SOSAK BAIONAKO ERAIKIN BERRIARENTZAT
- Baionako AEK-k lau urte daramatza euskaltegia kokatzeko egoitzaren bila. Baionako euskaltegiko 260 ikasle eta 15 bat irakaslek orain badakite eraikin berria jasotzeko dirua Korrika 12ren eskutik helduko dela. Egoitza 2002. edo 2003. urtean eraikiko da.
Tokian tokiko AEKideek beren arrenkurak dituzte alabaina, eta Baionako euskaltzaleek bereak prefosta. Aspalditxo honetan, euskaltzale baionesen nahi eta beharretako bat egoitza berri bat apailatzea da. Izan ere, azken lau urteotan bereziki, Baionako AEKideak egoitza egoki eta duin baten xerka ari dira baitezpada.
Hastapen batean egoitza berria antolatzeko etxe bat bilatu zuten Baionako Herriko Etxearen bitartez. Ahalegin franko eta hainbat eskaera burutu ondoren Baionako Herriko Etxeak bere laguntza asmoa azaldu zion AEKri eta hainbat proposamen eskaini ere. Alta, etxea bera edo etxearen kokapena egokia ez zirelako, han-hemenka eta molde ezberdinetara saiatu izan arren AEKideek ez zuten lortu behar zuten etxebizitza bereganatzea eta bertan behera utzi behar zuten udalaren eskaintza.
Herriko Etxearekin landu bideak emaitzarik ekarri ez zuenez, azkenean, Baionako AEK-k bere kasa etxebezitza bat bilatzea deliberatu zuen. AEK-ko Batzorde Nazionalari aurkeztu zion bere proposamena eta, honek baietza eman eta euskaltegi berria eratzeko etxe baten xerka ibili ondoren, joan den urrian etxe bat erostea lortu zuten Baiona Ttipiko Marengo karrikan; Euskal Erakustokitik hurbil. AEK-ko kideen erranetan etxebizitza hau arras egokia da egin nahi duten euskaltegia apailatzeko. Nolanahi ere, lehen aurrekontua baino ez dute egin orainokoan. Etxea erosi ondoren arkitekto bat kontratatu dute proiektua gauzatu ahal izateko. Gastuak ez dira tipiak izanen inondik ere.
Erosi duten etxe berriak hiru solairu ditu eta solairu bakoitza funtzio ezberdinetarako erabili nahi dute. Euskal Herriko beste hiriburuetan ireki izan diren antzerako egoitza eraikitzea xede daukate baionesek; Bilboko AEKren Kalderapeko egoitza, kasu. Lehen solairuan egoitza soziala egokituko litzateke. Harrera gelak eta ostatu edo jatetxea irekitzearen posibilitatea aztertzen ari dira oraindik ere. Bigarrenean, euskaltegi bera litzateke. Eta hirugarrenean, Iparraldeko AEKren egoitza. Iparraldeko gau-eskola guztiak Baionan koordinatzen baitira.
Kontatutako honekin guztiarekin azpimarratu beharreko berria honako hauxe da: AEK-ko Batzorde Nazionalak hamabigarren Korrika ekitaldiaren karietara bilduko den diruaren parte bat Ipar Euskal Herriko AEK-k Baionan zabaldu nahi duen euskaltegi berrirako zuzendua izanen dela, beste parte bat Nafarroako AEKra joanen delarik.
Baionako AEKideek lau urte eman dute egoitza berria izanen den etxebizitza baten xerka eta orain Korrika berri honen bitartez jaso duten diru laguntzarekin modu duin batez lanean segitzea igurikatzen dute. Eta gisa berean, gogo biziz igurikatzen dute ere Korrikaren azken eguna bertako karriketan errezibitzea. Edonola ere, diruak diru eta sosak sos, onenean eta azkarrenean, euskaltegi berria ez da 2.002-2.003 ikasturtera arte zabalduko.
