Egin ARGIAkoa

Gizartea Ingurumena Politika Ekonomia Kultura Euskara Feminismoa Hezkuntza Nazioartea Iritzia

ostirala 2024ko azaroaren 22an

NEGUKO ENTRENAMENDUA, AHULDADEAK INDARTZEKO

2021eko uztailaren 21ean

Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.

Lan espezifiko hutsak dituen hutsune zein eskasiei irtenbidea aurkitzeko sasoi aproposa da urtaro hau, negua alegia, eta txirrindulari oro lan horretan murgilduta dabil hilabeteotan. Urteen joan-etorrian aldaketa nabarmena ezagutu du prestatzeko metodologiak, entrenamendua zientziaren gurdira igo da eta. Hala ere, ez da txirrindulari guztientzat balio duen entrenamendu bakar bat.
Neguan mututu egiten da txorien kantua. Inurriak udan egindako lanaren kontura bizi dira eta hartzak, beste adibide bat jartze aldera, negu osorako ezkutatzen dira atsedenera. Baina ziklistak oso urrun bizi dira horrelako errealitatetik, oso bestelakoa da euren bizitza.
Uda parteko oihartzun eta burrunbarik entzuten ez bada ere, isilean, itzalean, lanean ari dira tropela osatzen duten ziklista guztiak. Denboraldian gogotik saiatu eta izerdi patsaren truke erdietsitako lorpenak, edo lortzeke gelditu zirenak, aztertu eta hausnartu ondoren, entrenamenduaren monotoniari otzan, bertuteak areagotu eta ahuldadeak ezabatu nahirik dabiltza ziklistak. Izan ere, «

kate-mailarik ahulenaren araberako sendotasuna izango baitu kirolari batek

», Ramon Elkoro Ordiziako Majori Test kontsultako soin hezkuntzako tituludunak dioen moduan.
Axularrek «Gero» liburuan dioena aintzakotzat hartuta, alegia luzapenetan ibiltzeak, gaur egin daitekena biharko uzteak onurarik ekartzen ez duela eta aurreko denboraldia amaitu eta bat-batean hasi ziren txirrindularirik gehienak hurrengoa prestatzen. Ez zaie hauei ere, ez alajaina, goroldiorik lotuko zangoetan eta ez zaizkie nagituko giharreak. Bakoitza bere modura dabil, bere ezaugarri fisikoetara egokitutako entrenamendua eginez, denboraldiko jomugek markatzen duten abiadura eta presari jarraikiz. Guztiak jomuga beraz; kirol maila hobetzea.

NEGUKO PRESTAKETAN SARTU AURRETIK.

Prestaketa metodologian maiz aipatzen da jardueraren bat egin aurretik berotzeko ariketak eta atzera normaltasunera itzultzekoak (hoztekoak esan daiteke) garrantzitsuak direla. Lasterketen denboraldia amaitutakoan ere inportantetzat jotzen da jarduera bat-batean ez etetea. «

Azken lasterketa lehiatu ondotik, trantsizio epe batek eman behar dio segida denboraldiari

», hasi da azalpenak ematen Ramon Elkoro belauntzarra. «

Bizikletan ibiltzen segi behar da egunero, askorik ez baina egunero. Bigarren astean, egunen batean jai egitea ere komeni da, baina bestalde giharrei estimuluren bat ere eman behar zaie, maila onean eutsi ahal izateko; mendateren bat, adibidez. Trantsizio epe honek gutxien-gutxienez hamabost bat egun behar ditu, baina hiru aste baditu hobe. Hiru asteok pasa eta gero, astebetez erabateko atsedena hartu daiteke eta jarraian neguko prestaketarekin hastea da onena. Ezin da hilabete eguzkitan egon

».

ENTRENAMENDUAREN ZERA.

