BILBOKO BURTSA: MARKA GUZTIAK HAUTSIZ
- ari diren bitartean, Bilboko Burtsak kontratazio errekorra lortu du 1998an, ia 9 bilioi pezetako salerosketaz. Estatuko bigarren burtsarik garrantzitsuena bilakatu da.
Nolanahi ere, gogoratu behar da urtea hasi berri denean, seguruenik ezusteko desatseginak saihestearren, burtsako eta enpresa handietako arduradunak normalean baino arretatsuago ageri ohi direla. Nahikoa litzateke gogoratzea 1998an krisi asiar eta hegoamerikarren eraginez ikaraldi ugari izan dituen arren, burtsak urte ezin hobea izan duela berriz ere.
Azkenaldian burtsa ez da soilik inbertitzaile handien aterpe; gordailu eta aurrezki kartiletan interesik ikusten ez duten aurreztaile txikien aterpe ere bada aspaldion. Bere aurrezkien errentagarritasunik ezaren aurrean, inbertsio-fondoen edo pentsioen bidez aurrezki horiek burtsara bideratzea izan dute nahiago. Hori dela eta, urterik urtera marka berriak hausten ditu Bilboko Burtsak, eta baita Espainiako beste burtsek ere. Arrazoi beragatik, 1998an 710 milioi pezetako (4,2 milioi eurotako) irabaziak izan ziren, aurreko urtean baino %96 gehiago.
Ondoko taulan Bilboko Burtsak 1991tik izandako bilakaera ikus daiteke. Erosketei soilik erreparatuz gero, 1991ko 515.512 milioi pezetatik 1998ko ia 9 bilioi pezetara igaro dela ohartuko gara. Burtsa-birbalorazioari dagokionez, 1998an Bilboko indizea % 38,83 igo zen, hau da, IBEX 35 bera baino gehiago hazi zen. IBEX 35a Madrilgo Burtsan bolumen handienak mugitzen dituzten 35 baloreek osatutako erreferentzia indizea da, eta 1998an % 35,6 igo zen.
Bilboko Burtsak 1998an ziurtatu egin du Espainiako burtsen artean duen bigarren postua, merkatuaren % 16,87 bereganatuz. Errenta finkoari dagokionez, Bilboko Burtsa lehen postuaren jabe da, merkatu-kuotaren % 52,08az eta lau bilioitik gora pezetako kontratazioaz. Bere atzetik, hurrenez hurren, Bartzelonako Burtsa (merkatu-kuotaren % 44,40az), Madrilgoa (% 2,98az) eta Valentziakoa (% 0,54az) daude. Errenta aldakorrari dagokionez, Madrilek du lehen postua, merkatu-kuotaren % 76,17az (33 bilioitik gora pezeta), bere atzetik Bartzelona % 11,21az (ia 5 bilioi pezeta), Bilbo % 9,87az (4 bilioitik gora pezeta) eta Valentzia % 2,75az (bilioia baino zertxobait gehiago) daudelarik
Burtsa da, zalantzarik gabe, inbertitzaile handien, multinazional handien, kapital handiaren nahia neurtzeko termometrorik zehatzena. Enpresa baten, hau da, balore baten bilakaera nolakoa den, espekulatzaile handien joera halakoa izango da. Burtsa benetan sentikorra zaio munduko edozein puntutan ematen den edozein mugimenduri. Radar adimentsu askoa da, mugimendurik txikiena ere hautemateko gai.
Horrela bada, Banco Santander eta Banco Central Hispanoren bategitearen –BSCH, Espainiako banketxerik garrantzitsuena eta Europako zortzigarrena– aurrean berehala erreakzionatu dute burtsek. Eta banku-kontzentrazio horren alde egin dute, dirua barra-barra sartuz eta banketxeon akzioen balioa %15 igoaraziz. Horrek esan nahi du inbertitzaile handiek –hau da, kapital handiak– banketxe-kontzentrazioa nahi dutela. Inbertitzaileei diru gehiago emango dieten megabanketxeak, megaenpresak nahi dituzte, horrek plantila murrizketa badakar ere. Horrek ez ditu inbertitzaile handiak kezkatzen.
