Egin ARGIAkoa

Gizartea Ingurumena Politika Ekonomia Kultura Euskara Feminismoa Hezkuntza Nazioartea Iritzia

asteartea 2025eko urtarrilaren 21ean

Teknika aldetik ezberdinak

2021eko uztailaren 19an

Iñaki Perurena eta Mikel Saralegi aurrez aurre
Teknika aldetik ezberdinak

LEITZAKO semeak sasoi handikoak ateratzen dira, horretan ez dago zalantzarik. Hara bestela Iñaki Perurena eta Mikel Saralegiren kasuak. 36 urtekoa lehenbizikoa, 25ekoa bigarrena, ez dirudi oraindik Euskal Herrian bi erraldoi hauei aurre egingo diena sortu denik. «Ez zait iruditzen Leitzak deus berezirik duenik, _diosku barrez Iñaki Perurenak_, Leitza dela akaso. Gu biongatik ez dago esaterik leitzarrek berebiziko sasoia dutenik».
Iñakiren ustea da, baina zerbait ere eduki beharko du Nafarroako herri honek, gaur egun Euskal Herrian 310 kilotik gorako harria jasotzen duten bi harrijasotzaileak bertakoak izateko. Leitzan, izan ere, herri kirolen munduan izen handiak izandako kirolari ugari sortu dira. Harrijasotzen ere, orain hogei bat urte, bertako Gartziarena eta Astibia puntan ibili ziren nahiko denboraz.
Kontuak kontu, Iñaki Perurena aspalditik lortuezinak ziruditen markak hausten ari den gizona dugu. Gertu gerturik, maisu baino gehiago adiskidea duenaren atzetik, Mikel Saralegi gogoz datorren gaztea da. Oraingo martxari eutsiz gero, Iñakiren ondorengoa Euskal Herriko gizonik indartsuenaren podiumean.
Bien ibilerak, nolanahi ere, ezberdinak izan dira.
«Ni hamabi urterekin hasi nintzen harriak jasotzen,gogoratu du Mikel Saralegik_. Etxean herri kirolen mundua beti bizi izan da, eta gure aita ere jaialdietan antolatzaile lanetan ibilia da. Aitak ahal zuen jaialdi guztietan sartzen ninduen, pottolo samarra nintzelako edo».
Mikel etxekoek bultzatu bazuten harrijasotzen has zedin, Iñaki Perurenaren gurasoek ez zuten semearen harriekiko grina oso gustoko izanen: «Gure etxean apustua ez zuten maite. Gurasoak, bestalde, harrijasotzeak gorputzari kaltea egiten dioneko ustekoak ziren». Iñakik gogoan du, artean hamar urte ere ez zituela, harria jaso zuen lehenbiziko aldia: «Gure etxe ondoko Iturri-Zaharra izeneko lekuan hargin bat lanean ari zen, harria egiten. Erdi jolasean edo, harria jaso nuen. Gogoan ditut orduan geratu zitzaizkidan ubeldurak». Inork gutxik baldin badaki ere, harrijasotzen serio hasi baino lehen, Iñaki aizkorarekin erakusketak egiten aritu zen denbora puska batez.
Etxean harrijasotzearekiko bizitako esperientzia ezberdinak ezezik, Iñaki eta Mikelena ibilera arrunt ezberdina izan da beste alderdi askotatik begiratuta ere. Bien arteko konparaketak, hargatik, ez dira zuzenegiak Iñaki Perurenaren ustez:
«Nahitaez konparaketak beti izango ditugu, eta nahitaez gure arteko desafioa hor dago, jendeak botatzen duena. Nik uste dut hori ahaztu egin behar dugula». Hori esateko bere arrazoiak azaldu dizkigu Iñakik: «Etxekoek ez zuten nahi ni honetan hasterik, eta bera etxekoek jarri zuten. Nik apustuak egin behar izan nituen, garai bateko garbizaleek ondo ikusten ez zuten errekor bide hori sortu eta gero. Bera, berriz, errekorraren bidean jarri zuten hasiera batetik». Harriekin izandako esperientzia ere ezberdina izan da: «Ni hasi nintzenean harriak oso handiak ziren, neurriarekin arazoa izaten nuen beti, orduan harriari beruna sartzea erabaki nuen. Berak aurreneko unetik beruna sartu eta harriak bere neurrian egin ditu».
