Peli Egaña, Caja Rural Orbeako Zuzendari orokorrari elkarrizketa
Peli Egaña: "gure aurrekontua laukoiztu egin da'
Ez da ez gauza erraza Caja Rural Orbeako Zuzendari orokorrarekin zita bat lortzea, denboraldia hasi besterik egin ez den une honetan harat-honat bait dabil azken orduko xehetasunak lotzen. Azkenik Madrilgo hotel batean aurkitu dugu, honela mintzatu zaigularik.
ARGIA.–Zein da Orbea taldearen aurrekontua?
PELI EGAÑA.–Aurten 26 korrikalariz osaturiko ekipo batekin ibiliko gara, askotan bi frentetan arituko garelarik. Talde bezala ekipo bot izango gara, eta guztira 300 milioieteko aurrekontua izanen dugu.
A.– Gorapen nabaria soma daiteke aurrekontuan. Zein da arrazoia?
P.E.–Ez dakit onerako edo txarrerako izango den, baina azken lau urte hauetan gure aurrekontua laukoiztu egin da. Honenbestez Caja Rural bezalako babesle bat guztiz beharrezkoa bihurtu da, edozein babeslek ezin bait du honelako aurrekontu bat jasan. Honezaz gain, ekipoa erdibitu egin dugu, kanpoan aritzen direnak, beste babesle bat izango dutelarik, baina taldea beti Orbea-Danena izango da. Nere iritziz, honen arrazoia telebista da. Telebistak egiten duen publizitatea oso errentagarria bait da edozein entrepesarentzat.
A.–Nondik bideratzen da dirutza guzti hau?
P.E.–Normala den legez, aurrekontua fitxetan bideratzen da batipat, 26 txirrindulari profesionalez gain beste 20 bat pertsona bait dauzkagu gainontzeko lanak egiten. Aurrekontuaren % 70a hemendik joaten da.
A.–Gainera puntako txirrindularien fitxak ez dira nolanahikoak?
P.E.–Oraindik ez dira beste kirolen mailara ailatu. Dena dela, gaur egun esan daiteke estatu mailan badirela hamar bat txirrindulari, profesional gisara, beraien bizitza bideratzeko gai direnak. Kontutan eduki behar da azken urte hauetan eska-eskaintza nagusitzen ari dela, guztiek nahi dutelarik Delgado bat edo Pino bat eduki laisterketan, horrek, ezbairik gabe, dirua suposatzen du txirrindulariarengan, eta ondorioz babeslearentzat.
A.–Aurrekontu hauek jasateko, ze neurri hartu beharko dira?
P.E.–Gu neurri berri batzuen bila gabiltza, hain zuzen ere ekipoa "Sociedad Anonima" delakoa bihurtzea ikertzen ari gara. Honelako ekipo batek kalte eta abantaila batzuk sortzen ditu. Gure asmoa ez da ekipoa etekinak eskeiniko dituen entrepesa batetan bihurtzea, baizik eta orain gauden bezala ez jarraitzeko neurri batzuk hartu nahi ditugu. Horain kirol talde bat gara, gure baitan ez eskubiderik ez erantzukizunik ez dugularik; gure asmoa gauzatuko balitz erantzukizun batzuk edukiko genituzke, baina baita ere eskubide batzuk.
I. GOIKOETXEA
43
GaiezKirolaTxirrindula
PertsonaiazEGAÑA2
EgileezGOIKOETXEA5Kirola