Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
igandea 2025eko apirilaren 27an
"BI KOMUNITATE SOZIAL SORTU NAHI IZATEA SALAGARRIA DA"
- Bakearen Aldeko Koordinakundeko (BAK) kidea eta EHUko soziologia irakaslea da. ETAren azken su-etenaz geroztik gizartean eta politikan aldaketak izan diren aldetik, gizarte mugimenduek beren etorkizuna birplanteatu beharra dutela uste du Imanol Zuberok.
Zer-nolako perspektibatik begiratzen diozu ETA erakundeak mantendu zuen 17 hilabeteko su-etenaren osteko garai honi?
Eszenatoki aldaketa honek zerbait suposatu al du BAKentzako?
Zertan geratu da BAK?
Zein da zure jarrera?
Elkarri mugimenduaren funtzioaz eta geroaz zer iritzi duzu?
Zer aldatu da su-etenaren ostean? ETA aldatu al da?
Bitartean, gero eta ozenago hitz egiten da bi komunitate posibleen sorreraz. Enkarterrietatik nola bizi duzu gizartearen zatiketa posiblearena?
Bi komunitate sortzearen arriskua ikusten duzu hala ere?
Arazo honen aurrean mobilizatzeko gauza ikusten al duzu gizartea?
Bestalde, Lizarrako akordioaren sozializazioak huts egin omen du. Zein da zure iritzia?
Lizarraren sozializazioa gauzatuko balitz, errezago litzateke gatazkaren ebazpena?
Ezker Abertzalearen munduan zer-nolako eboluzioa ikusi duzu azken bi urteotan?
PP eta PSE-EE bat etortzeak ez du arazoa bideratzen laguntzen, ezta?
Gehiago espero al zenuen PSE-EErengandik?
Aurrera begira zer egin, beraz?
Su-etenak Lizarrako akordioan hartu zuen funtsa. Espektatiba eta ilusio ikaragarriak piztu zituen, eta eszenatoki politiko berri bat ireki du seguraski. Alderdi politikoen berkokatze bat ekarri du. Su-etenak ekarri zituen estrategi politiko berriak ez dira denak positiboak izan ordea. Zalantza eta ziurgabetasuna ekarri ditu eszenatoki berrira. Esaterako, PPk izan duen beldurra, baita PSE-EEk berak izan duena. Euskal eskema politiko berri baten aurrean, posizio numantziarretara eraman ditu bi alderdi hauek. Posizio erabat negatiboak, hori etorkizunari eta jendeari beldurra izatea baita.
Eszenatoki aldaketa honek zerbait suposatu al du BAKentzako?
Su-etenak begibistako geldialdi bat ekarri zuen. Eta geldialdi horretan bere errealitatea berrantolatu behar izan zuen BAKek. Gainera, gogoratu behar da su-eten garaia baino lehenago ere Ermuko Foroaren inguruko mugimendu soziala ezartzen hasi zela, BAKen estiloarekiko erabat kontraesankorra.
Ordurako zalantzazko egoera bat zabaldu zen BAKen, eta eztabaida bat ireki ere etorkizunari buruz. Bazeuden jarrera ezberdinak. Batzuek aiduru egoteko zioten. Beste batzuk mugimendua desegitearen alde geunden. Bakearen alde irekitako bideari konfiantza boto bat emate aldera edo.
Ordurako zalantzazko egoera bat zabaldu zen BAKen, eta eztabaida bat ireki ere etorkizunari buruz. Bazeuden jarrera ezberdinak. Batzuek aiduru egoteko zioten. Beste batzuk mugimendua desegitearen alde geunden. Bakearen alde irekitako bideari konfiantza boto bat emate aldera edo.
Zertan geratu da BAK?
