"LA GUIPUZCOANA" KONTROLATU NAHI DU ALEMANIAKO POSTAK
- aliantza estrategiko eta salerosketa prozedura zabal batean murgildurik dago. La Guipuzcoana, dagoeneko akordio batera iritsi da Alemaniako postarekin, Deutsche Post (DP) enpresarekin.
Alemaniako Deutsche Post-ek euskal enpresa hau hautatu du aliantza egiteko eta dagoeneko kapitalaren %49 eskuratu du. Haren helburua hiru urteko epean %51aren jabe egitea da, horrela euskal enpresa erabat bere kontrolpean hartuz. Operazio honen berri handirik ez da zabaldu gizartean, bi urte iraun duten elkarrizketak isiltasun osoz burutu baitira. Halako isiltasunean ezen, partaideek izan ezik, inork ez duen ezagutzen operazioaren kostu ekonomikoa. Dirudienez, enpresaren kudeaketak La Guipuzcoanaren jabe den Salegi Odriozola familiaren esku jarraituko du.
Aliantza estrategiko honen arabera, La Guipuzcoanak Espainiako Estatuko eta Portugaleko enpresetako pakete-garraioa esklusibitatez kudeatuko du eta, aldi berean, Alemaniako DPek sarbide bat izango du penintsulako merkatuan. Beraz, bien interesak eta helburu amankomunak izan dira operazio estrategiko garrantzitsu hau gauzatzea ahalbidetu dutenak.
La Guipuzcoana 50 elkarte juridikoz osaturik dago. 63 ordezkaritza eta 15 eskualde-zentro ditu iberiar penintsulan, eta 1.635 ibilgailuko flota du. Bere plantila 2.535 langilekoa da, autonomoak barne. Euskal enpresa honen 1998ko fakturazioa 31.000 milioi pezetakoa izan zen, aurreko urtekoa baino % 13,5 handiagoa. Bere ibilgailuetan 35 milioi pakete garraiatu ziren. Espainiako Estatuko bigarren enpresa da errepide bidezko merkantzi-garraioaren arloan.
Euskal enpresa honek izan duen kudeaketa ona nabarmen ageri da 1992az geroztik bere fakturazioan izan duen bilakaeran: 1992an 12.191 milioi pezeta; 1993an 14.529; 1994an 16.700; 1995ean 19.800; 1996an 24.000; 1997an 27.300; eta azkenik, 1998an 31.000 milioi pezeta. Aurtengo aurreikuspenen arabera, % 15eko igoera izango dela uste da.
Alemaniako DP enpresaren garrantzia ez dago zalantzan jartzerik, eta horren adierazgarri dira datuok: 260.520 laguneko plantila, joan den urtean 28.689 milioi marko fakturatu zituen (bi bilioi pezeta inguru, 80.000 milioi libera), 625 milioi eurotako etekina lortu zuen (105.000 milioi pezetatik gora, 4.200 milioi libera inguru). DPk, bere hedapen politikari jarraiki, dagoeneko Europako beste enpresa batzuen kontrola bereganatu du: Suediako ASG, Italiako MIT, Frantziako Ducros eta Britaniako SECURICOR.
Euskal talde honek 11.000 milioi pezeta inguruko inbertsioak egin asmo ditu 2001. urtera bitartean. Inbertsio horiek Espainiako Estatuko eta Portugaleko bere ordezkaritzetan paketeak ibilgailuetan jaso eta hustutzeko instalazio mekanizatuak jarri eta bidalketa eta harrera antolatzeko izango dira
Gabriel Salegi izan zen La Guipuzcoanaren sortzailea 1930ean. Gerra zibilaren ondoren, bere bi autobusak kamioi bihurtu zituen eta, bere zazpi seme eta iloba baten laguntzarekin, enpresaren oinarriak finkatu zituen. La Guipuzcoanaren gaurko lehendakaria, Gabriel Salegi, 15 urterekin hasi zen lanean aitaren enpresan, kamioiak bete eta hustutzen. 18 urte zituela, kamioi astunak gidatzen zituen Bartzelonara, euskal portuetako arraina garraiatuz. 1947an erregistratu zuen Salegi familiak Transportes La Guipuzcoana izena, aro berri bati hasiera emanez.
70eko hamarkadan, negozioaren beste arlo batzuk baztertu eta enpresatako pakete-garraioan soilik aritzea erabaki zuen La Guipuzcoanak. Sortzailearen beste semeetako batek, 1929an jaiotako Esteban Salegi Odriozolak, hartu zuen erabakia. Familia jabeturik zegoen ezinbestekoa zela negozioa nazioarte mailan garatzea, eta Europa aldera zabaldu zuen bere sarea, 1993az geroztik Portugalera, Frantziako Estatura eta Beneluxera hedatuz. Euskal enpresa hau Eurodis-eko partaide ere bada. Bertan Europako 18 herrialdek eskuhartzen dute eta egunean 600.000 bidalketa inguru egiten dituzte.
