Bero-beroan


2021eko uztailaren 27an

18/98 auzia salatu eta auzipetuei sostengua emateko taldea sortu da

Espainiako Auzitegi Nazionalak abiarazitako 18/98 auziaren oinarria ETAren kontrolpean izatea da eta, beraz, haren zerbitzura: argudio horren karira 1998tik 221 lagun atxilotu dituzte eta 143 auziperatu »akusatu guztiak dira etakide edo ETAren kolaboratzaile». 2005eko udaberri edo uda garaian egin liteke makrosumario honen epaiketa eta berau salatzeko eta auziperatuei sostengua emateko sortu da 18/98 + taldea. Auzi honekin, Xaki, Ekin eta Joxemi Zumalabe Fundazioa taldeak legez kanpo jarri ziren eta Egin, Egin Irratia eta Ardi Beltza komunikabideak itxi. Fiskaltzak guztira 1.102 urteko kartzela zigorra eskatzen du 62 inputatuentzat, 51 urteko espetxe zigorretik (Xabier Alegriarentzat) 10 urteko zigorreraino. Iñaki Lasagabaster, Xabier Ezeizabarrena, Maite Aristegi, Maixux Rekalde, Paul Rios, Martxelo Otamendi, Teresa Toda eta Roberto Lopez de Etxezarreta dira, besteak beste, sostengu talde honetako kideak.



EAJk eta EAk koalizio akordioa lortu dute dagoeneko

Oraingoan isilean lortu dute akordioa EAJk eta EAk, eta horren arabera koalizioan joango dira EAEko maiatzeko hauteskunde autonomikoetara. Eserlekuen banaketa aldetik, aurreko koalizio akordioaren antzekoa da honakoa eta EAk bere talde parlamentarioari eutsiko dio. EAk bere azken kongresuan hauteskundeetara bakarrik joateko apustua egin zuen, baina Ibarretxe Planak oraingoan EAJrekin aurkeztera bultzatu du.



Jon Agirre euskal presoa: 62 urte ditu, 23 darama kartzelan eta gaixo dago

Jon Agirre 62 urteko preso aramaioarra 1981etik dago preso eta gaur egun Malagako espetxean da. Jadanik 13 espetxetatik pasatu da eta 23 urtetan zehar beti lehen graduan izan dute, bizitza arrunteko espetxe erregimenik gogorrenean. Besteak beste, hezurretako min handiak ditu eta oinetan sentsibilitatea galtzen ari da. Atxilotu zutenean Arrasaten bizi zen eta bertan eratu da presoa askatzeko herri ekimena: Euskal Herrira ekartzea da taldearen aldarrikapen nagusia, era horretan, behar adinako osasun zainketa izateaz gain, bere familiatik gertu egon ahal izango delako.



PSE-EEren Kataluniako ispilua

PSE-EEk aurkeztu ditu jada Gernikako Estatutuaren erreformarako testuaren oinarriak eta horien norabidean agerikoa da Kataluniako beren alderdikideen eragina. PSE-EEk ez du halakorik ezkutatzen eta »ARGIAren zenbaki honetan Patxi Lopezek aitortzen duen legez» Maragallen alderdiaren norabidea gustuko duela azaltzen du. Abertzaleen aldetik, dena den, urruti ikusten da batzuen eta besteen arteko parekotasun hori, eta errealitatean ere nahiko modu objektiboan esan daiteke bien artean desberdintasun esanguratsuak direla. Marko juridiko-politiko berriaren bila, euskal lurraldeez jarduteko erabiltzen duen nazio kontzeptuaren sakontzea izan daiteke osagai berritzaileenetako bat: EAEri buruz ari da denean, baina onartzen da Euskal Herriaren kontzeptu kulturala. Ekimen hau ere, Ibarretxe Planaren bozketa garaian dator. PSOEk Estatu osorako nahiko lukeen eredua homogeneoaren lerro nagusiak marka ditzake aurrera begira.