Su-etena amaitu ostean, eztabaida da geratzen dena. Ez gaude su-etenaren aurretik ginen egoeran, eta ezin dugu egin orduan egiten genuena. Uneon, Ermuko Foruaren inguruan mugimendu oso polarizatu bat biltzen ari da, gizartean krispazio handia eragiten duena, hiritarren mobilizazioa politizatzen duena, kalean orain arte ez zegoen haustura bilatzen ari dena. BAKek oso konplikatua du bere geroa hortaz.
Nire ustez, gizartearen mobilizazioan zegoen batasun elementua izaten segitu behar du BAKek. Ajuria Eneko blokearekiko zegoen jarrera apurtu da. Horregatik, lehen gertatzen ez zen bezala BAKekiko kritikak azaltzen hasi dira; legitimoak jakina. Lehen, BAK Jainkoaren eskuak ukitua zegoela ematen zuen. Bloke demokratikotik inor ez zen berarekin sartzen. Orain bai. Hortaz, bere partehartzeak polemika ere ekarriko duela planteatu behar du BAKek bere baitan. Erabaki behar du ea hori egin behar duen.
Nire ustez, gizartearen mobilizazioan zegoen batasun elementua izaten segitu behar du BAKek. Ajuria Eneko blokearekiko zegoen jarrera apurtu da. Horregatik, lehen gertatzen ez zen bezala BAKekiko kritikak azaltzen hasi dira; legitimoak jakina. Lehen, BAK Jainkoaren eskuak ukitua zegoela ematen zuen. Bloke demokratikotik inor ez zen berarekin sartzen. Orain bai. Hortaz, bere partehartzeak polemika ere ekarriko duela planteatu behar du BAKek bere baitan. Erabaki behar du ea hori egin behar duen.
Zein da zure jarrera?
Ni polemikaren jarrera mantentzearen aldekoa naiz. BAKen berrantolaketa behar da agian. BAK bat izan da su-etena arte, eta orain beste mugimendu mota bat behar da, edo beste BAK mota bat.
Elkarri mugimenduaren funtzioaz eta geroaz zer iritzi duzu?
Kanpotik berba egitea arriskutsuegia da. Elkarri hirugarren espazio bat betetzeko sortu zen; mundu estatala eta euskal mundu nazionalistaren artekoa. Bere ekimenari esker, batez ere, euskal nazionalismoko mugimenduen arteko hurbilketa izan da. Euskal nazionalismoaren barruan, alor politikoan eta batez ere alor sindikalean, autonomia handiz funtzionatzen ari dira. Baina, Elkarrik ez du lortu hurbiltze maila bera Estatuko indarren eta indar nazionalisten artean. Elkarrik hasierako funtziora itzuli behar du. Hau da, alderdi guztiak mahai berean esertzera. Oso funtzio zaila da. PPk behatzez seinalatzen du, baita PSE-EEk ere. Elkarrik oso konplikatua dauka geroa. Gizarte mugimendu guztiok, su-etenaren apurketa dela-eta, serioski erreflexionatu behar dugu gure geroaz.
Zer aldatu da su-etenaren ostean? ETA aldatu al da?
ETA ezberdin bat dagoela uste dut. Su-etenaren apurketa justifikatzeko ez zuen Espainiako Estatu akusatu, euskal nazionalistak akusatu zituen. Erantzukizun falta egotzi zien. Baliteke oraingo ekimen armatua esperientzia berri bat izatea eta epe baten barruan ondorioak ebaluatzea. Baliteke hautatu bidea ez dela egokia ohartzea, bide honek euskal nazionalisten arteko konfrontazioa ekartzen baitu.
Bitartean, gero eta ozenago hitz egiten da bi komunitate posibleen sorreraz. Enkarterrietatik nola bizi duzu gizartearen zatiketa posiblearena?
