"BIERRIKENA" KULTUR GUNEA ERAIKIKO DUTE SAKANAN
- Sakanako Bierrik elkarteak kultur gune bat eraikiko du Altsasun. "Bierrikena"k hainbat kultur jarduera bilduko ditu bere baitan. Egunotan erosketa prozesuan dabiltza eta laister hasiko dituzte lanak. Hemendik urtebetera zabalik egotea espero dute.
Kultur gunerako herri aproposa bilatzea izan zen lehen pausoa eta behin herria aurkituta kokapen egokia. Etxarri-Aranatz eta Altsasuren artean ibili ziren, baina azkenean azken honen aldeko hautua egin zuten. Batetik, Etxarri-Aranatzen askoz ere euskara gehiago entzuten delako, eta Altsasun horrelako kultur gune euskaldun bat jarrita herriarentzat onuragarriagoa izango delako; eta bestetik, Altsasu handiagoa delako, eskualdeko hiriburua delako eta etxeak merkeagoak direlako.
Herria aukeratuta, kokalekua topatzea falta zen; erdialdean eta handia behar zuen. "Zorte handia izan dugu. Oso handia da eta, geure diru ahalmenerako, prezioz nahiko ongi dagoena".
Etxea erostear dira, baina ez dute bere horretan mantenduko; bota eginen dute, berria eraikitzeko. Erosketak eta gerora aurreikusi dituzten lanek 80 milioi pezetako (3,2 milioi libera) kostua izango dute. Bierrik elkarteak ez du, noski, horri aurre egiteko nahikoa diru, baina badu finantziabidea. Eraikin berriko sotoa, etxabea eta lehen pisua bereak izango dira, eta bigarren pisu eta ganbaran egingo dituzten bi duplexak salgai jarriko ditu. "Hauen salmentarekin obra ordainduko dugu eta etxea bera guk geure diruarekin erosiko dugu", azaldu digu Olatz Irizarrek.
Solairu bakoitzak 100 metro koadro izango ditu eta honela banatuko dituzte: sotoan biltegia, komunak, sukaldea eta bazkideentzat erabilgarri izango den gela; etxabean taberna bera, kontzertuak eta ikuskizunak biltzeko tokiarekin; eta lehenengo pisuan Bierrik elkarteak plazaratzen duen "Guaixe" aldizkariaren bulegoa eta bilera gela handi bat.
Behean, tabernan, formato txikiko ikuskizunak eskaintzeko asmoa dute, antzerki lanak direla, kontzertuak, bertako musika taldeen aurkezpenak... Eta izena ere jarri diote datorren urtean zabalik ikustea espero duten eraikinari: "Bierrikena".
Bierrik elkarteak "Guaixe" hilabetekaria argitaratzen du eta Beleixe irratia aireratzen (izen guztiek bertako euskalkia dute iturri: "Bierrik" izena beharrik da, "Guaixe" oraintxe eta "Beleixe" berehalaxe), baina azken honek ez du eraikin honetatik emitituko, oraingoz. Nahiago izan dute Etxarri-Aranatzen mantendu, bertatik hobeto hedatzen baita seinalea eta bertan entzule fidel mordoa baitago. Hala ere, Altsasun bertan bada beste irrati bat, Garraxi irrati librea, eta honekin, herriko beste kultur eragile guztiekin batera, biltzeko asmoa ere adierazi dute Bierrik-ekoek, haiek euren lokalak baliatzeko xedez.
Gauzak ondo, 16 udalerri biltzen dituen Sakana eskualdeak kultur gune erakargarria izango du bere hiriburuan. Aste honetan bertan sinatuko dute erosketa kontratua eta udan hasiko dituzte lanak. Urtebete barru "Bierrikena" zabalik egotea espero dute.
Bitartean, taberna bat alokatu dute Etxarri-Aranatzen, urtebeterako. "Eta bertan erreferente izatea lortzen badugu, bada, mantendu egingo dugu"
1934ko Asturiasko Iraultzan, Eusko Gudarostean eta militar faxisten kontrako gerran aritu zen Lezaman bizi zen komunista amorratu eta aktiboa.
Baionako festetan errepikaturiko eraso sexistei dagokionez Herriko Etxeak politika eta erantzun eskasak bideratu izana du Ipar Euskal Herriko mugimendu feministak. Herriko kontseiluaren batzarrera sartzen saiatu dira 30 bat lagun, baina ateak hetsirik kausitu dituzte.
