Argitalpenak
Arriskupean!
Fernando Morillo
Ibaizabal
194 orrialde
8,21 euro
Gazteentzako abentura nobela
Fernando Morilloren Arriskupean! izenburuko istorio hau 2001ean kaleratu zuen Bihotz nahasiak abenturazko eleberriari jarraia ematen dion narrazioa dela esan genezake. Oraingoan, ikasten ari diren institutuko bedela hiltzen denean sortzen den misterioa argitzen saiatu beharko dute protagonistek, hamasei urteko neska-mutil adoretsu batzuek. Oso ezberdinak izan arren -mutiletatik bat kirolzalea den bezala, besteari informatika munduan murgiltzearen kirola baino ez zaio gustuko; eta nesketako bat zuhurra bada, ero samarra dugu bestea-, primeran dakizkite bateratzen bakoitzaren dohainak CIAkoei, neonaziei eta beste arerio indartsuei aurre egiteko. Izan ere, bedelak, denen ustean adineko gizon atsegina baino ez zen hark, iragan iluna zuen.
Euskal Gaiak: Euskal Herriko Artea
José Javier Fernández Altuna
Ibaizabal, Hariadna
140 orrialde
13 euro
Artearen bilakaera gurean
Koloreetako irudiak lagun dituela, Euskal Herriko lurraldeetan arteak historian zehar izan duen bilakaera aztertzen du José Javier Fernández Altunak Euskal Gaiak bildumako liburu honetan. Euskal artearen dibertsitatea hartu du egileak aintzat hasteko, Euskal Herriaren hedadura oso handia ez izan arren, lurralde bakoitzaren historia eta bizi izan dituen egoeren ondorioz era askotako errealitateak dauzkalako barruan. Euskal arteak izan dituen kanpoko eraginak azaltzen ditu gero, gurea kanpoko eraginez isolaturik egon den kontua mitoa baino ez dela izan agerian utziz, nahiz eta era berean nabarmendu euskal gizarteak, gehienetan behintzat, kanpokoaren aurrean uzkur jokatu duela, hau da, kanpoko elementuen aurrean autoktonoa defendatzeko joera nagusi izan dela.
Nosferatu
Batzuen artean
Donostiako Udala,
Euskadiko filmoteka
188 orrialde
9 euro
Akira Kurosawaren konpromisoa eta zinema lana
Donostiako Kultur Udal Patronatuak argitaratzen duen Nosferatu zine aldizkariaren azkenengo zenbakian Akira Kurosawa zinegilea hartu dute oinarri nagusi. Besteak beste, haren zinema lana du hizpide José Enrique Monterdek. Jarraian, Japoniako zinegileetatik mendebaldarrena gisa hartua izan den Kurosawaren filmografia aztertzen saiatzen da Santos Zunzunegui. Gero, Antonio José Navarrok Akira Kurosawaren filmatan agertzen diren samuraien eta roninen (alderrai dabiltzan jauntxorik gabeko samuraien) inguruan dihardu. Sara Torresek, berriz, Shakespeare eta Kurosawaren artean dauden antzekotasunak agertzen ditu. Eta Antonio Weinrichter-ek, japoniarraren thriller-ak.
Euskal Autonomia Erkidegoko ekonomiari begira
Batzuen artean
Deustuko Unibertsitatea
268 orrialde
9 euro
EAEko ekonomia zertan den
Lau ataletan banaturik dagoen Euskal Autonomia Erkidegoko ekonomiari begira lana ESTEko irakasleak diren Mari Jose Arangurenen, Miren Larrearen eta Itziar Navarroren artean egina izan da. 1990etik 2000 urtera ekonomiak aipatu lurraldean izan duen bilakaera aztertzen dute, baina liburua unibertsitateko ikasleez gain, beste talde batzuek ere erabili ahal izatea nahi zutenez, beren azterketatik ateratako daturik esanguratsuenak eta adibiderik adierazgarrienak baino ez ematen ahalegindu dira bertan. Hasteko, ikerketaren oinarri izan diren funtsezko kontzeptu teorikoak aurkezten dituzte, EAEko ekonomiaren lehiakortasuna eta EAEko eskualde guztiak banan-banan aztertzeari ekiteko gero. Eta jarraian azterketatik atera dituzten ondorioak eskaintzen dituzte.
