Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
astelehena 2024ko abuztuaren 26an
Bero-beroan
Auzitan da sakabanaketa
Karmele Solaguren Ekain Gerra euskal presoaren amaren heriotzak berriz astindu ditu sakabanaketaren zutoinak eta oraingoan, gainera, ez da batere oharkabean iragan Patxi Lopezek egindako adierazpena, beste hitz batzuekin esanda baina honakoa gutxi gora behera: saihestu beharko litzateke halako ondorioak dakartzan politika, baina oraingoz mantendu beharra dago. Edozein egoeratan esan daitezkeenak dira »baina orain arte ez zaio inoiz halakorik entzun PSE-EEko idazkari nagusi bati», baina egungo egoera berezian esateak interpretazio baikorrerako ateak zabaltzen ditu, ate horiek zabalik izan nahi dituenarentzat behintzat. Boluntarismoa ere izan liteke, entzun nahi direnen interpretazio interesatua egitea alegia, baina ETAren atentatuen aurrean Jose Luis Rodriguez Zapateroren berbak ere neurtuak direla aipatu da toki askotatik, eta dena kasualitatearen boluntarismoan uztea, baikortasunerako joera bezain boluntarista izan liteke, baina txarrerako norabidean.
Ibarretxe Planaren bozketa azken txanpan
Eusko Legebiltzarrean dagoeneko dena prest dago Ibarretxe Plana azken bozketan sar dadin. Hilaren 20an autogobernuaren gaia jorratu duen Batzordean bozkatuko da eta 30ean osoko bilkuran. Posizio guztiak daude beren lekuetan eta horrek horrela jarraitzen badu, plana ez da aurrera aterako, orain pentsatua dagoen bezala, dena batean bozkatzen bada. Giro gogorra sor liteke, zalantzarik gabe, eta une honetan dauden zubiak eztandarazi ditzake plana ez onartzeak.
Zestoarrek ezetza eman diote zabor errausketari
Zestoan erroldaturik dauden herritarren %91k ezezkoa eman zion Gipuzkoako Diputazioak zaborren kudeaketarako proposatzen duen errausketa ereduari. 2.727 pertsonek zuten «Zaborraren arazoaren aurrean errausketan oinarritzen den Gipuzkoako Foru Aldundiaren eta Mankomunitateen planarekin ados al zaude?» galderari erantzuteko eskubidea, horietatik 1.641 joan ziren bozkatzera eta 1.495ek ezetz bozkatu zuen. EAJk eta EAk dute alkatetza Zestoan (zazpi zinegotzi) eta beste lauak Bagoaz ezker abertzaleko plataformakoak dira. Udalak erreferenduma egitea onartu zuen eta Diputazioa ez zen ados horrekin. Emaitza esanguratsua da, areago errausketaren aurka egon den mugimendu handiarekin, eta aurrera begira ate berriak zabal ditzake halako arazoen aurrean hiritarren iritziak kontuan hartzeko.
Soka tenkatzen ari da
Bonba mehatxua ETArena edo beste norbaitena izanda ere, bere eragina oso agerikoa izan da, Bernabeu futbol zelaia jendez husteak oihartzun handia izan baitzuen komunikabideetan. Egia esan, aurrekariak ez ziren txantxetan ibiltzeko gisakoak eta halako gune baten hustuketa bera ere tragikoa bilaka dezake izuak berak. Ondoren, begirada gehienak berriz zuzentzen dira Batasunera, batzuk ohiko kontuak eske eta beste batzuk Belodromokoa eta egoera hau nola ulertu behar den azaltzeko eskatuz. Aspaldi ez bezala soka tenkatzen ari da eta bere malgutasuna neurtu ahal izango da orain. Halako prozesu guztietan ematen dira halako tentsio uneak eta gaitza da esaten zerbait egozten ari den hala ez, baina bai esan liteke horretarako baldintzak egon badaudela. ETAren eta kale borroka gertaeren intentsitate maila txikia izan daitezke adierazle esanguratsuenetako batzuk. Baina, noiz arte eutsiko dio sokak su-eten egoerarik gabe?
Euskarazko blogak ugaltzen
Patxi gaztelumendik sortu berri du bloga. Durangoko Liburu eta Disko Azokako egunetan hasi zen blogean idazten eta egunero idazteko asmoa du. Berak dioenez Internet piztu dute bitakorek (blogek). Beste blog bat Igor Leturiak sortu du eta komikiari eta informatikari egingo die tartea.
