Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
osteguna 2024ko azaroaren 28an
"GILTZARRIA UNEON HAUXE DA : ETA-REN ONDOREN ZER?"
Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.
L
egazpiko Telleriarte auzotik Oñatiko Arantzatzura joan zinen nerabe garaian. Geroago, gaztaroan fraidetza utzi eta kalera bueltatu zinen. Ordurarteko urteak gogoan ahal dituzu? Mintzaiguzu familia eta inguruaz.
Aita Bidaniako Usarraga baserrikoa zen. Baserriak badu bere historia. Gipuzkoako Batzar Nagusiak herriz herri aldakorki biltzen ziren, eta aita jaio zen baserrian ere egiten ziren. Aurten betetzen da mendeurrena azkeneko batzarrak bertan egin zirela eta Batzar Nagusiek erabaki dute oroimenezko plaka bat jartzea. Familian kontatzen denez ganbaran baziren liburu zahar batzuk eta umeen ohitura zenganbara joan eta liburuekin jolasean ibiltzea. Batzar Nagusien liburuak izango ote ziren galdekizun izan da nire familian.
Aita Bidaniatik Legazpiko Telleriartera etorri omen zen gazte-gaztetan.
Aita, Tomas, Usarragatik Legazpiko Patrizio Etxeberrira lanera jaitsi, eta Telleriarteko baserri batean jartzen da morroi. Han ezagutzen du ama: Narcisa. Telleriarten Diputazioaren eskola bat zegoen: Escuelas Nacionales. Telleriarteko ume guztiek bezala han egin nituen lehenengo urteak. Gero, 9 urterekin, Legazpiko La Lasallera jaisten naiz. Eta segidan 10 urterekin Arantzazura. Arantzazun lehen 3 urteak egin nituen. 2 urte Forun; Zarautzen urte bat, eta 3 Oliten. Azken 2ak berriz Arantzazun. Denetik ikasten genuen, baina gure kasuan euskaraz –fenomeno hori Arantzazun ematen da–; ikasi ahala alfabetatu ginen euskaraz. 20 urterekin utzi nuen.
Donostiako EUTGera etorri zinen. Artean Usurbilgo Bordatxo tabernan kamarero aritu omen zinen. Usurbil zerbait izan zen zure bizitzan.
Zen eta da. Nik bizitzan ez dut ezer jaso familiaren partetik; familia xumea izan baikara. Aita fundizioko langilea zen Patrizion; ez zen dirurik etxean. Estudiatuz bat jartzen naiz lanean, jateko eta lo egiteko tokia pagatzeko. Karrera egiteaz batera urte batez aritu nintzen kamarero. Usurbil gogoan daramat beti, jakina. 10 urterekin joan nintzen Arantzazura, eta koadrilarik ez nuen izan adin hartan. Izan dudan koadrila bakarra Usurbilgoa da, eta harremanak mantentzen ditut egun ere.
Herri Irratira etorri zinen hurrengo urtean langile gisa. ELA sindikatuan omen zenbiltzan.
Herri Irratira etortzen naiz administrazio lanak egitera. Politikoki –nolabait esatearren– ELAn sartzen naiz. Egun, orduko ELA zer zen hitz gutxitan esplikatzea zaila da oso. Herri Irratia oraindik Gotzaingoarena zen. Gotzaingoak saltzen die josulagunei; gaurko nagusiei. Une hartan, komunikabide prozesu hartan, toki hartu behar hartan, hura ELAren operazio bat izan zela esango nuke. Txaro Arteaga eta Pako Sagarzazu, Iñaki Gabilondo eta Roman Gil de Montes ibili ziren prozesu hartan. SER kateak segidan fitxatzen du Iñaki Gabilondo. Iñaki Gabilondo ateratzen den unean sartzen naiz ni, eta esatari moduan hasi ere; administrazio eta esatari lanak uztartuz.
«Euskal Hit Parade» izeneko saioa aurkezten zenuen, ezta?
