Egin ARGIAkoa

Gizartea Ingurumena Politika Ekonomia Kultura Euskara Feminismoa Hezkuntza Nazioartea Iritzia

ostirala 2024ko azaroaren 22an

«Gure Aholkua Jarraitzen Du Jaurlaritzak»

2021eko uztailaren 23an

Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.

Joseba Arregirekin Tirabiran
«Gure Aholkua Jarraitzen Du Jaurlaritzak»
Duela bi urte sortutako Euskararen Aholku Batzordeko burua dugu Joseba Arregi. "Zenbait jendek osatutako batzorde bat da eta bere helburua da Eusko Jaurlaritzari euskara politika mailan egin behar denari buruz bere aholkua ematea", argitu digu hasieratik, "bere eginkizuna ez da gauzak egitea baizik eta iritzia ematea". Euskararen Politikari buruzko iritzia. Hori da orduan prestatu eta oraindik kaleratu ez duten «Euskararen Politikarako Oinarriak» liburuskaren edukia.
ARGIA.–Ez da beraz talde tekniko bat.
JOSEBA ARREGI.–Ez, aholkulari bat da.
A.–Askotan galdetzen du jendeak, zer egiten du euskararen aholku batzordeak? Non dago?.
J.A.–Hori da hasieran esandakoa, hau da, bere eginkizuna entenditu nahi ez delako. Ez dela gauzak egiten dituen batzorde bat baizik eta gauzak egiten dituenari aholku ematen dion batzorde bat. Orduan, bere lana non azaltzen da?; egiten diren gauzatan, gauza horiek duten orientazioan azaltzen da.
A.–Eta egiten diren gauzek betetzen al dute emandako aholkua?
J.A.–Normalean bai.
A.–Beraz, egiten dena da hemendik Jaurlaritzari esaten zaiona.
J.A.–Egiten da Aholku Batzordearen iritzia eta aholkua jarraituaz. Eten gabe gobernuak, nere bitartez, Aholku Batzordeari presentatzen dizkio momentuero eskuartean dauzkan gauza guztiak; montatzen ari den estruktura, egiten dituen ekintzarik nagusienak, hortan erabiltzen dituzten kriterioak. Horiek mahian gainean jartzen dira eta horiei buruz bere iritzia ematen du Aholku Batzordeak.
A.–Testuinguru horretan ze zentzu du liburuska horrek?
J.A.–Ba txosten hori, nahiz eta zuei pobrea iruditu, beste askorentzat ez da inondikan ere pobrea. Problema, askotan da orientazioarena. Hemen itsututa gaude, edo zenbait jende itsututa dago, euskararen arazoa dela etengabe gauza berriak asmatzen jardutea edo ekintzak egitea. Hain zuzen liburuska horretan esaten da, hori bezain premiazkoa, edo oraindik ere premia haundiagokoa dela galdetzea, eta pentsatzea, eta erabakitzea egiten denak ze orientabide izan behar duen eta nora zuzendurik dagoen. Orientazio hori erabakitzea garrantzi handiko gauza bat da. Eta hori da liburuskan, ondo irakurriz gero, azaltzen dena.
A.–Problema izango da kanpoan ginenok espero genituela...
J.A.–Ekintzak! Hori da zer prejuiziorekin planteatzen den. Norbaitek entenditzen badu Hizkuntza Politika etengabe ekintzak egitea dela... orduan bai. Baina planteatzen bada, nere iritzian serio planteatzen badira gauzak, benetan beharrezkoa zer den erabakitzen baldin bada, orduan gauzak diferente ikusten dira.
A.–Herriz herri sortzen ari da euskararen erabilpenari buruzko inkesta soziolinguistikoak egiteko premia. Ze iritzi dauka Euskararen Aholku Batzordeak horri buruz?
