Argitalpenak


2021eko uztailaren 20an

Neska afganiar baten istorioa
Talibanen gobernuaren garaian Kabulen bizi den hamaika urteko neska du protagonista Aitor Aranak euskaratu duen Deborah Ellisen Gerrateko ogiak. Talibanekin Afganistango emakumezko guztiek debekatuta zuten etxetik irtetea eta dirua irabaztea. Aita atxilotzen dutenean, neska horren familia txiroak halabeharrezko irtenbidea bilatu beharko du aurrera atera ahal izateko: neskatilak mutil bihurtu beharko du, mutila izanik eragozpenik gabe azokara joan ahal izango duelako etxean behar dutena erostera. Deborah Ellis kanadarra aspalditik dago konprometituta justizia ekonomiko, mugimendu bakezale eta emakumeen eskubideen aldeko borrokarekin. Gerrateko ogia gazteentzat idazten dituen nobeletako bat da. y
1518an Corellan jaiotako sendagilearen lan klasikoa
Medikuntza eta Zientzia Historiaren Euskal Museoak José Ramón Gurpeguik egindako hitzaurrearekin plazaratu duen Alonso Lópezen liburu honen izenburu zehatza De Morbo Postulato, sive Lenticulari, quem Nostrates Tabardillo Apellant. Sobre la enfermedad pustulada o lenticular, que los nuestros llaman Tabardillo da, eta hildako gehiegi ez eragin arren garai batean endemikoa izatera iritsi zen izurrite bati buruz dihardu. 1545eko lan batean detektatu ei zen aurrenekoz gaixotasun horren izena, 1393-1394an Sevillak jasandako hainbat tabardillo izurrite aipatzen zituen lanean. Geroztik hari buruzko bibliografia ugaritu zen, baina Corellan sortutako Alonso Lópezen lan hau beti klasikotzat hartu izan da. y
Historiaurretik gaur eguneraino
Kolorearen arteek historiaurretik gaur eguneraino Euskal Herriko lurralde bakoitzean utzi dizkiguten irudien eta errepresentazio piktorikoen sintesi bat egin nahi izan du Juan José Usabiagak Euskal Gaiak: Euskal Herriko Pintura liburuan. Paleolito garaiko hormetako pinturetatik hasiz, pospaleolitikoekin jarraitu, erromatarren kolonizazio garaikoekin segi, Berandateko Antzinateak eta Goiko Erdi Aroak, gotikoaren mendeek, errenazimenduak, barrokoak eta rococoak zein XIX. eta XX. mendeek utzi dizkiguten irudi eta errepresentazio piktorikoen multzo hautatu bat aurkezten du. Aditu ez garenoi ere artearen une gogoangarri horiek Euskal Herriko pinturaren historia modu xume batean ulertzeko ahalbidea emango digutenaren esperantzan. y
Maria Dolores Agirre gogoan
Euskalerriaren Adiskideen Elkarteko Boletinaren euskarazko gehigarria den Eganen azkenengo zenbakian, Maria Dolores Agirre (1903-1997) eta hark egindako lana gogoratzen du Patri Urkizuk. Besteak beste, antzerkigile ospetsu askoren obrak euskaratu eta gurean taularatu izana zor zaio Maria Dolores Agirreri. Hain zuzen emakume errezildar honek 1966an itzulitako Michael V. Gazzoren Txapela bete euri eguneratua eskaintzen du ere Eganek bere Sorkuntza atalean. Baina, jakina, gai gehiago ere badira bere orrialdeetan, hala nola Patxi Ezkiagak Iñaki Oleabeagaren inguruan osatutakoa, Piarres Xarritonek Etienne Salaberryren mendeurrenean oroitu zuen Euskalzaleen Biltzarra (1901-2003), edota Pako Sudupek Euskaltzaleen Biltzar berrituaz egindakoa, kasu. y
Irati eta Iker ezustekoz betetako hotelean
Karlos Santistebanek idatzia eta Enrique Morentek marraztua da Mediterraneo aldeko hotel batean neska-mutil gaztetxo batzuei bizitzea egokitzen zaizkien ezustekoei buruzko kontakizun hau. Poz-pozik abiatu zen Irati oporretara, eta ez bakarrik uda garaia izugarri maite duelako edo hainbat herritan jaiak izaten direlako eta primeran pasa ohi duelako berbenetan berandu arte lagunekin dantzan, ez. Oraingoan beti gustatu izan zitzaion bere gelako laguna ere beraiekin zihoan oporretara! Iritsi ziren hotelera eta gurasoek esan bezala, haurrentzako animazioa zegoen eta egiteko ekintza-zerrenda luzea: dantza, igeriketa, mendia, altxorraren bila... baina hara non ez zen han animarik ere ikusten. y
Txio eta Muren bi istorio labur etxeko txikienentzat
Bi istorio laburrez osatua dago etxeko txikienentzat aproposa den marrazki handiko, elkarrizketa laburreko eta azal lodiko liburu hau. Beti elkarrekin jolastuz eta ikasten dabiltzan bi lagunen gorabeherak kontatzen dira bertan. Txio txoritxoa eta Mu behia ditugu lagun horiek, eta oraingoan «Ametsetan» edo «Lokatzetan» aurkitzen ditugu, liburua irekitzen den aldearen arabera. Izan ere, Ibaizabal argitaletxeko bilduma honetako liburuek berezitasun hori dute, bi aldetatik hasita irakur daitezke patxada eder askoan. y


