Diskoak: orotariko doinuak 82 CDtan
Bekokaletik hasi eta izkinan lehenengoa Agorila diskoetxeko standa. Altzurukuko Pastoralak osatutako "Urruti Jauregiko Pastorala" ekarri digute aurtengoan.
Aus-art Records diskoetxea alboan, jende artean tartetxo bat egin eta Aitor Olea Juaristiren " Euskal Herriko organoak" izena daraman lana ikusteko parada izan dut, ama piano eskolak hartzen hasi berria da eta ikasteko ez zaio batere gaizki etorriko. Baina konturatzerako 2 metro luzeko kankailu bat jarri zait parean eta Metak diskoetxearen standaren aurrean bukatu dut.
Ezker-eskuin begiratu ondoren Sorkun, Kashbadeko abeslaria zenaren lan berria "Onna", Skunk taldearen "Kinki", Betagarri taldearen "Arnasa hartu" eta Xabier Montoia bakarlariaren "Ni ez naiz Xabier Montoia" diskoak aurkitu ditut, besteak beste, erakusmahai gainean. Aukeraketa zaila daukat baina, "Onna" diskoa ere motxilan sartu dut, koadrilako lagun ezkutuari oparia egiteko.
Buelta erdia eman eta hara non Gaztelupeko Hotsak diskoetxearen standa topatu dudan. Oraintxe bertan jendez gainezka dago eta alboan dagoen Elkarreko erakusmahaira joan naiz.
"Lapurdiko koblakariak" izenburua darama Peio eta Pantxoa bikotearen azken lanak. Izenburuak aditzera ematen duen bezala, Lapurdiko kantu zaharren bilduma osatu dute 12 abesti dituen disko honetan. Mixel Ducau musikariaren laguntza izan dute diskoaren grabaketan.
«Nafarroa La Navarre: chants et traditions», «Xiberoa La Soule chants et traditions», Laja eta Mikelen trikiti doinuak... ezin aukeraturik nabil. Baina hara non ikusten dudan Amaraun taldearen disko berria. Jazz doinuak egiten ditu Durango inguruko talde berriak, oboea delarik taldearen musika tresna gidaria.
Bultzaka-bultzaka Gaztelupeko Hotsak diskoetxera itzuli naiz ostera.
Mikel Urdangarin zornotzarraren "Heldu artean" laugarren disko luzea ikusi dut.
Standeko mahaian barrena eskua luzatu eta motxilara sartu aurretik esku artean hartu dut. Hernanin eskaini berri duen kontzertuan izugarri gustatu zitzaidan disko berri honetako abestiek duten alderdi urbanoa.
Ia bi urte isilik egon eta gero, "Maite out" disko berria osatuta agertu da Bide ertzean taldea. Kantura gonbidatzen duten 12 abestiz osatu dute diskoa. Standaren aurrean burua altxa eta Zea Mays taldeak Kirmen Uriberen letretan oinarrituta "Harrobian" lana kaleratu duela ikusi dut. Pettik "Etxeko uzta" lana osatu du. Azokako bozgorailuetan entzuten ari gara oraintxe, «Iraganaren putzua» abestia.
Bekokalen azken bisita Euskal Herriko Trikitixa Elkartearen standean egin dut, aitaren enkarguari erantzunez Rufino Arrola, Txetxu Urrutia eta Eusebio Ruedaren "Rufino Arrola" diskoa eskuratu dut.
Bekokaletik, Barrenkalera noa orain. Gor diskoetxeko erakusmahaian Añorgako Asgarth taldeko kideak ikusten ditut. Aurreko diskoetan bezala heavy doinuak dira nagusi kaleratu berri duten "III" diskoan. Mahaiari erreparatuta berriz, Ekon taldearen "Salatzen dut" eta Jousilouliren "Terrorista" diskoz gainezka dagoela ikusten dut.
Asgartheko kideak ikusita neska gazte koadrila bat etorri da arrapaladan Gor diskoetxeko standera eta batera eta bestera bultzaka hasi eta bat batean Oihukaren standean ikusi dut nire burua.
Idi Bihotz taldearen "Amaigabe berria", Gatiburen "Zoramena" eta Etsaiak taldeko Iñigito gidari duen Txapelpunk taldearen "Bla bla bla bla bla. Stop" lanak daude erakusgai.