Halako zerbait. Artean diskoetxerik ez zegoen, bakarren bat kenduta. Bat-batean euskal kantagintza berria loratzen hasten da. Mikel Laboa eta Benito Lertxundi bezalakoek grabatzea bazuten. Kantari pila bat hasten da kantatzen eta horiek ez dute modurik disko bat grabatzeko ordea. Loiolan hasi zen mundu berri hori garatzen, eta guk heldu genion ondoren; medio gutxirekin. Euskal kantagintza bi mikrofono ezagutarazten hasi genuen.
Zu ere SER kateak fitxatu zintuen.
SERren programazio berria indartzen hasia zen; beti ilunabarretan baina. Ni euskarazko programazio guztiaren arduraduna bezala sartzen naiz. Iñaki Gabilondok eraman ninduen. Herrietara joan eta bertatik notiziak jasotzea zen gure egitekoa. Berriak elebidun igortzen genituen. SER irratiak, tamalez, euskararen alorrean atzera egin zuen gero.
Zuk ondo ezagutu zenuen Iñaki Gabilondo gaztetan. Zer iritzi duzu bere pertsonaz?
SER euskalduntzeko prozesu hartan elkarrekin ibili ginen. Sevillara alde egin zuen gero; eta handik Madrilera. Orduan, hasten da Iñaki Gabilondoren izar prozesua garatzen. Hemen pertsona nabaria izan zen; baita profesional nabarmena ere. Ni euskararen bidea sustatzera eraman ninduen, baina berak alde egin zuenean bidea ez zela oso urrutira iritsiko konturatu nintzen. Iñaki Gabilondok hemen segi izan balu gaurko SER oso diferentea izango zen.
Bere sentsibilitateak ezagutzen ditut; ez dira nireak, jakina. Baina pertsona bezala hitz egiten duelarik oso hurbila egin zait. Egun ere, berarekin hitz egin daiteke; beste mundu batean dagoela jakinda ere. Hemengo gauzak ulertzearen aldeko joera garbi bat dauka. Iñakik bere barrenean –neurri batean denok biziko genukeen– haustura bizi duela esango nuke.
Bere sentsibilitateak ezagutzen ditut; ez dira nireak, jakina. Baina pertsona bezala hitz egiten duelarik oso hurbila egin zait. Egun ere, berarekin hitz egin daiteke; beste mundu batean dagoela jakinda ere. Hemengo gauzak ulertzearen aldeko joera garbi bat dauka. Iñakik bere barrenean –neurri batean denok biziko genukeen– haustura bizi duela esango nuke.
Bizi dugun egoera gatazkatsuan zubi lanetan egiteko gertu, esaterako?
Baliteke. Antzematen zaio halako zerbait, baina ez unean uneko interesengatik, barruan daraman zerbaitengatik baino.
Herri Irratira itzulita «24 orduak euskaraz» irratsaio historikoaren arima izan zinen.
«24 orduak euskaraz», hori da! Ez dugu 24 ordu euskaraz esaten, 24 orduak baizik. Mezua hori da. Gero, neurri batean, hori egin da. Orain normala iruditzen zaigu, baina garai batean elebitasunari buruzko eztabaida handiak ziren. Gu ohartzen gara badatorrela mundu berri bat; Ikastolen mugimenduarekin batera sendotzen eta egituratzen doana. Eta prozesu honen bukaeran euskarazko irrati bat martxa jartzea da gure xedea. Prentsa idatziaren inguruan egiten diren analisietan elebitasuna gailentzan da. Guk berriz, hainbat urteetan garatu den irratigintzaren ondorioz euskara hutsezko irrati bat behar dela diogu. Nik garbi neukan komunikabideetan eraman nuen prozesuaren ondorioa behar zela izan.
Informazioa eta politika mundua bizi izan dituzu batera. Orduan hasi al zinen biak bizitzen nabarmenki?