Familia honen lanaren aitorpen gisa, Esteban Salegi Odriozola Euskal Enpresari Onenaren sarirako izendatua izan zen, Javier Egaña eta Pedro Luis Uriarterekin batera. Sari hori Empresa XXI, Euskadiko Kutxa eta ETBk ematen dute, eta aurtengo ekainean eman zuten. Erakunde horien iritziz, urteko enpresaririk onena Pedro Luis Uriarte izan zen, BBVko kontseilari ordezkaria. Egañak Corporación Egaña taldearen gidaritza darama.
DPrekin egin elkartze horren ondorioz sortzen den egoerari begira, Salegi Odriozola familiak oso bereziki azpimarratu du bere helburua La Guipuzcoanaren kudeaketan eta kapitalean jarraitzea dela. Baina ikusi egin beharko da etorkizunak zer dakarren eta kapitalaren gehiengoaren jabe egiteko Deutsche Postek hartzen duen erabakia zein den. Denbora lekuko
Azkar ere merkantzien garraiorako enpresa bat da, eta 1947an sortu zenetik duela gutxi arte euskal familia baten jabetzakoa zen, Lazkaoko Erauskindarrena. Familia arteko liskarren ondoriozko enpresa krisialdi larri baten eraginez, 1992an 63 urteko galiziar baten eskura igaro zen, Luis Fernandez Somozaren eskura. Ezerezetik sortu zen enpresaria zen, familia pobrekoa eta aitarik gabe hazitakoa. Igeltsero, okin, bagoi banatzaile izan zen, 17 urte zituela kamioiak bete eta hustutzen hasi zen arte. 26 urte zituenean Azkarren frankiziadun gisa jarri zen A Coruñan. 1999. urte amaieran Azkar enpresak 27.000 milioi pezetatik gora (1.080 milioi libera) fakturatzea espero du; 1995ean 14.000 milioi pezeta fakturatu zituen.
Eusebio Erauskin izan zen enpresa honen sortzailea, Beasain eta Bartzelona elkarrekin komunikatzeko. Haraino iristen ziren burdinez beteriko kamioi trakets eta deserosoak Gipuzkoatik. 30eko hamarkadako kamioi horiek izan ziren gaur egungo Azkarren jatorria. Enpresa bezala 1947an eratu zen, eta handik sei urtera, 1953an, ireki zen Lazkaoko lehen ordezkaritza. Hiru urte beranduago, Eusebio Erauskinen heriotzaren ondoren, elkarte anonimo bihurtu zen.
Hurrengo bi hamarkadetan Azkarrek hedatzen jarraitu zuen, Bartzelonan, Asturiasen, Valentzian eta Madrilen ordezkaritzak jarriz. 80ko hamarkadan finkatu zen erabat garraio enpresa gisa. Familia arteko liskarrek eta beste hainbat gorabeherak krisialdi larrian murgildu zuten enpresa 1990 urteaz geroztik, eta erabateko porrotean amiltzeko zorian egon zen. Luis Fernandez Somoza enpresari galiziarra egin zen enpresaren jabe pezeta bakar baten truke, eta berregituraketa eta eraldaketa plan bati ekin zion, 1998an burutu zuelarik. Lan horretan guztian Alberto Horcajo abokatuaren laguntza izan zuen. Abokatu hau finantza gaietan espezializatu zen 80ko hamarkadan Estatu Batuetan. Gaur egun bere kontseilari ordezkaria da. Egoera berri horren ondorio zuzena aurreko zuzendaritza guztia bere kargutik kentzea izan zen, eta plantilaren zati bat murriztea.
Enpresaren berregituraketak eta modernizazioak inbertsio handiak eskatu ditu eta eskatzen ditu oraindik ere. 1998tik 2000ra bitartean soilik, 10.000 milioi pezetatik gora inbertituko du Azkarrek. Hedatzeko bi helburu nagusi dauzka: nazioarteratzea eta logistika. Lehenengo helbururako, dagoeneko baditu hainbat harreman aurreraturik, jada sarturik dagoen Portugalez gainera, Europa osora hedatu ahal izateko. Bigarren helburuari begira, berriz, beren Aldigasa enpresa filiala sektoreko lider bihurtu nahi dute.
Azkarrek bere elkartearen egoitza nagusia Gipuzkoan edukitzen jarraitzen du, eta sektoreko enpresa garrantzitsuenetakoa da gaur egun; penintsulako bazter guztietan dago zabaldurik. 56 ordezkaritza dauzka Espainiako Estatuan eta Portugalen, 2.700 laguneko plantila, 310 ibilgailu errepideetan eta 920 bilketa eta banaketarako. Azkar konpainiak lur sailak eskuratu ditu, leku estrategikoetan eta neurri egokikoak, Madrilen, Bartzelonan (Prat de Llobregat), Granadan, Gironan eta Mallorcan. Instalazio horiek guztiak prest egongo dira 2000. urterako.
