ARGITALPENAK
Denak du bere prezioa
M. A. Mintegi Larraza
Ibaizabal
290 orrialde
9,53 euro
Istant batean zerutik infernura
Zeruan sentitu zen Jaime Ostolaza kafe bat hartzen ari zen tabernara sartutako emakume apartak bera aukeratu zuenean gau-lagun gisa. Gutxi zekien orduan txora-txora eginda etxera itzultzen zenean emaztea hilik aurkitu behar zuenik, norbaitek itoarazia. Horixe du Migel Anjel Mintegi Larrazak idatzitako "Denak du bere prezioa" nobela beltzak abiapuntu. Bere emaztearen hiltzailetzat joa izango da gizona, eta Martuteneko espetxean amaituko du, harik eta bere abokatuak arazoa detektibe baten eskuetan uzten duen arte. Ostolaza errugabea dela frogatzea izango da detektibearen zeregina, ustez, baina eskaera horrek badu iruzurrik. Nolanahi ere, hilketa gauean espetxeratutakoarekin oheratu zen emakumearen atzetik hasiko da detektibea.
Los anarquistas y la guerra en Euskadi. La comuna de
San Sebastian
Manuel Chiapuso
Abarka
281 orrialde
9,95 euro
Anarkistak militar altxatuen kontra
Abarka argitaletxeak berrargitaratu du orain 1977an Txertoak plazaratu zuen Manuel Chiapusoren "Los anarquistas y la guerra en Euskadi. La comuna de San Sebastian" liburua, non hainbat idazlanen egile dugun anarkista honek azaltzen duen 1936an II.Errepublikaren aurka altxa ziren militarrei aurre egiteko anarkista jendeak agertutako kemena.
Batik bat Donostia eta muga inguru guztiaren defentsan gertatutakoak dakartza Manuel Chiapusok lan honetara: nola antolatu ziren hirian, Loiolako kuarteletatik armak hartu zituztenekoa, mugaldea erreketeen menpe eror ez zedin eginikoak, EAJkoen jarrera, Irun erre zutenekoa eta beste hamaika gai interesgarri.
Lore-koroa neure herriari
Andolin Eguzkitza
Santurtziko Udala
30 orrialde
Andolin Eguzkitzaren poema sorta
Herriko idazleen lanen bitartez irakurzaletasuna suspertzeko asmo sendoa du Santurtziko udal liburutegi sareak, eta apirilaren 23an izan ohi den Liburuaren Eguna ospatzeko argitaratu eta banatu zituen, doan, Andolin Eguzkitzaren hamabi olerki euskaraz eta gazteleraz biltzen dituen "Lore-koroa neure herriari" liburuxkaren 2.500 ale. Olerkiotatik batzuk inoiz argitara eman gabeak dira, eta itzulpena egileak berak egina izan da. Literatur alorrean eleberria, poesia eta itzulpengintza landu ditu Andolin Eguzkitzak. Kaleratu dituen poema-liburuen artean, "Orhiko mendirantz urratsez urrats", "Mila urte igaro eta, ura bere bidean" eta "Quan plou en les entranyes/ erraietan barrena euria egiten digunean" antologia elebiduna daude.
Gaur egun handia da
Imanol Azkue Ibarbia
Gipuzkoako Foru Aldundia / Zarauzko Udala
36 orrialde
5,50 euro
XXI. Lizardi sariaren irabazlea
Imanol Azkue Ibarbiak idatzitako "Gaur egun handia da"k irabazi zuen 2002an Zarauzko Udalak urtero antolatzen duen Xabier Lizardi haur ipuin lehiaketa. Mutiko bat da kontaketaren narratzailea. Munduko amarik onena du, gozoa eta esku leunak dituena. Irakasle da mutikoa eta bere arrebatxoa doazen eskolan, baina lanean ari denenean ez omen da hain beraien ama. Alta, ia-ia buru osoa ateratzen dio aitari, eta horrek kezkatu zuen narratzailea txikia zenean, bere lagun guztien aitak amak baino handiagoak zirelako, baina dagoeneko ohartu da hala izateagatik ez dela ezer gertatzen. Aita, berriz, idazlea du, ipuinak idazten ditu, baina ez "Bazen behin..." eta horrela hasten direnak. Eta hara nondik esan berri dioten sari bat irabazi duela!
