Karlos Gimenezen erditzea


2021eko uztailaren 20an
Antton valverderekin hasi zen estudioko lanetan, Lizardiren olerkietan oinarritutako disko batean hain zuzen ere. Orduz geroztik, hainbat kantarirekin ikusi ahal izan dugu bai oholtza gainean eta bai diskoetako kredituetan ere. Musikari profesional gisa eman dituen urte horien guztien ostean, bere estreinako bakarlana argitaratu du Karlos Gimenez pianojoleak. 12 Geltoki izeneko diskoan pianoa eta musikari ordiziarraren heldutasun eta trebezia dira protagonista. Izan ere, pianoan oinarrituriko lana baita 12 Geltoki. Eta beraz, ez du beste instrumenturik lagun disko osoan. César Ibarretxe teknikari zuela Gimenezek Elkar estudioetan grabatu du lehen lana eta Elkar diskoetxearen Laida azpizigiluak kaleratu du.

Biziaren pasaera

Ordiziako Kimetz Emakumeen Elkarteak proposaturiko kontzertu bat izan zen Gimenez bakarkako disko bat sortzeko tentatu zuen ideietako bat. "Emanaldi bat egitea proposatu zidaten eta, emakumea denez bizia ematen diguna, bizitzari buruzko zerbait prestatzea bururatu zitzaidan", diosku ordiziarrak. Horrela, errepertorioa haurdunaldia islatuz hastea erabaki zuen Gimenezek: "Hiru seme-alaba ditut eta momentu horiek oso ederrak izan dira niretzat, hortaz, garai horiek nire lanean agertzea nahi nuen". Kontzertu hartako zenbait kantek eta gero sortutako beste hainbat konposiziok osatzen dute Gimenezen estreinako bakarlana. 12 Geltoki lanean bizitzaren aro guztiek dute tokia, heriotzak izan ezik: "Beldurragatik agian, eta bestetik bukaera zelako eta ez nuen bukaera tristerik nahi".

Pianoa izanik grabatu beharreko instrumentu bakarra, 12 Geltoki bi egunetan grabatu zuen. Kanta bakoitzaren bertsio bat baino gehiago grabatu zituen Gimenezek, horietatik gero "espresiboena" edota "zuzenena" hautatzeko. Musikari ordiziarraren garai ezberdinetako kantak biltzen dira bakarkako lehen lan honetan. Gimenezen esanetan, abestien %50 dira, gutxi gorabehera, diskoa grabatzeko ideia otu zitzaion momentutik gaurdaino konposatutakoak: "La colegiala abestia, adibidez, oso zaharra da eta beste pare batek bost bat urte izango dituzte", azaldu digu.

Akuarelak aukeratu ditu Karlos Gimenezek diskoaren diseinua osatzeko. Maria Jose Argiñanoren obra aski ongi ezagutzen du musikari ordiziarrak, izan ere, diskoaren barnealdean ez ezik etxean ere bere hainbat margo baititu. Hasieran diskoaren azalean ere akuarela bat sartzea pentsatu bazuen ere, argazkiaren indarra erabiltzea hautatu zuen gero. Diskoaren liburuxkan, berriz, kolorea da nagusi. Kanta bakoitzeko akuarela bana eta entzulea abestiaren baitan sartzeko zenbait hitz paratu ditu.

Musika eta olerkia

12 Geltoki argitaratu duenez geroztik zenbait kontzertu eskaini baditu ere, Gimenez oraindik ez da buru-belarri murgildu zuzenekoetan diskoa promozionatzen. Bere emanaldietan piano konposizioak eta olerkia uztartuko ditu. Horrela, abestitik abestira musikari ordiziarrak berak Lizardiren zein bere olerki propioak errezitatuko ditu. "Olerkiekin jendea giroan sartzen dut, izan ere, ondo aukeratutako hitz gutxirekin jendearen arreta pizten da eta musika zuzenago iristen da. Nik orain arte ez dut inoiz hitz egin taula gainean eta hitzak indar handia duela konturatu naiz", diosku Gimenezek.