Teknologia aldetik enpresa honek baliabide aurreratuenak ditu eragiketei eta informazio sistemei aplikaturik, eta bereziki nabarmentzekoa da Bartzelona eta Valentziako instalazioetako sailkapen sistema automatizatua. Duela ia urtebete, aurtengo otsailaren lehenean, Azkar Burtsan kotizatzen hasi zen
Satorralaiak plataformak eman du gainkostuaren berri, informazioa Jaurlaritzari eskatutako txosten batetik aterata. Donostiako metroaren Mirakontxa-Easo zatiaren lanak 53 milioi eurotan esleitu ziren, eta egungo aurrekontua 139,4 milioi eurokoa da. Donostiako metro-pasantearen... [+]
Miopia gero eta gehiago eta gero eta lehenago ari da garatzen, eta horren arriskua da dioptriak gehitzen joatea eta helduaroan begiari lotutako hainbat gaitz izateko aukerak dezente handitzea. “Eguzki-argia jasotzea inportantea da, eta denbora asko ez igarotzea oso gertu... [+]
Martxoaren 8an kalera ateratzera deitu ditu herritarrak mugimendu feministak, "desberdinkeriek bere horretan" dirautelako. Zapalkuntza mekanismo berriak agertu direla salatu dute, eta feminismoa "ezkerreko borroken erdigunera" eramateko beharra... [+]
Martxoaren 3ko Memoriala hornitzeko erabiliko dira bildutako objektuak. Ekimena ahalik eta jende gehienarengana iristeko asmoz, jardunaldiak antolatuko ditu Martxoak 3 elkarteak Gasteizko auzoetan.
Une delikatua igarotzen ari den zure lagun minak Taylor Swiften kontzertura joatea proposatu dizu, baina kide zaren elkarte ekologistak elkarretaratzea deitu du, abeslariak sortuko duen kutsadura salatzeko; nora joango zara? Dilema etiko horri erantzun diote gazteek, baita... [+]
Otsailaren 24tik eta martxoaren 1era bitartean, astebetez 60 lan proiektatuko dituzte Punto de Vista zinema dokumentalaren jaialdian. Hamar film luze eta zazpi labur lehiatuko dira Sail Ofizialean; tartean mundu mailako lau estreinaldi eta Maddi Barber eta Marina Lameiro... [+]
"Gasteiztik egin ezean, ez da egingo", adierazi du PSNren bozeramaile Ramón Alzorrizek. Kontra azaldu dira Geroa Bai, UPN eta PP.
Larunbatean egindako prentsaurrekoan adierazi dute manifestazioa ekainak 14an Donostian egingo dutela. 130 kolektibo, alderdi politiko eta sindikatu batu zaizkie eta "atxikimendu kanpaina oraindik zabalik dagoela" gogorarazi dute.
Plazara, AEK, Uda Leku, Dindaia eta Ebete antolakundeak Baionan elkartu dira Famili'on egonaldi ibiltariaren lehen edizioa aurkezteko. Hizkuntza mailaren arabera eskaintza bat edo beste egongo da eta haur zein gurasoentzat izango da udaberrian.
Neska adingabeari sexu abusuak era jarraituan egin zizkiola frogatutzat jo du Bizkaiko Lurralde Auzitegiak.
1989tik 2014ra, Frantzia mendebaldeko hainbat ospitaletan egindako erasoengatik epaituko dute. 74 urte ditu Joel Le Scouarnec zirujau ohiak, eta espetxean dago beste lau sexu eraso kasurengatik.
Iratxeren Bidasoaldeko Lagunak ekimenak deituta, dozenaka lagun kalera atera ziren atzo Iratxe Sorzabal preso politiko irundarraren absoluzioa eskatzeko eta behingoz etxera ekartzeko, torturak salatzeaz gain.
Azken asteetan François Bayrou Frantziako lehen ministroaren harira ezaguna egin bada ere, aspalditik dira albiste Betharram eskola katolikoko apaizen gehiegikeriak. Lau urtez barnetegian ikasle izan zen Paxkal Indo lapurtarrarak Euskal Irratiaki adierazi eta ARGIAk... [+]
Greenpeaceko kideak Dakota Acces oliobidearen aurka protesta egiteagatik auzipetu dituzte eta astelehenean aztertu du salaketa Dakotako auzitegiak. AEBko Greenpeacek gaiaren inguruan jasango duen bigarren epaiketa izango da, lehenengo kasua epaile federal batek bota zuen atzera... [+]
Otsailaren 17an Txinako Alderdi Komunistaren arduradun gorenak bildu ziren bertako enpresa pribatu handienen zuzendari nagusiekin. Ez da ohikoa aldi eta areto berberean Huawei, BYD, New Hope, Tencent, SWSC, Yushu, Xiaomi edo DeepSeek bezalako konpainien nagusi gorenak bilduta... [+]