AURTEN ZERGADUN GEHIAGOK EGIN BEHARKO DU ERRENTA AITORPENA
- Iazko emaitzak ikusita, aurten errenta aitorpena egin behar izateko muga 5 milioi pezetatik 3 milioi pezetara jaitsi dute EAEko foru aldundiek. Araban eta Gipuzkoan aste honetan hasi da kanpaina eta maiatzean Bizkaian eta Nafarroan zabalduko da epea.
PFEZen arauetan egindako aldaketen ondorioz, aurreko urteetan baino askoz hiritar gehiagok egin beharko du zerga aitorpena, aitorpena egiteko gutxieneko muga 5 milioi pezetatik (200.000 libera) 3 milioi pezetara (120.000 libera) jaitsi delako, nahiz eta etxebizitzari ematen zaion tratamendua lehen baino hobea den. Neurri honek izango duen eragina, aldundi bakoitzak egindako aurreikuspenen araberakoa izango da. Araban, agudoen ibili den aldundia izanik, aldaketa hori dela medio 9.560 arabar gehiagok egin beharko du aitorpena. Arabako PPren gobernuak dioenez, iaz 10.000 zergadun galdu ziren. Eta Araban horrela gertatu baldin bazen, erraz jakin daiteke, proportzionalki, zer gertatu zen gainerako euskal herrialdeetan. Hala ere, Bizkaiko Aldundiak aurreikusten duenez, 1999an izandako 486.772 aitorpenen antzeko kopurua izango da. Arabako kasuan, uste denez, apirilean bertan 5.053 milioi pezeta itzuliko dira, eta urte amaierarako 9.633 milioi pezeta izango dira itzuliko direnak, hau da 1999an baino %4,7 gehiago.
1999ko kanpainan, itzuli beharreko aitorpenen kopurua ez jaisteaz gainera, igo egin zen, eta 13.000 aitorpen gehiago izan ziren dirua itzuli beharrekoak. Guztira, era honetako 392.530 aitorpen izanik, 50.000 milioi pezeta inguru itzuli ziren. Aldiz, ordaintzea egokitzen zitzaien zergadunen aitorpenak 48.000 gutxiago izan ziren; hala 92.242 aitorpen egin ziren eta 25.000 milioi pezeta bildu ziren. 1999ko kanpainan 486.772 aitorpen izapidetu ziren, eta aurreko urtean 526.340. Beraz, 40.000 aitorpen gutxiago egin izanak ez ditu, inolaz ere, aurreikusitako helburuak bete.
Gipuzkoan 307.473 aitorpen egin ziren, eta horietako 220.560 dirua itzultzeko eskubidea zutenek eginak izan ziren, eta guztira 26.989 milioi pezeta itzuli ziren. Ordaindu behar zutenenak, berriz, 85.621 izan ziren eta 14.244 milioi pezeta ordaindu zizkioten Ogasunari. Bizkaian, 486.772 aitorpenetatik 378.787 dirua itzuli beharrekoak izan ziren, guztira 47.972 milioi pezeta. Ordaindu behar izan zutenen aitorpenak 94.242 izan ziren, eta 22.026 milioi pezeta ordaindu zizkioten Ogasunari. Horregatik, aurtengo kanpainan 3 milioitik gorako diru sarrerak dituztenek ere aitorpena egin beharko dute.
Bizkaian, pentsio planetan egiten diren ekarpenak lortzen duten zerga murrizpenaren muga lan errendimenduekin eta jarduera profesionalekin lortutakoaren %25ean dago, gehienez 1.300.000 pezetara iritsiz. Ezkontideek, 1,2 milioi pezetatik beherako diru sarrerak edo errentak baldin badituzte, oinarri zergagarritik kentzeko aukerarekin, gehienez ere, 400.000 pezeta jarri ditzakete pentsio plan batean. Bizkaitik kanpora, ekarpenen muga 1,2 milioi pezetakoa da, eta ezkontideen kasuan 300.000 pezetakoa.
52 urtetik gorakoen pentsio-planetarako ekarpenek malgutasun handiagoa izango dute. Horrela, zergadunek beste 100.000 pezetako kenketa egin dezakete 52 urtetik gorako urte bakoitzeko, lan errendimenduen %40ko edo 2,6 milioi pezetako gehienezko mugekin. Bizkaitik kanpora muga hori 2,5 milioi pezetakoa da.