Barraskiloak margotu zituen neska
Pere Martí i Bertran
Desclée De Brouwer
64 orrialde
5,50 euro
Zazpi urteko neska baten azkartasuna
Antton Olanok euskaratu eta Eva Zabalak marraztu duen Pere Martí i Bertranen Barraskiloak margotu zituen neska istorioan, zazpi urteko neska batek barraskiloak inork jan ez zitzan egin zuena kontatzen da. Hirian bizi arren, udak aiton-amonak bizi diren herrian pasatzen ditu neska horrek, eta hara noiz joango zain egon ohi da, aitona eta amona asko maite dituelako eta herrian bizikletatik jaitsi gabe harat-honat ibiltzeko lagun ugari dituelako. Baina behin uda euritsua egokitu zitzaien, eta azkenean atertu zuenean, aitonak barraskilo bila joatea proposatu zion neskari. Jateko onak omen! Hori entzutean, sekulako atsekabea hartu zuen neskak. Zer egin zezakeen haiengatik?
Hizpide
Batzuen artean
Eusko Jaurlaritza, Habe
91 orrialde
4,94 euro
Ikasleen akatsen aurrean irakasleek egin dezaketena
Euskalduntze-alfabetatze aldizkari honen azkenengo zenbakian, ikasleen akatsen aurrean Arrigorriagako Udal euskaltegian irakasleek erabiltzen dituzten zuzenketa-teknika eta jokabideen berri ematen du Olatz Bourgeaudek. Bestalde, hizkuntza baten ikas-prozesuan literatura nola erabil daitekeen adierazten du Begoña Escuderok Nobela baten lanketaren historiaúlanean. Eta Josu Pesalesek Ezagutzeko eta ikasteko estiloak eta Hizkuntzak ikasteari buruzko usteak gaiak hartu ditu oraingoan hizpide.
"Jon Igeldo". Corresponsal clandestino de Radio Euzkadi
Gerardo Bujanda
Sabino Arana
201 orrialde / 15 euro
Berriemaile klandestino baten kronikak
Radio Euskadik eta Sabino Arana Kultur Elkargoak plazaratu duten "Jon Igeldo". Corresponsal clandestino de Radio Euzkadi liburuan, Iñaki Anasagastik egindako hitzaurrean Venezuelatik emititzen zuen "euskal erresitentziaren ahotsa" bezala ezaguna izan zen irrati horren historiaren zertzeladez gainera, Gerardo Bujandak Jon Igeldo izengoitiarekin 60ko hamarkadaren bukaera aldetik 1974ra bitartean irrati horrentzat Donostiatik Caracasera gutun moduan bidali zituen berriak eta gogoetak biltzen dira. Frankismopeko Euskal Herrian erresistentziak jasan behar izan zuen jazarpenaren salaketa, Burgosko epaiketa, hasierako ETA, Franco Donostiara etortzen zeneko giroa eta abar luzea zituen Gerardo Bujandak aipagai, barne kritika ere bazterrera uzten ez zuten bere kolaborazio horietan. Hamazazpi urterekin Saseta bataloiko gudari egin eta 18 bete zituenean preso hartu zuten Bujanda. Frankisten hainbat kontzentrazio esparru, langile-batailoi eta kartzeletan egon ondoren, hiru urte eta erdian Afrikan soldadutza egin beharrean aurkitu arren, Donostiara itzuli orduko euskal erresistentzian sartu zen gizon hau.
Festa egiteko musika eta kontzertu eskaintza ez ezik, erakusketak, hitzaldiak, zine eta antzerki ikuskizunak eta zientoka ekintza kultural antolatu dituzte eragile ugarik Martxoaren 8aren bueltarako. Artikulu honetan, bilduma moduan, zokorrak gisa miatuko ditugu Euskal Herriko... [+]
Soco Lizarraga mediku eta Nafarroako Duintasunez Hiltzeko Eskubidea elkarteko kidearen ustez bizi testamentuak heriotza duin bat eskaini eta familiari gauzak errazten dizkio.