Azkenak
“Errebeldia hazi egin da Argentinan, herri oso bat bultzaka ari da”

Argentinako Abokatuen Gremioa erakundean egiten du lan Laura Taffetanik (Buenos Aires, Argentina, 1963). Gobernuaren errepresioa pairatu duten maputxe ugarirekin lan egin du azken urteetan, eta Askapena antolakundeak antolatutako topaketa antiinperialisten barnean izan da Euskal... [+]


Ertzaintzak Etxarri II gaztetxea hustu du Bilboko Errekalde auzoan

Iragarrita zegoen moduan, Bilboko Errekalde auzoko Etxarri II gaztetxea hustu du Ertzaintzak 9.00etan abiarazi duen operazioarekin. Arratsaldean protesta manifestazioa egingo dute auzoan, 19:00etan Amezolako tren geltokitik abiatuta.


2025-04-04 | ARGIA
Langile bat hil da Agoitzen obra batetik jausita

Ezbeharra ostegunean gertatu da eta SOS Nafarroak 16:00 orduak jotzear zirela jaso du haren berri. Medikua, anbulantzia et Foruzaingoa bertarako dira, baina ezin izan dute gizona suspertu eta bertan hil da.


2025-04-04 | ARGIA
Euskaraldia Hika-rako 83 herrik eman dute izena

Aurtengo berritasuna da. Ahobizi eta belarriprest rolen artean aukeratzeaz gain, herritarrek Euskaraldia Hikan parte hartzeko aukera izango dute. Hitanoa erabiltzen ez den herrietan, toka eta noka, bien erabilera bultzatuko da, eta hitanoa bizirik dagoen herrietan nokaren... [+]


Interview. Urez eta hondarrez
Lurra zapaltzeko moduak

Interview. Urez eta hondarrez
Egileak: Telmo Irureta eta Mireia Gabilondo.
Aktoreak: Telmo Irureta eta Dorleta Urretabizkaia.
Zuzendaria: Mireia Gabilondo.
Konpainia: Tentazioa.
Noiz: apirilaren 2an.
Non: Victoria Eugenia Klub Aretoan,... [+]


2025-04-04 | Sustatu
Kneecap filma, orain euskarazko azpitituluekin

Ezagutzen duzue Kneecap filma? Oscar sarietarako hautatu zuten. Belfasteko hirukote baten istorioa da. Kneecap Hip Hop talde ezaguna da gaur egun, eta hizkuntzaren aldeko jarrera (gaelikoa) argia dute, IRAren osteko belaunaldiaren gorabeherak kontatzen ditu filmak; drogak eta... [+]


Haur filosofiari buruzko podcasta igandean estreinatuko du ARGIAk: ‘Galdera Basatiak’, Iñigo Martinezek gidatuta

Galdera batzuen aurrean, behin eta berriz helduok ume sentitzen garela dio Iñigo Martinezek, “bizitza zulo existentzialez beterik” dagoelako. Galderaz galdera "behin-behineko erantzunen bila" aritzeko asmoa du irakasle eta filosofoak. ARGIA... [+]


2025-04-04 | Euskal Irratiak
Beñat Molimos: “Herritarren babesari esker du Laborantza Ganbarak iraun hogei urte hauetan”

Euskal Herriko Laborantza Ganberak hogei urte bete ditu. 2005ean sorturik, bataila anitzetatik pasa da Ainiza-Monjoloseko erakundea. Epaiketak, sustengu kanpainak edota Lurramaren sortzea, gorabehera ainitz izan ditu hogei urtez.


Itsasadarreko tunelaren obretarako leherketak legeztatzearen aurka mobilizatuko da ostiral honetan ‘Subflubiala Ez!’

Giza-katea antolatu du Subflubiala ez! plataformak eta hitzordua Artaza-Romo Institutuan jarri du gaurko 18:00etan. Bizkaiko Foru Aldundiak Ingurumen Inpaktuaren Adierazpena (IIA) aldatzea du helburu eta horrelakorik ez du onartzen plataformak.


Kutsadura maila handi eta arriskutsuak behatu dira Zubietako erraustegiaren inguruetan

Europan kutsadura maila aztertzen aritzen den Toxicowatch erakundeak egindako ikerketaren emaitzak dira. Erraustegia martxan jarri aurretik egin zituzten lehen azterketak, eta ondoren 2024ra arteko laginak aztertu dituzte. Iazko laginen emaitzak dira honakoak.


Instituzioek preso atzerritarren birgizarteratzea oztopatzen dutela salatu du Salhaketa Nafarroak

Elkarteko Andoni Burguetek nabarmendu du espetxean dauden presoek egindako delitu gehienek behar sozioekonomikoekin lotura dutela.


Netanyahuri babesa erakutsi eta Nazioarteko Zigor Auzitegiko kide izateari utziko dio Hungariak

Gergely Gulyas Hungariako Presidentetza ministroak eman du erabakiaren berri, Hagako auzitegiak atxilotze agindua ezarrita dion Benjamin Netanyahu Israelgo lehen ministroa herrialdera heldu den egun berean. Israelgo armadak Gazako eremu gehiago hartzeko asmoa duela... [+]


Eguneraketa berriak daude