Urteak aurrera joan ahala konturatu naiz informazioa politikatik hurbil egon dela beti. Orduko garaia zerbaitentzat orain ulertzea ezinezkoa da agian. Guk, ordea, une politikoaren arabera egin genuen aurrera. Zeuden aukerak zeuden eta haien arabera bultzatu genituen gure asmoak. Guk garbi genuen, euskarazko komunikabideetan euskara behar zela osorik, hori ez zela berez etorriko. Hartara, uhinik ez zigutelako ematen, manifestazio bat antolatu genuen Donostian, milaka jende bizkarrean irrati aparailu bat zeramala. Euskararen aldeko agiri bat egin zen. Irratian genbiltzanok orduko giroan genbiltzan multzo bat gehiago ginen. Jende hark ez zuen euskarazko komunikabide bat ordea. Alde horretatik Herri Irratia zetorren mundu haren bozeramale izan zen. Ekimen horietako guztietako parte izanik «24 orduak euskaraz» euskararen garapenaren agergarria bilakatu zen.
Nola gogoratzen duzu egun historiko hura? Egin zenuten irratsaioa alegia.
Ekitaldia ez zen Herri Irratiaren poderioz soilik martxan jarri, koordinazio lan baten ondorioa izan zen; elkarlana. Irrati lanaren aldetik irratigintzan egin zitekeen saiorik xelebreena izan zen. Irrati programa bat nola ez den egin behar halaxe izan zen hura. Baina noski, ez ginen irratsaio bat egiten ari. Testimonio bat eman nahi genuen. Ulertzen ez ziren Txirritarren bertso batzuekin ireki genuen programa. Lagun batek esan zidan, «
nik badiat etxean Txirritarren bertso-disko zahar bat
». Ekarri zigun, eta pentsa dezakezu nola entzuten zen. Hola hasi ginen, inork ez zuen ulertu. Baina hura Txirrita zen. Hura zen orduko giroa.
Eusko Jaurlaritzako prentsa-burua izan zinen urte batzuk geroago; Euskal Irratiak sortzen direnean. Parte hartu al zenuen sortze lan haietan?
Euskal Irratiak sortzeko bileretan izan nintzen, baina nik ez nituen sortu. Izan ere, nik sortu izan banitu horrela-horrela ez ziren sortuko behinik-behin.
Zergatik?
Konplikatua litzateke hori azaltzea. Gainera, horrek ez du esan nahi gaurko irratien izaerarekin bat ez natorrenik. Irrati modeloa eztabaidan egon zen. Hasieran euskara hutsezko irratiak behar zirela pentsatu zen; zein funtzio bete behar zuten eskualdetik eskualdera. Nire ustez ez dute funtziorik bete orainokoan. Nik neuk pentsatzen nuen tokian tokikoak egin behar zirela. Euskal Irratiek helburu nagusiak lortu dituzte hala ere. Orduan eztabaidatzen zen modeloa, euskal munduan euskaraz ari den irrati bat izatea eta EAEko hiru irrati publikoen arteko euskalkiz euskalkiko modulazio bat egitea zen eta egun ere modelo horren alde naiz ni. Areago, irratian gehiago inbertitzea defendituko nuke.
Eusko Jaurlaritza berriaren lehen garaia ez zen samurra izango?
Ez. Baina, gu pribilegiatuak izan gara. Jaurlaritzan sartzean pareta txuri batzuk dituzu; mahai bat eta aulki bat. Funtsean ez dago Jaurlaritzarik; Lakuarik ez da existitzen; ez dago ezer. Prozesu hori bizitzea ikaragarri aberatsa da. Gure mugak zenbatekoak ziren nork bere sailean ezagutu zituen. Nik nire eskarmentuarekin hitz egin dezaket. Objetibo izanez, suerte ikaragarria izan zela diot. Nire kasuan, prentsa-bulegorik ez duzu, eta sortu behar duzu ezerezetik, eta ondoan ez dago inolako esperientziarik. Garai oso aberatsa, asko ikastekoa, pribeligio bat.
Urte haietan, EITBko zuzendari-ordea izan zinen. Geroago, «Deia»n politika sailean. Eta bat batean, ETBko «Ezbaian» programaren aurkezle agertu zinen. Nolatan?