Burtsek gehiago nahi dute. Hori dela eta, BSCHri ongietorri adeitsua egiteaz gain, beste banketxe eta enpresak bide beretik joateko nahia ere agertzen dute. Horregatik, inbertitzaile garrantzitsuek banketxe berriaren baloreak igoarazteaz bat, beste banketxe batzuen baloreen alde ere egin zuten (bere burtsa-balorea igoz), uneotan bategite prozesu berrien eraginpean egon bailitezke.
Hauxe da BBVren kasua, batzuk Argentaria eta Banco Popular-ekin batu nahi dutena. Baliteke BBVko arduradunak, ordea, nazioarte mailako bategiteren batean pentsatzen ari izatea, banketxe alemaniar garrantzitsu batekin, beharbada. Hala balitz, balore berri hori euforiaz hartuko luke burtsak
Oraindik goizegi izan arren, Bilboko Burtsa prest dago Euroburtsan parte hartu ahal izateko eta hasia da jada Euroburtsarako lehen pausoak ematen. Hori da behintzat burtsa hau ondo ezagutzen duten zenbait euskal adituk uste duena.
Ipar Amerika eta Japoniarekin lehiatzeko gai izango den Euroburtsa sortzeko lehen urratsak eman dira dagoeneko. Izan ere, Europako zortzi burtsa garrantzitsuenetako buruek, Bilboko Burtsa ordezkatzen duen Madrileko Burtsa barne, proiektu hori abian jartzeko oinarrien inguruko adostasuna lortu dute. Bilera egutegi bat ere hitzartu da, aurreikusitako hitzarmen eta arautegien, hauen lege aspektuen, irekitze egunen eta alde teknologikoen gainean erabakiak hartzeko, Europako Burtsa indartsua ahalik eta lasterren egia izan dadin.
Prozesu zaila eta geldoa izango delakoan daude, sistema informatikoa, prezio-ezarpena eta merkatuaren funtzionamendua osatzen duten alde guztiak bateratzeko lan handia egin beharko baita. Espainiako analisten artean, ordea, bada kezka izpirik. «
Espainiako zenbat enpresa izango da Euromerkatuan?
Euroburtsaren sorrera prozesuak aurrera jarraitzen duen bitartean, burtsa munduko euskal adituek posible ikusten dute bai burtsa hori eta bai euskal burtsak bertan parte hartzea ere. Euskal burtsa euroak ekar lezakeen edozein erronkari aurre egiteko gai izan arren, bada Euroburtsarekiko kezkak azaltzen dituen aditu bat, Norbolsako Zuzendari Nagusi Agustin Garmendia, hain zuzen.
