LIBURUAK


2007ko otsailaren 21ean
METAMORFO-SIAK
Ovidio
EREIN
196 orrialde
2.050 pezeta
82 libera


JUAN KRUZ IGERABIDE ETA OVIDIOREN METAMORFOSIAK

Ovidio poeta handiak duela bi mila urte inguru idatzi zituen "Metamorfosiak"en euskarazko bertsioa eskaintzen digu Juan Kruz Igerabidek Erein argitaletxeak Gure Klasikoak sailean kaleratu duen liburu honetan. Nork ez ditu entzun Ikaro, Nartziso, Pigmalion eta abarren kontuak? Nola ahantz, Orfeo kantari paregabearen eta Euridizeren arteko maitasuna? Izan ere, Ovidioren "Metamorfosiak" Mendebaleko kulturaren muina da, mundu klasikoaren mitologia eta orduko jendeak munduaz zuen ikuspegia geuregana hurbiltzen duten istorioak. Munduaren sorreratik bere garairaino hedatzen ditu denboran Ovidiok "Metamorfosiak", hau da, munduaren historia osoa hartzen du oinarri gisa bere narrazioak kokatzeko. Batzuetan heroikoak, beste batzuetan idilikoak, edota elegiakoak eta baita didaktikoak ere badiren istorio horiek. Dena den, Ovidioren lanak badu batasunik, itxura aldaketa, amodioa eta jainkoen zigorra edo saria bezalako oinarrizko gai batzuen inguruan eraikia baitago. Juan kruz Igerabidek egin duen bertsioa hamabost liburutan banaturik dago. "Ovidioren itzala" izenburua duen hitzaurrearekin ematen dio hasiera, eta "Mitologia hiztegi laburra"rekin amaitu.

XALBADORREN BARRUA
Joxe Mari Aranalde
AUSPOA
200 orrialde
2.000 pezeta
80 libera


XALBADORREN PENTSAMENDU ETA SENTIMENDUAZ

Ofizioz apaiz eta afizioz euskalzale, idazle eta bertsozalea den Joxe Mari Aranaldek honekin hiru liburu baditu idatziak eta "Odolaren mintzoa"ren egilea eta Urepeleko artzaina zen Fernando Aire "Xalbador" gaitzat harturik: "Xalbador pertsularia" izan zen lehena, non plazarik-plaza zebilen bertsolaria agertzen zuen. Gero, haurrei espreski zuzendua zegoen "Xalbador" hura idatzi zuen. Oraingoak, berriz, "Xalbador pertsularia"ren osagarri izan nahi du. "Xalbadorren barrua" du izenburutzat, eta bertan, Xalbador osokoago bat erakutsi nahi du Joxe Mari Aranaldek. Horretarako, "Odolaren mintzoan" hark egindako adierazpenak gaitzat hartuz eta bere omenaldi egunean betirako joan zitzaigun Xalbador handiaren sentimendu eta pentsamenduen inguruan egiten du gogoeta.

EUSKAL MITO-ERRITOAK ETA EUSKARA
Felix Zubiaga
IBAIZABAL
207 orrialde


FELIX ZUBIAGA, EUSKALDUNON SEKRETUEZ GALDEZKA

Euskarak euskaldunon sekretu guztiak omen dakizki, eta gure hizkuntzari horiexez galdetzera ausartu da Felix Zubiaga, Ibaizabal argitaletxeak plazaratzen duen "Euskal mito-erritoak eta euskara" ikerketan. Bere iritziz, sinboloez jabetu, mitoak ezagutu, erritoak ospatu egiten ditugu; erritoen azala ezaguna da, horretaz, baina haien edukin diren sinboloak eta mitoak ez dira hain ezagunak XXI. mendeko jendearentzat. Euskara ez delako gure etnografia eta antropologiaren bereiztasun soila, euskal gizartea eta antropologia antolatu eta gidatu dituen erritoaren bihotza baizik. Felix Zubiagarentzat, gure mito eta erritoak Sortalde Hurbileko Neolitikoan dute sorrera, eta gure hizkuntzak hangoenekin dauka lehengusutasuna. Ondorioz, euskalduna ez da umezurtza, bere arketipoak orokorrak eta unibertsalak direlako.

