BBVA: MUNDUKO MEGABANKU BAT ERATZEKO URRATS BERRIA
- den banku berriaren izena. Egoitza soziala Bilbon izango du. Datozen urteetan mundu mailan lehiatu ahalko duen megabanku baten sorrerarako urrats berri bat da honakoa.
Hori da fusio berri honen azpian dagoen filosofia. Gertutik ezagutzen ditugun BBVko arduradun nagusiak aitzindari izan dira filosofia horretan eta duela hamaika urtetik hona horretan jardun dute. Duela hamaika urte sortu zen hain justu BBV, Banco Bilbao (130 urte baino gehiago zituen) eta Banco Vizcayaren (ia ehun urte) bategitetik. Orain Argentariarekin emaniko urratsa ildo beretik dihoa. Eta, dudarik gabe, urrats berriak ematen jarraituko du, mundu mailako megabanku bat bihurtu arte.
Operazioaren alderdi garrantzitsu eta zailenetakoa egoitza sozialaren kokapena izan da. BBVkoek tinko eutsi zioten –Argentariak PPren Gobernua zuen alde– egoitza Madrilera eramatera behartuak egon ez zitezen; lortu zuten eta horrek on egingo dio euskal ekonomiari. Negoziazioaren beste arlo garrantzitsua banku berriaren gestioa izan da. Hemen ere BBVkoen nahia gailendu da; duela hamaika urteko fusioan Banco Bilbaoko arduradunena bezala. Aurrez, Banco Bilbaon aritu zenetik, fusio operazioen bultzatzaile izandako Pedro Luis Uriarte izango da banku berriaren funtsezko gizona, kontseilari ordezkari bakarra, alegia. Gestio taldea Banco Bilbaon lehenik eta BBVn ondoren aritutakoek osatuko dute ia osoki. Hauei Argentariako goi karguren bat gehituko zaie; horietako bat Goyo Villalabeitia, aurrez BBKn ibilitakoa.
Administrazio kontseilu berriak –2002ra arte Emilio Ybarra buru izango duena– BBVko 19 kontseilari eta Argentariako 14 izango ditu. Neguriko ohiko familia handiek –Ybarra, Ampuero, Aresti, Muguruza, Agirre, Lezama Leguizamon, Liperheide, Vilariño...– bankuan jarraituko dute, baina hauen presentzia eta eragina gutxituz joango da pixkanaka, profesional eta inbertitzaile handiek pisu gehiago hartzen duten heinean.
BBVAko arduradun nagusien asmoak oso argi zeuden hasieratik: euren jomuga ez da fusio hau, orain anbiziosoagoak izaten hasi dira. Buru izan nahi dute, ez Europako edo Hego Ameriketako bankan, mundu mailako bankan baizik. Mundu mailako megabanku bat sortu nahi dute. Kostu murrizketaren ikuspegitik, ez dirudi enplegu-doiketan hasi asmo dutenik. Behar ere, ez du behar, bi bankuek merkatuan segiko baitute; gainera, duela urte zenbait, BBV batez ere, hasiak dira aurre-erretiratze pizgarriak eskaintzen eta hortan jarraituko dute
Duela gutxi izandako krisia dela kausa publikoki gai honi buruz hitz egin nahi ez bada ere, Asiak BBVren eta orain BBVAren gainditu gabeko erronka izaten darrai. Bide hori urratuko da, eta orain are gehiago. 1998ko batzar orokorrean zera zioen Emilio Ybarrak: «
bategindako finantz esparru berrian lehiatzeko, Espainiako eta Europako banku sistemaren kontzentrazio maila nahikoa baxua da
saihestezina
BBVko arduradunak, bai publikoki bai pribatuan, banku kontzentrazio honen defendatzaile sutsuenak izan dira. Norabide horretan egin dute lan. Hego Ameriketan duten presentzia nabarmena da, batez ere Kolonbia, Mexiko, Venezuela, Argentina, Brasil, Txile eta Puerto Ricon. Eta orain, Argentariarekin, presentzia indartu egingo da. Europan, halaber, fusioen politika jarraitu izan du BBVk eta bategitearekin areagotu egingo da. Egunotan negoziatzen darraite Italiako Unicredito bankuarekin.