Artean eta amaitzeko, beste hauxe ere erran dezakegu Iparraldeko AEKri buruz. Bertako herri eta hirietako denda eta komertzioak euskaldundu aldera, bertako AEK-k "Euskaldun Komertsanteen gida" berrargitaratu du. Duela bi urte, hamaikagarren Korrikaren karietara, AEK-k "Euskara badakigu" lemarekin 5.000 eranskailu edo pegatina zabaldu zituen dendetan itsasteko. Gida horretan, 450 saltegietako izen eta helbideak agertzen dira, eta orain, beste 5.000 pegatina zabalduko dituzte
Kultura eta Hizkuntza Politikako sailak nagusiki gaztelania darabilten hedabideetan "euskarazko albisteak areagotzeagatik" diru-laguntzak banatu ditu beste urte batez. Ia milioi bat euro banatu dute Noticias, Gara eta Vocento hedabide taldeen artean, artikulu batzuk... [+]
Ertzaintzak ertzain bat atxilotu du, hiru pertsona hiltzen saiatzea egotzita. Agentea lan orduetatik kanpo zegoen, eta deklaratu zuen bere buruaren defentsan egin ziela tiro furgonetan zihoazen ustezko hiru lapurri. Ertzaintzaren ikerketaren arabera, gezurra da deklaratu duena.
Haize-erroten eta eguzki-plaken ezarpen zabalarekin kezkatuta, populazioa "espekulazio energetiko" gisa kalifikatzen duen joera bati aurre egiten ari da.
Venezuelan dauden Askapena talde internazionalistaren brigadistekin hitz egin du ARGIAk, hauteskundeen osteko egoeraz eta etorkizunaz.
Carles Puigdemont erbestetik itzuli da Kataluniara zazpi urteren ondoren. Salvador Illaren inbestidura saiora joan baino lehen, Bartzelonako Garaipenaren Arkuan hitzaldi labur bat eman du milaka lagunen aurrean. Poliziak Puigdemont atxilotzeko agindua du, baina ez du lortu... [+]
Larunbatean zeharkatuko ditu hiriko kaleak Donostiako Klasikoak, eta Gernika-Palestina herri ekimenak Israelek bertan duen presentzia salatu du, prentsaurreko batean. Adierazi dutenez, “genozidioa eteten ez duten bitartean” klasikoak ez luke Israel-Premier Tech... [+]
Israelek Hamas eta Hezbollahko buruzagiak hiltzeko helburua ez da erresistentzia ahultzea. Benetako asmoa da inteligentzian eta arlo militarrean bere nagusitasunaren irudia berrezartzea Israelgo iritzi publikoaren aurrean .
2017tik Bruselan dago Kataluniako presidente ohia, baina itzultzea erabaki du Generalitateko hurrengo presidentearen inbestidura eztabaidarako. “Normaltasun demokratikoko baldintzak ez” izatea salatu du, eta aipatu du itzultzeak suposatzen duen atxiloketa arriskua.
Udaletxe aurrean eginiko prentsaurreko jendetsuan, Donostian gertatzen ari diren jarrera arrazista, klasista eta faxistekin kezka adierazi dute hiriko eragile sozial eta politiko ugarik. Irakurketa bateratua eskaini dute 37 eragilek, besteren artean, Ernai, GKS, Bilgune... [+]
“Herriaren eta beren familien alde” jartzeko eskatu diete Edmundo Gonzálezek eta María Corina Machadok adierazpen bateratu baten bitartez. Maduroren gobernuak erantzun egin die, eta erabaki dute dokumentuaren sinatzaile biei “ikerketa penala... [+]
Palestine Action taldeak dio bere ekintzaileek astelehen goizean (abuztuak 6) Elbit-ek Bristolen duen fabrika "inbaditu" dutela. Ikerketa eta fabrikazio zentroa oso zainduta dago, eta espetxeko furgoneta bat erabili dute kanpoko perimetroa txikitzeko.
Osasun artak biltzen ari da Pablo Gonzalez Moskun une honetan. Joan den astean, Poloniako Radomgo segurtasun handiko espetxetik atera zen kazetaria bi urte eta bost hilabeteko preso egon ondoan. Poloniak leporatzen zion espioitza frogatu gabe libre atera da.