Neguko prestaketaren lehen xedea, jomugarik garrantzitsuena, txirrindulariak urtean zehar pilatu eta sortzez dituen gabeziei soluziobidea ematea da. Bizikletan ibiltze hutsarekin beste hainbat gihar ez direlako behar bezala garatzen eta fisikoki mailarik gorena eman ahal izateko ez baita oreka izatea bezalakorik.
Bistakoa da ziklismoa erresistentzia oinarri duen kirola dela, hala nola, funtsean, kirol aerobikoa. Arrazoi honengatik urtean zehar egiten den lan espezifikoa, bizikletan ibiltzea alegia, ikaragarri handia da kantitateari dagokionez: profesional batek, adinaren arabera, 25 milia kilometrotik 35 miliara egiten ditu urtean, gutxi asko.
Honen guztiaren ondorioz gihar espezifikoei, hots, batez ere hanketako muskuluei atsedena ematea ezinbestekoa da, baina bestalde ahalmen fisiologikoa gehiegi ahultzea ez da komeni, gero errekuperatzeak denbora eskatzen duelako. Hortaz, «

ezinbestekoa da gaitasun aerobikoari beste kirol alternatibo batzuen bidez eustea, modu honetan urte osoan lanean aritutako giharreak ez baitira horrenbeste behartzen

», jalgi du Elcoro gipuzkoarrak. Horretarako egokia da «

igeri edota iraupen eskia egitea

». Igerian ahalmen aerobikoari eusteaz gain, gorputza orekatu egiten baita, batez ere, sorbaldari dagokionez. Ziklismoa ez baita "ona" bizkarrezurrarentzat.
Entrenamendu orok helburu bat izan behar du beti aurrean, nora heldu nahi den jakitea ezinbestekoa da biderik egokiena hautatzeko. Honela, xede nagusiak denboraldiko zein sasoitan kokatu direnaren arabera neguko entrenamendua modu batera zein bestera bideratuko da, kantitatea, maiztasuna, intentsitatea eta lan mota, norbanakoaren beharretara egokituz. «

Denboraldia indartsu hasi nahi duenak

», dio Txente Garciak, Banestoko tafallarrak, «

dagoeneko –

abendu erdiko kontuak dira hauek guztiak

– korrika egitea eta beste kirolak praktikatzea baztertu, eta bizikletan hasi beharra dauka

». Partikulartasunik aztertu gabe, oro har, esan daiteke, trantsizio eta atsedenaren ostean, hiruzpalau astetan «

oinarri-oinarrizko erresistenzia

» landu behar dela, beste modu batera esanda, ahalmen aerobikoari eutsi behar zaio lan espezifikoa gaitzetsiz, bizikletan ibili gabe alegia.
Oinarri-oinarrizko erresistentzia lantzerakoan, intentsitateak «

baxua

» behar du izan, «

erabat aerobikoa

», zehaztu du Majori Test kontsultako entrenatzaileak. Luzera ordea, atal honetan ere aurrera egitea ezinbestekoa da eta horretarako gehienezko oxigeno kontsumoaren portzentaia altuetan lan egitea da onena. Bi hilabeteko epea mugarri hartuta, beraz, errepidean egiten den esfortzu bera egitea onuragarria da; batez ere azkeneko asteetan. Aldi berean, bi hilabeteak betetzen ari diren heinean, bigarren oinarriko erresistentzia lantzen hasi behar da, hau da, mugimendu espezifikoak egiten hasi, baina ez derrigorrez errepideko bizikletarekin, «

mendi bizikleta, bizikleta ergometrikoak, pista, arrabola

», zenbatu ditu beste aukerak Ramon Elkorok.

PISU ALTXAKETAK.