Hortaz, Asiako erronka geratzen zaie. Egun BBVk –Argentariak gutxiago– apenas duen presentziarik, bankuarteko operazioak salbu. Hego Ameriketako presentziarekin BBVren merkatu potentzialak 50 milioi pertsonatik 250 milioirako jauzia egin bazuen, egin kontu Asiarekin zabaltzen den merkatu potentziala: Japonia, Txina, Korea, India, Indonesia, Thailandia, Filipinak, Hong Kong. Eta bankak, nahiz eta zuhurra den, badaki non dagoen negozioaren etorkizuna. Eta BBVk, orain BBVAk, ziur zerbait egingo duena Asian. Eta laster, britainiar bankuren batekin eginiko bategitearen bitartez. Denbora lekuko
Juan Jose Ibarretxe buru duen Gasteizko Gobernuak legealdi honetarako helburutzat bazuen ere, azken udal eta foru hauteskundeen ondotik sortutako arazo politikoek atzeratu egin dute oraingoz EAEko hiru aurrezki kutxen (BBK, Vital eta Kutxa) bategitea. Nafarroako kutxen (Nafarroako Aurrezki Kutxa eta Iruñeko Kutxa) bategiteak, ostera, Nafarroako Aurrezki Kutxen Federazioaren oniritzia jaso du eta 2000 urteko urtarrilaren 3tik aurrera errealitate izango da.
Udal eta foru hauteskundeetako emaitzek egiazki arazoak sorrarazi dizkiete Bizkaia, Gipuzkoa eta Arabako aurrezki kutxen fusio prozesua diseinatu dutenei. Ez da gauza bera hiru udaletxe garrantzitsuenak eta hiru foru aldundiak abertzaleen esku egotea edota indar politiko desberdinen kontrolpean izatea. Eta azken hau da oraingo kasua; Bizkaian ez legoke aparteko arazorik, udaletxea eta aldundia EAJren esku izaki, baina bai Araba eta Gipuzkoan, PPren eta PSOEren –hurrenez hurren– kontrola handiagoa baita.
EAEko hiru aurrezki kutxen pastela oso da gozoa, eta tartean liskar politikoak sortzea ez da harritzekoa. Gogoan hartzekoa da aldundiak eta udaletxeak direla kutxon sortzaileak eta beraz, instituzio haien kontrola dutenak dutela ere hauen kontrola. Aurrezki kutxen batzarrean horrela banatzen da ordezkaritza: % 41 ezarleek, % 32 kutxen bulegoak dituzten herrietako udaletxeek, % 22 entitate sortzaileak (udaletxeak eta aldundiak).
Datozen asteotan hiru kutxek ezarleen ordezkariak aukeratzeko hauteskunde prozesu luzea abiatuko dute, eta 2000. urteko lehen hiruhilekoan amaituko da. Prozesu hau ofizialki neutroa bada ere, alderdi politiko garrantzitsuenek gogor egiten dute lan beren programen aldeko hautagai eta botoak biltzeko. Orain arte borroka honetatik kanpo egon den PPk Arabako Vital Kutxaren kontrola du helburu.
Gauzak horrela, EAEko hiru kutxen bategite azkarra asmotzat dutenek egonarriz jokatu beharko dute, borroka politikoek prozesua zailduko baitute. Balizko bategiteak inoiz baino gehiago hiru aldetiko negoziazioa (EAJ, PSE-EE eta PP) beharko du, batzar bakoitzaren bi herenak baiezkoa ematea nahitaezkoa baita. Eta honek ez dirudi oso erraza. Testuinguru honetan, adierazgarriak dira BBK-ko lehendakari Jose Ignacio Berroetak botatako hitzak: «
Bategitera jo behar badugu, egin egin behar da eta azkar... baina ez badago akordiorik, ez da deus gertatzen, EAEko hiru kutxek aise erakutsi baitute bakarrik funtziona dezaketela
Aurreratuago dagoen bategitea, bestalde, Nafarroako bi aurrezki kutxena da. Nafarroako Aurrezki Kutxen Federazioak fusio plana onartua du dagoeneko, eta 2000 urteko urtarrilaren 3an azkenik CANek Iruñeko Kutxa bereganatuko du. Bi entitateen administrazio kontseiluak izango dira bereganatze bidezko fusioa aurki berretsiko dutenak. Nafarroako Gobernuak bakarrik diseinatuko ditu entitate berriaren finantz politikak. Beraz, entitate berriak Frankismotik jarauntsitako egitura bera izango du: ez du ez batzar orokorrik ezta gizarte eragileen partehartzerik izango. Bategitetik sortzen den entitate berriak 272 bulego izango ditu herrialdean barrena. Gizarte ekintzak sortzeke dagoen fundazio batek kudea ditzake etorkizunean
Berangoko euskal preso politikoa Zaballako espetxean dago gaur egun eta bertatik helarazitako idazkian Euskal Preso Politikoen Kolektiboa utzi duela iragarri du.