Bere iritziz, bi ikuspegi nagusi dago Europako burtsen artean etorkizunari begira. «
Batzuk Europako Burtsa bakarra izango dela pentsatzen dute, kontratazio plataforma eta prezio-ezarpen bakarrez. Beste batzuk aldiz, Europako burtsak euren artean lehiatuko direla uste dute, aldi berean euren arteko aliantzak bilatuz eta zehaztugabeko burtsa-multzo europar batzuen sorrera ekarriz
«
Egoera nahasi honetan
aipatu behar da edozein burtsa kontzentrazio prozesuk homogenizazioaren gaineko erabaki zailak hartzeko beharra eskatzen duela, hiru esparru nagusitan bederen: kontratazio-plataforma informatikoetan, merkatuen funtzionamendu arautegietan eta likidatze eta konpentsazio zerbitzuetan
Burtsa aditu guztiak bat datoz gauza berean: Bilboko Burtsak agertu zaizkion erronkei aurre egiten jakin izan duela beti, batez ere 1988ko balore-birmoldaketa abian jarri zenetik. Eta berrikuntzetan zein burtsa-negoziazioaren kopuruan erakutsi du gaitasun hau. Gaur egun, eta Euroburtsa gainean dugula, Bilboko Burtsa beste edozein burtsa bezain prestatua dago horrelako erronkari aurre egin ahal izateko
Azken aldian, asteburuetan, Internet ez dabil ondo. Hasieran, zaila zen webguneei ezarritako blokeoen zergatia ulertzea; orain, badakigu Espainiako La Ligak agindu zituela, futbola modu ilegalean emititzea saihesteko. La Ligaren blokeoak euskal domeinuei eragiten dien... [+]
Bilbon eginiko aurkezpenean iragarri dute ekitaldia, euskarari "arnas berri bat emateko eta behar duen indarraldia gorpuzten hasteko" lehen urratsa izango dela nabarmenduta. Euskaltzale guztiei, baina, oro har, "justizia sozialean eta gizarte kohesioan aurre... [+]
Aljeriatik datoz Mohamed eta Said [izenak asmatuak dira], herri beretik. “Txiki-txikitatik ezagutzen dugu elkar, eskolatik”. Ibilbide ezberdinak egin arren, egun, elkarrekin bizi dira Donostian, kale egoeran. Manteoko etxoletan bizi ziren, joan den astean Poliziak... [+]
Olatz Salvador
Noiz: martxoaren 15ean.
Non: Deustuko jaietan.
------------------------------------------------
Martxoak beti du deustuarrontzat kolore berezia; urtero ospatzen ditugu jaiak, San Jose egunaren bueltan. Bi asteburu bete festa, eta urtetik urtera Deustuko... [+]
Euskal Herrian Euskarazek manifestazioa deitu du apirilaren 6rako, 11n EHEko bi kide epaituko dituztelako. Hiriburuetatik autobusak antolatzen ari dira. Bi helburu bete nahi dituzte, batetik, epaituak izango diren bi kideei babesa erakustea, eta bestetik, euskararentzat justizia... [+]
Pazienteek Donostiara joan behar dute arreta jasotzeko. Osasun Bidasoa plataforma herritarrak salatu du itxierak “are gehiago hondatuko” duela eskualdeko osasun publikoa.
EH Bilduk galdera sorta bat erregistratu zuen Eusko Legebiltzarrean Donostiako Metroaren igarobideko lanen gainkostua argitzeko. Informazio hori atzo jakinarazi zuen Susana Garcia Chueca Mugikortasun sailburu sozialistak.
Kirola eta oroimena uztartuko dituzte, bigarrenez, mendi-martxa baten bitartez. Ez da lehiakorra izanen, helburua beste bat delako. La Fuga izeneko mendi martxak 1938ko sarraskia gogorarazi nahi du. Ezkabako gotorlekuan hasi eta Urepelen amaituko da. Maiatzaren 17an eginen dute.
Martxoaren 19an amaitu zen proiektua aurkezteko epea, baina Errioxako PSOEk adierazi du Forestalia enpresak "interesa baztertu" duela. Enpresak bi parke eoliko eraiki nahi zituen Aragoiko lurretan, baina oraindik ez ditu lortu baimenak eta hori dute egitasmoa... [+]
Seaska Sarean inklusio egoeran dauden 165 ikasleei laguntza bermatzeko hasi dute kanpaina, antolaketa propioa eratuta. Frantziako Hezkuntza Ministerioaren jarrera salatu dute kanpaina aurkezteko prentsaurrekoan, behar bereziak dituzten haurren inklusiorako baliabide... [+]
Muga-zergak apirilaren 2tik aurrera ezarriko dira eta altzairuari eta aluminioari ezarritakoei batuko zaizkie. "Gurekin negozioa egiten duten eta gure aberastasuna eskuratzen duten herrialdeei ezarriko dizkiegu", AEBetako presidenteak adierazi duenez.
%90eko jarraipen "ia erabatekoa" izan du grebak, sindikatuen arabera. Gasteizko parkeak, lorategiak eta eraztun berdea mantentzen dituzte Enviser azpikontratako 90 langileek.