Euskalerria Irratia berriz ere diru laguntzarik gabe

Nafarroako Hizkuntza Politikarako Zuzendaritza Nagusiak diru laguntzarik gabe utzi du aurten Euskalerria Irratia. Irratiak egindako eskaerari ezetz erantzun dio Pedro Pegenaute Hizkuntza Politikako zuzendariak eta hona eman duen arrazoia: lizentziarik ez izatea. Iaz, berriz, egoera berean egonda, lizentziarik gabe alegia, diru laguntza jaso zuen. 1991. urteaz geroztik 2002.ean izan ezik, guztietan jaso dute laguntza. Aurtengo ezetza jasota, Mikel Bujanda irratiko zuzendariak esan digunez, zuloa betetzeko laguntza eskatu dute, adibidez, bazkide egitea. Era batera edo bestera lagundu nahi duenak hemen du irratiko telefonoa: 948170151.



Andres Urrutia euskaltzainburu

Jean Haritschelarren ordezko aukeratu dute Andres Urrutia bilbotarra. Kargu horretarako bera baino ez da aurkeztu eta gehiengo osoz aukeratu dute gainerako 23 euskaltzainek. Urrutiak esan duenez, aldaketa handirik ez da izango Euskaltzaindiaren jardunean. Euskara batuaren normalkuntzaren aldeko urratsak ematen segiko du. Zuzendaritza osoa berritu dute eta hona gainerako karguak: Beñat Oihartzabal (euskaltzainburu ordea), Xabier Kintana (idazkaria), Jose Luis Lizundia (diruzaina), Henrike Knorr (Iker sailburua) eta Andres Iñigo (Jagon sailburua).



Euskarazko Produktuen Katalogoa 2004-2005

16 urte bitarteko haur eta gazteentzako katalogoa kalean dago jada. Katalogo honek euskarazko diskoak, mahai-jokoak, filmak eta liburuak biltzen ditu, besteren artean. 1997. urtean Nafarroako Euskara Zerbitzua hasi zen lan honetan eta orain EAEn ere banatzen da. 220.000 ale banatu dituzte. Katalogoa eskuratu nahi duenak erabili.com web gunean eska dezake.


ASTEKARIA
2004ko abenduaren 26a
Azoka
Azkenak
2025-04-03 | El Salto
Luigi Mangionerentzat heriotz zigorra eskatuko du fiskalak, osasun aseguru-etxe bateko buruaren hilketagatik

Heriotza-zigorra eskatzeko argudio gisa, "indarkeria politikoko ekintza" izan zela adierazi du AEBetako Fiskal Nagusiak.


2025-04-03 | Gedar
Israel Premier Tech talde sionista Lizarrako txirrindularitza-lasterketa batetik kanporatzea lortu dute

Palestinarekin Elkartasuna plataformaren ekimenez, txirrindularitzarekin lotura duten 70 bat pertsonak eskatu dute talde sionistak ez dezala txapelketan parte hartu, eta lortu dute.


Espetxera bidali dute Ion Aranburu realzaleari Sorian egindako erasoaren harira atxilotuetako bat

Ion Aranburu koma egoeran eta ZIUan ingresatuta egon zen hainbat astez, erasoaren ondorioz.


Israelgo presondegietako torturak argira ekarri ditu The Independent komunikabideak

Lekukotasunak, autopsia txostenak eta atxiloaldian izenpeturiko adierazpenak bildu ditu The Independent komunikabide britainiarrak. 2023ko urriaren 7az geroztik 70 palestinarrek dute bizia galdu Israelgo presondegietan. Palestinar presoen alde dabilen Addameer elkartearen... [+]


Kutxa Banku Fundazioa ez da ados agertu Arriolaren adierazpenekin: “Euskara ez da oztopo”

Kutxa Banku Fundazioak adierazi du Kutxabankeko presidentearen adierazpenek ez dutela fundazioaren pentsamoldea islatzen, "Hizkuntza aniztasuna beti da aberastasun iturri, nekez izan daiteke oztopo", argudiatu dute.