Oinarri-oinarrizko erresistentzia lan honek beste osagarri bat ere ezinbestekoa du prestaketak zulo guztiak estali ditzan: indarra eta abiaduraren garapena. Hortaz, igeri edota iraupen eskia egiteaz bat, pisu altxaketak burutu behar dira, indarra garatzeko. Elkororen ustez honakoa da indarraren garapenak segi beharko lukeen logika: «

Lehenik gimnasia saioak egin behar dira eta gero hamabost bat ariketako esparru batean erresistentzia muskularra landu. Ariketa horiek guztiak oso orokorrak behar dute izan, gihar guztiak lantzeko modukoak. Haren ondotik gehienezko indarra landu behar da, hipertrofia (muskuluaren garapena) erdietsi behar da, baina koordinazio intramuskularra ahantzi gabe. Hau guztia egiten hasiko gara erabateko atsedenaren ostean, astean hirutan, eta egun berean makina ergonomikoan abiadura entrenamendua behar da. Baita bigarren oinarriko erresistentziaren zenbait ariketa egin ere

».
Pisu altxaketa txirrindularien artean oso modan dagoen joera izan arren, ez da gaitz guztien sendagaia; kalteak ere izan ditzake, neurriz gain arituz gero. Gorputzean gihar gehiegi sortzen bada, pisua hartzen du kirolariak, giharra gantza baino astunagoa delako. Eta bestetik, zenbat eta gihar gehiago izan orduan eta oxigeno gehiago behar du muskuluak esfortzu aerobikoetan lana egin ahal izateko, nahiz eta aldi berean oxigenoa erretzeko gaitasuna ere hobetzen den. Beraz, txirrindulariren batek hipertrofiarako joera badu, Elkororen ustez koordinazio intramuskularra landu beharko luke. Lan mota honetan intentsitatea «

oso altua da

», baina garapen muskularra ez da hainbestekoa. Intentsitate altua lantzeko pisu handiak erabiltzen dira, baina errepikapen kantitatea oso murritza izaten da: «

sei errepikapenen azpitik beti; bizpahiru eginez

». Esandakoaren adibidea da Txente Garcia. Txente gizaseme gihartsua da eta pisu handikoa, 74 kilo eta erdi sasoirik onenean. Bere gogoa 73 kilotaraino argaltzea da eta horregatik ezin du neguan pisu askorik hartu, ez gantzez, ez muskuluz. «

Ez dut indartzeko entrenamendurik egiten. Pisu altxaketak egiten ditut, bai, baina, gehienbat, erresistentzia lantzeko dira: pisu arina eta errepikapen ugari, bizkor-bizkor egin ahal izateko

», esan du nafarrak.
Pisu altxaketekin egiten den lan guztiak bizikletan erantzun ona izan dezan, gimnasioko lanaren ostean bizikletan ibili behar da, lehen esan moduan. Ramon Elkororen aginduz, «

abiadura landu behar da pisu altxaketen ostean, barruti batean entrenatuz

».

NEGUAREN ETA UDAREN ARTEKO LOTURA.

Beti esan izan da negua dela udan eraiki daiteken etxearen oinarria, baina bi urtaroen artean lotura zuzenik ez badago neguko hilabete apur horietan burutzen den entrenamendua ezdeusa gertatu daiteke. «

Nik ez dut bereizketarik egiten

», azaldu du Ramon Elkoro belauntzarrak. «

Bata bestearen jarraipena da, ezin da pentsatu bat bestearen oinarria denik

». Adituaren adierazpen honek agerian uzten du neguan egindako lanak gerora gutxieneko jarraipen lanik ez badu, lortutako onurak ihes egingo duela, galdu egingo dela eta ez duela inolako intzidentziarik eragingo. Hori gerta ez dadin bere ustez, denboraldian ariketa soil batzuk egitea nahikoa da txirrindulariak indarrari eutsi ahal diezaion, «

hogei bat minutuko lana nahikoa da

».
Lan honek guztiak (igeriketak, pisu altxaketak, eskiak...) aurkitu nahi duen jomuga da norbanakoaren hutsegiteak nola edo ahala konpontzea. Egiten den lana gero eta perfektuagoa izanagatik eta azken urteetan teknologiak mendean hartu bagaitu ere, horrek dakarren informazio maila altuarekin, ez da erraza izango aurrerantzean, «

