"Orain Marokkon, eta urrirako Egipton ere lantegia jarriko dugu".


2021eko uztailaren 16an
Iñaki Belategi, Fagor-eko gerenteari elkarrizketa
"Orain Marokkon, eta urrirako Egipton ere lantegia jarriko dugu".
Iñaki Belategi, Fagor Elektrogailuak-eko gerentea
Duela 42 urte urte Eibarren jaio zen baina azken 17 urteak Arrasaten bizi izan ditu Iñaki Belategik. Aretxabaletako Coprecin ekin zion Arrasateko kooperatiben munduan eta Fagor Altzariak-eko gerentea ere izan da. Fagor Elektrogailuaken internazionalizazio prozesuaz jardun dugu.
Noizko zabalduko duzue Marokkoko lantegia?
Apirilean jada muntaia lanean izango da eta inaugurazioa geroxeago egingo den arren, maiatzean ekoizpen normalizatua izango du. Ehun bat langile izango ditu eta helburua urtean 80.000 hozkailu egitea da.
Hozkailuak egiteko, zer dela eta horren urruti joatea?
Garrantzitsuena ez da hozkailuak egitea marka lantzea baizik, bai Marokko eta batez ere Magreb osoan. Areago, funtsean Afrika osoan marka lantzeko neurria da, Marokkon hasi eta Hego Afrikaraino heltzeko. Herri hauetan arantzel oso handiak daude _Marokkon adibidez % 80ra ere irits daiteke_ eta hemendik hara sartzeko oso garesti ateratzen da. Beraz, han zabaltzeko produktua han egin behar da.
Ekialde erdian ere zerbait egitekotan ari zarete?
Urrirako Egipton ere beste lantegi bat martxan izango da, Marokkoko lantegiaren ezaugarri beretsuekin.
Hau guztia Fagorren internazionalizatze prozesuan kokatzen da, azal dezakezu planaren nondik norakoa?
Bi eratako merkatuak daude: helduak eta herri azpigaratuetakoak. Helduetan, Europa eta Estatu Batuetako modukoak izango lirateke, horiek lantzen ditugu baina orain gure erronka besteak dira. Munduan bost bloke bereizi ditugu horretarako. Bat Europako ekialdea da, Polonia, Txekar Errepublika... gero eta gehiago Alemaniaren koloniak, eta honetan salmenta bulegoak jarriko ditugu, Arrasaten bertan ekoiztutako produktuak han saltzeko.
Hego eta Ertamerika dira bigarren bloke bat, eta hemen hiru zati bereizten ditugu: Mexiko eta Ertamerika, hauetan batez ere Iparramerikako elektrogailuak sartzen dira eta guretzat merkatu zailagoa da, besteak beste elektrogailu mota desberdinak direlako; Kolonbia, Peru, Ekuador eta Venezuelak beste bloke bat osatzen dute, hauetan gehiago sar gaitezke, gutxi gorabehera elektrogailuen erdia europarren tankerakoa baita. Baina gure benetako blokea Argentina, Brasil, Uruguay eta Paraguayk osatzen duten Mercosur da.
Asia falta zaizu.
Hemen hiru ardatz nagusiren inguruan mugituko gara: bat India, 800 milioi pertsonako merkatua, 600 milioi gosez; baina beste 200 milioiren artean sal daitezke gure produktuak. Gorantz doan beste zona bat Asiako hegoekialdea da, Taiwan, Hong Kong, Singapur, Thailandia... hauek oso lehiakorrak dira, baina hemen produktuaz dugun ezagutzaz baliatu behar dugu eta gure teknologiaz, ikerketa eta garapena deitzen denaz alegia. Azkenik Txina dago, merkatu izugarri erraldoia, hemendik unitate bat moduan ikusten dena, baina bertatik Txina ezberdin asko erakusten dituena.
Zeintzuk dira internazionalizatzearen helburua zehatzak?
Zenbakiak oraindik aztertzen ari gara baina gaur egun % 20 esportatzen badugu _batez ere Europan_, hemendik bost urtera kopuru hori bikoiztea gurako genuke. Bizi dugun ekonomiaren globalizazioarekin esportazioaren kontzeptua txiki geratzen ari da. Gero eta gehiago, kanpoan saltzekoa kanpoan egiteko joera dago. Horrez gain, debaluazioarekin kontuz ibili behar da, epe laburrera onuragarria delako baina kostoetan, gerora, ordainagiria pasatzen duelako.
Herri hauetako egoera ekonomiko-politiko zehatzak ere kontuan hartu beharko dituzue. Nola egiten dituzue azterketa hauek?
Bertara joanda. Baina horrez gain, Eusko Jaurlaritzak ikasle bekadunak mundu osoan banatuta dauzka eta hauek ere guretzat baliagarriak diren azterketak eta ikerketak egiten dituzte.
Marokkora itzuliz, zer eskaintzen du herri honek bertan inbertitzeko?
Hau argi utzi gura dut: guk ez dugu jarriko lantegia Marokkon deslokalizazioagatik, hau da, han hemen baino baldintza merkeagoak dauzkagulako, merkatu hartan gure marka sartzeko baizik. Batzuek pentsatzen dute lantegiak han jarriz hemen ez direla lanpostuak sortzen, baina gure benetako helburua lanpostuak hemen sortzea da, aberastasun soziala hemen egitea. Mundu osoan sare bat egiten baduzu ikerketa eta garapen guztia hemendik sortzen da, eta beraz eremu horretan lanpostuak sortzen dira. Baina garrantzitsuena da honek lehiakortasuna handitzen duela eta epe luzera egonkortasuna.
LETONA, Xabier
Belategik dioenez, Fagor Elektragailuak-ek bost urtetan atzerriko salmentak bikoiztu gura ditu.
18,19