NO2 eta PM2.5 partikulak bezalako kutsatzaileei aurre egiteko hobekuntza planik ez dagoela salatu du Ekologistak Martxan elkarteak. Trafikoa murriztea eta airearen kalitatea hobetzeko alternatiba jasangarriak lehenestea galdegin du.
Editore Kurduen Elkarteak abenduaren 22an egin zuen salaketa: azken hiru asteetan Turkiako agintariek kurduei buruzko 120 liburu, aldizkari, egunkari edo bestelako argitalpen debekatu dituzte, Duvar hedabide kurduak jakinarazi duenez.
Garraio publikoak erdi prezioan jarraituko du datorren urtean ere, Espainiako Gobernuak bere hobarien parteari eutsiko diola iragarri ostean.
Realaren eta PSGren arteko futbol partidu batean larri zauritu zuten zalearen kasuan, epaileak onartu du familiaren abokatuek egun hartako bideo irudi guztietara sarbidea izatea. Oldarraldian parte hartu zuten ertzain taldeetako arduradunak identifikatzeko ikerketa ere eskatu du.
Kopenhage, 1974ko abenduaren 18a. Eguerdiko hamabietan ferry bat iritsi zen portura eta bertatik 100 Santa Klaus inguruz osatutako taldea lehorreratu zen. Antzara erraldoi bat zeramaten haiekin. Asmoa “Troiako antzara” moduko bat egitea zen, eta, hirira iristean,... [+]
Elur faltak eski estazio ugari kinka txarrean jarri ditu, klima larrialdiaren ondorioz. Baina paisaiari eta naturari ahalik eta etekin ekonomiko handiena ateratzeko batzuen logikak hor jarraitzen du, eta goi mendietan musika festibal erraldoi eta garestiak antolatzea da azken... [+]
Gizartean gatazka sortzen duten proiektuak jai bezperetan onartzeko ohiturari jarraituz, abenduaren 20an onartu du Eusko Jaurlaritzak Energia Berriztagarrien Lurralde Plan Sektorialaren "behin behineko bertsioa". EH Bizirik-ek elkarretaratzea egin du Jaurlaritzaren... [+]
Erik Etxartek, Sophie Layusek eta Antton Etxeberrik osatutako lehendakaritzak ordezkatuko du Peio Jorajuria, 2019tik Seaskako lehendakari dena.
Santa Marta komunitateko (El Salvador) ADES Garapen Ekonomiko eta Sozialerako Elkarteko presidentea da Vidalina Morales. “Rol horretatik harago, ingurumen ekintzailea ere banaiz, giza eskubideen defendatzailea eta emakume baserritarra; hainbat urtez borrokan egon diren... [+]
Mundu osoko 70.000 gizonek baino gehiagok hartzen dute parte emakumeak nola drogatu eta bortxatu hitz egiteko txat-talde batean. Alemaniako ARD irrati publikoko bi kazetarik egin dute ikerketa urtebetez eta erakutsi dute kasu batzuetan biktimak bikotekideak, arrebak eta amak... [+]
HTX ROCK jaialdiaren azken-aurreko edizioa izanen da abenduaren 28an, eta Atarrabiako herrian ospatuko den azkenekoa, alegia.
Gabonetako Loteriaren datuak eman berri ditu Espainiako Gobernuaren menpeko Estatuko Loteriak eta Apustuak elkarteak. Horien arabera, Araba, Bizkaia eta Gipuzkoan batez beste 84,33 euro gastatu ditu herritar bakoitzak, eta nafarrek, berriz, 53,38 euro, EiTBn irakur daitekeenez... [+]
Hainbat euskal presok salatu duenez, Zaballako espetxezainek "ezkutuko greba" hasi dute, haien erdiak gaixotasun baja hartuta. "Ezkutuko greba honen bitartez, 'zerbitzuaren gabeziak' salatzea dute helburu, baina benetako greba bati ekin ez, eta preso... [+]