AMAITZE HUTSA GARAIPEN BIHURTZEN DUEN RALLYA
- helmugara iritsi ziren lehenengoz. Lasterketa baino gehiago, espedizioa da eurentzat Dakar-a. Juan Mari Indo izan dugu solaskide eta sailkapenaz kanpoko kontuez aritu gara.
Laugarren Dakar-a izan da hau Juan Mari Indorentzat. 1992an izan zuen bataioa. Camel Trophy-n ezagututako lagun katalan batzuk luzatu zioten eurekin kamioian joateko eskaintza. Dakar berezia izan zen hura, bereziki luzea, Parisen hasi eta Cape Town-en (Hego Afrika) amaitu zena. Azken egunean izandako istripu larriak (kamioia irauli zitzaien) helmugatik 150 kilometrora utzi zituen. Urtebeteko geldialdiaren ondoren 94an ekin zioten berriro. Urte hartan, kamioia lokatzetan sartu zuten Mauritania zeharkatzen ari zirela. «
Hiru egun eta 22 lagun behar izan genituen kamioia lohietik ateratzeko
Ondorengo urtetan ate joka ibili zen Indo, diru eta sponsor bila. Alferrik, baina. Patxi Barberena agertu zen arte bederen. Hark sponsorra lortzeko bidea bazuela aipatu zion. Esan eta egin. 99ko Dakar-ean –aurten bezala– Selene emakumezkoen barruko arroparen publizitatea eraman zuen erantsita euren autoak. Autoaren atzeko zubia hautsita zazpigarren etapan laga behar izan zuten lasterketa.
Serieko auto bat 4 milioi pezetagatik eskuratu daiteke eta ondoren beste bizpahiru milioi pezeta behar izaten ditu egokipenerako: segurtasun barrak, amortiguadoreak, eserleku bereziak... Gutxieneko aurrekontu horretatik gora nahi adina –edo ahal den neurrian– igo daiteke kopurua. Bestalde, auto prestatua alokatzeko aukera ere bada.
Autoa alde batera utzita, beste 7-8 milioi pezeta gutxienez beharrezkoak izaten dira. Inskripzioagatik soilik, parte hartzaile bakoitzak 1.700.000 pezeta inguru ordaindu behar izan du aurtengo edizioan. Pertsonen eta ibilgailuen garraioa eta janaria ordaintzen dira horrekin. Gasolina, aldiz, bakoitzak bere poltsikotik ordaindu behar du. Litroa hemen baino bost-sei aldiz gehiago ordaindu ohi da. Indok esan digunez «
Libian petrolioa dago; gasolinak, beraz, merkeago izan beharko luke. Bada, litroa 600 pezetan saldu digute, gero irabaziak Suitzako banku batean sartzeko
Aurrekontu handi hori arintzeko sponsor bila ibili ohi dira eta gaitza izaten omen da horiek lortzea. «
Azkenean lagunek edo ezagunek ematen dizute laguntza
Dakar-a prestatzeko, beraz, elementu bat behar da nagusiki: dirua. Eta prestakuntza fisikoa? Malariaren aurkako neurriak hartzeaz gain, ezer berezirik ez.
Etapa barruan jateaz ez zara gogoratu ere egiten. Gero, etapa amaitu, autoa ondo dagoela ikusi eta lasaitu egiten zara. Orduan, jaten duzu lasai
Segurtasun arazoak ere kontrolpean dituzte. Antolakuntzak GPS sistema eramatera behartzen ditu. Galduz gero, GPSak autoaren posizio zehatza adieraziko dio pilotuari. Larrialdietarako kutxa prezintatu bat ere eraman ohi dute.
Barberena eta Indok hirugarren egunean izan zuten istripua. Zortea izan zuten, ordea, asistentziako kamioiak iritsi eta arazo mekanikoa konpontzeko aukera izan baitzuten. Arazo handirik gabeko etapa laburra zena, 20 orduko odisea izan zen eurentzat. Gaixo ere egon da Juan Mari. 40 graduko sukarra, eztula... Zer harrapatu ote zuen Afrikako lurralde haietan? Ezertxo ere ez. Itzultzean ulertu zuen ia Euskal Herri osoa ohean izan duen gripe madarikatua baino ez zela.
