PIRAGUA DANUBION ZEHAR ITSASO BELTZAREN IRRIKITAN
Kirolzalea izanik –eskia praktikatzen du eta Santurtziko arraun taldean parte hartu zuen–, ez zuen beldurrik izan piragua hartu beharraren aurrean. Frantsesa, ingelesa eta alemaniera hitz egiten jakiteak ere ziurtasun handia eskaintzen zion bidaiatzeko orduan. Danubio da munduan herrialde gehien zeharkatzen dituen ibaia, guztira 10 lurralde.
Hasieratik zorte txarra izan zuen Rubenek, prestatzen ari ginela txorkatilak bihurritu zituen, eta ondoren bidaia hastean ere berriro zorte txarra izan zuen. Hasierako bost kilometroak oinez egin behar izan genituen ibaia lur azpian desagertzen zelako. Ondoren, bigarren gauean euri asko egin zuen eta guztia busti zitzaigun. Hortik aurrera nire lagunak okerrera egin zuen. Ez zuen lo egin eta hurrengo egunean beste 60 kilometro egin genituen, ia jan gabe eta atsedenik hartu gabe. Hoztu egin zen. Rubenek bidaia utzi aurreko egunean ere izugarrizko astakeria egin genuen, 75 kilometro egin genituen. Azkenean Regensburgora iristean lunbagoak jo zuen
Bilbotarrak aurrera jarraitzen bazuen agian bizi osorako ondorioak jasan beharko zituen; orduan geratuz gero berriz, sendatu zitekeen. Angelek bakarrik geratuta kezka asko zituen. Ekipajea beharrezkoenera murriztu behar izan zuen; esaterako, jantzita zeraman arropa eta aldatzeko beste bat besterik ez zuen hartu. Baina horretaz gain bazen beste hainbat arazo: «
Zerbait gertatuz gero bakarrik nengoen, Jugoslaviara ezin sartuz gero zer egin behar nuen? Erosketak egin behar nituenean nola moldatu behar nuen? Piragua nori utzi behar nion?
Bakarrik baina ausardia handiarekin Vienarantz abiatu zen Danubioko ur lasaietan barrena: «
Batzuetan lo hartzen nuen eta sasi artean esnatzen nintzen, baina piraguak behin ere ez dit buelta eman
Vienaren edertasunaz hobeto gozatzeko hotelean lo egin zuen gau batez. Bertako irudiak argazki makinan jaso ondoren ordea, ohiko erritmoari jarraitu zion Angelek: egunero 50 kilometro inguru eginez, gauak zubi azpiren batean edo ibai ertzean igaroz eta eguraldiaren gorabeherei aurre eginez. Bratislavara iritsi zenean eskuineko eskumuturrean tendinitisa izan zuen. Gainera, hurrengo bi egunetan haizeak alde batetik bortizki jotzen zuen eta ondorioz giharrea gehiegi behartu zuen. Bertako arraun taldeak ordea, pomada bat eman eta momentu hartan behar zuen laguntza eskaini zion.
Denbora galtzerik ez eta Angelek aurrera egin zuen. Gabikovoko presatik aurrera ordea (Eslovakian) ez ziotela aurrera egiten utziko esan zioten; baina tolosarrak berriro ere zortea izan zuen eta bertatik pasa behar zuen itsasontzi bateko kapitainari bera eta piragua barrura sartzen uzteko eskatu ondoren, beraiekin egin zuen presaren beste alderako bidaia osoa.
Behin Hungariara igarota mozkorrak, festak eta bertako jendearen jatortasuna dira Angelek dituen oroitzapenik bizienak: «
Jendeak beren etxera bazkaltzera gonbidatzen ninduen, nire itxura eta seguraski izango nuen usaina kontuan izan gabe. Janaria eta beraien mobileko telefonoak ere ematen zizkidaten zerbait gertatuz gero deitzeko
Gauzak horrela, Alemanian kotxea hartu eta Budapesteraino joan zen. Bertan ustez abuztuaren 11n izango zen mundu amaiera zela eta antolatu zituzten kontzertuak ikusi eta Jugoslaviara sartzeko bisa lortu zuen. Hungarian piragua hartu eta kotxez Kroaziara sartu zenean lurralde hark jasandako gerratearen ondorioak ikusi zituen, zehazki Vucobar hirian: «
Letreroak tiroz josita, semaforoak deusestuta...