Lineal A idazkunik luzeena

Lineal A duela 4.800-4.500 urte erabilitako idazkera minoikoa da. Berriki, Kretako Knossos jauregi ezagunean, bolizko objektu berezi bat aurkitu dute, ziurrenik zeremonia-zetro gisa erabiliko zutena. Objektuak bi idazkun ditu; bata, kirtenean, laburragoa da eta aurkitutako... [+]


Gizonak frontera, emakumeak zubira

Londres, 1944. Dorothy izeneko emakume bati argazkiak atera zizkioten Waterloo zubian soldatze lanak egiten ari zela. Dorothyri buruz izena beste daturik ez daukagu, baina duela hamar urte arte hori ere ez genekien. Argazki sorta 2015ean topatu zuen Christine Wall... [+]


Resako aztarnategia Andosillan
Ebroko muga zaharraren lorratzetan

Nafarroako Erriberako Andosilla herrian, sorpresa ugari ematen ari den indusketa arkeologikoa egiten ari dira Aranzadiko arkeologoak eta herritar boluntario taldeak. Resako aztarnategian orain arte oso ezezaguna zaigun Goi Erdi Aroko gizarteak hobeto ulertzeko aztarnak aurkitu... [+]


Pippi Kaltzaluzek 80 urte bete ditu, beti bezain iraultzaile

Pippi Kaltzaluzeren istorioak lehenengoz kaleratu zirenetik 80 urte bete direla-eta, leku berezia eskaini diote Boloniako Nazioarteko Haur eta Gazte Liburu Azokan. Azkarra, independentea, errebeldea, lotsagabea, menderakaitza, apur bat basatia, sormen handikoa, ausarta eta... [+]


Trans Pertsonen Lehen Mailako Arretako Zerbitzuak jarriko ditu abian Osakidetzak

Araba, Bizkaia eta Gipuzkoako trans pertsonei zuzendutako protokolo asistentziala eguneratzea da helburua. Lehen Mailako Arretako Taldeak (LMAT), trans pertsonentzako Lehen Mailako Arretako Zerbitzu berriak (tLMAZ) eta Gurutzetako Unibertsitate Ospitalean dagoen Genero... [+]


Osakidetzako datuen kontraesanak: itxaron-zerrendak behera, herritarren kexak gora?

Jaurlaritzak ziurtatu du itxaron-zerrendak bi hilabetetik behera jaitsi direla azken hiruhilekoan. Manu Lezertua EAEko arartekoak, berriz, beste datu bat nabarmendu du herritarren kexei buruzko urteko txostenean: Osakidetzari dagozkion kexak %70 igo dira, eta batez ere... [+]


“Neutrotzat aurkezten dena, egiaz, ideologia nagusiaren konplizea da”

Gozamen aparta bezain deskribatzeko zaila dakar, norbaiten hitzak irakurri edo entzun ostean, zera pentsatzeak: “Horixe zen neu aurreko hartan azaltzen saiatu nintzena!”. Idazlea eta itzultzailea da María Reimóndez, eta galegoz aritzen da, hizkuntza... [+]


Unibertsitate pribatuak sortzeko baldintzak gogortu nahi ditu Espainiako Gobernuak

Ugaritu diren “txiringito pribatuei” muga jartzeko asmoz, unibertsitate berriak sortzeko baldintzak gogortu nahi ditu Espainiako Gobernuak. Euskal Herrian polemika artean jaio zen azken unibertsitate pribatuak adibidez, Gasteizko Euneizek, gaur gaurkoz ez ditu... [+]


Segurtasuna, etorkinak eta beldurra

Segurtasun falta dagoen irudipena handitu dela azaldu du Eustaten azken txostenak. Gurean, Trapagaranen, Segurtasuna orain, delinkuenteen aurka manifestaziora deitu dute herritar batzuek.

Bi izan dira sentsazio hori zabaltzeko arrazoiak. Batetik, udalak Udaltzaingoaren... [+]


Eguneraketa berriak daude