J.A.–Euskararen Aholku Batzordeak pentsatzen du: batetikan, egoera ezagutu egin behar dela, dudarik gabe; egoera ezagutzeko zensoaren bitartez ateratako datuek jarraipen bat izan behar dutela, kurbarik dagoen edo ez ikusteko eta kurba nolakoa den ikusteko; Euskararen Aholku Batzordeak pentsatzen du behar beharrezkoa dela transmisio mekanismoen azterketa bat, hizkuntzaren transmisioa belaunaldiz belaunaldi zeren baitan dagoen eta zein diren transmisio hori baldintzatzen duten datuak; Euskararen Aholku Batzordeak pentsatzen du beharrezkoa dela portaera erreala baldintzatzen duten faktoreak ezagutzea.... eta guziori martxan dago.
A.–Diozun hori eta herrietan egiten ari diren inkesta soziolinguistikoak ez dira gauza bera.
J.A.–Ez da gauza bera, ez. Baina guri inportanteena momentuan nik esandako horiek iruditzen zaizkigu, beste alderditikan, herrietan egin daitezkeela inkesta soziolnguistikoak, horren garrantzia ez da ukatzen, ez eta gutxiago ere;Irunen egiten dena ez da egin gobernuarekin kontatu gabe. Orain, pentsatzen dugu zenbateraino beharrezkoa den herri bakoitzean, auzo bakoitzean, horrelako inkestazio bat egitea. Zenbaterainoko datu berriak ekarriko dituen ala ez, eta pentsatzen dugu ez ote den hobe tipifikazio bat egitea, soziologiak beti lan egiten duen bezala, bestela ez dago zer egiterik indibiduo bakoitza aztertu behar bait litzateke, eta pentsatzen dugu hobeagoa dela tipifikazio horiek egitea eta orduan egin behar diren azterketa soziolinguistiko horiek estrukturatuta egitea behar den tokitan eta behar den tipifikazioarekin.
A.–Horren ondorioa al da Eibar eta beste zenbait herritan inkestak aurrera jarraitzeko Gobernutik etorritako frenua? Oztopoak jartzen zaizkiela?
J.A.–Ez da egia. Horrela esanda ez da egia
A.–Orduan, zein da egia?
J.A.–Ez Euskararen Aholku Batzordeak, ez Eusko Jaurlaritzak, ez dio inori esan inkesta soziolinguistikorik ez egiteko.
A.–Eta problemak jarri?
J.A.–Guk ze problema jarriko ditugu? Herri batek egin nahi badu udal administrazioak bere autonomia du. Uste dut bi gauza nahasten ari direla une honetan. Bata da, egin beharrezkoak diren azterketa soziolinguistikoak, eta beste gauza bat da euskalduntze mailan udaletan egon behar duen azpiegitura. Bi gauza diferente dira.
A.–Ze iritzi dankazu herritan sortzen ari diren Euskararen Batzorde eta Gabinete Teknikoei buruz?
J.A.–Hor Eusko Jaurlaritzak jarrera garbi bat dauka, eta da aurrena beharrak eta eginkizunak definitu behar direla; hori egin ondorenean, beharrak eta eginkizun horiek betetzen duen erakunderik badagoen edo ez ikusi; hirugarrenez, ez baldin badago, eginkizun eta behar horiek nork bete eta ase ditzazkeen ondoenik ikusi; eta laugarrenez, erabaki udal bakoitzean zer egin behar den.
A.–Eginkizun horiek markatuta daude?
J.A.–Nere iritzirako ez.
A.–Beraz ezin erabaki nork beteko dituen...
J.A.–Udal batetik deitzen didatenean Euskararen Batzordea sortu behar den ala-ez galdezka, nik lau pauso horiek aipatzen ditut. Eskatzen dut udal batek bete ditzazkeen eginkizunak definitzeko. Eginkizunak eskatzen ditut,-eta nik ez dut ezagutzen behintzat horrelako gauzik justifikatuko lukeen eginkizunik.
A.–Ez al dagokio Aholku Batzordeari eginkizun horiek markatzea?
J.A.–Izan daiteke, eta Euskararen Aholku Batzordea, gobernuarekin batera harremanetan, hori definitzen ari da, eta horretarako organo beharrezkoak planteatzen ari dira, batzuk sortuta daude, beste batzuk sortzeko, eta beharrezko koordinazioa egiten ari da.
A.- Boletin Ofizialeko euskerari buruz ze iritzi daukazu?
J.A.–Bueno, eritzia ezaguna da.