Jugoslaviatik arazorik gabe igaro zen, baina beti ere kotxez. Ordurako abuztuaren 11 gertu zegoen, eta Angelek Errumaniatik eklipsea ikusi eta grabatu nahi zuen.
Bulgariara iristean bero ikaragarria jasan behar izan zuen tolosarrak, baita eltxoei aurre egin ere: «
Itzalean 45 egiten zituen eta eltxoak etsairik okerrenak ziren. Intsektuak urrun izan nahi bazenituen egun argiz ibili behar zen piraguan, baina ordu horietan bero handia egiten zuen. Batzutan gauez ibili nintzen eta eltxoak hiltzeko ahaleginetan piraguak buelta emateko arrisku handienak orduan jasan nituen
Kotxez zati bat egin ondoren, delta osoa piraguan egin zuen eta abuztuaren 27an azkenean Itsaso Beltzera iritsi zen, bi hilabetetan, Danubio ibaiak dituen 2.850 kilometroetatik bi mila inguru piraguan egin ondoren. Goizeko hiruetan jaiki eta eguzkia ekialdetik irteten ikusi zuen; bere ametsa bete zuela sentitu zuen. Orduan Tolosara itzuli eta bere esperientzia kontatzea baino ez zitzaion geratzen
Abuztuaren 11n eklipse famatua zela eta, Angelek Errumaniara iritsi nahi zuen. Zonalde hori eklipsea ikusteko paregabea izanik, egin nahi zuen bideo grabaketa primerakoa izateko aukera guztiak zituen. Grabaketaz gain, egun osoa izan zen primerakoa Angelentzat. Eklipsea grabatzeko kamerak prestatzen ari zela, Errumaniako mugan ezagutu zuen polizia jatorra hurbildu zitzaion eta bere etxera gonbidatu zuen bazkaltzera. Angelek behin ere ez zien ezetz esan horrelako gonbiteei, ondo jan eta jendea ezagutzeko beta eskaintzen baitzioten.
Egun hartan gonbidatu bereziarentzat oilaskoa prestatzea erabaki zuten poliziaren etxean. Animaliaren bi izterrak jan zitzala eskatu zioten. Angelek ordea kortesiaz bakarra jan zuen. Hurrengo goizean gosaritarako han jarraitzen zuen. Tolosarrak poliziarengan konfiantza osoa jarririk, kotxea bere etxean uztea erabaki zuen. Baina hori bakarrik ez, bateria arazoak zituela esan ondoren, berehala tolosarraren autoa egunero martxan jartzeko konpromisoa hartu zuen poliziak. Angelek lasaiago egin zezakeen Itsaso Beltzeraino iristeko geratzen zitzaion bidaia
Errumania alde batean zuela eta Jugoslavia bestean kilometro luzeak egin zituen Angelek Danubioan zehar. Bidaiaren zati horretan
Portile de Fier
Toki horretan egunero kontrolak pasa behar nituen. Gainera, gauean ezin nuen piraguan ibili, tirokatua izateko arrisku handia baitzegoen
Gau batean ordea, iluntze baten irudiak hartzen geratzea bururatu zitzaion. Ondoren, afaria prestatzen ari zela, polizia batzuk metrailetekin berarengana zuzentzen ari zirela konturatu zen: «
Batek bere zapatako lokarriak askatu eta eskuak lotu zizkidan. Asko beldurtu nintzen
Bera nor zen eta han zer egiten zuen azaltzen saiatu zen Angel. Polizia haiek ordea bere nagusiei deitu zieten. Besteen zain egon behar zuten denbora horretan baina, ez zuten denbora txorakeriatan galdu: tolosarrak martxan zuen irratian Bartzelona eta Valentziaren arteko Supercopako norgehiagoka ari ziren ematen. Poliziek futbola atsegin zutela konturatu zen Angel eta partidua jugoslaviarrek ulertzen zuten hizkuntzara itzultzeari ekin zion. Polizia berriak etortzen ziren bakoitzean paper guztiak erakutsi ondoren futbola zen hizketagaia. Angel piraguan zebilen gazte bat baino ez zela ulertu zutenean, goizeko ordu biak aldera, bakean utzi zuten. Lehenago ordea, uraren maila igo zela eta kontuz ibil zedila ohartarazi zioten
Berangoko euskal preso politikoa Zaballako espetxean dago gaur egun eta bertatik helarazitako idazkian Euskal Preso Politikoen Kolektiboa utzi duela iragarri du.