Eta ez da harritzekoa pianojole gipuzkoarrak hitza kontuan hartzea. Izan ere, diskoko kanten tituluen artean bi olerkari aurki ditzakegu: Lizardi eta Rilke. Antton Valverderekin lanean izan zen garaian ezagutu zuen Gimenezek Lizardiren obra: "Hasieran ez nuen ezer ulertzen, baina gero hiztegiaren eta Anttonen laguntzarekin berak sortzen zituen esamolde, hitz eta sintaxi bereziez ohartzen hasi nintzen. Batez ere euskararentzat poesian oso pertsona aberatsa zela iruditu zitzaidan". Rilke, berriz, Xabier Letek olerkari austriarraren liburu bat euskarara itzuli zuenean ezagutu zuen.

Karlos Gimenezek batez ere udazkenean aurkeztuko du zuzenean 12 Geltoki izeneko bere lehen bakarlana. Horrez gain, taula gainean Luis Camino perkusionistaren Abya Yala proiektuan ere ikus ahal izango dugu.

Musikari poli-instrumentista
Gerra ostean beraien jaioterritik, Valentziatik, Argentinara joan ziren Gimenezen gurasoak. Bertan sortu zen txikitatik Ordizian bizi den pianojolea, Rosario hirian hain zuzen ere. Mutiltxo zela heldu zen Euskal Herrira, Bilbora lehenik eta Ordiziara gero, aitak CAFen lana aurkitu zuenean. Euskara heldu aroan ikasi zuen, seme-alabak izan zituenean. "Lazkaon, beneditarrekin ikasi nuenean, euskara ikasgai moduan genuen, frantsesa bezala. Baina ez nuen ikasi hitz egiteko adina. Hitz egiten seme-alabekin ikasi nuen. Horrez gain, Iparraldeko musikariekin lan egin dudanean ere asko ikasi dut", diosku. Oso gazte murgildu zen Gimenez musika munduan. Bestalde, ez zen pianoa izan esku artean izan zuen lehen instrumentua. "Anaiek talde bat osatu zuten eta beraien lagun batek jotzen zuen bateria. Ni haserretu egin nintzen taldean tokirik ez nuelako. Beraz, bateria jotzen irakatsi zidaten eta horrela hasi nintzen. Bederatzi bat urte nituen", gogoratzen du. Bestalde, Gimenezek ez zuen nahikoa erritmoarekin eta kantak egiteko instrumentu polifoniko bat behar zuenez, gitarra ikasten hasi zen. Gero etxean saxo bat agertu eta hari ere soinua atera zion, piano bat heldu zen arte. Amak gaztetan ikasitako musika instrumentua zen pianoa, hortaz, ama izan zuen ondoan teklekin eduki zuen lehen hartu-emanean. Irakasle ikasketei ekin zien gero, baina ikasketekin gustura ez eta etxean hura utzi eta musika ikasteko baimena eskatu zuen. Horrela, Valentziako familiarengana joan eta bertako kontserbatorioan egin zituen musika ikasketak.

Harrez geroztik Euskal Herriak eman dituen kantari onentsuenekin aritu da lanean: Imanol, Xabier Lete, Pier Paul Berzaitz, Oskorri, Erramun Martikorena, Antton Valverde, Julian Lekuona, Jose Antonio Labordeta, Jean Mixel Bedaxagar...


Azkenak
Harrera premia aurreikusiz Zumeta margolaria

Irakurlea dagoeneko jakitun dateke Euskal Herrian askatasunaren alde egon den eta dagoen gatazka politikoaren ondorioz urte luzetan kartzelan, erbestean edota deportazioan bizi behar izan duten euskaldunak, etxerako bidean, beren bizitza berregiten hasteko izaten dituzten... [+]


Trump-ek distentsio nuklearra eskaini die Errusia eta Txinari

Bi herrialdeekin arma nuklearrei buruz hitz egin nahi du AEBko lehendakari Donald Trumpek, ostegun honetan bere bulegoan kazetariei jakinarazi dienez.


Sexu jazarpena leporatu dioten EHUko irakaslea eskoletatik kanpo utzi du errektoretzak

EHUko Errektoretza Taldeak hedabideetara igorritako ohar baten bidez jakinarazi du neurria: "Unibertsitateak baieztatzen du salatu duten irakaslea jada klaseetatik at dagoela eta ez dela fakultatera joango kasua argitu arte".