Sortu nahi den zatiketak arrazoizko zatia eta zati faltsua ditu. Hiri eta baserriaren arteko zatiketa faltsua da, denok hirikoak baikara kulturalki. Euskaldunen eta ez euskaldunen arteko mugarria da bestea. Bizi naizen lekuan bizi naizelako-edo, nik ez dut horrelakorik ikusten. Enkarterriak ez da hiri-eskualde, ez baserri-eskualdea; ezta euskalduna ere. Hala ere, Enkarterrietako ia udal guztiak Udalbiltzan daude. Gobernu nazionalisten esku daudelako. Historikoki, kulturalki euskalduna ez den eskualde hau nazionalistek gobernatua izan da. Horrek estatalista eta nazionalisten erreflexioa ekarri beharko luke. Azken hauek ohartu behar dute Enkarterrietan euskal indar nazionalistek jakin izan dutela indar hegemonikoak legez ezartzen. Argudio etniko, argudio kultural edo linguistikoez baliatu beharrik gabe, argudio zibiko bati helduz. Eskualde honetan etorkin kopurua eta mestizaia handia da eta euskal nazionalistek gobernatu dute. Niri oso garrantzitsua iruditzen zait, horrek nazionalismo politiko guztiz integratzaile baten planteamendua erakusten baitu. Baina, tamalez, galtzeko arriskua dago.
Bi komunitate sortzearen arriskua ikusten duzu hala ere?
Bi komunitate sozial sortzearen arriskua beti dago, nahiz eta erabat salagarria izan. Herri honetan ez dira bi komunitate sekula izan. Miguel Angel Blancoren hilketaren ostean saiatu zen isolamendu sozialak ez zuen funtzionatu. Zergatik? Finean, inor ez delako ezker abertzalearen militante soila. Jende hori, horretaz gain, auzokoa da, lankidea da, edo zure seme-alaba, edo zure laguna. Eta pertsona horrek baditu giza ezaugarriak. Ez da monstruo bat. Pertsona konplexu horrekiko ezin da isolamendua praktikatu besterik gabe. Baditugu elkarrenganako anaitasun lokarriak. Eta alderantziz, berdin. PPko edo PSE-EEko militanteak zapaltzaileak direla pentsatzeak, presoen sakabanatzearen erantzuleak edota hauek ikustera doazenean hiltzen direnen erantzuleak direla esateak ez du funtsik. Hala ere, gure bizitzaren arlo guztietan hedatzen bada nahi hori, eta gatazkak irauten badu, batek daki! Hala ere, ez dut uste bi komunitate sortuko direnik.
Arazo honen aurrean mobilizatzeko gauza ikusten al duzu gizartea?
Bai. Horri aurre egiten ari zaio. Agian, lokalista bat bihurtu naiz. Alonsotegin, ikuspegi politiko oso ezberdinak ditugun pertsonak bizi gara eta harreman normala dugu. Ika-mikak izanik ere, harremanak atxikitzen ditugu. Bestela, eguneroko bizimodua eramatea oso zaila da. Hau da ez da gerra bat. Euskal Herria hiltzear dagoela esatea ez da objetiboa. Egia da, mehatxatuta dagoen zinegotziaren edota azken 15 urteotan preso bat duen familiaren egoera larria da. Gizartean egoera agresibo batean bizi den multzo bat dago -eta hauekin solidario naiz- baina gizartearen gehiengoa ez da horrela bizi. Uneon -eta ez da gutxiesgarri-, Ezker Abertzaleko militanteek ere badute datozen udako oporretarako apartamenduaren erreserba egina. Ez gara gerran bizi.
Bestalde, Lizarrako akordioaren sozializazioak huts egin omen du. Zein da zure iritzia?
Ez dakit Lizarrak sozializazioan huts egin duen, baina horrela bizi izan da behintzat. Asmoak izan daitezke hoberenak, baina hiritarren pertzepzioa beste bat bada... Hedabideak akusatu daitezke egiten duten mezuaren erabilpenaz, eta abar. Baina, finean, zu politiko bazara, jakin badakizu nola funtzionatzen duen iritzi politikoak eta komunikazioaren prozesuak. Lizarrako akordioak ez bazion gizarteari helarazi bere mezua, bada, erabil ditzala beste bitarteko batzuk jendearengana iristeko. Alderdi politikoek herritarrekiko hartuemana galdu dute. Mitinaren edo pentsaurrekoaren bitartez helarazten dute beren mezua. Eta jakin badakite, gero, hedabide bakoitzak hartzen duela komeni zaiona.