A.–Eta zein da?
J.A.–Ezaguna baldin bada badakizue zein den.
A.–Goazen euskeraren irakaskuntzara. Ba al dauka Aholku Batzordeak euskaldundu eta alfabetatu behar direnen kopururik?
J.A.–Iruditzen zaigu momentu honetan hori ez dela inondikan ere egokia. Zer emango liguke horrek? Momentu honetan Aholku Batzordearentzako eta Eusko Jaurlaritzarentzako beste gauza bat da askoz ere inportanteagoa. Momentu honetan ez da egokia, ez da zilegi, ez da itxurazkoa planteamendu kuantitatibotan ibiltzea arazo kualitatiboak hain garrantzizkoak izanik. Eta gure arazoa eta gure borroka momentu honétan ezdago hainbat arazo kuantitatibotan, kualitatibotan baizik. Minimoak planteatu. Zenbat euskaldunberri sortu behar den? Zer esan nahi du horrek? Zer aseguratzen du horrek? Proiekzio matematiko huts bat? Euskararen etorkizuna gauza matematiko bat da?, gauza mekaniko bat da? Fabrika baten produzioa planifikatzen den bezala planifikatu daiteke? Guri ez zaigu iruditzen hori.
A.–Hori bakarrik ez baina hori funtsezkoa dela...
J.A.–Horri buruz gauza bat esango nizueke, kuantifikazioa beharrezkoa da ala ez da? 83-84ko haurren matrikuletan B eta D ereduen artean 49 harrapatzen da.
A.–Zenbat D eta zenbat B?
J.A.–Orain ez nizueke buruz esango baina B eta D ereduetan 49 harrapatzen da. Hori ez da kuantifikazio txikia. Baina bi gauza hartu behar dira kontutan, batetikan, kuantifikazio horren atzetikan ze kualifikazio dago?. Eta bestetikan, kontutan hartu beharrekoa da hizkuntza ez dela prozeso mekaniko bat baizik eta gertakizun psikosozial bat. Gorputz sozial batek dauka hizkuntza, gorputz horrek abantaila bat aguantatu dezake. Abantaila hori bizkortu daiteke laguntza ona jarriaz, marko positibo bat jarriaz, baina ahal duena baino gehiago eskatzen bazaio lehertu egiten da gorputza.
A.–Balideak al dira A, B, eta D ereduak? Ze ondorio izan dute?
J.A.–Oraindikan goizegi da ondorioak jakiteko, baina nik A ereduarekin esango nuke: kontutan hartuz datu asko, hezkuntza demografikoa, irakaslegoaren adin estruktura, irakaslegoaren euskalduntasuna eta bere errejimen juridikoa, eta beste zenbait datu kontuan edukiaz, ez ote dugun hanka sartuko behar baino lehen A eredua kondenatuaz. Arriskugarria gerta dakiguke momentu honetan A eredua baztertzea. Nik dakidana da zenbait herritan eta bestetekitan, irakaskuntzan ikasten den bigarren hizkuntza jakinez bukatzen dela.
A.–Baina ingurune guztia erdalduna izanik, etxeko bizitza erdaraz eginik, telebista, kalea...A ereduak eman al dezake fruturik?
J.A.–Esango al zenuke Alemanian bigarren hizkuntza bezala ingelesa ikasten baldin bada, giro ingurua ez dute hemen baino hobeagoa izango, esango al zenuke ez dutela ingelesa ikasten?
A.–Baina adibide horrek ez du balio, ez da gauza bera. Etxe honetan (Jaurlaritzan alegia) jende gehiagok jakingo du ingelesez edo frantsesez euskaraz baino...
J.A.–Baina horiek ez dute izan euskara ikasteko aukerarik eskolan bertan, eta ingelesa ikasteko bai. Ezin balio dezake? Nik ez nuke esango balio ezin dezakeenik.
A.–Demostratzeko dago.
J.A.–Demostratzeko dago baina horrek ez du esan nahi demostratu ezin daitekeenik. Ez dakit demostratu daitekeenik ere.
A.–Beste gai bati helduaz, jar dezagun erdaldun huts baten kasu hipotétikoa. Nola esan behar zaio euskara ikasi behar duela?