«Deia»n lanean nagoela, Mikel Atxaga dut parean, norbaitekin ari dela: «
Zu zoratuta zaude. Nik nola egingo dut? Aurrean zeukeat hori egingo lukeena. Har ezak telefonoa
» esaten dit Mikelek. Gero jakiten dut ETBn etsituta dabiltzala. «Ezbaian» saioa hamabi pertsonari gutxienez eskaini diotela, eta aurkezle bat ezin aurkitu dabiltzala. Inori ez zitzaion pasatzen burutik ni joan nintekeenik.
Euskarazko egunkaria sortzeko agindua jaso zenuen geroago.
Ez zen horrela izan. Ni ez ninduten Euskarazko egunkaria egitera deitu, azterketa bat egitea eskatu zidaten. Talde baten buruan jarri, eta zorte ikaragarriz –Jaurlaritzaren diru laguntzaz– Europan komunikabideak nondik nora doazen aztertu nuen. Gero talde bat bilduz eztabaidatu genuen. Prozesua txosten bat egiten bukatu zen. Txostenaren arabera euskarazko egunkariaren proiektua egiten hasteko egunkari horri zein egitura ekonomiko nahiz juridikoa zegozkion finkatu behar zen. Ondorioz, eredua aurrera ateratzeko, diru publikoa behar zela ikusi zen. Egunkariak salmentarik ez baitzuen ematen. Salmentarik ezean, urtero 800 milioi behar zirela esan nuen nik. Baina, juridikoki zaila zen, ze, 800 milioi ezin zaio enpresa pribatu bati eman eta hor konpon! Hori ez dizu inongo legediak onartzen. Eztabaida hura une politiko konkretu batzuen inguruan eman zen. Eredua ezin atera zitekeela uste nuen nik, baldin eta ez bagenuen babes sozial inportante bat. Eta ez zen atera. Une oso tirabiratsua bizi izan zen. Lagun batek «
oraingo honetatik ez zara onik aterako
», esan zidan. Pello Zubiria eta Joxemi Zumalaberen taldeak atera zuen bere proiektua eta gaur arte.
«Euskaldunon Egunkaria» egin daitekeen euskarazko egunkari hoberena al da zure ustez?
Beti egin daiteke zerbait hobea. Nik sekula ez dut diskutituko horko meritua eta esfortzua. Hala ere, gai horri buruz erreflexionatzen dudanean, orduan ikusten nituen problemak ikusten ditut. Eta ez da euskarazko egunkariaren problema, baizik euskaraz eduki beharko genukeen egunkari baterako garapen ekonomiko garantizatu baten problema. Ez dira egun asko ARGIAn bertan irakurtzen nuela elkarrizketa bat Xabier Mendiguren Kontseiluko zuzendariarekin. Arazoak bere horretan darrai. Koxka da egungo komunikabideekin nola uztartu euskarazko egunkaria. Batzuk esango didate hori erantzunda dagoela. Ni ez nago dagoen erantzunarekin konforme. Errespetu guztiekin eta jendeak egiten duen lana miresten dudalarik, funtsean, orduan planteatzen nuena zen nola garantizatzen dugun behar bezala euskal prentsa idatziaren etorkizuna bizi dugun komunikazio aroan. Erreflexio horri beti heldu behar diogu, gaiari ekiteko une berebizikoa da orain ere. «Euskaldunon Egunkaria»k bere funtsa hartu du, kazetari nola idazle berriak formatu dira. Baina falta da etorkizuna duen oinarri enpresariala; ikerketa talde bat, multimedia proiektua...
Gaur egunera etorriaz, Gipuzkoako Diputaziotik Baiona-Donostiaren arteko Euro-Hiriaren proiektuan aritu zara. Zer-nolako esperientzia izan da?