Harria egin eta kiloak gehitzeko orduan egondako aurrerapen nabarmenez gain, Mikel Saralegiren ustez beste hainbat gauzatan ere aurreratu dute oraingo harrijasotzaileek. Egungo entrenamentu sistemek eta elikadurak, esaterako, ez dute sasoi batekoekin zerikusirik: «Gauzak asko aztertu dira, eta ondorioz asko aldatu. Hemendik 30 urtera, dena den, beste jendealdi bat etorriko da, eta orduko gazteak aurrerago joanen dira oraindik, eta guregatik `haiek eroak ziren' esanen dute. Gu ere atzera botata egonen gara orduan, baina baita haiek ere beste 30 urtera».
Hogeita hamar ala berrogei urte barru, dena den, bi leitzar hauek 2000. urtearen atarian ezarri dituzten markak, aintzat hartzekoak izango dira. Izan ere, kiloak eta harriak tartean direla, gizonak nonbait muga ere eduki beharko baitu. 310 kilotik gora baina, zein izan daiteke helmuga?
Teknika aldetik ezberdinak
Harrijasotzen hasi berritan, Iñaki Perurenak orduan pentsaezinak ziruditen zenbakiak marrazten zituen bere harrietan: «Hogei urterekin, hogeita bost egiten nituenerako, muga bat jarri nion neure buruari. Esku batez 220 kilo jasotzea eta 280 bi eskuz. Baina hogeita bost urteak berehala etorri ziren. Orduan beste helburu bat jarri nuen, 250 kilo esku batez eta 300 kilo bi eskuz; eta muga, 1992. urtea». Bigarrengoan ere denbora azkar asko joan zen: «Data gehiagorik ez nuela jarri behar erabaki nuen. Ahal dudan pisurik handiena jasotzea eta kirolzale bezala bizitzea da nire helburua».
Mikel Saralegiren kasuan, ordea, muga errazagoa da, Iñaki baitu aurrean erreferentzia. «Ez dakit non egon daitekeen muga, _diosku Mikelek_, hori oso zaila da jakiten. Behar bada beste kilo bat edo bi igo eta... behin 312koa pasatuz gero ezin daiteke askozaz gorago joan. Altxaldiak ere erabat ezberdinak egiten dira batetik bestera. Gorputzaldiak, aldarteak... denak du hor eragina». Mikel, hala ere, gogotik saiatuko da bere asmoak betetzen: «Iñaki berdintzen saiatu egingo gara behinik-behin. Berdintzen baldin badut, ondo. Eta ezin bada, ezin daitekena ezin daiteke. Nik uste posible dela, berak ez du ematen bajatzen ari denik baina».
Baina Inaki Perurenaren markak berdintzeko, indarra ezezik teknika ere handia behar da. Testuinguru horretan, harria altxatzean, gauza asko kontuan hartu behar direla adierazi digu Mikel Saralegik: «Harria izterrean jartzerakoan, goraxeago ala beheraxeago hartzeak asko esan nahi du. Beheregi hartzen baldin baduzu, gerrikoa gero atera egiten da. Gerrikoak bi eginkizun ditu, bat gerria eustea da, eta bestea harria itzultzean laguntzea. Beherago hartuz gero, ez da gerrikoaren gainean gelditzen, erdian edo azpian baizik». Hori hala gertatuz gero, harrijasotzailea larri ibiltzen dela esan digu Mikelek: «Eta gorago geratuz gero, berriz, besoak ez dizu uzten bularraldera biltzen. Harri txikiekin, indarraren poderioz, 100 kilokoa igotzen duzu, baita 200ekoa ere. Nahiz teknika aldetik gutxiago ibili, egin daiteke. Baina hortik gora teknika handia behar da, eta aldian baino aldian gehiago».
