Zurekin, publikoari tinko!
Hauteskunde sindikalak egin ziren EAEko irakaskuntza publikoan martxoaren 26an eta STEILASek emaitza historikoak lortu zituen. 5236 bozka jaso zituen Zurekin, publikoari tinko! lelopean eta LAB izan zen bigarren indarra 659 bozka gutxiagorekin. Hala ere, esan beharra dago, delegatu-kopuruari erreparatuz LAB aurretik dagoela.
Izan ere, modu desberdinean banatzen dira delegatuak; irakasleen artean delegatu bat lortzeko adibidez, beharrezkoak dira 102 bozka, erlijioko irakasleen artean 15 eta zerbitzuetako langileen artean berriz, 20. Bada, hau ez da irabazle eta galtzaileen kontua, baina gai horrekin loturiko zalantza ugari sortu dira ikastetxeetan, eta horregatik, garrantzitsua iruditzen zaigu gai hau komunikabideetan azaltzea.
STEILASentzat emaitza historikoak direla diogu, gure sindikatuak irakaskuntza publikoan inoiz sindikatu batek lortu duen babesik zabalena lortu duelako. Azken lau urte hauetan eginiko ibilbideari balekoa eman diote langileek eta aldi berean, bultzada ikaragarria jaso dugu datozen lau urteetarako. Indarberritu egin gara!
40 urte bete berri ditu sindikatuak, baina ez zen hutsetik abiatu, aspalditik baitator hezkuntzari garrantzia eman dion tradizio askatzailea. Hezkuntzak ibilbide luzea egin du; gutxi batzuen pribilegio izatetik unibertsala izatera iritsi da, baina ezin dugu ahaztu borrokarako gunea izaten jarraitzen duela. Horregatik, azken urtetan ere, hamarkada hauetan mantendutako koherentzia eta sindikalgintza-ereduari eutsi diogu: negoziazio kolektiboan gehiengo sindikalaren elkarlana, sistemaren ardatz Eskola Publikoa, justizia soziala, heteropatriarkatuari aurre egitea eta burujabetza.
Horrela, STEILASen, guretzat zutabe izan diren lan-ildo horiek, eguneroko sindikalgintzan gauzatu ditugu: duela lau urte LOMCEren aurkako
Hezkuntzak eduki sozial horien garapenerako duen garrantzia eztabaida ezina da. Horrela, gure sindikatuak garbi dauka euskal-kulturaren eta hizkuntzaren transmisiorako, justizia soziala bermatzeko eta herri gisa aurrera egiteko ezinbestekoa dela sistemaren ardatz Eskola Publikoa izatea. Euskal Eskola Publikoa defendatzen, zabaltzen eta indartzen jarraitzeko konpromiso irmoa berresten du STEILASek Lekeition, Bastidan, Etxarrin, Lesakan, Ordizian eta Hendaian
borrokan ari ginen, eta, besteak beste, beste eragile askorekin batera, LOMCEri aurre egin eta Euskal Herrian gure hezkuntza propioa eraikitzeko gida plazaratu genuen. Aurrerago, ELA eta LABekin batera baina STEILASen ekimenez, unibertsitatez kanpoko irakaskuntzan lan-baldintzak hobetzeko borrokari ekin genion eta ez da lehia antzua izan. Tartean, Hezkuntza Publikoaren alde, eta, segregazioren eta hezkuntzaren pribatizazioaren kontrako ekimen ugari bultzatu ditugu. Bestalde, hainbat argitalpen plazaratu ditugu: unitate didaktikoak azaroaren 25ean, martxoaren 8an eta maiatzaren 17an, genero eta aniztasun sexualerako gida, komunikazio inklusiborako gida, hezkuntza eta hizkuntzak eskola globalizatuan, pedagogia feminista, ebaluazioa aztergai... Ugari izan dira urte hauetan sindikatuak eginiko ekarpen garrantzitsuak eta horren beste adibide bat Hezkuntza Salgai dokumentala izan da; izan ere, herri batek bere hezkuntza-sistema eraikitzeko jorratu beharreko eztabaida asko erdigunean ipini ditu dokumentalak.