Proiektuaren abiapuntuan arazorik ez sortzea dago. Proiektua oso konplikatua da; epe motzera garatu ezin dena. Azken zortzi urteetan isilean egin dugu lan, eta oraindik orain hasia da kaleratzen. Une interesgarria da proiektu batzuk normaltasunez elkarrekin egiteko: errepideetan, eraikintzan edo turismoa mundura zabaltzeko elkarrekin. Giltzarria hauxe da: hitz magikoek ez diezagutela errealitatea ezkuta. Proiektu honetan nork bere irakurketa politikoa egitea onartzen dugu; eta zentzu horretan ez gaude proiektu politiko batean sartuta. Eusko-Hiria izenetik hasita hitz bakoitza ondo eztabaidatu da. Zuk hitz bat esaten duzu, eta gauza bat esan nahi duzu. Besteak hitz bera esaten du eta konturatzen zara hainbat ñabardura egon daitekeela hitz horren barruan. Goaz poliki, beraz.
Une historiko konplikatu batean gaude. EAJk eutsiko al dio oraingo erronka berriari? Baturik egin ere?
EAJ historikoki esparru konplikatuenean izan da. EAJk pentsatu izan du beti: izan zaitez eta egin ezazu pentsatzen duzuna. EAJ Europari begira ari da uneon –baina ez kanpora joan beharrez, gu barne gara jadanik– eta horretan alderdiko kide guztiak gaude. Ez dago diferentziarik alde horretatik. Ez dut duda izpirik ere. Atzera egiterik ez dago; ez du logikarik-eta. Beste gauza bat da aurrera joateak zer esan nahi duen. Etxe barrutik ez dut diferentziarik somatu. Ñabardurak bai. Baina horiek etxe denetan daude. Gaur entzuten dituzun gauzak duela sei hilabete entzuten genituen; eta ondoko hilabetetan entzungo ere. Baina bagenekien. EAJ dagoen tokian mantenduko da, baina horrek ez du esan nahi besteak ere leku berean mantenduko direnik. Kontua ez da EAJ mugitu dela, beste gauza asko mugitu direla baizik. Testuingurua mugitzen denean norbera ere mugitzen da.
Inboluzio batean murgilduta gauden arren, egoera aldatu al da zure ustez?
Gauzak ez dute berdin segituko. ETAk menia eman zuen, eta inpaktu bat izan zen. Gauzak gizartean aldatu ziren, eta kontua ez da zure alderdiak zer pentsatzen duen, gizarteak zer pentsatzen duen baizik. Kontua ez da zu zer zaren, baizik zertan den gizartea. Politikan zer edo zer ikasi behar bada da, ez zarela zu. Bi gauza ikasi behar dira, zer zara zu eta zer besteak. Gizarteak diferente pertzibitzen bazaitu, nahiz eta zu aldatu nahi ez, objetiboki, gizartea aldatu bada, zu neurri batean aldatua zara. Hori bizi dugu. Erritmoaz ari gara. Erritmoarena ez da anekdota, giltzarria da. Funtsean giltzarria eta galdera klabea hauxe da: ETAren ondotik zer?: Horri ari gara erantzuten orain. Arazoari konponbidea ematea zaila da alderdi bakoitzak erantzun diferente bat ematen diogulako. Hor dago koxka
JOSE LUIS ZUMETA
MARIANO FERRER
IÑAKI ZUBIZARRETA
MIKEL ATXAGA
CARLOS GARAIKOETXEA
RAMON SUDUPE
XABIER ARZALLUZ
JOSE MARIA GORORDO
JOSEBA ARREGI
ELI GALDOS
«Aspaldiko laguna. Artista. Oso laguna denekin. Pertsona erabakia»
MARIANO FERRER
«Nortasun handiko gizona. Honelako pertsonek aldekoak eta kontrakoak izaten ditu nabarmen»
IÑAKI ZUBIZARRETA
«Oso lagun ona; ogi puska bat. Pertsona batzuk definitzeko hitza `on-ona' da. Hori da bat»
MIKEL ATXAGA
«Iñaki bezala. Biak pasta onekoak dira, nik ez daukadan pastakoak. Niretzat kontrapuntu bat dira»