Lizarraren sozializazioa gauzatuko balitz, errezago litzateke gatazkaren ebazpena?
Proiektu baten sozializazioa gauzatuko da soilik herriarekiko aurrez aurrez jardunez gero, prozesu patxadatsu baten bidez, pedagogia prozesu luzeetan barna. Hori ez da hasi ere egin. Beharbada, Lizarraren proiektuak ez du balio, ez dakit. Ni kritikoa izan naiz. Balio izan du abiapuntu bezala, baina gero ez du balio izan euskal herritar guztiak integratzeko. Demagun baligarria dela; hala ere, gaizki kudeatua izan da. Hasteko, hor dago EHren aldetik euskal instituzioen kontrako jarrera gogorra. EHren ustez, Lizarra batzen duena udalen elkargunea da. Hori ez da adierazle bat. Alonsotegi Udalbiltzan elkartu bada ere, ez du esan nahi herri osoa ados dagoenik. Elkartze hori ez baita eztabaidatu, ez da alderdi arteko hurbiltze bat izan, ez da komunikaziorik izan.
Ezker Abertzalearen munduan zer-nolako eboluzioa ikusi duzu azken bi urteotan?
Ezker Abertzalea ez da bloke homogeneo bat ere. Herri Batasuna Euskal Herriaren sektore ezberdinak biltzeko sortu zen. Ezker Abertzaleak ere onartzen du bere aniztasuna. Nukleo zentral bat badu, nazionalista nagusiki, baita beste nukleo ezkerreko bat ere. Ezker Abertzalearen inguruan beti izan dira saiakerak herriaren beste sektore ezberdinak biltzeko. Baina ETAren biolentziak ahalegin hori desitxuratzen du. Aspaldiko urteotan, ezkerreko euskal abertzaletasuna integratzeko debate bat dago, baina ez da gauzatzen indarkeriak oztopatua delako. Ezin da biolentziaren eztabaida zaharra dela eta etorkizunari begiratu beharra dagoela esan, besterik gabe. ETAk eskua sartzen duen bakoitzean behartua zaude posizioa hartzera. Ezker Abertzaleak badaki, bere esperientzia propioaz, bitartekoek zatitua dagoela. Su-eten garaia lekuko. Bitartekoa, biolentzia alegia, alde batera gelditu delarik, albo batean geratu diren sektoreak bildu dira bere proiektura. Beraz, zertarako irakaspen gehiago.
PP eta PSE-EE bat etortzeak ez du arazoa bideratzen laguntzen, ezta?
PP gotorleku batean sartu da, diskurtso setati bati eutsiz. Bitxia da, euskal nazionalismoaren eta euskal auziaren aurkako gogortasuna erabateko egia bihurtu da, botoak ematen dituena. Egia absolutua bihurtu da bere jarrera. Areago Savaterrek mantentzen duen jarrerari kasu egiten bazaio: "Zergatik gobernatzen duen ezkerrak Frantzian? Bada, Frantziaren ideia sendo bat duelako". Savaterrek, PSOEri "ez zaitez federalista bihurtu" esaten dio, "bestela zureak egin du". Ermuko Foroa PPren euskarria da Euskal Herrian. Ermuko Foroak PP kontrolatua du ez dadin aldatu. Perspektiba itsua da. Eta PSOE preso dago.
Gehiago espero al zenuen PSE-EErengandik?