Iñaki Perurenaren ustez pisua non jarri erabakiorra izaten da: «Pisua gorputzaren ahal den ondoen behar du, urrutiko pisua kenduz. Ni gerri aldera igotzeko aiseago ibiltzen naiz Mikel baino. Gerritik gora, bera errazago moldatzen da. Hark goia nik baino hobea du, eta nik behealdea hobea». Mikel Saralegi ere iritzi berekoa da: «Iñakiri niri baino gehiago kostatzen zaio harria bularraldetik gora igotzea; niri gehiago kostatzen zait atera eta bularraldea bitarterako pausoa. Berak bularraldera biltzeko ez du behin ere arazorik izaten, bere arazoa hor boteak eman eta berdintzea izaten da».
Plaza gizonak dira biak. Ez dira jende aurrean uzkurtzen diren horietakoak. Entrenamentuen poderioz hartutako segurantza, hala ere, ezinbestekoa dakusate plazan urduri ez jartzeko. Horretarako, marka berriren bat egin aurretik, harria etxean jasota joan ohi dira gehientsuenetan, baina ez beti: «Harria etxean jasota joatea gauza polita da diosku Iñaki Perurenak_, ez zait iruditzen hori tranpa denik. Markak egiten ibili nintzenean, hala ere, 312 kilokoa zen nik etxean jaso nuen harririk handiena». Hortik aurrerakoak, Iñakiren kasuan, plazan lehenbiziko aldiz jasotakoak izan dira.
Mikel Saralegiren aburuz ere normala da harria etxean jaso ondoren plazan ahalegintzea: «Harria zerorrena izan, etxean eduki, eta froga egin gabe joatea tontoarena da». Berastegin 312koa jaso zuenean, dena den, etxean aurretik jaso gabe aritu zen Mikel: «Nahiz etxean baliozko altxaldirik egin gabe geunden, ikusi genuen aise jasoko genuela. Guk seguritatea dugu behin bularraldera ekarriz gero eta bi bote emateko gauza baldin bagara, harria berdindu dezakegula. Plazan motibatuagoa egoten zara etxean baino, hori laguntza txiki bat izaten da. Gehienetan altxata joaten gara, baina beti ere ez».
Hainbeste erakustaldi eta hainbeste marka egiten ari den bikotea, diruz ez dela larri ibiliko bururatzen zaio bati. Mikelek eta Iñakik esan digutenaren arabera, dena den, herri kiroletan ez da dirudien adinako dirutzarik mugitzen: «Harrijasotzailearen kasuan, _adierazi digu Iñakik_, harria eta gorputza zaintzea ez da horren garestia. Aizkolariak, berriz, gastu handia du tarteko. Ez dut uste herri kiroletan, beste kirolekin alderatuz gero, diru asko mugitzen denik. Hemen ez dira milioiak mugitzen, mila pezetakoak baizik».
Mikel Saralegi uste berekoa dugu, ez dela hainbeste diru mugitzen alegia: «Nik uste gaizki ohituta gaudela. Ondo dago antolatzaileek asko eskatzea, baina guk ere eskatu beharko diegu bada! Beste edozein kirolarik adina entrenatzen dugu; hori hala da. Futbolarien erdia balego!».
Kontuak kontu, Mikel eta Iñaki hortxe ari dira marka berriak ezartzen. Iñakik, nahiz eta orain bi urte marka berriak egiteari utzi egingo ziola adierazi, plazetara itzuli da berriz: «Mende hasierako harrijasotzaileek 200 kilokoa ozta-ozta jasotzen zuten, eta gaur egun hiru gara 300 kiloko harria jasoa dugunak. Egungoa prestakuntza hobea da, eta harriak ere askozaz hobeak dira. Alde horretatik zenbateraino iritsi ote nintekeen jakin nahi nuen». Kalean eta komunikabideetan hainbestetan aipatzen den dopinaren auziak, bestalde, izan du Iñakiren erabakian zerikusirik: «Askok puntako kirolari gehienak drogatu egiten garela uste dute, eta zalantzan jarri izan da askotan herri kirolak ere horren garbiak ote diren. Horrexegatik, herri kiroletan garbi gabiltzala erakutsi nahi dut. Bestalde, nire benetako marka hiru eskuz egiten dudana dela uste dut: 580 kilokoa. Hori ere nabarmendu nahi dut».
Erronka hor dago. Bi leitzarrak ere bai. Ezinbesteko desafioan.
Alberto Irazu
42-46

