LEMAZAIN BERRIAZ OSASUNA ABIAN


2021eko uztailaren 19an
Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.
Osasunako zuzendari berri izango denarekin elkarrizketa-erreportaia
LEMAZAIN BERRIAZ OSASUNA ABIAN
Harrobiko lanera itzultzeko asmoez aritu gara lehendakaria izango denarekin
Ofizialki ez bada ere, jadanik lanean dihardu, Juan Luis Irigarai buru duela, Osasunako zuzendaritza berriak. Hogeita hemeretzi urteko sunbildar honek azken denboraldietan errealitatetik urrun jardun duen futbol taldea bideratu nahi du eta etorkizunaz mintzatu gara berarekin.
HIRUROGEITA hamabosgarren urteurrena bete duten honetan, denboraldia hasi zenetik ez da bakerik izan zuzendaritzaren baitan; areago, Fermin Ezkurra, hogeita hiru urtez segidan lehendakari izan zenaren ordez Jabier Garrok klubaren mandatua hartu ostean, tirabira ugari izan da. Gizon honek ez dio inolako mesederik egin Osasunari eta azkenean bultzaka aldegin behar izan du nahiz eta oraindik trabak jartzen segitu, Juan Luis Irigarai lehendakari berriaren ustetan:
«Osasuna berea bailitzan, inori jaramonik egin gabe, joera presidentzialista erakutsi zuen hasieratik eta Jabier Bakaikoa lehendakariordea izan ezik gainerako zuzendaritzako kideek bizkar eman diogula ikusi eta gero, Osasunaren alde normaltasunean lan egin nahi dugunon aurka oztopoak jartzen ari da behin eta berriro. Arazoak luze jo du baina datorren asterako, baldin eta Jabier Bakaikoarekin dauden lotura ekonomikoak konpontzen baditugu, batzorde berri hau ofizialki izendatuko dugu. Nolanahi ere, paper kontua besterik ez da, urtarrilaren 4an bazkide batzarraren oniritzi orokorra jaso baikenuen».
Hamalau denboraldi segidan lehen mailako partaide izan eta gero, bigarren mailara egokitzea da Osasunaren premiarik handiena.
Aurrekontuen oreka
BEREZIKI aurrekontuetan desfase handia dago; kategoria honetako diru iturrien jarioa tantaka datorrenez, beste filosofia bat eman nahi diote klubari:
«Pentsa ezazu geuk lehenengo mailan jokatzeko egituraz hartu genuela taldea. Garai bateko hamalau mila bazkideetatik oso urrun gaude (bederatzi mila pasatxo gaur egun); urrezko garaiak bizi izan genituenean ia mila milioi pezetako aurrekontuan mugitzen ginen baina zifra horiek orain pentsaezinak dira. Telebistako harrerak eta ildo berean publizitatearen ordainean jaso dezakeguna kontuan hartuz, erremediorik gabe gerrikoa estutu beharra daukagu. Orain daukagun zazpiehun milioiko aurrekontua bostehun eta berrogeita hamarrean utzi nahi dugu».
Geroko taldea osatuz
LANTALDEA, beraz, merkatu beharra dago, eta oraino ezagutzen den sistema bakarra etxeko jokalarien pisua eta partaidetza areagotzea da. Garbiketa bat egitea ezinbestekoa da eta eginkizun horretan hasiak dira jadanik zuzendari berriak:
«Lehendabiziko urratsa Pakito entrenatzaileari urtebeterako kontratoa luzatzea izan da. Etxeko mutilekin lanerako prest dagoela erakutsi du eta agi danean, denboraldia hasi zenetik honako hamaikakoak begiratuz gero, harrobiko gazteak bultzatzen ari dela nabarmena da. Momentuz besteak beste Vasilevic (Albacetera) eta Dincic joan zaizkigu baina oraindik ere, etxeko kutsu handiagoa eman nahi diogu taldeari».
Eneriz, Ezkerro, Nagore eta abar, atzetik datorren jokalari zerrendaren abiapuntu bat besterik ez dira.
Lehen mailako edozein taldek nahiko lituzkeen instalakuntzak edukita, harrobiko lanari inoiz baino zorrotzago begiratuko diote zuzendari berriek. Izan ere, Taxoarretik pasatzen baita Nafarroako futbol-ekoizpen guztia:
«Iaz belar artifizialeko zelaia egin genuen eta emaitza bikaina atera diogula iruditzen zait. Egitasmo berrien artean beste bat egitea dago, eta aurrerago jokalarientzat egoitza bat eraikitzea gustatuko litzaiguke».
Kluben arteko harreman desleialak dira harrobiko lanerako oztoporik handiena eta, beraz, gazte gaztetandik jokalariak lotzen hasiak dira. Nafarroako talde gehienek Osasunarekiko kidetasun akordioa sinatu dute.
«Txantrea eta Izarra (Athleticekin) eta Barañaingo Lagunak (Realarekin) dira, oker ez banago, kontrolpean ez dauzkagun bakarrak. Futbol zirko honetan umilarentzat gero eta esparru mugatuagoa dago eta neurriak hartzea ezinbestekoa da. Klausula famatu horiek erabiltzen ari gara eta proiekzio handiko jokalariei eusten zaila izan arren, gutxienik, trukean jaso dezagun diru mordoxka bat geure harrobiko lanari etekina ateratzeko».
Igoera, itsutu gabe
ZUZENDARI talde berri honek ez du iazko esperientzia tristerik sufritu nahi eta jarraitzaileen artean presaren presaz igotzeko eroalditan sartu gabe, etorkizunerako talde baten oinarriak egiteko mezua zabaldu dute.
«Iazko sofrikarioak, lehenengo mailara bueltatzea ez dela hain erraza erakutsi zigun; Txetu Rojo eta Del Arco entrenatzaileak eginkizun horretan saiatu ziren joan den denboraldian baina, nire ustetan, igotzeko presak eta inguruan sortzen den ezinak proiektu hura hondatu zuten. Gauzak bere pauso normalean joatea hobe da eta horregatik ez dugu eperik jarri ez eta presarik izango. Taularen erdialdean gaude eta ez dugu ezertarako esperantzarik galdu, baina partidu hasieran egiten den taldearen argazkia ikustea nahikoa zaigu bide onetik goazela jakiteko; azken bi edo hiru partidutan atzerritarrik gabe jokatu dugu eta hamaikatik zortzi edo bederatzi etxekoak»,
nabarmendu digu osasuna futbol taldearen lemazain berriak.
MARTIN AGIRRE
Harrobiari garrantzia eman nahi diote hemendik aurrera Osasunan.
Juan Luis Irigarai izango da Osasuna futbol taldearen zuzendari berria.
26-27