Bilbo Hari Gorria dinamikarekin ekarriko ditu gurera azken 150 urteetako Bilboko efemerideak Etxebarrieta Memoria Elkarteak. Iker Egiraun kideak xehetasunak eskaini dizkigu.
Laudion, Aiaran eta Okondon izango du eragina energia azpiegiturak eta plataformaren aburuz, proiektuak eta ingurumen-inpaktuaren azterketak gabezia garrantzitsuak dituzte.
"Entseatzen gira arnas gune bat sortzen Donibane Lohizunen, hain turistikoa den herri honetan". 250 kiderekin Donibane Lohizuneko Begiraleak kultur elkarteak 90 urte bete ditu aurten. Lau emaztek sortu zuten talde hauetan eramaile izan zen Madeleine de Jauregiberri... [+]
Karmela espazio autogestionastuan egingo ditu, eta Euskal Herriko zein nazioarteko gonbidatuak egongo dira bertan. "Koiuntura analisi orokorretik abiatu eta Euskal Herriko borroka internazionalistaren gakoetarainoko bidea" egingo dutela adierazi du Askapenak... [+]
33/2013 Foru Legeari Xedapen gehigarri bat gehitu zaio datozen aldaketak gauzatu ahal izateko, eta horren bidez ahalbidetzen da “erregimen frankistaren garaipenaren gorespenezkoak gertatzen diren zati sinbolikoak erretiratzea eta kupularen barnealdeko margolanak... [+]
2025 amaitu baino lehen Gernikako Estatutuan jasotzen diren eskumen guztiak izatea espero du Jaurlaritzak. Oraindik 25 eskumen falta dira. Transferentzia Batzordea aurreko astean biltzekoa zen baina "agenda arazoak" zirela eta atzeratu zuten.
Elgarrekin izena du Duplak egin duen aurtengo abestiak eta Senpereko lakuan grabatu zuten bideoklipa. Dantzari, guraso zein umeen artean azaldu ziren Pantxoa eta Peio ere. Bideoklipa laugarrengo saiakeran egin zen.
“Kasu, ez gitxu lo!”. Gure denbora eta manerekin baina heldu gira.
Azaroaren 25ean Baionako elgarretaratzera joan ez joan eta autoak nola partekatu pentsatzetik (joan-jina bi oren), bat-batean Lartzabalen elgarretaratze bat antolatu genuen, eta 47 emazte bildu!... [+]
Alemaniako Poliziak asteleheneko gertakariaren arrazoiak "politikoak" zirela baztertu duen arren, 35 urteko Alexander Scheuermann Ring Bund talde neonaziko kide zen. Bi hildako eta hamar zauritu utzi dituen atentatuaren egileak sare sozialetan "gorroto mezuak"... [+]
“Bi pertsona mota daude munduan: euskaldunak, batetik, eta euskaldunak izan nahiko luketenak, bestetik”. Gaztea zela, Mary Kim Laragan-Urangak maiz entzuten omen zuen horrelako zerbait, Idahon (AEBak), hain zuzen. Ameriketan jaio, hazi, hezi eta bizi izandakoak 70... [+]
Martxoaren 8a, Emakumeen Nazioarteko Eguna, munduan zehar milioika emakumeontzat berdintasuna, eskubideak eta justizia eskatzeko borroka eguna da. Hala ere, gerrek, gatazkek eta politika militaristen hazkundeak markatutako testuinguru global batean, inoiz baino premiazkoagoa da... [+]
Geroa Baiko lehendakari eta Nafarroako lehendakariorde izandakoa enpresa bati 2,6 milioi euroko diru-laguntzak ustez modu irregularrean emateagatik zegoen auzipetuta, Davalor auzia deiturikoan. Nafarroako Probintzia Auzitegiak erabaki du auzia behin betiko artxibatzea, legalki... [+]
Nahiz eta Nazio Batuen Erakundeak (NBE) 1977an nazioarteko egun bat bezala deklaratu zuen eta haren jatorriaren hipotesi ezberdinak diren, Martxoaren 8aren iturria berez emazte langileen mugimenduari lotua da.