J.A.–Esan behar zaio ikasi behar duela?
A.–Edo zer esan behar zaio?
J.A.–Inork ba al daki!
A.–Ehuneko laurogei erdolduna euskalduntzeko...
J.A.–Konparazioak ez du balio, zeren eta 80 horietatikan zenbat dagoen euskara ikasteko motibatuta hori ere liburuan badago. Motibazio problema ez da ezagutzaren portzentaia bera. Hortikan hasita. Orduan galdera da: nola motibatu euskara ikastera? Eta galdera itzuli egingo dizuet, motibazio hori nola lortzen da zuzenean behartuta edo zeharka behartuta.
A. ....erantzuna
J.A.–Erantzun, erantzun denok egin beharko dugu herri santu honetan! Giroa eta euskararentzako motibazioa denon artean sortzen da. Ez batzuk bakarrik. Osea, denon artean erantzuteko galdera da hori. Gure aldetikan nola? Pentsatuaz zenbait estimulo, zenbait zuzeneko behar sortzea ez dela beti kaltegarri. Oso kontuz erabiltzeko instrumentua dela zuzenean behartzeko instrumentu hori. Nere iritzian, eta horretaz zeharo konbentzituta nago, hizkuntza bat ikasteko, eta hizkuntza bat erabiltzeko motibazioa hizkuntza barnetikan bertatikan sortu behar du. Hizkuntza hori deigarri, erabilgarri, interesante bihurtzen denean, eta hizkuntza horrek ikasten duenari eta erabiliko duenari zerbait eskeintzen dioenean. Beraz zeharkako motibazioak eta hizkuntzarenak berarenak. Hori lortzen ez bada gainontzeko kanpoko eraginek ez dute ezertarako balio. Hizkuntza instituzio bat da, eta soziologian garbi dago instituzioek barne indarrez funtzionatzen dutela. Barne indarra daukatenean ez dute kanpoko indarren beharrik.
A.–Orduan nola galdu da euskera?
J.A.–Momentu jakin batzutan akaso, eta honetan garbi esango dut beti kanpokoari errua botatzea ez dela egokiena kanpoko errua bakarrik ez dagoelako, honekin ukatu nahi izan gabe kanpoko erasoak izugarriak egon direla, momentu jakin batzutan akaso hizkuntza hori ez zegoelako beharretara behar bezala egokiturik. Ez zielako gizonak zituen beharrei behar bezala erantzuten, eta gizonak hizkuntza bati eska diezakeionari ez ziolako behar bezala erantzuten.
A.–Beraz...
J.A.–Etorkizunari begira zeharkako motibatzea oso inportantea izango dela diot. Baina motibatzea jendeari zerbait eskeiniaz. Euskarak zerbait eskeini behar dio jendeari.
A.–Eta zer eskein dezake euskarak?
J.A. Bueno...
A.–Hizkuntza bat badago denentzat berdina eta denok erabiltzen duguna.
J.A.–Eta hemendik ehun urtera denok ingelesa eukiko dugu.
A.–Ingelesa eta erdara? Edota ingelesa eta euskara eta erdararik ez.
J.A.–Nik ez dut uste gauzak aurrera jotzen dutela besteak garbituta, baizik eta aurrera jotzen dute norberak bere burua aurrera ateratzeko kapazitatea baldin badauka. Eskeintza kulturala osorik egin behar da. Erdarak zer eskeintzen du? Noski. eguneroko bizitzarako manejatzen gara erdaraz. Ni erdaraz manejatzen naiz baina zenbait gauzetarako euskara erabiltzen dut, beste zerbait ematen dit. Horrek zerbait ematen dit erdarak ematen ez didana.
A.–Motibazio politikoa...
J.A.–Edo ez. Nik nere semeekin egiteko motibazio politikoa? Motibazio politikoa zentzu oso zabal batean hartzen ez bada behintzat ez da motibazio politikoa. Zabalagoa da bizitzaren ikuspegi oso bat harrapatzen duena.
A.–Eta motibazio hori pizteko Euskararen Legeak, Madrilek inpugnatutako Euskararen Legeak, eskeintzen al du marko juridiko oinarrizkerik?