orain baino emaitza handiagoa ematea

Neguko prestaketaren bilakaera

Abendua. 80ko hamarkada hasierako edozein urte. Profesionaletako talde gehientsuenak eskiak eta berokiak hartu eta elurretara dihoaz, neguko kontzentrazioa burutze asmoz. Denboraldia hasteko oraindik hilabete pare bat falta da, eta oraindik apenas da bizikleta hartu duenik.
1998ko abendua. Talde eta batez ere, txirrindulari askok, eguraldi epelaren bila Espainia hegoaldera jo du negu parteko entrenamendua ahalik eta egokien burutzeko intentzioz. Denboraldia nahiko urrun begiztatzen da oraindik, bi hilabetera, baina txirrindulari guztiek kilometro asko daramatzate bizikleta gainean eta apenas inork eskirik hartu duen.
Ikusitakoak ikusi, bistakoa da entrenamendu metodoa irauli egin dela neguko prestaketari dagokionez. «

Gure garaian

», ekarri du gogora 70eko hamarkada Miguel Mari Lasa Oiartzungo ziklista ohiak, «

atseden hartzen genuen, igual, hilabete pare batez. Tira, ezer egin gabe hilabete bat behintzat seguru. Gero, abenduan, nire kasa hasten nintzen entrenatzen, egun prestaketa fisikoa deritzanaren antzeko zerbaitetan: burdinezko zapata antzekoak moldatu eta pisu altxaketak egiten nituen, mendira buelta batzuk ere bai eta berauen gailurrean gimnasia pixka bat egin, soka saltoan ibili eta abar. Bizikleta errege egunean hartzen genuen

».
80ko hamarkadan aldaketaren bat edo beste eman bazen ere, jomugetara nahi bezala heltzeko bideak ez zuen gorabehera handirik izan, berdintsu iraun zuen. «

Profesionaletara pasa nintzenean, 1988an

», oroitu da Javier Mauleon, erretiratu berria den ONCEko ziklista gasteiztarra, «

milia kilometrorekin joaten ginen Andaluziako itzulira eta ez zen tropelean ibiltzeko arazo handirik izaten. Orain, Mallorkako Challangean (Andaluziako itzulia baino lehenagoko proba), bost milia kilometrorekin ere komeri latzak izaten ditugu gehienei segitzeko

». «

Ehizera, pilota partida batzuk jokatu, futbolean ibili eta gogora etortzen zitzaigun edozer egiten genuen, baina inolako plangintzarik gabe. Bizikleta, abendu azkenaldera edo urtarrilaren hasieran hartzen genuen

», dio Alberto Leanizbarrutiak, ONCE taldeko txirrindulari ohiak, profesionaletako bere lehen urtetan egindakoari buruz.
Azken urteotan denboraldia bukatu eta hurrengoa prestatzen hastea ia bat dira, ez baita kasik etenik egiten. «

Bizikleta erabat utzita bi aste baino ez nituen egingo

», Joseba Belokiren hitzak dira, Euskaltel-Euskadi taldeko gazte gasteiztarrarenak. «

Haren ondotik denetik egin dut pixka bat: igeri, korrika ibili, arrabolako entrenamendua, errepideko bizikletan ia egunero nabil eta pisu altxaketak ere egin ditut gimnasioan. Pisu altxaketak egiterakoan dozena bat ariketako esparru moduko bat osatzen dut eta hiru itzuli ematen dizkiot: lehenengo itzulian nire gaitasunik handienaren % 40 jasoz; hurrengoan % 50; eta, azkenekoan % 60. Honen ondoren arrabolan ibiltzen nahiz, aurrez egindako lanak bizikleta gainean eragin hobea izan dezan