AHT Hego Euskal Herrian: 15.000 milioi euroko inbertsioa Irunera abiadura handian iristeko?

Abiadura handiko trenaren aurkako manifestazioa egingo dute Iruñean larunbat honetan AHT Gelditu plataformak deituta, 12:00etan Diputaziotik abiatuta. Castejon eta Iruñea arteko trenbidearen eraikuntza lanek aurrera jarraitzen dute eta Espainiako Garraio... [+]


Emeadedei + Mahl Kobat
Gutaz ari dira

EMEADEDEI + MAHL KOBAT
NOIZ: otsailaren 2an.
NON: Zuiako gaztetxean, Murgian.

----------------------------------------------------

Iazko irailaren 20an izan genuen lehen aldiz musika kolektiboaren berri, sortu berri zuten sare sozialeko profilean: “Hemen da Hil da... [+]


2025-02-14 | ARGIA
Adin txikiko beisbol jokalari bati musu emateagatik entrenatzaile bat kondenatu dute

Adin txikiko neskak 2023an salatu zuen entrenatzaileak hiru aldiz musukatu zuela bere baimenik gabe. Nafarroako Probintzia Auzitegiak Iruñeko epaitegiak ezarritako zigorra baieztatu du. Entrenatzaileak ezingo du harreman zuzenik izan adin txikikoekin inongo lanbidetan eta... [+]


2025-02-14 | dantzan.eus
Inauteriak 2025 oinarrizko egutegia

Kaskarotak eta maskaradak urtarriletik dabiltza martxan, Malerrekakoak etorri dira segidan eta pixkanaka han eta hemen ospatu dira inauteri festak. Aurten, ordea, data nagusiak berandu datoz oso; Kandelaria egunean Hartza esnatu zen, baina ilargiari begiratu eta beste pixka... [+]


2025-02-14 | Sustatu
Itzulinguru ikerketa: itzulpen automatiko aurreratuak nola eragiten dio euskarari?

Sozioluinguistika Klusterrak, zenbait erakunderen laguntzarekin eta Asier Amezaga, Eduardo Apodaka eta Asier Basurtok landutako lanean, Itzulinguru izeneko proiektuaren emaitzak argitaratu ditu. Itzultzaile neuronalek (azken belaunaldiko itzultzaile automatikoak, zeinak euskaraz... [+]


2025-02-14 | Euskal Irratiak
David Gramond
“Gizartea beldurrarazteko baliatu zuten tortura, militantziari uko egiteko”

Otsailaren 13a Torturaren Kontrako eguna izanki, Euskal Herriko Torturaren Sareak gutun publiko bat igorri du. Poliziek torturatu euskal jendeen lekukotasunak bildu, eta aitortza egiteko xedea du sare berri horrek Euskal Herri osoan. Torturatuak izan diren 5.000 pertsonei... [+]


2025-02-14 | Gedar
Munichen, manifestazio sindikal bat harrapatu eta gutxienez 21 pertsona zauritu ditu gizon batek

 Ibilgailu baten bidez, Ver.diren protesta batean zeuden manifestariak aurretik eraman ditu. Duela egun gutxi, supremazista zuri batek 11 pertsona erail zituen Suedian.


Gizon bat atxilotu du Guardia Zibilak Amurrion, hildako bi agenteren kontura sare sozialetan barre egitea egotzita

"Polizia hila, baratzerako ongarririk onena" idatzi zuen atxilotuak sare sozialetan, eta lau milioi jarraitzaile baino gehiago ditu bere profilak, Guardia Zibilak azaldu duenez.


Iruñeko Laba, agur labur bat, irailean indarberrituta itzultzeko

Larunbat honetan itxiko dute Laba ostatua Iruñeko Gazteluko plazan eta, bitxia bada ere, egun osoko festarekin ospatuko dute itxiera, agurra ez baita behin-betikoa: Labak ondoko Windsor tabernarekin bat egingo du, obrak hastera doaz, eta beranduenez irailean berriz... [+]


Eguneraketa berriak daude