Minusbaliotasunen bat duten pertsonek pentsio planetarako ekarpenak 2,6 milioi pezetako mugaraino gehitu ditzakete eta Bizkaitik kanpora muga hori 2.500.000 milioi pezetakoa da.
Ondare gehikuntzetan gaur egun Bizkaian indarrean dagoen legeria utzi da, eta horrek esan nahi du bi urtetik gora edukitako ondasunen eskualdaketa bidez lortutako gainbalioentzat %20a utziko dela grabamen tasa gisa. Araban, Gipuzkoan eta Nafarroan, Espainiako Estatuaren gainerakoan bezalaxe, %18a izango da gainbalioengatik ordaindu beharrekoa, hau da Bizkaian baino 2 puntu gutxiago.
Ondarearen gaineko zerga ordaintzera beharturik dauden zergadunen etxebizitza salbuetsirik geratuko da Bizkaian, gutxienez bere balioaren lehenengo 30 milioi pezetetan. Orain arte, etxebizitza horien balioa erabat sartzen zen zergaren oinarri zergagarrian, eta orain hori nabarmen murriztuko da. Hegoaldeko gainerako herrialdeetan muga hori 25 milioi pezetakoa da.
Ogasunak lortzen duen diru kopuru hori atal bat baino gehiagoren bidez biltzen du. PFEZen atalean 422.692 milioi pezeta bildu ziren, eta hortik 214.425 milioi pezeta Bizkaiari dagozkio, 140.349 Gipuzkoari eta beste 67.918 Arabari. Sozietateen gaineko zergaren atalean 150.619 milioi pezeta bildu ziren, 77.502 Bizkaian, 46.403 Gipuzkoan eta gainerako 26.714 Araban. Eta guztien artean ekarpenik handiena BEZari dagokio, guztira 464.447 milioi pezetako ekarpena egin baitzuen, hortik 233.456 Bizkaian bildu zen, 152.814 Gipuzkoan eta beste 78.176 milioi pezeta Araban. Diru sarreren beste ataletako bat fabrikazioaren zerga bereziena da, eta hor 173.974 milioi pezeta bildu ziren. Bizkaian 89.284 milioi pezeta bildu ziren guztira, Gipuzkoan 56.924 eta Araban 27.766. Azkenik, "gainerako zergak" delako beste atal bat dago. Atal horretan 126.081 milioi pezeta biltzen dira; hurrenez hurren, Bizkaian 76.201, Gipuzkoan 35.511 eta Araban 14.369.
Aurreko datu horien arabera ikus dezakegunez, Eusko Jaurlaritzari emandako 100 pezetatik, 51,76 Bizkaiko Foru Aldunditik datoz, 32,72 Gipuzkoakotik eta 15,96 Arabako Foru Aldunditik. Horren arabera, 1999. urteko zenbakiekin alderaketa bat egingo bagenu, Arabaren ekarpena 0,32 puntu igo da, Gipuzkoarena 0,12 eta Bizkaiarena, aldiz, 0,44 puntu jaitsi da.
Ekarpenen igoera horrek gauza bat esan nahi du Eusko Jaurlaritzako arduradunentzat: ekonomia ondo joan da, batzuentzat besteentzat baino hobeto joan bada ere.
Gauzak horrela, Gipuzkoan diru bilketak beste herrialdeetan baino igoera ahulago izan duenez, EAE dagoen Elkartasun Fondoak 1.707 milioi pezeta eman dizkio Gipuzkoari. Fondo hori sortu zenetik, orain arteko urte guztietan Bizkaia izan da fondo hori jaso duena. Horrek, besteak beste, garbi erakusten du azken urteetan hainbeste enpresaren suntsipena eta birmoldaketa jasan behar izan duen Bizkaiko herrialdea hobetzen joan dela urtez urte.
Hain zuzen ere, gizarte soldataren aldeko borrokan ari direnen ustetan, zergen iruzur honi aurre eginez lortuko litzateke, batetik gizarte soldata duin bat ahalbidetzea eta, bestetik, enplegua sortzeko baliabideak lortzea eta, horrela, gizarte soldataren premia murriztea. Horretarako ezinbestekoa da, noski, iruzurrari zorrotz aurre egitea eta lortzen dena helburu horretarako xedatzeko borondatea izatea.