Cartas a Euskadi. Dos años en el microfono
Antonio Alvarez Solís
Radio Euskadi / Foca
115 orrialde / 8 euro
Alvarez Solísen gutunak
Bi urtetan zehar igorri ditu Antonio Alvarez-Solísek bere gutunak Radio Euskadira, eguneko gertaera politiko edota sozial nabarmenenaren inguruan berak pentsatzen zuena agertuz. Gehienetan, Euskal Herriarekin zuzenki loturik zeuden bere gogoetok. Gutun haietatik aukeratutako pasarte gogoangarrienak jasotzen ditu "Cartas a Euskadi. Dos años en el micrófono" izenburuko liburuak, Juan Jose Ibarretxeren hitzaurreaz eta Andoni Ortuzar Arruabarrenaren esker onaz gainera. "La Vanguardia", "Interviú" eta beste hainbat tokitan lan egindako kazetaria dugu Antonio Alvarez Solís, baina azken urteotan arazoak izan ditu Espainiako komunikabideetan bere iritziak agertzeko. Eta Euskal Herrian aurkitu du aukera.
El mundo de los pirineos
Batzuen artean
Sua
130 orrialde / 5 euro
Pyrene jaialdiaren ateetan
Ekainaren 20, 21 eta 22an egingo den Pyrene jaialdiaz mintzo da "El mundo de los Pirineos" azkenengo zenbakian. Aurten, Ribagorza Garaiko hiriburuan izango da jaialdia, El Pont de Suert-en, eta makina bat ekitaldi dute antolatuta udari beren ongietorria emateko. Beste gai nagusi gisa Donejakue bidea hartu dute, baina ez zeruan gauez ikusi ohi den izar bidea prezeski, nahiz, suertea lagun, huraxe ere ikusteko aukera paregabea izango duten oinez Konpostelarainoko bidea egitea erabakitzen dutenek. Ibilbide ziurrenetatik hasiz ezohikoetarainoko informazioa aurkituko dute horiek aldizkarian.
Diglosia eta euskal literatura
Jon Kortazar
U. Vasconiae
110 orrialde
10 euro
Hizkuntzaren eragina idazlearen lanean
Utriusque Vasconiae argitaletxearen "Kritika Literarioa" deitu sailean Jon Kortazarek kaleratu duen "Diglosia eta euskal literatura" saioan, literaturarako hizkuntza bat aukeratzen denean hizkuntza horrek idazlearen lana baldintzatzen duen ala ez aztertzen da, Anton Figueroa ikerlari galiziarrak "Diglosia e texto" izenburuko saioan defendatzen dituen hipotesiak abiapuntu harturik. Anton Figueroak dioenez, egoera diglosiko batean bizi den hizkuntza txikian egiten den literaturak bederatzi ezaugarri ditu: Literaturaren eta testuaren arteko nahasketa; testua literaturaren historian; espazio eta denboraren forma tipologikoen desoreka; elementu folkloriko, etnografiko eta mitikoen garrantzia; filologizaziorako joera; hizkerarekiko ardura neurotikoa; igurikimen ortze mugaren falta; idazleen traiektoria falta; eta zentzu ludikoa eta zentzu epikoa aurrez aurre izatearena. Jon Kortazarrek, puntu horiek euskal literaturari benetan egokitzen zaizkion ala ez aztertzeaz gainera, beste gai asko ditu hizpide, hala nola, euskal literatura zer den, euskaraz dagoena soilik ala beste hizkuntza batean dagoena ere euskal literaturatzat jo daitekeen eta zein kasutan.
