Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
astelehena 2024ko abuztuaren 26an
"Miarritz beti turismoari begira izan da, beste sektore batzuk behar ditugu indartu"
Miarritzeko alkatea, Jean Marie Bernard, kolokan agertu denetik krisia konpontzeko izen berriak indarberritu dira. Udaletxeko alderdi zentristeko partaide, Akitaniako Erregio Kontseiluko lehendakari ordea eta bere kantonamendua ordezkatuz Kontseilu Orokorreko ekonomia arduraduna da Borotra. Bere bulegoan elkar hizketatuz gai anitz argitu ditugu.
Orain arte Udaletxean konfliktoak izan direlarik, bertan konpondu ditugu, aldi honetan uste dut enfrentamendua urrunago joan dela Bernard Marieren azken mandatua delako, hirurogeita hamairu urte ditu eta. Batzuek, nik ez baina, batzuek segida hartu nahiko liokete.
Miarritzen debelopamenduaten gaineko kontrol hobea behar dugu. Gure herrian norabideak aldatu behar dira, urbanizazioa kontrolatu, sobera eraiki da eta gure eraikuntzen berezitasuna zaindu beharra dugu, lehengo mendeko, mende hasierako etxeak bereziki. Aparkalekuak antolatu eta zirkulazioa moldatu. Hasteko, hori.
Bigarrena, inguruko herriekin harremanak indartu behar ditugu: Baiona, Angelu eta Euskal Herriko (Pays Basque) konjuntoarekin. Ikuspuntu honetatik, Miarritze isolatuegi eta berekoiegia da.
Hirugarrenik, mugaz bestaldeko herriekin behar da kooperazioa sendotu. Ez dut nik Akitania eta Euskadiren arteko harremanak indartzeko lana sobera egin, baina elkartzen gaituen elementu asko dago, bereziki Donostiarekin: Baiona-Donostia konurbazioa eratzeko, eta turismoa hedatzeko. Miarritzek badu horretan bere tokia. Ez da Donostia bezain inportantea baina badu bere papera.
Azkenik, kulturari buruzko politika bat behar dugu. Donostiak zein Baionak badute beren politika kulturala, eta guk ez. Gisa berean, gazteek gure herrian dituzten arazoei erantzun behar diegu. Frantzia hegoaldeko beste hainbat herritan bezala, gurean populazioa zahartzen ari da eta gazteak atxiki egin behar ditugu–dinamika bat sortu behar da horretarako.
Miarritz beti turismoari begira bizi izan da eta orain beste sektore batzuk behar ditugu indartu, adibidez Unibertsitatearen inguruko aktibitateak. Horiek Baionan zentralizatuegi izan dira, orobat produkzioa, goi mailako teknologiak, Euskal Herria zana erlatiboki industrialdua da eta informatika industrial eta elektronikoa garatu daiteke.
Nik gehien desio dudana da udala demokrazia leku bat gerta dadin eta ez gizon baten edo familia baten propietatea.
Nik uste, demokrazia demokrazia dela, deusen aurretik badela, beraz, gehiengoaren legea. Bi problema daude, natura diferentea dutenak. Enpleguaren eta kulturaren zailtasunak, batetik, arras zainduak ez direnak eta gazteengan onez handia sortzen dutenak. Eta gero anbizio politikoak daude, autonomia, mugaz bestaldearekin batasuna. Bigarren hori neure ustez amets bat da, arrakasta aukerarik ez duena inondik ere. Ez naiz ni horien aldekoa baina ez dut inongo problemarik honetaz Ardanza jaunarekin hitz egiteko, haren jarrera garbia bait da: «zeuen geroaren jabe zarete».
Populazioaren gehiengoak nahiko duen egunean, irtenbide hori posible izango da. Baina nik uste dut Europaren bideak, esaten edo pentsatzen denaren kontra, ez daramala horrelako batasun baterantz. Seguru aski 1950. urtetan soluzio bat izan zitekeen, baina egun nekez, nahiz eta historiaz eta kulturaz eta soziologikoki, elkarturik izan. Ni enpleguaren eta kulturaren debelopatzearen aldekoa naiz, aldiz demokrata bat naiz: edozer esatea badago, baina problemak bideratzeko bide bakarra botoarena da. Eta erantsi nahi dut, biolentziari printzipioz oposatua naizela, espresiobide bezala.
Ordea, administrazio bat Euskal Herriarentzat? Joera ez da gero eta egitura tipietarako egitura bereziak sortzea, biltzea da, gero eta koste tipiagoak izan ditzan. Frantzia ez da azpi-administratutako Estatu bat, gain administratutakoa da. Egitura gehiago sortzea ez da soluzio ona.