CARLOS GARAIKOETXEA
«Politikan mundu berri bat ireki zidan. Nire lehenengo esperientzia fuertea berarekin hasten da»
RAMON SUDUPE
«Konbentzimendu tinkoak ditu. Zertaz ari den transmititzen dakien pertsona. Hori eskertzekoa da»
XABIER ARZALLUZ
«Ez gara bere nortasun politikoaz ohartzen. Ez dugu bera bezalako beste bat urte luzeetan ezagutuko»
JOSE MARIA GORORDO
«Azkarregia. Azkarregi ibiltzen da, eta politikan patxara behar da»
JOSEBA ARREGI
«Berari buruz esaten dena eta nik kontrastatzen dudana ez datoz bat»
ELI GALDOS
«Asko maite dut. Berak eman zidan konfiantza politikan sartzeko. Esker ona daukat berarekiko»
Tantoa
Lagun leiala da Jose Ramon Beloki. Aintzakotzat hartzen, errespetatzen eta laguntzen dakiena. Ez da aldartetsua eta gorabeheratsua. Bata, Donostiako Herri Irratian, bestea, Zeruko Argian, doi-doi ginen ezagunak. Felipe Gonzalez, Txiki Benegas eta Enrique Mugica, prentsaurrekoan euskaraz galdetu nielako, estuasun gogorrean jarri nituenean, Belokiri eskatu zioten itzulpena. Jose Ramonek, entzungor. Ez ninduen saldu.
Geroztik, mahaiaren alde banatan lan eginak gara luzaroan. Oraintxe ere larunbatero egiten dugu hitzaspertua. Baina Garaikoetxea, Galdos eta Sudupe bere nagusien sekretuak Josefateko zelaian jakin beharko ditut. Hain da leiala!
Eta langile porrokatua. Ordurik ez duena. Behar denean gau eta egun aritzen dena. Lanari aurrea hartzea gustatzen zaio. Ez zaizkio gustukoak azken orduko presak eta zalapartak. Aldez aurretik dena ongi lotua nahi izaten du. Herri Irratiak antolatu zuen «24 orduak euskaraz» ekitaldiak bakarrik ere ederki adierazten du Jose Ramonen alderdi hori.
Gainera, langile txukuna da. Gehiegizkoa batzutan. Akatsik gabeko lan borobila burutu nahi izaten du denean. Arazoari eta konponbideari alde guztietatik begiratu behar izaten dio, jira eta bira. Eskatu behar duen informazio guztia eskatuko du, eta hitz egin behar duen guztiarekin hitz egingo eta eztabaidatuko. Eta erabakiko. Ez du bertan behera uzten, ustel dadin edo denborak konpon dezan. Euskarazko egunkariaren egitasmoa burutzerakoan nabarmen utzi zuen alde hori.
Ez zaio zabarkeriarik eta erdipurdikeriarik atsegin. Ez du arinkeriarik eta inprobisaziorik onartzen. Eta alferkaria, arinkeria, inprobisazioa eta jokabide aldartetsuak nagusi ohi diren lekuetan aspergarri eta gogaikarri gerta dakioke bati baino gehiagori Jose Ramonen jokabide hori. Bereari azkeneraino eusten dio. Baina beste zerbait erabakitzen bada ere, ez da zapuzten eta haserretzen. Jose Ramonek nekez hautsiko ditu inorekin harremanak
Geroztik, mahaiaren alde banatan lan eginak gara luzaroan. Oraintxe ere larunbatero egiten dugu hitzaspertua. Baina Garaikoetxea, Galdos eta Sudupe bere nagusien sekretuak Josefateko zelaian jakin beharko ditut. Hain da leiala!
Eta langile porrokatua. Ordurik ez duena. Behar denean gau eta egun aritzen dena. Lanari aurrea hartzea gustatzen zaio. Ez zaizkio gustukoak azken orduko presak eta zalapartak. Aldez aurretik dena ongi lotua nahi izaten du. Herri Irratiak antolatu zuen «24 orduak euskaraz» ekitaldiak bakarrik ere ederki adierazten du Jose Ramonen alderdi hori.