Hiru bideo dira (albiste barruan ikusgai). Batak jasotzen du, grebak antolatzea leporatuta, Carabanchelen espetxeratu zituzten Jesús Fernandez Naves, Imanol Olabarria eta Juanjo San Sebastián langileak espetxetik atera ziren unea, 1976ko abuztuan. Beste biak Martxoak... [+]
Asteburu honetan hasiko da Gaztetxeak Bertsotan egitasmo berria, Itsasun, eta zazpi kanporaketa izango ditu Euskal Herriko ondorengo hauetan: Hernanin, Mutrikun, Altsasun, Bilboko 7katun eta Gasteizen. Iragartzeko dago oraindik finala. Sariketa berezia izango da: 24 gaztez... [+]
Martxoaren 8a Getxo bere bizitokian igaro du: kumbia dekolonial eta antiarrazista topaketa antolatu du Algortako Herriko Tabernan, Abianen, Hija del Nopal DJrekin batera.
Argentinatik Getxora migratu zen Celeste Agüero, kantutegi herrikoi batekin eta poesia xuxurlatzeko... [+]
Gaur abiatu da Bizi Baratzea Orrian kide egiteko kanpaina. Urtaro bakoitzean kaleratuko den aldizkari berezi honek Lurrari buruzko jakintza praktikoa eta gaurkotasuneko gaiak jorratuko ditu, formato oso berezian: poster handi bat izango du ardatz eta tolestu ahala beste... [+]
Euskal Herri mailan txikitik handira agroekologia sustatzen duten zenbait elkarte eta kooperatiba ataka larrian daude, finantziazio iturriak bertan behera geratu ostean. Erakunde publikoetatik, berriz, elikadura negozio gisa ikusten duten proiektuen aldeko apustu irmoa nabari... [+]
Katalanen ustetan artzainak engainatzen omen ditu hegazti honek: “enganyapastors”. Espainiar eta latindarrek, aldiz, ahuntzari esnea kentzen diola diote, hortik datorkio hain zuzen ere izen zientifikoan (Caprimulgus europaeus) islatzen den caprimulgus (capra... [+]
Noizbait. Noiz izan ote zen? Noizbait landareren batek lorea egitea erabaki zuen. Bai, bai, landareek ere erabakiak hartzen dituzte, eta guk maiz ez bezala, erabakiak bete egiten dituzte. Eta loreak sortu zituzten.
Iruñean bizi ziren Iñaki Zoko Lamarka eta Andoni Arizkuren Eseberri gazteak, baina familiaren herriarekin, Otsagabiarekin, lotura estua zuten biek betidanik. “Lehen, asteburuetan eta udan etortzen ginen eta duela urte batzuk bizitzera etorri ginen”, dio... [+]
Mugimendu feministak manifestazioak egin ditu goizean Donostian, Gasteizen eta Iruñean eta arratsaldean Baionan eta Bilbon. Oinarrizko irakurketa partekatu dute, eta horri gehitu diote hiri bakoitzean bertako problematika, eragile eta ekimenen erreferentzia.
Bilgune Feministak Heldulekuak argi, Euskal Herria feminista leloa baliatu du M8an, azpimarratzeko feminismoak ematen dituela “datorrenari aurre egiteko tresnak”, eta gogorarazteko faxismoaren gorakadaren testuinguru hau helduleku horretatik irakurri eta borrokatu... [+]
Otsailean bost urte bete dira Iruña-Veleiako epaiketatik, baina oraindik hainbat pasarte ezezagunak dira.
11 urteko gurutze-bidea. Arabako Foru Aldundiak (AFA) kereila jarri zuenetik epaiketa burutzera 11 urte luze pasa ziren. Luzatzen den justizia ez dela justizia, dio... [+]
MAITE: (biharko eguna antolatzen bere buruaren baitan) Jaiki, gosaldu, bazkaria prestatu, arropa garbitu, etxea garbitu, gizon hori jaiki, seme-alabak jaiki, hiru horien gosaria prestatu, haiek agurtu, erosketak egin, lanera joan, seme-alabak eskolatik jaso, merienda eman,... [+]
Josu Estarrona EH Bilduko Arabako senatariak egindako galderari erantzun dio Espainiako Sustapen Ministerioak, eta hor berretsi du Ezkioko aukera zailtasunez beteta dagoela.