Hala ere, datozen lau urteetarako erronka asko ditugu oraindik. Azterketa sakona behar du sindikalgintza ereduak langileen parte-hartzea sustatu eta gure egunerokoan eraginkorragoak izateko. Askatzeko zaila izango den korapilo konplexu batean murgilduta dago Euskal sindikalgintza. Hala ere, 2017ko irailaren 4an, ELAk eta LABek adostutako --Aldebakarreko Burujabetza Prozesu Sozial Baten Alde dokumentua argitaratu zutenean, argi izpi bat ikusi genuen. Orain, berriz, bertan jasotakoa garatzeko eta horretarako konpromiso irmoa hartzeko deia luzatzen diegu sindikatu biei. Bere apaltasunetik behar den bultzada emateko prest dago STEILAS. “Eduki sozial argia daukan aldebakarreko burujabetza prozesua martxan jartzea; jendarte osoari, eta bereziki langile-klaseari, estatus politiko eta instituzional berria defendatu, zein lortzeko aukera emango diona”. Hori zen dokumentu hartan jasotakoa laburbiltzen zuen konpromisoa eta badugu horri heltzeko garaia! Egungo egoeran, nekez egingo baitugu aurrera herri honetan..
Hezkuntzak eduki sozial horien garapenerako duen garrantzia eztabaida ezina da. Horrela, gure sindikatuak garbi dauka euskal-kulturaren eta hizkuntzaren transmisiorako, justizia soziala bermatzeko eta herri gisa aurrera egiteko ezinbestekoa dela sistemaren ardatz Eskola Publikoa izatea. Euskal Eskola Publikoa defendatzen, zabaltzen eta indartzen jarraitzeko konpromiso irmoa berresten du STEILASek Lekeition, Bastidan, Etxarrin, Lesakan, Ordizian eta Hendaian. Euskal Herriko Eskubide Sozialen Kartako programan sinatutakori eusten diogu gehiengo sindikala osatzen dugunok; hots, 0-3 adin tartean, baita gainontzeko hezkuntza etapetan ere (unibertsitatea barne), eskatzen diren plaza guztiak sare publikoan estaltzea, doan.
Ekintza sindikalari eta justizia sozialaren aldeko borrokari dagokienez, hezkuntzako langileen lan-baldintzak hobetu eta pribatizazio dinamikak eteteko bidean, beharrezkoa ikusten dugu konfrontazio eremuak mantendu eta zabaltzea. Bai EAEko eta bai Nafarroako gobernuen hezkuntza-politikek alarma gorri guztiak piztuta izatera behartzen gaituzte!
Amaitzeko, Nafarroan ere irakaskuntza publikoko hauteskundeak badatoz eta mugarri garrantzitsua daukagu maiatzaren 22an. Hego Euskal Herriko irakaskuntza publikoan babes zabalena duen sindikatua izaten jarraitzea espero dugu. Ahotsa eta bozka langileek daukate. Guk, bitartean, lanean jarraituko dugu ikastetxez ikastetxe, langileen zerbitzura beharrean jarraituko dugu, lanean beti aldaketa sozialerako Euskal Herriko proiektua garatzen! Rikardo Arregi steilaskideak, behin esan bezala, STEILAS bezalako sindikatu batean lan egitea, munduko gauzarik poetikoena baita.