GaiezKirolaHerri kirolHarri-jasotHarrijasotz
PertsonaiazPERURENA2
PertsonaiazSARALEGI1
EgileezIRAZU1Kirola

Irakurrienak

Matomo erabiliz

Umeek debekatuta dute Debako liburutegian egotea, denboraren zati handienean

Mikel Garcia Idiakez

Hezkuntza politiken “noraeza” geldiaraztea helburu duen taldea sortu du hainbat irakaslek: “Burokrazia jasanezina da”

Mikel Garcia Idiakez

Aroztegia: sorgin ehizari stop

Estitxu Eizagirre

‘Goazen lagunok’: sare sozial toxikoetatik fedibertsora trantsizio kolektiboa

Lander Arbelaitz Mitxelena

Larrialdi egoera Mexikorekin mugan: migratzaileen aurkako ehiza abiatu du Trumpek

Gorka Peñagarikano Goikoetxea

Azkenak

2025-01-21 | ARGIA

3x16: Donostiako hiru gauzatxo

MULTIMEDIA - Oroimen Histerikoa

2025-01-21 | Gorka Peñagarikano Goikoetxea

Baztango aroztegiko zazpi auzipetuek dei egin dute otsailaren 1eko manifestaziora joateko

“Talde kriminal antolatu bat izatea eta derrigortze eta bortxa delitu larriak egin izana” egozten diete Espainiako fiskaltzak eta obraren enpresa arduradunak. Zehazki, 20 urteko kartzela zigorra eta 56.000 euro eskatu dituzte zazpi herritar horientzat.

2025-01-21 | Julene Flamarique

2024. urtean biolentziak “areagotu” direla ondorioztatu du Talaia Feministak

Lau ardatz nagusiren inguruan egin dute 2024ko azterketa: indarkeria matxista; lurraldea; gerra eta gatazka armatuak; eta eskuin muturra. Euskal Herrian “erresistentziak metatzea” funtsezkoa dela ondorioztatu du Talaia Feministak, eta analisiaren sozializazioaren... [+]

2025-01-21 | ELA sindikatua

ELA, LAB, ESK, Steilas, Hiru eta Etxaldek gutxieneko soldata propio baten aldeko bidea ireki dute

2025-01-21 | Imanol Kañamares Muguerza

50 urte Potasaseko grebatik

Gaur, urtarrilak 21, gure oraintsuko historiaren efemeride interesgarri bat gogora ekartzeko eta hari buruz hausnartzeko eguna dugu. 50 urte bete dira Potasas de Navarra enpresako 47 langilek itxialdia amaitu zutenetik. Hamabost egun iraun zuen itxialdi horrek eta greba orokorra... [+]

2025-01-21 | Ana Gorostidi Pagola | Xabier Sarasua

Industria militarraren konbertsioa, behar etikoa

Duela aste pare bat Norvegiako zenbait datu plazaratu ziren. Ipar Europako herrialde hartan auto elektrikoak nagusitu dira, eta Tesla marka dute salduena; energia birziklagarriaz sortutakoa omen da han kontsumitzen denaren %90. Aldiz, Norvegiako enpresa publikoek ez dute inolako... [+]

2025-01-21 | Euskalerria irratia

Oibarko ikastetxe publikoak D eredua izango du

Hezkuntza Departamentuak Oibarko ikastetxe publikoan D eredua ezarriko dutela iragarri du. Hilabeteetako protesten ondoren, euskarazko lerroa ezartzea lortu dute.