».
Aldaketa halabeharrak ekarri du. «

Garai batean egiten zena ez zen batere ona

», azaldu du Iñaki Arratibelek, Tolosa Kirol Medikuntzako medikuak. «

Hainbesteko atsedena hartuz gero, lortutako hobekuntzak galdu egiten baitira urte batetik bestera; urtero hutsetik hastea bezala da. Bestalde, gaur egun entrenamendua askoz ere neurtuagoa da eta ondorioz gorputza ez da horrenbeste nekatzen eta horrenbesteko atsedenaldia ere alferrikakoa da

Ez da entrenamendu perfekturik

Gizakia beti ibili izan da osterantzekoetatik bereiziko duen, nabarmenduko duen zerbaiten bila eta entrenamenduari dagokionean ere edabe magikorik aurkitu nahirik batera eta bestera jo duenik bada. Ordea, ez da gaitz guztiak sendatuko dituen ukendurik, ezta guztientzat baliogarria den entrenamendurik ere. Esate baterako Txente Garciak, Banesto taldeko tafallarrak, ezin du lasterka egin: «

Belaunetan kaltea eragiten dit eta

». Aitzitik, Joseba Belokik, gogoko du korrika egitea. «

Lehengo batean SHEIk (Soin Hezkuntzarako Euskal Institutua) antolatu proba batean ere irten nintzen, bederatzi kilometrokoa zen

», adierazi du.
Kirolari bakoitza mundu bat da, oso partikularra eta berezitasun propioak dituena, ingurukoetatik desberdintzen duena. Horregatik, «

arrakastarik handiena heltzen da kirolaria ondo ezagutzen denean

», dio Iñaki Arratibelek. Ezaugarri fisikoen arabera oso entrenamendu desberdinak burutu behar izaten dira hutsuneak bete ahal izateko, akatsak zuzentzeko eta ahuldadeak arintzeko. Erresistentzia falta duenak iraupeneko lana egin behar du oreka lortu ahal izateko. Indarrez ahul dabilenak, ostera, indar entrenamendua lantzea ezinbesteko du beste gauza guztien gainetik indartsuagoen parera iritsi ahal izateko. Helburu bera lortzeko ordea, bide desberdinak, oso desberdinak, jorratu daitezke eta guztiak izan daitezke baliozkoak, xedea egiaztatu dezaketenak. Indarra handitzeko pisu altxaketak egitea oso ohitura hedatua da egun kirolarien artean, baina bada kontrako ustea duenik ere. «

Kaltegarria denik ez dut esaten

», adierazi du Kepa Zelaiak, US Postal taldeko mediku galdakaoarrak. «

Nik lehen pisu altxaketak egiteko agintzen nien nire txirrindulariei, baina eskarmentuak bestelakoa erakutsi dit. Pisu altxaketak egin ostean, bizikletan ibili behar da derrigorrean egindako lana ondo bereganatu nahi bada. Horrek behartzen du egunean bi edo hiru entrenamendu saio egitera eta hori oso lan nekeza dela uste dut negurako

», arrazoitu du bere ustea. Edozein modutan ere, partikulartasuna ezin du ahantzi Zelaiak. «

Ziklista guztiak ez dira berdinak. Batzuek, muskularki indartsuak direnak, oso ondo jasaten dute lan mota hori. Nik, bakoitzaren ezaugarrien araberako entrenamendua ematen dut

». Lehen Ramon Elkorok adierazi du negu partean nahiago duela lan espezifikoa baztertu eta atal fisiologikoak beste modu alternatibo batean landu, baina mediku bizkaitarrak indarra bera ere lan espezifikoa eginez garatzea nahiago du. «

Bizikletan desarroilo handixeagoz ibiliz lan berbera egin daiteke hanketan. Horrela izterretako giharreak nahikoa indartzen dira eta ez dira pisu altxaketekin adina nekatzen

». Pisu altxaketak beste arazo batzuen soluziobide jotzen ditu Zelaiak: «

ziklistaren batek oso gihar ahulak baditu, edo lesiorik izango balu, pisu altxaketak aurkitu diezaioke erantzuna arazoari