EUSKAL ALFABETOA IRUDITAN
Lontxo Yriarte
GATUZAIN
30 orrialde
1.700 pezeta
70 libera


ETXEKO TXIKIENAK LETRAK ALAI IKAS DITZATEN

Edozein idazlanaren mamiaz jabetzeko, irakurtzen jakin beharra dago derrigor. Eta horretarako, aurretik idazlanaren alfabetoko zeinu eta letrak ondo bereizten ikasi beharra. Bada eginkizun hori joko alaia bilakatuko duen liburua plazaratu du oraingoan Gatuzain argitaletxeak, "Euskal alfabetoa iruditan" izenburua duen ipuin moduko hau. Lontxo Yriartek egindako marrazki politez horniturik agertzen dira letra guzti-guztiak. Adibidez, "A" letra ikasteko, astoa, hark daramatzan abarkak eta astotxo horren kopetako ile luzea mozteko aproposak diren aixturrak (alegia guraizeak edota artaziak) erakusten ditu. "B" ikasteko, basajauna, basurdea eta basoa. "D" larriaz jabetzeko, dinosaurioak, ditareak eta danborrada izango dituzte haurrek lagun, eta "d" arrunta nolakoa den sumatzeko Andde, Maddi eta onddo eder potolo bat...

EMAKUMEAK EUSKAL HERRIAN (ERRESISTEN-TZIAK ETA HAUSTURAK)
Teresa del Valle
GAIAK
140 orrialde
1.900 pzta./76 lib.


TERESA DEL VALLE EGUNGO EMAKUMEA AZTERTZEN

Bost kapitulutan banatu du Teresa del Vallek Gaiak argitaletxearen eskutik kaleratu duen "Emakumeak Euskal Herrian. (Erresistentziak eta hausturak)" izenburua duen bere lan hau. Antropologia ikuspegitik egina dago, eta laburbilduz, lehenengo kapituluan, iraganeko oztopo eta mugak gaindituz emakumearentzat egon diren aldaketen zertzeladak azaltzen dira. Bigarrengoan, lehen ia-ia debekatuak zituzten ofizio, lanbide eta erakundeetan emakumeak sartu ondoren egon diren aldaketak aztertzen ditu. Hirugarrengoan, emakumeak elkartzeak dituen onuraz dihardu Teresa del Valle. Laugarrengoan, mugimendu feministaren ezaugarriez eta Euskal Herrian hark izan duen bilakaeraz. Bosgarrengoan, emakumeak eta boterea ditu aztergai. Eta amaitzeko, guztiaren inguruko gogoeta orokorra eskaintzen du.

GURE JAKINTZAREN MUGAK
Roman Garmendia
DAKIT
76 orrialde
650 pezeta
26 libera


ROMAN GARMENDIA FILOSOFIAZALEAREN GOGOETAK

Filosofiazalea omen da Roman Garmendia, Dakit argitaletxearen bidez "Gure jakintzaren mugak" gogoeta idazlana plazaratu duen medikuntzan lizentziatutako soraluztarra. Eta liburua osatzen buru-belarri iragan duen denboran, estoikoen modura ibili dela dio, bere gogoetak ahalik eta askatasun handienaz adierazten, irakurleek nola har ditzaketen kontuan izan gabe. Izan ere, Roman Garmendiaren helburua bere filosofia, hau da, mundu honetaz duen ikuspegia poliki-poliki azaltzea da, horretarako aspaldiko gai bat jorratu duelarik: ea posible den mundu materialaz zientziarik egitea. Berak posible ikusten du, baina ezinezko deritzo hori unibertsal bihurtzea. Horregatik, unibertsal ez den kultura klasikoa (eta horren barnean sortzen den gerraren fenomenoa) ikertu eta gainditzeko aukera irekitzen saiatzen da bere lanean.

THAILANDIAKO NOODLE
IZUGARRIAK
Javi Cillero
ALBERDANIA
69 orrialde
1.600 pezeta
64 libera


ITSAS ABENTURA BAT BILBON BARRENA

Irakurle gaztetxoei zuzendurik dago Javi Cillerok Alberdania argitaletxearen bidez aurkezten duen "Thailandiako noodle izugarriak". Noodle delakoak, Thailandian oso estimatuak dira, fideo eta espagetien arteko neurria duen pasta-edo izanik. Ipuineko protagonista Bilbon bizi den neskato thailandiarra da. Noodleak egiteko gogoz dago, eta nahiz amatxok errepikaturik dion horiek prestatzeko oraindik gaztetxoegia dela, hark gorderik duen errezeta bat gaizki erabili eta uholde berezia sortuko du Bizkaiko hiriburuan: kale guztiak noodlez gainezka utziko ditu. Estu eta larri dugu neskatoa horren aurrean, jakina. Eskerrak lagunik ez zaion faltako, dena bere onera ekartzeko orduan! Javi Cilleroren liburuak badu beste berezitasun atsegingarririk ere, narrazioan Thailandiako sukaldaritzako errezetak tartekatzen baitira.