Hain zuzen ere, gizarte soldataren aldeko borrokan ari direnen ustetan, zergen iruzur honi aurre eginez lortuko litzateke, batetik gizarte soldata duin bat ahalbidetzea eta, bestetik, enplegua sortzeko baliabideak lortzea eta, horrela, gizarte soldataren premia murriztea. Horretarako ezinbestekoa da, noski, iruzurrari zorrotz aurre egitea eta lortzen dena helburu horretarako xedatzeko borondatea izatea.
Botere sindikalaren inguruko bigarren azterlana argitaratu du Ipar Hegoa fundazioak. 2016an argitaratu zuen lehena eta, beraz, orain 2016 eta 2023 arteko eboluzioa ikus daiteke. Ondorio nagusien berri emateko prentsa agerraldia egin dute ostiral honetan LABeko koordinatzaile... [+]
Burlatan, Nafarroan, bi familia euren etxeetatik kaleratuak izateko arriskuan daude. Iruñerriko Etxebizitza Sindikatu Sozialistak azaldu duenez, familia bat putre-funts batek bota nahi du, alokairu kontratua berritzea ukatu diolako; beste familia, berriz, etxejabeak bota... [+]
WordPress-en formularioak sortzeko Ninja Forms pluginaren euskaratzea utzita zegoela ikusita, Iametzak bere gain hartu du itzulpena eguneratzeko lana.
Urte berria hasi dugu, baina etxebizitza arazo oso potoloa bihurtu zaigula aspaldi honetan, hori ez da berria. Hala ere, azkenaldian zabaldu diren datuak ikusita, 2025a mugarri bat markatzekotan dela esan daiteke, eta iragar ezinak diren ondorio sozial eta politikoak antzeman... [+]
Joan den asteartean, hilaren 31n, Boli Kostako presidente Alassane Ouattarak iragarri zuen bertan behera utziko zituela Frantziarekiko harreman militarrak. Horren ondorioz, datozen asteetan 1.000 bat soldadu frantses atera beharko dira herrialdetik.
.jpg)
Espainiako Estatistika Institutuak erreferentziazko indize berria argitaratu du urtarrilaren 2an. Horren arabera, alokairuen prezioak gehienez %2,2 garestitu ahalko dira urtean. Indize hau 2023ko maiatzaren 25ean indarrean sartu zen Etxebizitza Legearen ondorio da, eta data... [+]
Hiru funtzionariok jipoitu zuten Robert Brooks, eskuak bizkarrera lotuta zituela. Hurrengo egunean hil zen, eta autopsiak dio asfixia izan zela heriotzaren kausa.
Gipuzkoako Fiskaltzaren ustez, 40 urteko irakasle hondarribiarrak 9 eta 17 urte arteko hamaika adin txikikori sexu gehiegikeriak egin zizkien 2011 eta 2021 urte artean. 2021ean kartzelatu zuten, bere sei ikaslek salaketa jarri eta gero.
Askok espero zuen moduan, Nazioarteko Pilota Federazioak Euskadikoa onartu ostean eskubide osoko kide gisa, Espainiako kirol-erakunde, alderdi politiko edota hedabideek erabakiaren aurkako oldarraldia hasi dute, nork beretik presioa eginez. Ostegunean, Espainiako Pilota... [+]
Baionako eta Donostiako epaitegiak margotu ostean, ostegun gauean Eibarko epaitegian pintaketa egin dute zenbait ekintzailek. "Oldarraldia gelditu" idatzi dute eta pintura berdea jaurti diote eraikinari. Abenduan, CCOO sindikatuaren egoitza ugari margotu dituzte, baita... [+]
FERMIN MUGURUZA 40. URTEURRENA
Noiz: abenduaren 21ean.
Non: Bilbo Arenan.
-------------------------------------------
Urtero janzten da festa giroz Bilbo abenduaren 21ean. Sagardoa eta taloa protagonista, San Tomas eguneko azoka eguna da. Aurten, gainera,... [+]
NASAren Parker zunda 6,1 milioi kilometroko distantziara arte gerturatu da Eguzkiaren azalera, bere misioaren lehen gerturatzean. Hala, Eguzkitik inoizko gertuen egon den objeku artifiziala bilakatu da. 692.000 kilometro orduko abiaduran igaro da, eta jasotako datuak funtsezkoak... [+]
Goldatz talde feministak antolatua, ortziralean, urtarrilaren 3an, Jantzari dokumentala proiektatuko dute Beralandetan (17:30ean) eta biharamunean, urtarrilaren 4an, Berako bestetako tradizioak aztergai izanen dituzte Maggie Bullen antropologoarekin leku berean (10:30).