ATUN ONTZIAREN METAMORFOSIA
- Atunetarako erabilitako itsasontzi bat eraberritzen ari dira Bermeoko ontziola batean. Helburua eskola untzi bat sortzea da; lehorreko jendeari, gazteei, gutxitu fisikoei eta itsasoaren inguruko ikasketak egiten ari direnei itsasoa hobeto ezagutzeko aukera eskainiz.
Aula del Mar elkartea da egitasmo honen bultzatzailea. Espainiako Estatu mailako elkarte honek izaera kulturala, soziala eta hezkuntza mailakoa du, Pedro Prieto fundatzaileak dioenez. 1999an, itsas ingeniari honek lanbide bereko José María Domingorekin sortu zuen Aula del Mar, diru irabazi asmorik gabeko elkartea. Itsas kulturarekiko komunean zuten miresmena zabaldu nahi zuten elkartearen sorrerarekin, "itsasoa eta nabegazioarekiko zaletasuna bultzatzea da gure helburua", azaltzen du Prietok. Egun, ia 130 pertsonak osatzen dute elkartea, horietatik 20 itsas ingeniariak.
Itsasoaren inguruko kulturaren zabalkunde asmo horretan, batez ere barnekaldeko biztanleak, gazteak, gutxitu fisikoak, adinduak eta errekurtso ekonomiko urriko pertsonak planteatu dituzte beraien egitasmoaren hartzailetzat. Bestalde, nautika, itsas ingeniaritza, itsas biologia eta oro har, itsasoarekin zer ikusia duten ikasketak burutzen ari diren ikasleengana iritsi nahi dute, praktikak egiteko aukera eskaini, alegia. Ildo horretan, akordioak adostu nahi dituzte zentru akademikoekin, irakasten duten materiarekin erlazioa duten gaietan sakontzeko aukera izan dezaten.
Aipaturiko helburu horiek guztiek betetzeko, Aula del Mar elkartearen proiektu nagusia Gure Zita arrantzontziaren transformazioa da eta horretan dihardute Bermeoko Astilleros de Bermeo ontzi oletan. "Sinplea da, itsasorekin zer ikusia duen oro jendeari helarazi nahi baldin badiogu, egokiena jendea bertara eramatea da", dio Prietok. Itsaso zabalera gerturatze hori Gure Zitaren bitartez egingo dutela gauza nabaria den arren, oraindik ez dute ordea zehaztu zenbatekoa izango den era horretako bidaia edo txango baten prezioa.
Proiektu hau martxan jartzerakoan, Pedro Prieto eta José María Domingok Erresuma Batuko esperientzia hartu dute erreferentzia gisa. Izan ere, bertan daude mundu mailan gutxitu fisikoei egokitutako ontzi eskola biak, Gure Zita prest egon bitartean behinik-behin, orduan hirugarrena gehituko baitzaie. Lord Nelson du izena ontzi eskola horietako batek eta 1986an ureratu ostean 14.000 lagun baino gehiagok nabigatu du bertan. Guzti horietatik 6.000 inguruk gutxitasunen bat zuen eta 2.200 bat gurpildun aulkian zebilen.
Gure Zitara bueltatuz, atun ontzi honek hasiera batean aurreikusitako lanak bukatu zituenean, Emilio Salaberria armadoreak desguazatzeko asmoa agertu zuen, europar jatorriko diru laguntzak eskuratzeko. Dena dela, legeriaren aldaketa batek erraztu egin omen zuen Aula del Mar elkarteari lagatzea atun ontzia.
Prozesu guztiaren ondoren, gabon bueltan ureratzen denean, Mendietak esanikoaren arabera 120 milioi pezeta inguruko inbertsioa egina izango du Aula del Mar erakundeak. Eraldaketa lanek sorturiko kostuak, elkarteko kideek ordainduriko kuotekin ordaintzeko asmoa dute.
Formazio akademikoa hartu eta itsasoarekiko harremana sendotu nahian dabilen jendeaz aparte, nabigazioak eskatzen duen "talde lana" ere mintzabide du Pedro Prietok, Gure Zitak emaniko eskaintzaren beste berezitasun bat bezala. "Belaontzi batean nabigatzea benetako abentura da, ez dago aspertzeko betarik eta beste alde batetik, oso esperientzia praktikoa izan daiteke. Pertsonen arteko erlazioan sakontzeko eta talde lana hobetzeko tresna bilakatu daiteke era honetako barku baten aste bete pasatzea", ziurtatzen du ingeniariak.