». Esandakoa, zenbat buru hainbat aburu

Irakurrienak

Matomo erabiliz

“Aldatzeak eta mugitzeak pizten dit grina”

Lander Arbelaitz Mitxelena

X-etik irten nahi? Nor dago Mastodonen eta Blueskyren atzean? Nola finantzatzen da bakoitza?

iametza

Maravillas Lambertoren izena ez erabiltzeko eskatu dute fusilatuen senideek

Urko Apaolaza Avila

“Hitzak harriak dira Ernauxentzat, eta idazketa labana”

Larraitz Fagundez Osa

Voxen aurka Bilbon protesta egiteagatik auzipetutako zortzik ituna egin dute Fiskaltzarekin eta bat epaiketara joango da

Julene Flamarique

Injustizia epistemikoa eskoletan?

Iker Iraola Arretxe

Azkenak

2024-11-22 | Julene Flamarique

Voxen aurka Bilbon protesta egiteagatik auzipetutako zortzik ituna egin dute Fiskaltzarekin eta bat epaiketara joango da

Atxuriko irakasle eta ekintzaile batek uko egin dio akordioari kontzientzia arrazoiak direla eta. Voxek bost urteko kartzela-zigorra eskatzen du auzokidearentzat, Fiskaltzak aldiz zazpi hilabeteko espetxe-zigorra hauteskunde-delituagatik eta hiru hilabeteko isuna mehatxu... [+]

2024-11-22 | Ahotsa.info

Saskien bidez Nafarroako euskalgintzari inoizko ekarpenik handiena egingo dio Errigorak: 230.000 euro

Euskarari Puzka azken kanpainan 16.000 saski saldu dituzte, eta euskararen alde lan egiten duten elkarteentzat bideratuko zaie lortutako etekina.

2024-11-22 | Sustatu

Euskarazko esamoldeak baloratzen lagundu online galdetegi honetan

Bi irakasle eta ikerlarik inkesta jarri dute sarean, euskarazko esamolde batzuen inguruko datuak biltzeko. Bost minutu hartuko dizu betetzeak baina adi, bi galdetegi daude, egun bakoitian jaio bazara 1A betetzeko eskatzen dizute, eta egun bikoitian jaioa bazara 1B delakoa.

2024-11-21 | Jenofa Berhokoirigoin

Nazioarteko Zigor Auzitegiak Netanyahu eta Israelgo Defentsa ministro ohi Gallant atxilotzeko agindu du

Gizateriaren aurkako krimenak eta gerra krimenak egotzi dizkie Hagako auzitegiak bi sionistei. Erabakia "antisemitismotzat" jo du Netanyahuk, eta Hamasek, aldiz, "Justiziarako urrats garrantzitsutzat".

2024-11-21 | Iñaki Jauregialtzo Beitia “Jaltzo”

Umandi izena eta izana

Andoni Urrestarazu Landazabal Araiako herrian 1902ko uztailaren 16an jaio zen eta 1993ko azaroaren 21ean hil zen Gasteizen. 31 urte bete dira jadanik eta bere izena eta izana aitortzeko une aproposa dela deritzot, ez baita ongi ezagutzen utzitako ondarea. Umandi, bere herriko... [+]

2024-11-21 | Iñaki Idigoras Igartua

Memoriadun euskara

Autobiografia idaztea omen da garapen pertsonalerako tresnarik eraginkorrena, askatzaileena. Iraganeko kontuei tira egin eta gogora ekartzeak, orainaldiko korapiloak askatzen laguntzen omen du. Bai, laguntzen du orainaldia ulertzen eta komeni zaigun etorkizun bat marrazten... [+]

2024-11-21 | Iulen Lizaso Aldalur

Etorkizuneko apustua

Pandemiaren iragarpenetik Valentziako tragediarainoko errepasoa egin eta ondorioztatu dut gezurra eta forupea suhesi gisa dituen kudeaketa instituzional negargarria klase gobernariaren konstantea dela.