Gainera, langile txukuna da. Gehiegizkoa batzutan. Akatsik gabeko lan borobila burutu nahi izaten du denean. Arazoari eta konponbideari alde guztietatik begiratu behar izaten dio, jira eta bira. Eskatu behar duen informazio guztia eskatuko du, eta hitz egin behar duen guztiarekin hitz egingo eta eztabaidatuko. Eta erabakiko. Ez du bertan behera uzten, ustel dadin edo denborak konpon dezan. Euskarazko egunkariaren egitasmoa burutzerakoan nabarmen utzi zuen alde hori.
Ez zaio zabarkeriarik eta erdipurdikeriarik atsegin. Ez du arinkeriarik eta inprobisaziorik onartzen. Eta alferkaria, arinkeria, inprobisazioa eta jokabide aldartetsuak nagusi ohi diren lekuetan aspergarri eta gogaikarri gerta dakioke bati baino gehiagori Jose Ramonen jokabide hori. Bereari azkeneraino eusten dio. Baina beste zerbait erabakitzen bada ere, ez da zapuzten eta haserretzen. Jose Ramonek nekez hautsiko ditu inorekin harremanak
Irakurrienak
Matomo erabiliz
#1
Mikel Garcia Idiakez
#2
Danele Sarriugarte Mochales
#3
Gorka Peñagarikano Goikoetxea
#4
#5
Onintza Irureta Azkune
#6
Estitxu Eizagirre
Azkenak
Munstrok izaki beldurgarriak batzera eramango gaitu puzzle joko frenetikoan
Threes! edo 2048 klasikoen bertsioa prestatu dute Julen Irazokik eta Ibai Aizpuruak, Mikel Dale musikagilearekin batera. Android-en doan deskarga dezakegu euskarazko bideojokoa.
2024-11-28
Zigor Olabarria Oleaga
Jakes Bortairu eta Dominika Dagerre militanteak atxilotu dituzte Baionan goizaldean, eta eguerdian askatu
Urtarrilean salmenta espekulatibo bat salatzeko ekintza egin zuen Arberoa Lurra eta Etxebizitza kolektiboak, eta horrekin lotuta egon daitezke atxiloketak. Goizeko seiak aldera atxilotu dituzte, "atea kasik hautsiz eta esku-burdinak segidan ezarriz", Ostia sareak... [+]
2024-11-28
Jon Torner Zabala
Gehiago Gara jaia egingo dute Antzuolan, hil diren haurrak “bizipozetik” gogoratzeko
2024-11-28
Jenofa Berhokoirigoin
Frantziak “immunitatea” aitortu dio Netanyahuri, Libanoko su-etenaren truk
Israelgo lehen ministro Benjamin Netanyahuk "immunitatea", hau da, babes politikoa duela adierazi du Frantziako Kanpoko Aferen ministroak. Israelgo Haaretz eta Maariv komunikabideek jakitera eman dute Libanorekin adosturiko su-etenaren baldintzen artean zuela... [+]
2024-11-28
Gedar
Zumaiako Balenciaga ontziolako langileek mobilizazioei ekingo diete, lanpostuen defentsan
Enpresa jo dute egoeraren erantzuletzat, baita erakunde publikoak ere. Langile batzuek bost hilabete baino gehiago daramatzate kobratu gabe, eta ostiral honetan egingo dute manifestazio bat, ontziolatik abiatuta: ez dezatela itxi aldarrikatzeko.
2024-11-28
Urko Apaolaza Avila
Sindikalismo eraldatzaileaz eta lanaz eztabaidatzeko nazioarteko kongresua Leioan
Ostegun eta ostiral honetan 40 hizlari baino gehiago ariko dira EHUko Leioako campusean Lana eta sindikalismoa XXI. mendean Nazioarteko Lehen Biltzarrean. Lan munduaren eta sindikalismo eraldatzailearen erronkez eta estrategiez eztabaidatuko dute.