GaiezKirolaFutbolaTaldeakOsasuna
GaiezKirolaFutbolaLehendakari
PertsonaiazIRIGARAI2
EgileezAGIRRE20Kirola

Azkenak
Protestak piztu dira Turkian, Istanbulgo alkate eta Erdoganen aurkari nagusia atxilotu ostean

Ekrem Imamoglu Erdoganekein lehiatzekoa da hurrengo presidentetzarako bozetan, CHP Herriaren Alderdi Errepublikanoa alderdiaren hautagaitzara aurkeztu den bakarra baita. Ustelkeria eta "terroristekin kolaboratzea" egotzi diote, eta bere atxiloketaren ostean piztutako... [+]


Hezkuntza publikoko irakasleen greba egunak %75eko jarraipena izan du, sindikatuen arabera

Astelehen arratsalde-gaueko negoziaketa bilera luzearen ostean aurreakordiorik lortu gabe, EAEko hezkuntza publikoko irakasleak grebara deituak izan dira berriz ere; urtea hasi denetik bosgarren greba eguna izan da asteartekoa. Lanuzteek %75eko jarraipena izan dutela adierazi... [+]


Elkarretaratzeak egin dituzte Euskal Herriko dozenaka hezkuntza zentrotan, Israelek hildako haur palestinarrak oroitarazteko

Gure Haurrak ere Badira ekimenak deituta, Israelek azken egunetan Gazan hildako gehienak haurrak direla salatu dute. Gobernuei eta erakundeei Israelekin harreman oro etetea ere exijitu diete, "genozidio honen aurka argi eta tinko" lerratu daitezen.