Ez dugu gobernari ordezko baliogarririk sistema pendular hau aldatzen ez... [+]

2024-11-21 | Zigor Olabarria Oleaga

Gelditu dute emakume baten eta bere alaba adingabearen etxegabetzea Gasteizen

Polizia etxegabetzea geratu nahi zituzten herritarren aurka oldartu da eta hainbat lagun zauritu ditu. Azkenean, etxegabetzea atzeratu duela jakinarazi du epaitegiak.

2024-11-21 | Asier Iturralde Sarasola | iametza

X-etik irten nahi? Nor dago Mastodonen eta Blueskyren atzean? Nola finantzatzen da bakoitza?

Gaur, azaroak 21, Mastodon.eus komunitateak sei urte bete ditu. Urteurrena ospatzeko Gure aukera, sare libreak kanpaina abiarazi dute, atxikimenduak biltzeko. Izan ere, azken asteetan “eXodoa” ematen ari da: erabiltzaile asko X-tik ihes egiten ari dira, sare... [+]

2024-11-21 | Urko Apaolaza Avila

Iruñeko Erorien Monumentua

Maravillas Lambertoren izena ez erabiltzeko eskatu dute fusilatuen senideek

Nafarroako Fusilatuen Senitartekoen Elkarteak gogor kritikatu du Iruñeko Erorien Monumentuaren inguruan EH Bilduk, Geroa Baik eta PSNek egindako akordioa. "Pedagogia" egiteko toki hobeagoak daudela dio eta interpretazio zentroari Maravillas Lamberto izena... [+]

2024-11-21 | Julene Flamarique

933 nobedade eta 200 ekitaldi Durangoko Azokaren 59. edizioan

Abenduaren 5ean Ikasle Goizarekin hasiko dute azoka. Hurrengo egunean Gazte Eztanda eguna egingo dute, eta gazteei zuzendutako hamaika jarduera egongo da. Egun berean, iazko Sormen Beka irabazi zuen Argizagi. Zubiak adiskidetasunerantz telesailaren aurkezpena egingo du Marramiau... [+]

2024-11-21 | Asier Iturralde Sarasola

Mastodon.eus-en “Gure aukera, sare libreak” kanpainarekin bat egin du ARGIAk

ARGIAko lantaldeak bat egin du Mastodon.eus-ek bere seigarren urtemugan abiatutako Gure aukera, sare libreak atxikimendu kanpainarekin.

2024-11-21 | Sustatu

Sei urte bete ditu gaur Mastodon.eus-ek

Mastodon.eus euskal fedibertsoko instantzia agian nagusiak sei urte bete ditu gaur. Urteurrena ospatzeko "Gure aukera, sare libreak" kanpaina abiarazi dute, atxikimenduak biltzeko. Efemeridea une interesgarri batean dator: Elon Musk-ek, X/Twitterren jabeak,... [+]

2024-11-21 | Urko Apaolaza Avila

Ertzaintzak zaurituriko Realeko zalearen kasua berriz irekitzeko agindu du epaileak

Gipuzkoako Lurralde Auzitegiaren ustez, bideo bateko irudietan ikusten denak "talka" egiten du Ertzaintzaren atestatuarekin, eta Amaia Zabarte foam bala batekin zauritua izan zenaren "ebidentzia erakusten" du, Noticias de Gipuzkoa-k jaso duenez.

2024-11-21 | Jenofa Berhokoirigoin

Arma nuklearrarekin erantzuteko bidea ireki du Putinek, Ukrainak AEBek eta Ingalaterrak emandako misilekin eraso egin eta gero

Arma nuklearrarekin erantzuteko aukera dakarren dekretua izenpetu du Vladimir Putin presidenteak. Hegazkinekin, gurutzaldi misilekin zein droneekin "eraso masibo bat" pairatzeak ondorioztatu dezake arma horren erabilpena.

Eguneraketa berriak daude