Fernando Buesaren hilketaren ondoren PSE-EEren baitan autonomia gehiago espero nuen. PSE-EE bi arrazoirengatik ikusten nuen PPri atxikia: ez ziolako PPri bakarrik diskurtso espainola utzi nahi eta PP ETAren biolentziaren biktima zelako. Hauteskundeen ostean, PSE-EE ohartu da PP izan dela estrategia honen irabazlea; baita Gasteizen ere. Sozialistak ohartu dira bertako herritarrek ez dutela kontuan hartu berauek izan direla biktima zuzenak Buesaren hilketan. PP indartsuago irten da, ordea. PSE-EEk nazionalismora hurbiltzeko autonomia gehiago izango zuela espero nuen.
Aurrera begira zer egin, beraz?
Euskal nazionalismoak ezin du bere makina behartu, ezin du gehiago korritu lehenago iristeko. Ez dago mundu estatalistarekin lotura egiteko punturik. Euskal nazionalismoak lan handia egin behar du bere baitan eta gizartean. Bere mezua azaltzen eta sozializatzen jakin behar du gizartearen erritmoarekin bat egiteko
OKINAREN SEMEA
Alonsotegin 'okinaren semea' bezala da ezagutua, eta ez irakasle edo militante izateagatik. EAJ eta EEko kide izana. BAKen 1987an hasi zen. Ez du behin ere euskal nazionalista ez den botorik eman, orain abstentzionista bada ere. Emaztea Alonsotegiko zinegotzia da, EAJkoa. Arazo politikoek baino gizarte arazoek eraman zuten militantziara.
Irakurrienak
Matomo erabiliz
#2
Onintza Irureta Azkune
#3
#5
Gorka Peñagarikano Goikoetxea
Azkenak
2025-04-25
Onintza Irureta Azkune
Osakidetzan euskaldunak identifikatuta: arta euskaraz bermatzeko bidean pauso bat?
Ospitalizatuta dauden pazienteek eskumuturrekoan eramango dute “e” ikurra. Hala, osasun langileek badakite herritar horiek eskatu dutela euskaraz artatua izatea. Osakidetzak dio euskarazko komunikazioa errazteko beste tresna bat gehiago dela. Proiektu zabalago bateko... [+]
“Udalak onartu duen HAPOaren ondorioz, Kabia egoera ezegonkorrean dago”
Kabia gune okupatuaren 19. urteurrena ospatzeko jarduerak egingo dituzte gaurtik domekara bitartean, apirilaren 24tik 26ra. Bi hamarkada betetzear dagoen gune autogestionatu honek hainbat gorabehera izan ditu bere ibilbidean, eta, Udala bultzatzen ari den Hiria Antolatzeko Plan... [+]
2025-04-25
Euskalerria irratia
Anestesia, Delirium Tremens, Zea Mays, Talco, Zetak eta Naxker Hatortxu Rockeko iragarpen berrien artean
24 talde berri iragarri ditu Hatortxu Rock elkartasun jaialdiak. 63 talde iragarri dituzte dagoeneko eta guztira, 100 talde izango dira jaialdiko bost eszenatokietan.
2025-04-25
Gorka Intxausti Aranguren
Izaki Gardenak
Kantuak euria atertu zuenekoa
Izaki Gardenak
Noiz: apirilaren 20an.
Non: Iruñeko Gazteluko Plazan.
-----------------------------------------------
Ordu erdia baino ez da falta Iruñeko Gazteluko Plazan kontzertua hasteko; baina erdi hutsik da oraindik, euria ari baitu. Porlanezkoa nahiz ez den,... [+]
2025-04-25
Eneko Imaz Galparsoro
Trumpek gelditzeko eskatu dio Putini, eta Errusiak dio bake akordiorako ia prest dagoela
Zelenskiri Ukrainako gerra amaitu behar duen bake akordioa "arriskuan" jartzea leporatu ostean, Putini egin dio errieta Trumpek bere sare sozial Truth Socialen. Sergei Lavrov Atzerri Ministroak adierazi du bake akordioa adosteko prest dagoela Errusia. Kievek jakinarazi... [+]
2025-04-25
Olaia L. Garaialde
Eguneko zentro publiko baten beharra aldarrikatu dute Uribe Kostako herritarrek
Bizkaian eguneko zentro publikorik ez duen eskualde bakarra da. Elkarretaratzea eginen dute apirilaren 27an, 12:00etan, Sopelako (Bizkaia) Udaletxeko plazan.
