe zigorra ezarri diote, Donostian emakume bat bortxatzen saiatzeagatik

Gipuzkoako Auzitegiak urte eta erdiko espetxe zigorra ezarri dio gizon bati, emakume bat bortxatzen saiatzeagatik. Epaiketa asteazkenean egin zuten, eta, hasi aurretik, gizonak gertakariak onartu eta akordioa erdietsi zuen Fiskaltzarekin eta akusazio partikularrarekin, zigorra... [+]

Eguneraketa berriak daude