Ana Pérez Pérez
Nagore Iturrioz López
Aitor Idigoras Lasaga
(STEILASeko kideak)
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Ez da lehenengo aldia, aditua izan ei naiz kontraesanetan. Oreka, baietzaren eta ezetzaren arteko muga non marraz daitekeen bilatzen. Analisi topografikoa, neurriz neurri morala triangelatzen. Tatuaje erraldoia bekokian: Bai, baina… Erabaki batera iristeko, inoiz nire... [+]
Beharbada ez duzu jakingo nor den Donald Berwick, edo zergaitik aipatzen dudan artikuluaren izenburuan. Gauza bera gertatzen zaie, agerikoa da, abian den Osasun Itunean parte hartzen ari diren gehienei. Ez dakite zer den Berwicken Helburu Hirukoitza, are gutxiago eredu hau... [+]
Aurreko egunetan Larraitz Ugarte abokatuak idatzitako La motosierra puede ser tentadora artikuluak zeresan handia eman du sektore zabal batean. Administrazio publikoaren barruan ohikoak diren egoera batzuk mahai gainean jartzen ditu, tartean efizientzia falta, ardura eta kontrol... [+]
Garrantzitsua al da hizkuntza bat zuzen erabiltzea? Zer puntutaraino da hain beharrezkoa gramatika menderatzea edo hiztegi zabal bat edukitzea? Betidanik entzun izan ohi dut hizkuntzaren garrantzia, baina pentsatzen jarri ostean, ondorio batera iritsi naiz. Pentsatzeak askotan... [+]
Aspaldian bisitatzen ez nuen eta hainbertze gustatzen zitzaidan leku batera joan nintzen aurrekoan. Bertan nengoela, gustura sentitu nintzen eta zera pentsatu nuen: hau da nire leku kuttuna. Kuttuna, kuttuna, kuttuna; hitza jira eta biraka etxerako bidean. Kuriositateak jota... [+]
Nerabeek eta gazteek, ibilbide akademikoan zehar, behin baino gehiagotan jasoko dute lagungarria izango zaien ikasketetarako edo-eta lanbiderako orientabidea. Gidaritza eskaini behar zaie, zalantzez beterik egon ohi baitira erabaki garrantzitsuak hartu behar dituzten bakoitzean,... [+]
Jada bizpahiru aste izango dira irakurri nuenetik, Maialen Akizuren zutabe batean. Aner Peritzek telebistan esandakoak zekartzan: “Bertsolaritza da gizon zis heteroekin ez harremantzera eraman nauena, bertsolaritza delako disidente egin nauena, eta, era berean,... [+]
Beldur hori bada. Badirudi Donald Trump etorri dela Washingtoneko bulego borobila luzerako okupatzera. Bigarren mandatua du, baina bere hurbileko aholkulariei, ez dela txantxetan ari berretsiz gainera, Konstituzioan zenbaki bakan batzuk aldatzeko bere xede zurruna aipatzen die,... [+]
Ansorena´tar Joseba Eneko.
Edonori orto zer den galdetuz gero, goizaldea erantzungo, D´Artagnanen mosketero laguna edo ipurtzuloa, agian. Baina orto- aurrizkiak zuzen adierazten du eta maiz erabiltzen dugu: ortodoxia, ortopedia, ortodontzia... Orduan (datorrena... [+]
“Erresilientzia poltsa”, “biziraupen eskuliburua”, “ebakuazio bizkar-zakua”: hara nolakoak entzun daitezkeen agintarien ahotan azken asteetan.
Iragan hilabeteko adierazpenen artean, Europako Batasunak herritarrei eskatu die... [+]
Ez da Aberri Eguna, Aberri Aukera da euskaldunok behar duguna. Urtean behin errepikatzen dira balizko alderdi zein talde abertzaleen deialdiak, data hauetan, Euskaldunon aberria Euskadi/Euskal Herria da aldarriaren inguruan. Egun bateko kontua izaten da, hala ere. Eta ez batera... [+]
Joan den astean topaketa polit bat izan dut, aspaldi ikusten ez nuen emakume talde batekin, eta egitearen inguruan aritu gara berbetan, teknologia eta sorkuntza espazioei lotuta.
Emakume hauetako nagusiena, jubilatzeko mugan dagoena, programatzailea da eta kodea programatzen... [+]
Hainbatetan esan izan didate arkitektoen lanaren gauzarik indartsuena dela ekoizten duguna betikotu egiten dela. Eraikinaren betikotasunak gizakiaren presentzia tenporala gainditzen duela eta geroko etorkizunean iraunkor egingo gaituela. Eta liburu batekin gertatzen ez den... [+]
Desengainu handia hartu dute euskal feminista askok jakin dutenean Chimamanda Ngozi Adichie idazleak haurdunaldia esternalizatu duela, alegia, surrogate batek ernaldu duela bere haurra, diru truke. Guztiok izan beharko genuke feminista saiakeraren egilea da Adichie, besteak... [+]