2025-04-25
Enbata
Herriek (ere) asko egin dezakete euskararen alde
2026ko hauteskundeei begira, zutabe bat ireki du Enbata-k. Plantan emanak izanen diren zerrenda abertzaleen hautagaiei ideia kutxa bat eskaini nahi die, beren programak Herriko Etxeen eskumeneko sail ezberdinetan eraikitzeko. Hilabete honetan, Herriko Etxeek euskararen alde egin... [+]
2025-04-25
Aiaraldea
Baso Erresilentea proiektua martxan, mendietako jasangarritasunaren mesedetan
Urduñako 2022-2042 Onura Publikoko Mendia Antolatzeko Planaren parte da ekintza, eta Eusko Jaurlaritzako Ingurumen Sailaren babesa eta Bizkaiko Foru Aldundiko Mendi Zerbitzuaren laguntza jaso du.
2025-04-25
Jenofa Berhokoirigoin
Frantziako lehen ministroaren alabak ere salatu du “bortizki jipoitu” zutela Betharramgo ikastetxean
Alain Esquerrek idatziriko Le silence de Bétharram (Betharramgo isiltasuna) liburuan eman du lekukotza Helene Perlantek, François Bayrouren alabak. 1980ko hamarkadan egon zen ikastetxe katolikoan ikasle eta berrogei urte luzeetan isilik atxiki ditu bertan jasandako... [+]
2025-04-25
Urko Apaolaza Avila
Analisia
Denok gaude katean
Urtarrilaren 29an, gaur egungo mundu berekoi honetan ohituta ez gauden zerbait gertatu zen Laudioko Guardian lantegiaren atarian. Zuzendaritzak hango labea itzaltzeko asmoa erakutsi zuen, eta horri aurre egiteko, langileek atea blokeatu zuten pankarten bidez. Baina ez zeuden... [+]
2025-04-24
Xabier Letona Biteri
Espainiako Gobernuak atzera egin du Israelgo balen erosketan
Israelgo IMI Systems enpresarekin Espainiako Barne Ministerioak egindako bala erosketa bertan behera uztea agindu du Pedro Sanchez Espainiako Gobernuko lehendakariak. PSOEren eta Sumar-en arteko gobernu koalizioan zegoen apurketa arriskua baretu du erabakiak.
2025-04-24
Jenofa Berhokoirigoin
‘Elgarrekin’ lelopean ospatuko dute aurtengo Herri Urrats maiatzaren 11n
Ipar Euskal Herriko ikastolen aldeko bestaren 42. edizioa iraganen da maiatzaren 11n Senperen.
2025-04-24
Unai Lomana Uribezubia
Aurrekontu militarren handitzea salatzeko bizikleta martxa egingo dute Bilbon
Bilbotik abiatu eta Barakaldoko ITP Aero eta Getxoko Sener enpresen paretik pasako da bizikleta martxa, bi enpresa horiek "ekoizpen militarraz arduratzen direlako", antolatzaileen aburuz. Azken aldian ematen ari den armamentu gastuen hazkundea salatzeko protesta izango... [+]
Artzain Egun jendetsua, Ordizian
Aurten 1.500 ardi inguruk zeharkatu dute Kale Nagusia, bost artaldetan banatuta. Idiazabal Gaztaren denboraldi berriaren aurkezpen ofiziala egin da, udaletxean. Garena Jatetxeko Julen Bazek eta Peli Perez de Anuzitak moztu dute gazta.
Eguneraketa berriak daude