GaiezEkonomiaIndustriaBesteak
PertsonaiazBELATEGI1
EgileezLETONA1Ekonomia

Azkenak
2025-01-20 | dantzan.eus
Martxora arte kalez kale eta etxez etxe ibiliko dira kaskarotak Lapurdin

Bi asteburu direla atera dira lehen kaskarotak: Beskoitzekoak. Eta martxora arte larunbatez eta igandez astero ibiliko dira herriko auzoetan etxez etxe dantzan eta festan. Goiztiarrenak eta irteera gehiena egiten dituztenak dira Beskoitzeko kaskarotak, baina ez bakarrak... [+]


2025-01-20 | Bertsozale.eus
Gasteizen aurkeztu da 2025eko Arabako Bertso Kuadrilla artekoa
Gasteizko Amaia Zentroan elkartu dira larunbatean Arabako Bertso Kuadrilla artekoan parte hartuko duten 14 taldeetako ordezkariak. Kuadrillartekoaren zortzigarren edizioa izango da aurtengoa.

2025-01-20 | Euskal Irratiak
%221ko gainpopulatzea, Baionako presondegian

Alarma jo du, beste urte batez, OIP Presondegien Nazioarteko Behatokiak. Abenduaren lehenean marka berri bat hautsi zen frantses estatuan, 80.792 pertsona atxiloturekin. Espetxe-administrazioaren aitzinikuspenen arabera, gainera, 86.000 baino gehiago izan litezke 2027an egungo... [+]


‘Goazen lagunok’: sare sozial toxikoetatik fedibertsora trantsizio kolektiboa

Trumpek AEBetako presidentetza hartuko duen eguna baliatuta, Goazen lagunok lelopean, multinazionalen jabetzako sare sozial "toxikoak" utzi eta fedibertsora trantsizio kolektiboa bultzatzeko kanpaina egiten ari dira eragile ugari. “Internet gizatiarrago batean... [+]


Aurtengorako irakurgaiak

Urte berriaren hasieran asmo berritu egiten gara dirudienez, eta egin beharreko zereginen zerrendak egiten ditugu gutako batzuk. Egiteko horien artean irakurtzeko ditudan liburuen zerrenda izaten da bat, gero eta zerrenda gizenagoa. Zuetako ez gutxik zer irakurtzen dudan galdetu... [+]