EHEren 25. urteurrenaren ospakizuna
Hilaren 18an Iruñean, Anaitasunan, ospatuko dute Euskal Herrian Euskaraz-ekoek 25 urteko jarduna. Surfin Kaosek doinua jarrita eta Fredi Paiak letra jarrita, bereziki gazteei zuzendutako kantua aurkeztu berri dute. Ospakizuna dute buruan, baina aldarrikapena ez dute ahaztu. Abenduaren 11n, Baluarten (Iruñea), Klasikoak bildumaren aurkezpenean, euskararen ofizialtasuna eskatuz protesta egin zuten Sanz lehendakaria hitzaldia ematen ari zela.
Jean Haritschelarren agurra
16 urtez izan da Euskaltzaindiako lehendakaria eta 81 urterekin utziko du lehendakaritza. Atzera begira hasita ordea, Haritschelarrek ez ditu 16 urte horiek soilik gogoan, aurrez 22 urte egin baitzituen lehendakariorde karguan. Hainbeste urteko ibilbidean lortutako emaitzarik onenentzat ditu Hiztegi Orokorra, Gramatika (zazpigarren tomoa laster argitaratuko dute) eta Atlasa. Euskaltzaindiako lehendakari berria abenduaren 17an aukeratuko dute.
Euskararen Etxea Bilbon
Bizkaian euskararen inguruan lan egiten duen hainbat elkartek hor izango du egoitza, San Inazio kalean. Eusko Jaurlaritzaren, Bizkaiko Foru Aldundiaren eta Bilboko Udalaren ekimenez prestatutako eraikinean euskaltzale eta ikertzaileentzako lekua egongo da eta baita euskararen historiari buruzko informazioa ere.
Nafarroako AEK eta IKA Gobernuko Hezkuntza Saileko ordezkariekin
2005eko aurrekontuak aurkeztutakoan ipurdiko ederra eman zien Sanzen Gobernuak Nafarroako euskaltegiei: iazkoaren herena jasoko dute datorren urtean. Euskararen alorrak diru-laguntzak murriztea ia atal guztietan nozitu du, baina euskaltegien atzerakada adinakorik ez. Hezkuntza Saileko ordezkariek ez dute arrazoirik eman horrelako erabakia hartu izanagatik, diru gutxi dagoela esan dute, besterik gabe.
Irakurrienak
Matomo erabiliz
#1
#2
#3
Iñaki Sanz-Azkue
Azkenak
Stop azpikontratazioa
Esku-hartze sozialeko sektore publikoaren alde.
2024-08-23
Julen Ugartemendia Carcedo
Pablo Gonzalezen aurkako mendekua ikusten du haren abokatuak, Poloniako Gobernuaren jarreran
Pablo Gonzalezek Errusian jarraitzen du, Poloniako Gobernuak pasaporteak konfiskatu zizkion kazetariari eta "Poloniako autoritateen esperoan" daude, Euskal Herrira bueltatzeko. Hala azaldu dio Gonzalo Boyé abokatuak Berriari.
2024-08-23
Manex Usarralde Garmendia
Garikoitz Aspiazu euskal presoa Martutenera lekualdatu dute Lannemezandik
Etxeratek jakinarazi duenez, ostegun honetan gauzatu dute lekualdatzea. Orain, bost euskal preso gelditzen dira Frantziako espetxeetan.
2024-08-23
Xabier Letona Biteri
Bideko Autobidearen ordainketa 2027tik 2030era atzeratuko du Nafarroako Gobernuak
Ordura arte Nafarroako Gobernuak 477 milioi euro ordaindu beharko dizkio Abertis konpainiari, 2023an honek erosi baitzuen Autobidearen ustiaketaren emakida 110 milioi eurorengatik. Itzalpeko ordainketek urtero modu gogorrean baldintzatzen dituzte Nafarroako Gobernuaren... [+]
2024-08-23
Julen Ugartemendia Carcedo
Jon Irazabal Agirre hil da, 30 urtez Durangoko Azokaren zuzendaria izandakoa
63 urteko iurretarra Gerediaga Elkarteko kudeatzailea izan zen 1982tik 2018ra. “Bere kezkei eta borrokari esker”, Durangaldeko historia ikertu eta zabaltzeko “erreferentzia nagusietako bat” izan dela nabarmendu dute elkartetik.
2024-08-23
Mikel González De Reparaz
112 hitzetan emergentziak saihesteko prebentzio-aholkuak
Umeak uretan, belarriak tente
2024-08-23
ARGIA
Burlatako sexu erasoa dela eta 18 urteko gazte bat atxilotu dute
Joan den astean izan ziren Burlatako jaiak eta aste honetan jakin da adingabeko neska gazte batek izandako sexu erasoa. Espainiako Poliziak, halaber, jakinarazi du erasoarekin lotutako 18 urteko gazte bat atxilotu zuela joan den igandean.
Eguneraketa berriak daude