Azkenak
Berwick eta gu

Beharbada ez duzu jakingo nor den Donald Berwick, edo zergaitik aipatzen dudan artikuluaren izenburuan. Gauza bera gertatzen zaie, agerikoa da, abian den Osasun Itunean parte hartzen ari diren gehienei. Ez dakite zer den Berwicken Helburu Hirukoitza, are gutxiago eredu hau... [+]


Zerbitzu publikoak: motozerrari bidea erraztu ala basoa garbitu?

Aurreko egunetan Larraitz Ugarte abokatuak idatzitako La motosierra puede ser tentadora artikuluak zeresan handia eman du sektore zabal batean. Administrazio publikoaren barruan ohikoak diren egoera batzuk mahai gainean jartzen ditu, tartean efizientzia falta, ardura eta kontrol... [+]


2025-04-16 | Haritz Arabaolaza
Hizkuntza

Garrantzitsua al da hizkuntza bat zuzen erabiltzea? Zer puntutaraino da hain beharrezkoa gramatika menderatzea edo hiztegi zabal bat edukitzea? Betidanik entzun izan ohi dut hizkuntzaren garrantzia, baina pentsatzen jarri ostean, ondorio batera iritsi naiz. Pentsatzeak askotan... [+]


Leku ‘kuttunak’

Aspaldian bisitatzen ez nuen eta hainbertze gustatzen zitzaidan leku batera joan nintzen aurrekoan. Bertan nengoela, gustura sentitu nintzen eta zera pentsatu nuen: hau da nire leku kuttuna. Kuttuna, kuttuna, kuttuna; hitza jira eta biraka etxerako bidean. Kuriositateak jota... [+]


2025-04-16 | Rober Gutiérrez
Trebetasunak

Nerabeek eta gazteek, ibilbide akademikoan zehar, behin baino gehiagotan jasoko dute lagungarria izango zaien ikasketetarako edo-eta lanbiderako orientabidea. Gidaritza eskaini behar zaie, zalantzez beterik egon ohi baitira erabaki garrantzitsuak hartu behar dituzten bakoitzean,... [+]


2025-04-16 | Euskal Irratiak
Mikel Epaltza
“Nire etxea utzi nuen ETAk nazioarteko begiraleen esku armak utz zitzan”

Atxik Berrituz giristino taldeak Kristauak Euskal Herriko bake prozesuan liburua argitaratu du Maiatz argitaletxearekin. Giristinoek euskal bake prozesuan zer nolako engaiamendua ukan duten irakur daiteke, lekukotasunen bidez.


Ertzaintza handitu eta 8.000 polizia nahi ditu Jaurlaritzak 2030erako

Ertzaintzarekin bigarren negoziazio mahaia ireki du Bigen Zupiriak, martxoan ERNE, ESAN eta SIPErekin ertzainei urteko soldata gutxienez 4.200 euro igotzea adostu ostean. Agente kopurua areagotzeko plan horretan Arkautiko (Araba) akademiak "berebiziko... [+]


Iñaki Bakero (Erriberan Euskaraz)
“Batzuek ez gaituzte hemen nahi, baina bagaude”

Maiatzaren 17an Erriberako lehenengo Euskararen Eguna eginen da Arguedasen, sortu berri den eta eskualdeko hamaika elkarte eta eragile biltzen dituen Erriberan Euskaraz sareak antolatuta


Aguraingo Udalak atzera bota du 50.000 plaka fotovoltaiko instalatzeko proiektua

EH Bilduk aurkeztutako mozioa onartu dute osoko bilkuran. Udalak egitasmoa sustatzen duen enpresari, Cañaveras Solarri eskatu dio proiektuak ez ditzala hartu balio estrategiko handiko gisa kalifikatutako nekazaritza lurrak, eta gune populatuetatik gutxienez 500 metroko... [+]


2025-04-16 | Sustatu
Bi hilabete igaro dira eta berdin gaude: IP blokeoak dozenaka euskal webguneren kontra futbola dagoenean

Duela egun batzuk iragarri zuen Puntueu-ek La Ligaren blokeoak euskal domeinuei eragiten dien kaltea monitorizatuko zuela. Asteburu honetan izan dira partiduak, hain zuzen, eta monitorizazioaren datuak hor daude, penagarriak dira.


Eguneraketa berriak daude