J.A.–Nik esango nizueke Euskararen Legea nahiko marko zabala dela gaurko egunean euskarak daukan osasunarekin eta euskal gorputzak daukan osasunarekin egin daitekeenari begira. Problema ez da marko txikiegia dela, baizik eta Euskararen Legea betetzea da problema.
A.–Baina berez ez da marko zabala.
J.A.–Zeinek esan du ezetz?
A.–Euskara Normaltzeko posibilitatea ematen du?
J.A.–Nik ez dut planteamendu teorikorik egingo. Nik ez dut nahi axeriak bezala «mahatsak berde daude» esaten pasa nahi nere bizitza guztia. Nik baldin badaukat traje bat hamalau urteko batentzako eta nik sei besterik ez, nahiko lan badaukat traje hori betetzen. Sei urtekin hasiko naiz 150 kiloko gizon baten trajea eskatzen?
A.–Helburu bezala elebitasuna planteatzen duzue.
J.A.–Bai.
A.–Eta posible da?
J.A.–Eta zergatik ez?
A.–Zuen liburu horretan jarri duzue benetazko elebitasun bat ez dela sekula eman ez eta hizkuntz zapalketarik jasan ez duten herrietan ere.
J.A.–Elebitasun osoa ez nuke nik utopia bezala kenduko, benetan aberasgarria iruditzen zaidalako gizonarentzat eta gizarte batentzat, badakit hori ez dela sekula lortu baina elebitasun mota ezberdinak daude eta liburu horretan aipatzen dira.
A.–Baina PSOEk ere elebitasunari buruz hitzegiten du, eta badakigu euskaldunok zein den PSOEren nahia euskerarekiko.
J.A.–Gure helburua da euskarari etorkizuna segurtatzea.
A.–Zertan gauzatzen da hori?
J.A.–Euskararen etorkizuna garantizatzea da euskara erabiltzeko behar diren medio guztiak jartzea.
A.–Medioak badaude eta hemen bertan (Jaurlaritzan) ez da euskaraz egiten
J.A.–Medio gehiago jarri beharko da jendeak erabili dezan. Jendeak erabiltzeko aukera izan dezan. Euskaraz bizi nahi duen guztiak euskaraz bizitzeko aukera izan dezan. Eta euskarak bere etorkizuna segurtaturik izan dezan.
A.–Eta aukera hori pertsona mailan utziko dugu...
J.A.–Aukera pertsonalik ez dago. Aukera guztiak beti gizartearen bitartez baldintzaturik daude.
A.–Baina euskararik gabeko aukera da hedatuena gizartean.
J.A.–Bai. nagusiki bai. Desoreka bat dago eta orduan desoreka hori bueltatu egin behar da eta orekatu. Eta bitartekotza beste aldekoa izan dadila.
A.–Bukatzeko, beharrezkotzat jotzen al dituzu AEK, EHE eta antzeko taldeak?
J.A.–Beharrezkotzat? Bueno, hor daude.
A.–Esan izandu da kaltegarriak direla.
J.A.–Nik ez dut hori irakurri. Gure iritzia da gauza bat dela borondatea eta beste bat direla ondorioak. Hemen ez dagoela sekula sekuentzia zuzen bat. Zeloen adibidea jarriko nuke. Batek helburu bat euki dezake, borondatea horretarako euki, baina lortzen dituen ondoriok justu aldrebeskoak dira. Horrekin esan nahi dena da denok juntatu behar dugula eta eztabaida ez dela borondate mailan eman behar baizik eta jartzen diren bideetan eta ondorioetan .
A.–Eta ze intererlazio eman daiteke instituzio eta herri mailako dinamiken artean?
J.A.–Euskara Politikan ahal den eta adostasunik handiena lortu behar da, baina «inork bere arima saldu gabe».
A. - ...???
J.A.–Ez dut uste oso zaila denik hori ulertzea. Adostasuna bai, eta ahalik eta abanikorik zabalena hartu baina puntu minimo batzuk egon behar dute. Adostasun puntu minimo batzuk. Hemen instituzio batzuk sortu dira. Instituzio horiek politika bat daramate, eta instituzio horien barruan integratu nahi duten guztientzako ateak zabalik daude.
I. URIA. J. ALBAREZ
22-25