Gehienez, etapa hasieran, umeak hurbiltzen zaizkizu eskean, `cadeau, cadeau' esanez
Atentatu mehatxua eta lau eguneko geldialdi famatuaren inguruan galdetu diogu Juan Mari Indori –Nigeretik Libiara munduko hegazkin handienetan, Antonov errusiarretan eraman zituzten–: «
Gu gara hor terroristak. Haiek euren ohitura eta tradizioak dituzte. Herri batean sartu baino lehen haren inguruan itzuli bat eman behar da, toki batzuk sakratuak dira eta ezin da bertan sartu, beste batzutan tribuaren buruzagiaren onespena behar da... eta gu dena zapaltzera joaten gara zuzenean gure ibilgailuekin
Geldialdi horrek bestelako ondorioak ere izan zituen. Egoera txarrean zeuden ibilgailuak berriro prest uzteko aukera izan zen. Horregatik, inoiz baino jende gehiagok lortu du lasterketa amaitzea. Beste urtetan amaitzen zutenak %40-50 baziren, aurtengoan %70 iritsi da Kairoko helmugara. Antolaketak jende gutxiago espero zuen, azken etapatan eta ur eta janari faltan izan dira.
Dakar-eko burrunbatik hurrun, etxera eta bere dekoratzaile lanetara itzuli den honetan, hara itzultzeko asmorik ote duen galdetu diogu Juan Mari Indori. Ezetz erantzun digu, nahikoa duela eta beste proiektu batzuk dituela. Baina iaz ere gauza bera esan omen zuten eta, itzuli eta hilabetera, berriro hurrengoa prestatzen hasiak ziren
Okzitaniako Tolosako elkartea da aipatu kolektiboa eta Frantziako Gobernuak dekretuz desegin zuen 2022an. Orain Estatu Kontseilua gobernuaren erabakia egokia dela berretsi du.
Sare Herritarrak antolatuta, pasa den urtarrilaren 11n Bilboko kaleak bete zituen manifestazio jendetsuaren ondoren, berriz sortu da eztabaida, euskal presoei salbuespen legeriarik aplikatzen ote zaion. Gure iritzia azaltzen saiatuko gara.
Espetxe politikan aldaketa nabarmena... [+]
Duela gutxi think tank izateko jaioa omen den Zedarriak bere 6. txostena aurkeztu zuen. Beren web orrialdean azaltzen dutenaren arabera, zedarriak ebidentea ez den bidea topatzeko erreferentziak dira. Hots, hiru probintzietako jendarteari bidea markatzeko ekimena. Agerraldi... [+]
Eskoziako Lur Garaietara otsoak itzularazteak basoak bere onera ekartzen lagunduko lukeela adierazi dute Leeds unibertsitateko ikertzaileek.. Horrek, era berean, klima-larrialdiari aurre egiteko balioko lukeela baieztatu dute, basoek atmosferako karbono-dioxidoa xurgatuko... [+]
Karen Daniela Ágredok dioenez, atxilotu zutenean berak ez zuen ertzainik zauritu, haiek lurrera bota zuten eta konortea galdu zuen. Ondoren, Ertzaintzaren komisariaren zoruan iratzartu zen eta handik ospitalera eraman zuten.
Hiuzz + Bloñ + Adur
Noiz: otsailaren 15ean.
Non: Iruñeko Aitzina tabernan (Egun Motelak kolektiboa).
--------------------------------------------
Larunbat goiza Iruñean. Neguko eguzkitan lanera doazen gizon –eta ez gizon– bakarti batzuk... [+]
.jpg)
Hizkuntz Eskubideen Behatokiak jaso ditu kexak: bisita gidatuak gaztelania hutsean, eta sarrerako zerbitzuetan ere bai. Bitxia da kontua: baskoien mintzairaren hitzak dituela uste den brontzezko objektua ikustera joan... eta azalpenak gaztelaniaz. Kexek eragina izan dute, eta... [+]
Julen Linazaroso Macsonrisas-eko kideak azaldu duenez, sari-bolek, harrapakin-kutxek eta enparauek bideojokoetan ordu gehiago jokatzea dute helburu. 35 eta 64 urteko pertsonen artean bideojokoen erabilerak gora egin du 2023tik 2024ra, Ipsosek emandako datuen arabera.
Zubiak eraiki Xiberoa eta Boliviaren artean. Badu jadanik 16 urte Boliviaren aldeko elkartea sortu zela Xiberoan. Azken urteetan, La Paz hiriko El Alto auzoko eskola bat, emazteen etxe baten sortzea, dendarien dinamikak edota tokiko irrati bat sustengatu dituzte.
SPRI sozietatearen eraikinaren aurrean elkartuko dira langileak hurrengo asteko ostiralean.
Ostegunean egoera hori ikertzeko eta zuzentzeko eskatu dio EH Bilduk Nafarroako Gobernuari legebiltzarreko osoko bilkuran. UPNk eta PPk bat egin dute eskaerarekin, eta Osasun Departamentuak urtebete du ikerketa gauzatzeko.
Oldarraldi faxistaren aurrean askatasuna leloarekin manifestaziora deitu dute dozenaka herritarrek. Ostiralean —hilak 21— 19:00etan Herriko Plazatik abiatuko da protesta, eta ahalik eta jendetsuena izatea nahi dute deitzaileek, faxismoaren oldarraldiari galga... [+]