2025-01-20 | Iñaki Sanz-Azkue
Hotza maite duen igela

Arboletako hostoak eroriak dira eta basoko lurra estalia dute. Lurraren eta hosto gorrituen artean, alabaina, sortzen da geruza fin bat, arreta gutxi jasotzen duena, baina espezie askoren biziraupenerako garrantzi handia izan dezakeena. Hezetasuna mantentzen du, zomorroak... [+]


2025-01-20 | Jakoba Errekondo
Euskal Herria banana errepublika

Sekula bananarik jan ez duten bi lagun ezagutzen ditut; nerau bat. Bananazalea da, ordea, jendea. Afrika eta Asia aldean sortutako landare generoa da banana (Musa x paradisiaca), baina gaur egun Ameriketan ere asko egiten da. Ekoizlerik handiena India da, eta esportatzaile... [+]


2025-01-20 | Garazi Zabaleta
Aleko
“Nekazaritza birsortzailerako eta proiektu kolektiboetarako test gunea da gurea”

Nekazaritzan trebatzeko eta proiektu propioak abiatu aurretik ekoizpenean eta merkaturatzean norbere burua probatzeko, abian dira gurean nekazaritzako hainbat test gune. Araban, 2023an abiatu zuten Aleko nekazaritzako test gunea, baina, antzeko egitasmo gehienekin alderatuta,... [+]


2025-01-19 | Urtzi Ugalde
Agur, amatxu

Hauek izan ziren nire azken hitzak zure lo arnas sakonean eskutik helduta ginela joan zinenean. Aparteko minik gabe, xume, duin, geratu zen betiko zure bihotza. Zuk nahi eta eskatu bezala. Guk nahi eta errespetatu bezala.

Jada hilabete, neguaren atarian, gaurik luzeenak diren... [+]


Amatasunaren giltzarik gabe

AMAK
Konpainia: Txalo teatroa.
Sortzailea:  Elena Diaz.
Zuzendaritza:  Begoña Bilbao.
Aktoreak: Intza Alkain, Tania Fornieles, Oihana Maritorena eta Iraitz Lizarraga.
Noiz: urtarrilaren 10ean.
Non: Itsas Etxea auditoriumean... [+]


Bayrouren aurkako zentsura mozioak porrot egin ondoren, Herritar Fronte Berria zatituta dago

Ostegun arratsaldean egin dute bozketa eta, aurreikusitako moduan, François Bayrou lehen ministroaren aurkako zentsura mozioak ez du aurrera egin. Izan ere, eskuin muturreko Batasun Nazionalaren sostengurik gabe, ez zuen aurrera egiteko aukerarik.


2025-01-17 | ARGIA
Hasi da denboraldia, Saizarren eta Alorrenenean txotxa irekita

Asteazkenean egin zuten ekitaldia Astigarragako Alorrenean, Sagardoaren Lurraldeak hala erabakita. Ostegunean egin du txotx hasierako festa propioa Usurbilgo Saizarrek.


Iruñeko Erorien Monumentuaren eraispena eskatzeko manifestazioa egingo dute larunbat honetan Iruñean

Talde memorialistek deitutako manifestazioa Erorien monumentuan hasiko da 18:00etan eta Gazteluko plazan bukatuko da. Amaierako ekitaldian El Drogas, Gran Ritxarson, Ilargigorri eta La Chula Potrak esku hartuko dute, besteak beste. Gaia orokorrean nola dagoen azaldu dugu... [+]


2025-01-17 | Oihane Artetxe
Urratutako haurtzaroa: indarkeria instituzionala gure testuinguruan

Gaur egun, emakumeen eta haurren ahotsei zilegitasuna kentzen dien kulturaren arrastoak diraute, haien esperientziak isilaraziz, haien oinarrizko eskubide eta beharrak minimizatu edo alde batera uzteko joera duen sistema baten barruan. Arazo horren adibide mediatiko bat Juana... [+]


Eguneraketa berriak daude