2025-01-21 | Mikel Aramendi

ANALISIA

Joe Biden eta Marcus Garvey: barkamenak barkatzailea itsusten duenean

Bere agintaldiaren azken egunetan Joe Biden AEBetako presidenteak egikaritu duen barkamen-zaparrada historikoak zeresanik eman behar luke, halakoen onuradun ezagunenetako batzuen kasuan behintzat ezinbestez egin beharko litzatekeen irakurketagatik. Edo ez al da justiziaren... [+]

2025-01-21 | Oinharri eskola

Oinharri eskola - Formakuntza politikorako gure metodoa

MULTIMEDIA - erreportajea

2025-01-21 | Hala Bedi

Ekaitz Samaniego (All In Da Haus): “Hemen irabazle bakarrak preso politikoak dira”

Joan dira All In Da Hauseko hiru final aurrekoak. Oñati, Gernika eta Hendaiako Gaztetxeetaraino iritsi da freestyle txapelketaren bederatzigarren edizioa. Orain arte egindako bide honen balorazio positiboa egiten dute antolatzaileek, "Euskal Herriko txoko hauetan,... [+]

2025-01-21 | Irutxuloko Hitza | Beñat Parra | Sara Ibarguren

Moriartitarrek ere badute Urrezko Danborra

Aitor Arregik, Jon Garañok, Jose Mari Goenagak, Asier Achak eta Xabier Berzosak osatzen dute ekoiztetxe donostiarra, eta euren lana aitortu nahi izan du Donostiako Udalak.

2025-01-21 | Mikel Garcia Idiakez

Umeek debekatuta dute Debako liburutegian egotea, denboraren zati handienean

6 urtetik beherakoek 16:30-17:30 artean baino ezin dute liburutegian egon Deban, eta 2 urtetik beherakoek zuzenean debekaturik dute. Bestelako neurri baztertzaileak ere jasaten dituzte. Ageriko diskriminazioak haurrak literaturatik aldendu baino ez ditu egiten, eta borroka luzea... [+]

2025-01-21 | Ana Galarraga | Elhuyar

Depresioarekin lotutako hainbat gene identifikatu dira lehenengoz, mundu osoko populazioetan

Dibertsitate genetikoaren ikuspegitik inoizko metaanalisi zabalena egin dute, depresioaren arriskuarekin lotutako geneak identifikatzeko. Horri esker, aurrez ezagutzen ez zituzten 700 aldaera eta 300 gene inguru aurkitu dituzte.

2025-01-20 | Gorka Peñagarikano Goikoetxea

Larrialdi egoera Mexikorekin mugan: migratzaileen aurkako ehiza abiatu du Trumpek

"Ameriketako Estatu Batuen gainbehera aldia amaitu da", esanez abiatu du kargu hartze ekitaldiko diskurtsoa Donald Trumpek. Besteak beste, trans eta pertsona ez-bitarren eskubideak deuseztatuko dituela promestu du, baita energia berriztagarrien aldeko politikekin... [+]

2025-01-20 | ARGIA

Otegi buru, “belaunaldi berri batek” hartuko du EH Bilduren gidaritza

EH Bilduk astelehen honetan abian ipini du mahai politikoa berritzeko barne prozesua. Zuzendaritzak zerrenda proposatu du. Arnaldo Otegik buruzagi izaten segituko du.

Eguneraketa berriak daude