2024-11-28
Irutxuloko Hitza
Mikel Zabalzaren omenezko plaka jarriko du Donostiako udalak larunbatean, Intxaurrondoko kuartelaren aurrean
Donostiako Udalak Mikel Zabalza Garateren (1952-1985) omenezko plaka bat jarriko du larunbat honetan (hilak 30), Guardia Zibilaren Intxaurrondoko kuartelaren aurrean (Baratzategi kalea, 35). Guardia Zibilak gaurko egunez atxilotu zuen Zabalza, 1985ean, Altzako bere etxean... [+]
2024-11-28
Jenofa Berhokoirigoin
Plastiko kutsadura mugatzeko negoziaketen azken fasea abiatu du NBEk
Azaroaren 25ean hasi eta abenduaren 1era arte iraunen du Hego Koreako Busan hirian aitzina doan gailurrak. Petrolio ekoizle diren estatuak eta beraien lobbyak oztopoak jartzen dabiltza, ekoizpenaren mugatzerik ez dutelako nahi.
2024-11-28
Mikel Garcia Idiakez
“Hezkuntzak izan behar du patxadatsua eta geldoa”
Eguneroko abiadura itogarritik atera eta eskola-proiektua amesteko, gogoetatzeko denbora hartzea aldarrikatu dute solaskideek, Superbotereak liburua aurkezteko mahai-inguruan. Patxadatsu aritu dira, hain justu, eraldatzeaz, inpotentziaz, ilusioaz, eskola bakoitzak egin beharreko... [+]
2024-11-27
Julene Flamarique
"Euskara ez den hizkuntza bat” erabili du Barakaldoko Udalak kanpaina batean
Barakaldoko Udalak euskararen erabilera “umiliagarria” egin duela salatu du Sasiburu euskara elkarteak. Salaketa argitaratu ostean kanpainaren euskarazko bertsioa ezabatu du udalak. Halakorik berriz gerta ez dadin arduradunen barkamen publikoa eta behar diren... [+]
2024-11-27
Leire Ibar
180 eragile baino gehiagok egin dute bat etxebizitzaren eskubidea bermatzearen aldeko mobilizazioarekin
Abenduaren 14an Bilbon etxebizitzaren negozioaren aurkako mobilizazio nazionala antolatu dute Euskal Herriko Etxebizitza Sindikatu Sozialistak eta Euskal Herriko Etxebizitza Sindikatuen Sareak. Ia 200 izan dira auziarekiko elkartasuna adierazi duten eragileak.
2024-11-27
Julene Flamarique
Gutxienez 2027ra arte atzeratu dituzte berriro ere AHTren obrak EAEn
2024ko otsailean Astigarraga-Hernani tartea amaitu zutenean Abiadura Handiko Trena 2027an prest egongo zela aurreikusten zuen Eusko Jaurlaritzak. Orain Arkautiko lotunearen obren lizitazioari ekin dio Jaurlaritzak; Euskal Trenbide Sarea enpresaren esku utzi du, eta 2027an hasiko... [+]
2024-11-27
Gorka Peñagarikano Goikoetxea
Erretiroa hartuko du Benito Lertxundik
82 urteko abeslari oriotarrak azken disko bikoitza kaleratu du, Gernikan 2023ko azaroaren 11n eskainitako kontzertuaren zuzenekoa. Eta horrekin bere ibilbideari amaiera eman diola iragarri du.
2024-11-27
Uxue Apaolaza Larrea
Materialismo histerikoa
Zuekin nahi dut
Gutxi ateratzen naiz azken urteetan. Askotan esan dut, badakit, baina badaezpada ere. Bertso saio batera joan naiz gaur. “Bejondeizula”. Bai, horregatik abisatu dut gutxi ateratzen naizela, pentsatzen dut zuek kultur ekitaldi askotara joaten zaretela, eta... [+]
Eguneraketa berriak daude