NO2 eta PM2.5 partikulak bezalako kutsatzaileei aurre egiteko hobekuntza planik ez dagoela salatu du Ekologistak Martxan elkarteak. Trafikoa murriztea eta airearen kalitatea hobetzeko alternatiba jasangarriak lehenestea galdegin du.
Editore Kurduen Elkarteak abenduaren 22an egin zuen salaketa: azken hiru asteetan Turkiako agintariek kurduei buruzko 120 liburu, aldizkari, egunkari edo bestelako argitalpen debekatu dituzte, Duvar hedabide kurduak jakinarazi duenez.
Garraio publikoak erdi prezioan jarraituko du datorren urtean ere, Espainiako Gobernuak bere hobarien parteari eutsiko diola iragarri ostean.
Realaren eta PSGren arteko futbol partidu batean larri zauritu zuten zalearen kasuan, epaileak onartu du familiaren abokatuek egun hartako bideo irudi guztietara sarbidea izatea. Oldarraldian parte hartu zuten ertzain taldeetako arduradunak identifikatzeko ikerketa ere eskatu du.
Kopenhage, 1974ko abenduaren 18a. Eguerdiko hamabietan ferry bat iritsi zen portura eta bertatik 100 Santa Klaus inguruz osatutako taldea lehorreratu zen. Antzara erraldoi bat zeramaten haiekin. Asmoa “Troiako antzara” moduko bat egitea zen, eta, hirira iristean,... [+]
Elur faltak eski estazio ugari kinka txarrean jarri ditu, klima larrialdiaren ondorioz. Baina paisaiari eta naturari ahalik eta etekin ekonomiko handiena ateratzeko batzuen logikak hor jarraitzen du, eta goi mendietan musika festibal erraldoi eta garestiak antolatzea da azken... [+]
Gizartean gatazka sortzen duten proiektuak jai bezperetan onartzeko ohiturari jarraituz, abenduaren 20an onartu du Eusko Jaurlaritzak Energia Berriztagarrien Lurralde Plan Sektorialaren "behin behineko bertsioa". EH Bizirik-ek elkarretaratzea egin du Jaurlaritzaren... [+]
Erik Etxartek, Sophie Layusek eta Antton Etxeberrik osatutako lehendakaritzak ordezkatuko du Peio Jorajuria, 2019tik Seaskako lehendakari dena.
Santa Marta komunitateko (El Salvador) ADES Garapen Ekonomiko eta Sozialerako Elkarteko presidentea da Vidalina Morales. “Rol horretatik harago, ingurumen ekintzailea ere banaiz, giza eskubideen defendatzailea eta emakume baserritarra; hainbat urtez borrokan egon diren... [+]
Mundu osoko 70.000 gizonek baino gehiagok hartzen dute parte emakumeak nola drogatu eta bortxatu hitz egiteko txat-talde batean. Alemaniako ARD irrati publikoko bi kazetarik egin dute ikerketa urtebetez eta erakutsi dute kasu batzuetan biktimak bikotekideak, arrebak eta amak... [+]
HTX ROCK jaialdiaren azken-aurreko edizioa izanen da abenduaren 28an, eta Atarrabiako herrian ospatuko den azkenekoa, alegia.
Gabonetako Loteriaren datuak eman berri ditu Espainiako Gobernuaren menpeko Estatuko Loteriak eta Apustuak elkarteak. Horien arabera, Araba, Bizkaia eta Gipuzkoan batez beste 84,33 euro gastatu ditu herritar bakoitzak, eta nafarrek, berriz, 53,38 euro, EiTBn irakur daitekeenez... [+]
Hainbat euskal presok salatu duenez, Zaballako espetxezainek "ezkutuko greba" hasi dute, haien erdiak gaixotasun baja hartuta. "Ezkutuko greba honen bitartez, 'zerbitzuaren gabeziak' salatzea dute helburu, baina benetako greba bati ekin ez, eta preso... [+]