Biktima gisa aitortzeko txostenak jaso dituzte Pasaiako segadan eraildakoen eta Rosa Zarraren senideek

Azken astean ezagutarazi moduan, Eusko Jaurlaritzaren Balorazio Batzordeak txosten banatan aitortu ditu estatuaren biktima gisa. Justizia sailburuak ekitaldi pribatu banatan entregatu dizkie dokumentuak.


Koordinakundea eratu dute, Bigarren Mundu Gerran deportatu zituzten euskal herritarrak ezagutarazteko

Deportazioaren Memoriarako Euskal Koordinakundeak aintzat hartu nahi ditu Hego Euskal Herrian jaio eta bizi ziren, eta 1940tik 1945era Bigarren Mundu Gerra zela eta deportazioa pairatu zuten herritarrak. Anton Gandarias Lekuona izango da haren lehendakaria, 1945ean naziek... [+]


Askatu dute kolonoek jipoitu eta militarrek atxilotutako Oscar saridun palestinarra

No other land dokumentalaren zuzendari Hamdan Ballal kolono sionistek jipoitu zuten astelehenean bere herrian, beste hainbat palestinarrekin batera, eta Israelgo militarrek eraman zuten atxilo ondoren. Astarte goizean askatu dute.


Brandt eta Gorvatxov, non zaudete?

Hitlerren armadak milioika sobietarren heriotza ekarri zuen Bigarren Mundu Gerran Sobiet Batasuna inbaditu zuenean. Gerra amaituta, Iosif Stalinen obsesioa zen Alemania eta Errusia artean babes herrialde-lerro bat osatzea; horra, besteak beste, Varsoviako Itunaren sorrera... [+]


Jaurlaritzaren proposamenak Lehen Mailako Arreta “are gehiago prekarizatzea” ekarriko lukeela adierazi du Espainiako Osasun Ministerioak

EAEn BAMEa (famili medikuen formazioa) lau urtetik hiru urtetara jaistea eskatu du Jaurlaritzak. Osakidetzaren "larritasunaren" erantzukizuna Ministerioari bota dio Jaurlaritzako Osasun sailburu Alberto Martinezek: "Ez digute egiten uzten, eta haiek ez dute ezer... [+]


2025-03-25 | Mikel Aramendi
ANALISIA
Hego Korea: ‘impeachment’-aren kulebroia amaitzear da, baina krisi politikoa ez

Kolpismoaren lehen ikasgaiak errepasatu gabe, abenduaren 3an Hego Koreako Yoon presidenteak jo nahi izan zuen estatu-autokolpeak sututako krisi politiko erraldoia kitatzeko asko geratzen da oraindik. Baina haren porrotak abian jarritako impeachment prozedura amaitzear da.


Nafarroako Euskaraldiaren hamaikakoa, prest

Euskaraldiaren hamaikakoa aurkeztu dute Nafarroan: Julio Soto bertsolaria, Edurne Pena aktorea, Julen Goldarazena musikaria (Flakofonki), Claudia Rodriguez  Goxuan Saltsan taldeko abeslaria, Eneko Garcia (Albina Stardust), Yasmine Khris Maansri itzultzaile eta kazetaria,... [+]


Gasteiz Anitza sortu dute, auzoetako arazoak integrazioaren bidez konpontzeko

Hainbat kolektibo daude Gasteiz Anitzaren atzean. Egoera larrien aurrean "soilik poliziaren esku hartze gehiago" eskatzen duen eta "eskubideen urraketei entzungor" egiten dion ereduaren aurrean, beste praktika eredu bat egiteko saiakera dela adierazi dute... [+]


2025-03-25 | ARGIA
Kaleratze arriskuan dago 40 urtez elikadura burujabetza landu duen Bizkaigane proiektua

Bizkaigane elkarteak elikadura burujabetzan oinarritutako proiektua du Errigoitin (Bizkaia), 1983tik. Instalazioak dauden lur eremutik aterarazi nahi du lur jabeak elkartea. EHNE Bizkaia sindikatuak adierazi duenez, instalazioek lege eta administrazio eskakizun guztiak betetzen... [+]


2025-03-25 | Euskal Irratiak
Giza-kate bat Baionan, arrazismoaren eta faxismoaren goititzearen kontra

Hirurehun bat pertsona hurbildu ziren jende katea osatzeko Marengo eta Pannecau zubien artean.


Eguneraketa berriak daude