GaiezHizkuntzaEuskaraBesteak
PertsonaiazARREGI4
EgileezURIA3Hizkuntza
EgileezALVAREZ2Hizkuntza

Irakurrienak

Matomo erabiliz

“Aldatzeak eta mugitzeak pizten dit grina”

Lander Arbelaitz Mitxelena

X-etik irten nahi? Nor dago Mastodonen eta Blueskyren atzean? Nola finantzatzen da bakoitza?

iametza

Maravillas Lambertoren izena ez erabiltzeko eskatu dute fusilatuen senideek

Urko Apaolaza Avila

“Hitzak harriak dira Ernauxentzat, eta idazketa labana”

Larraitz Fagundez Osa

Injustizia epistemikoa eskoletan?

Iker Iraola Arretxe

Nazioarteko Zigor Auzitegiak Netanyahu eta Israelgo Defentsa ministro ohi Gallant atxilotzeko agindu du

Jenofa Berhokoirigoin

Azkenak

2024-11-22 | Julene Flamarique

Voxen aurka Bilbon protesta egiteagatik auzipetutako zortzik ituna egin dute Fiskaltzarekin eta bat epaiketara joango da

Atxuriko irakasle eta ekintzaile batek uko egin dio akordioari kontzientzia arrazoiak direla eta. Voxek bost urteko kartzela-zigorra eskatzen du auzokidearentzat, Fiskaltzak aldiz zazpi hilabeteko espetxe-zigorra hauteskunde-delituagatik eta hiru hilabeteko isuna mehatxu... [+]

2024-11-22 | Ahotsa.info

Saskien bidez Nafarroako euskalgintzari inoizko ekarpenik handiena egingo dio Errigorak: 230.000 euro

Euskarari Puzka azken kanpainan 16.000 saski saldu dituzte, eta euskararen alde lan egiten duten elkarteentzat bideratuko zaie lortutako etekina.

2024-11-22 | Sustatu

Euskarazko esamoldeak baloratzen lagundu online galdetegi honetan

Bi irakasle eta ikerlarik inkesta jarri dute sarean, euskarazko esamolde batzuen inguruko datuak biltzeko. Bost minutu hartuko dizu betetzeak baina adi, bi galdetegi daude, egun bakoitian jaio bazara 1A betetzeko eskatzen dizute, eta egun bikoitian jaioa bazara 1B delakoa.

2024-11-21 | Jenofa Berhokoirigoin

Nazioarteko Zigor Auzitegiak Netanyahu eta Israelgo Defentsa ministro ohi Gallant atxilotzeko agindu du

Gizateriaren aurkako krimenak eta gerra krimenak egotzi dizkie Hagako auzitegiak bi sionistei. Erabakia "antisemitismotzat" jo du Netanyahuk, eta Hamasek, aldiz, "Justiziarako urrats garrantzitsutzat".

2024-11-21 | Iñaki Jauregialtzo Beitia “Jaltzo”

Umandi izena eta izana

Andoni Urrestarazu Landazabal Araiako herrian 1902ko uztailaren 16an jaio zen eta 1993ko azaroaren 21ean hil zen Gasteizen. 31 urte bete dira jadanik eta bere izena eta izana aitortzeko une aproposa dela deritzot, ez baita ongi ezagutzen utzitako ondarea. Umandi, bere herriko... [+]

2024-11-21 | Iñaki Idigoras Igartua

Memoriadun euskara

Autobiografia idaztea omen da garapen pertsonalerako tresnarik eraginkorrena, askatzaileena. Iraganeko kontuei tira egin eta gogora ekartzeak, orainaldiko korapiloak askatzen laguntzen omen du. Bai, laguntzen du orainaldia ulertzen eta komeni zaigun etorkizun bat marrazten... [+]

2024-11-21 | Iulen Lizaso Aldalur

Etorkizuneko apustua

Pandemiaren iragarpenetik Valentziako tragediarainoko errepasoa egin eta ondorioztatu dut gezurra eta forupea suhesi gisa dituen kudeaketa instituzional negargarria klase gobernariaren konstantea dela.