Gaurkoan baina ez dut ezer gehiago erosteko gogorik ez dirurik. Azokako zurrunbilotik irten eta urteroko ohitura dudan bezala azoka kanpoan txorixoz beteriko talo bat erosi eta etxerantz noa. Niri dagokidanez bukatu dira aurtengo Durangoko Euskal Liburu eta Disko Azokaren kontuak. Opari bete motxila bizkarrean hartuta agur esan diot karpa erraldoiari, datorren urtean ordea kaixo esanez agurtuko dut azokako erakusmahaiak hartuko dituen eraikin berria
Merino 2001. urtean atxilotu zuten, eta dispertsioa jasan du, zigorraren zati handi bat Euskal Herritik kanpoko kartzelatan igaro baitzuen baldintza “zailetan”. Orain, askatasuna berreskuratu du.
Urte berriaren hasierarekin, hainbat zerbitzu eta produkturen prezioetan igoerak izango dira. Elikagaietan, energia fakturetan, udal-zergetan eta etxebizitza gastuetan garestitze nabariak atzemango dira.
Euskal Herria nazio dela aldarrikatzeko ekitaldia egingo dute Donostiako Kursaalean. Astebeteko ekitaldi sorta izango da.
Euskaltzale eta militante gasteiztarra abenduaren 30ean hil da. Gontzal Fontaneda Orille (1943-2024) 1960ko hamarkadan euskarak Gasteizen egin zuen bidearen lekuko eta bidelagun izan zen. 15 urterekin hasi zen euskara ikasten. Euskara ikasteko metodo bat asmatu zuen eta euskara... [+]
Ander Magallon, Mikel Irure eta Xabier Jauregi Metropoli Forala saioan egon dira maskulinitate berrien inguruan mintzatzen.
Getariako etxebizitza batean egin dio eraso, Segurtasun Sailaren arabera. Emakumea astero joaten zen terapia naturaleko kontsultara, eta Ertzaintza ikertzen ari da ea antzeko ekintzen biktima gehiago dauden.
Media.cat-ek egindako azken ikerketak agerian utzi du emakume kazetariek Katalunian jasaten duten sexu-diskriminazioa. Inkestatutako emakumeen %54,4k sexu-jazarpena jasan dutela eta %55,1ek sexu-generoaren araberako jazarpena izan dutela adierazi dute.
Sexu erasoak 1998an hasi ziren, biktimak 13 urte zituenean. 2003an kluba utzi bazuen ere, emakumeak iaz salatu zituen sexu erasoak, Mario Lopezek taldeko entrenatzaile gisa jarraitzen zuela. Orain 18 urteko espetxe-zigorra eskatzen du akusazioak, fiskaltzak baino lau urte... [+]
Hussam Abu Safiya medikua askatzeko eskatu du Osasunaren Mundu Erakundeak, eta bere aldeko kanpaina ere abiatu dute sareetan. Abu Safiya medikua ez da edonor; nazioartean erreferente bihurtu da, berak zuzentzen zuen ospitalearen aurka egindako erasoak kontatzen zituelako.
Garai aproposa izaten da urteburua iraganeko lorpenak goraipatzeko eta, are gehiago, etorkizuneko asmo-usteak aldarrikatzeko. Eta halatsu da Txinan ere, alafede. Bide batez, ez da harrigarria abenduko azken orduetan, aurreikusitako planari aurrea hartuz, Xinjiangeko Urumqi-Yuli... [+]
Urtezahar gauean petardo, bengala, traka, suziri eta bestelako gailu piroteknikoekin jolasean arituko dira asko eta asko aurten ere, horietako ez gutxi adin txikikoak. Eta errepikatuko dira istripuak, suhiltzaileen esku-hartzeak, eta burrunba gordin sufritzen duten ume, adineko... [+]
Suhiltzaileek beste sute bat itzali behar izan zuten abenduaren 27an Zubietako erraustegian.
Badira, garun distiratsua izanik, "zehaztasun gutxiko" definizioekin, gauza bera, beste era batera esanda, aldatzen eta itxuraldatzen adituak direnak. Berea zen, eta hainbat hamarkadatan errepikatu den proiektu in eternum bat izan da. Hasiera batean hori zen hegemoniko... [+]
Nazioarteko ordainpeko streaming plataformetan, Amazon Prime Video eta Netflix izan ziren lehenak euskarazko edukiak eskaintzen, eta orain Max gehitu zaie (2024 arte HBO edo HBO Max izan dena). Pantailak Euskaraz-ek azpidatziak moldatu ditu, eta EITBk bikoizketak eskaini, eta... [+]