Aurrera eramango dituzten lanen artean, Pedro Prietok bereizketa egin du uda eta neguaren artean, Gure Zitak egingo duen ibilbidearen berri ematerako orduan. Horrela, bada, udan Europako iparraldea eta Mediterraneoko urak zeharkatuko ditu ontzi eskolak, itsasoarekin erlazioa duten bilkura eta jaialdietan parte hartzeko intentzioarekin. Neguan, aldiz, Kanariar irlak, Karibea eta Hego Amerikako portuak izango dituzte helmuga. Amerikar kontinentera eginiko bidaiak aprobetxatuz "Gobernuz Kanpoko Erakundeekin kolaboratuko dugu negu partean" dio Prietok, "materiala garraiatzeko aukera eskainiz".
Diru iturri propioez gain, elkarteko bazkideek ordaindutako kuotak eta Gure Zitaren autofinantziazio maila, irabazi asmorik gabeko elkartea den heinean Aula del Mar elkarteak instituzio publikoen eta erakunde pribatuen ateak jotzeko asmoa duela adierazi du Prietok. Bien bitartean, Bermeon lanean dabiltza, 30 urteko Gure Zita ontzi eskola bilakatu dadin.
Mugimendu feministak manifestazioak egin ditu goizean Donostian, Gasteizen eta Iruñean eta arratsaldean Baionan eta Bilbon. Oinarrizko irakurketa partekatu dute, eta horri gehitu diote hiri bakoitzean bertako problematika, eragile eta ekimenen erreferentzia.
Bilgune Feministak Heldulekuak argi, Euskal Herria feminista leloa baliatu du M8an, azpimarratzeko feminismoak ematen dituela “datorrenari aurre egiteko tresnak”, eta gogorarazteko faxismoaren gorakadaren testuinguru hau helduleku horretatik irakurri eta borrokatu... [+]
Otsailean bost urte bete dira Iruña-Veleiako epaiketatik, baina oraindik hainbat pasarte ezezagunak dira.
11 urteko gurutze-bidea. Arabako Foru Aldundiak (AFA) kereila jarri zuenetik epaiketa burutzera 11 urte luze pasa ziren. Luzatzen den justizia ez dela justizia, dio... [+]
MAITE: (biharko eguna antolatzen bere buruaren baitan) Jaiki, gosaldu, bazkaria prestatu, arropa garbitu, etxea garbitu, gizon hori jaiki, seme-alabak jaiki, hiru horien gosaria prestatu, haiek agurtu, erosketak egin, lanera joan, seme-alabak eskolatik jaso, merienda eman,... [+]
Josu Estarrona EH Bilduko Arabako senatariak egindako galderari erantzun dio Espainiako Sustapen Ministerioak, eta hor berretsi du Ezkioko aukera zailtasunez beteta dagoela.
Matxismoa normalizatzen ari da, eskuin muturreko alderdien nahiz sare sozialetako pertsonaien eskutik, ideia matxistak zabaltzen eta egonkortzen ari baitira gizarte osoan. Egoera larria da, eta are larriagoa izan daiteke, ideia zein jarrera matxistei eta erreakzionarioei ateak... [+]
“Askatasunaren” izenean, ikastetxean zein oinarrizko hizkuntza nahi duten galdetu diete guraso valentziarrei. Helburua katalana zokoratzea zen. PPren eta Voxen gobernuak ez du lortu. 33 eskualdeetatik 22tan katalana gailendu da. Emaitzarekin oso pozik agertu dira... [+]
Europar Kontseiluak onartu du Ursula Von der Leyenek gastu militarrean proposatu duen 800.000 milioi euroko gastuarekin aurrera egitea. Horretarako bi arrazoi nagusi argudiatu ditu: Errusiari aurrea egitea eta Europar Batasunak aurrerantzean bere burua AEBen babes militarrik... [+]
Gizakunde (Inauteriak)
Noiz: otsailaren 15ean.
Non: Arizkun eta Erratzun. plazan.
------------------------------------------------
Amaitu dira inauteriak, sutan erre ditugu gaiztoak, gaizkiak, sardinak eta panpinak. Baina xomorroak esnatu dira eta badator... [+]
Festa egiteko musika eta kontzertu eskaintza ez ezik, erakusketak, hitzaldiak, zine eta antzerki ikuskizunak eta zientoka ekintza kultural antolatu dituzte eragile ugarik Martxoaren 8aren bueltarako. Artikulu honetan, bilduma moduan, zokorrak gisa miatuko ditugu Euskal Herriko... [+]
Soco Lizarraga mediku eta Nafarroako Duintasunez Hiltzeko Eskubidea elkarteko kidearen ustez bizi testamentuak heriotza duin bat eskaini eta familiari gauzak errazten dizkio.
Karmela espazio autogestionastuan egingo ditu, eta Euskal Herriko zein nazioarteko gonbidatuak egongo dira bertan. "Koiuntura analisi orokorretik abiatu eta Euskal Herriko borroka internazionalistaren gakoetarainoko bidea" egingo dutela adierazi du Askapenak... [+]