Ez dugu gobernari ordezko baliogarririk sistema pendular hau aldatzen ez... [+]

2024-11-21 | Zigor Olabarria Oleaga

Gelditu dute emakume baten eta bere alaba adingabearen etxegabetzea Gasteizen

Polizia etxegabetzea geratu nahi zituzten herritarren aurka oldartu da eta hainbat lagun zauritu ditu. Azkenean, etxegabetzea atzeratu duela jakinarazi du epaitegiak.

2024-11-21 | Asier Iturralde Sarasola | iametza

X-etik irten nahi? Nor dago Mastodonen eta Blueskyren atzean? Nola finantzatzen da bakoitza?

Gaur, azaroak 21, Mastodon.eus komunitateak sei urte bete ditu. Urteurrena ospatzeko Gure aukera, sare libreak kanpaina abiarazi dute, atxikimenduak biltzeko. Izan ere, azken asteetan “eXodoa” ematen ari da: erabiltzaile asko X-tik ihes egiten ari dira, sare... [+]

2024-11-21 | Urko Apaolaza Avila

Iruñeko Erorien Monumentua

Maravillas Lambertoren izena ez erabiltzeko eskatu dute fusilatuen senideek

Nafarroako Fusilatuen Senitartekoen Elkarteak gogor kritikatu du Iruñeko Erorien Monumentuaren inguruan EH Bilduk, Geroa Baik eta PSNek egindako akordioa. "Pedagogia" egiteko toki hobeagoak daudela dio eta interpretazio zentroari Maravillas Lamberto izena... [+]

2024-11-21 | Julene Flamarique

933 nobedade eta 200 ekitaldi Durangoko Azokaren 59. edizioan

Abenduaren 5ean Ikasle Goizarekin hasiko dute azoka. Hurrengo egunean Gazte Eztanda eguna egingo dute, eta gazteei zuzendutako hamaika jarduera egongo da. Egun berean, iazko Sormen Beka irabazi zuen Argizagi. Zubiak adiskidetasunerantz telesailaren aurkezpena egingo du Marramiau... [+]

2024-11-21 | Asier Iturralde Sarasola

Mastodon.eus-en “Gure aukera, sare libreak” kanpainarekin bat egin du ARGIAk

ARGIAko lantaldeak bat egin du Mastodon.eus-ek bere seigarren urtemugan abiatutako Gure aukera, sare libreak atxikimendu kanpainarekin.

2024-11-21 | Sustatu

Sei urte bete ditu gaur Mastodon.eus-ek

Mastodon.eus euskal fedibertsoko instantzia agian nagusiak sei urte bete ditu gaur. Urteurrena ospatzeko "Gure aukera, sare libreak" kanpaina abiarazi dute, atxikimenduak biltzeko. Efemeridea une interesgarri batean dator: Elon Musk-ek, X/Twitterren jabeak,... [+]

2024-11-21 | Urko Apaolaza Avila

Ertzaintzak zaurituriko Realeko zalearen kasua berriz irekitzeko agindu du epaileak

Gipuzkoako Lurralde Auzitegiaren ustez, bideo bateko irudietan ikusten denak "talka" egiten du Ertzaintzaren atestatuarekin, eta Amaia Zabarte foam bala batekin zauritua izan zenaren "ebidentzia erakusten" du, Noticias de Gipuzkoa-k jaso duenez.

2024-11-21 | Jenofa Berhokoirigoin

Arma nuklearrarekin erantzuteko bidea ireki du Putinek, Ukrainak AEBek eta Ingalaterrak emandako misilekin eraso egin eta gero

Arma nuklearrarekin erantzuteko aukera dakarren dekretua izenpetu du Vladimir Putin presidenteak. Hegazkinekin, gurutzaldi misilekin zein droneekin "eraso masibo bat" pairatzeak ondorioztatu dezake arma horren erabilpena.

Eguneraketa berriak daude