Bestalde goi mailako formazioaren debelopamendua, unibertsitateetan zentratuko gara. Nazio mailako programa bat da, datorren bost urtetan unibertsitarien kopurua %30-40an emendatzeko. Pabe eta Baionan egun 11.000 badira unibertsitariak, 1995ean 14.000 izango lirateke. Proiektu hau geroko lanarekin, industriarekin lotzen dugu.
Honez gain, nekazaritzaren debelopamendua dugu. Horren motorra ez da noski departamentua izango. Erabakiak Europa, Estatu, erregio mailan hartzen dira, gu horietara moldatuko gara,-gure departamentuak bi lehentasun ditu. Urari dagokiona, ura pilatzeko bi proiektu handi ditugu, Paben eta Donapaulen, eta irrigaketa programak zenbait kalitatezko produktu finkatzekotan. Horrekin lotuta, nekazarien bizi kalitatea hobetu eta nekazal turismoa bultzatu.
Nolanahi ere, esan behar dizut Kontseilu Generaleko lehenbiziko konpetentzia, gizarte laguntza dela, zaharrak, gutxiengotuak eta umeak batipat.
Gero, neure kargu baditut Espainiarekiko harremanak, Euskadirekin bereziki. Bi Euskal Herrien arteko harreman instituzionalak. Emaitzak espektakularrak dira, ez bakarrik mugaz alde biak kontaktuan jarri direlako–behar historiko bat– azken denboretako elkar hizketa falta denontzako nefastoa izan da, eta momentuko beharra ere 1993an ez bait da mugarik izango. Baina inportantea da baita ere, harreman hauen bidez kanpo politika amankomun halako bat lortu dugulako, gure erregiotik haratago doazen zenbait ekintzaren inguruan. Adibidez mugaz gaindiko kooperazioa, euskaldunen presidentziapeko Pirinioen inguruko lana, eta guk "Hego Europa atlantiarra" deitzen dugunaren ingurukoa. Era berean Euskadi-Akitania ardatz bezala eta Poitiers, Galizia, Asturias edo Castilla Leon bezalako erregioak bildurik, beren debelopamendua bateratua bait da.
Eta azkenik, Europako ardatz atlantiarra, orohar, Estatuek maiz ahaztu izan dutena eta ezagutu beharrekoa. Oso garrantzi handikoa da Euskadi-Akitania guzti horren noveau dur izatea.
Irakurrienak
Matomo erabiliz
#1
#2
#3
Iñaki Sanz-Azkue
Azkenak
Stop azpikontratazioa
Esku-hartze sozialeko sektore publikoaren alde.
2024-08-23
Julen Ugartemendia Carcedo
Pablo Gonzalezen aurkako mendekua ikusten du haren abokatuak, Poloniako Gobernuaren jarreran
Pablo Gonzalezek Errusian jarraitzen du, Poloniako Gobernuak pasaporteak konfiskatu zizkion kazetariari eta "Poloniako autoritateen esperoan" daude, Euskal Herrira bueltatzeko. Hala azaldu dio Gonzalo Boyé abokatuak Berriari.
2024-08-23
Manex Usarralde Garmendia
Garikoitz Aspiazu euskal presoa Martutenera lekualdatu dute Lannemezandik
Etxeratek jakinarazi duenez, ostegun honetan gauzatu dute lekualdatzea. Orain, bost euskal preso gelditzen dira Frantziako espetxeetan.
2024-08-23
Xabier Letona Biteri
Bideko Autobidearen ordainketa 2027tik 2030era atzeratuko du Nafarroako Gobernuak
Ordura arte Nafarroako Gobernuak 477 milioi euro ordaindu beharko dizkio Abertis konpainiari, 2023an honek erosi baitzuen Autobidearen ustiaketaren emakida 110 milioi eurorengatik. Itzalpeko ordainketek urtero modu gogorrean baldintzatzen dituzte Nafarroako Gobernuaren... [+]
2024-08-23
Julen Ugartemendia Carcedo
Jon Irazabal Agirre hil da, 30 urtez Durangoko Azokaren zuzendaria izandakoa
63 urteko iurretarra Gerediaga Elkarteko kudeatzailea izan zen 1982tik 2018ra. “Bere kezkei eta borrokari esker”, Durangaldeko historia ikertu eta zabaltzeko “erreferentzia nagusietako bat” izan dela nabarmendu dute elkartetik.
2024-08-23
Mikel González De Reparaz
112 hitzetan emergentziak saihesteko prebentzio-aholkuak
Umeak uretan, belarriak tente
2024-08-23
ARGIA
Burlatako sexu erasoa dela eta 18 urteko gazte bat atxilotu dute
Joan den astean izan ziren Burlatako jaiak eta aste honetan jakin da adingabeko neska gazte batek izandako sexu erasoa. Espainiako Poliziak, halaber, jakinarazi du erasoarekin lotutako 18 urteko gazte bat atxilotu zuela joan den igandean.
Eguneraketa berriak daude