'Jalgi belak mastara, eta euskara plazara!' lelopean ospatuko dute Donostiako Aste Nagusi Pirata, abuztuaren 10etik 18ra.
Sei urte ditu. Gustura ari zen da dantzan. Baina gurasoek jakinarazi digute utzi egingo duela dantza. Arrazoia? Eskolan burla egiten diote lagunek dantzan aritzeagatik. Sei urte. Eta dagoeneko genero estereotipoen indarkeria sufritzen. Nahikoa da! Gurasoak, eskolak, irakasleak,... [+]
Autobus-geltokiko parkingean txosnak jartzea debekatu du Lizarrako Udalak. San Benitora lekualdatu nahi ditu, baina Festagirok uko egin dio inposaketa horri. Emakumeentzat leku arriskutsua dela, udalak herriko eragileak jaietako dinamika sozialetik urrundu eta isolatu nahi... [+]
Iñaki Iurrebaso soziolinguistak euskararen egungo egoeraren argazkia egin du Baionan iragan zen Hizkuntz politikari buruzko ikastaroan, muga-gaindiko ikastaroen kari.
L5 lineak Euskotrenen ibilbidea aldatuko du, eta geltoki batzuk eraitsiko dituzte, tartean Usansolokoa. Trenaren ibilbidea lurperatuko dute eta beste geltoki batzuk gehituko dituzte. 2022an, Eusko Jaurlaritzak linea horren jatorrizko proiektua aldatu zuen Usansoloko geltokia... [+]
Gasteizko jaiak hasteko aste gutxi falta direla, Gasteizko Txosna Batzordeak urgentziazko prentsaurrekoa eman du, salatzeko Arabako Foru Aldundiak txosnetan TicketBAI ezartzera derrigortu nahi dituela. "Parekatu egin nahi dituzte txosnak eta irabazi ekonomikoa helburu duen... [+]
Jose Ignacio Munilla gotzainak enegarren aldiz erakutsi du bere homofobia, homosexualitatea “sendatzeko” terapiak defendatuz. Valentzian irakasle bat harrapatu dute ikasleekin birmoldaketa homosexualeko terapiak egiten, eta Donostiako apezpiku ohia bere alde atera... [+]
Gaur egungo ezker mugimenduaren zati handi batek, intuitiboki bada ere, eskala txikiko nekazaritza aldarrikatzen du zalantza askorik izan gabe. Hala ere, txikitasunaren aldarrikapen horrek baditu bere kontraesanak: tamaina txikiko ustiategi batek, definizioz, ezingo du elikagai... [+]
Eusko Jaurlaritza berriko bozeramaile Maria Ubarretxenak lehenengo elkarrizketa Euskadi Irratiari eman zion. Solasaldian asmoez jardun zuen, kontu orokorrak adierazi zituen, ezinbestean, gobernua martxan jarri berri zegoelako. Adeitsua izan zen tonua kazetari eta eledunaren... [+]
Kapitalismoak sortutako krisi ekosoziala ondoez globala ari da eragiten planeta osoan. Baliabide material eta energetikoen "gailurrek", hazkunderako eta metaketarako mugak ezarriz, natura eta gizartearen arteko desorekak ekartzen dituzte. Estraktibismoaren gurpil... [+]
Ikasle batek erran zidan, behin, testu bat aztertzen ari ginela: “Pertsonaia eri da: geldi-geldia pentsaketa ari da bere buruan”. Bistan dena, erranaldi horrekin, gaizki adierazi zuen gogoan zuen iruzkina, erran nahi baitzuen pertsonaiaren ezontsa nabari zela haren... [+]
Zerbaiti edo norbaiti agur esatea abandonuarekin, amaierarekin eta, azken batean, dolu-prozesuarekin lotutako ekintza izan ohi da. Seguru noizbait esango zenutela –edo norbaiti entzungo zeniotela– “ez zaizkit agurrak gustatzen” esaldi tipiko eta topikoa... [+]
Gurasoak hilik, etxeko ganbara husteari ekin zioten
seme-alabek. Hainbat gauzaren artean, koaderno eta paper sorta, argazkiak eta nahi beste agiri. Bego Ariznabarreta Orbeak aita aspaldi zenduaren gerrako memoria harrigarriak zurian beltz irakurri, eta jabetu zen altxorraz,... [+]