Zure bizitzako proiektuak permakulturan oinarritu nahi?
2011n jaio zen Kiribilore Permakultura proiektua, Euskal Herri mailan permakultura ezagutzera emateko eta landa nahiz hiri inguruetan bere erabilerak aplikatzeko helburuarekin. Proiektu berriei haien laguntza eskaintzen diete permakulturako irizpideen arabera eraiki ditzaten.
“Nekazaritzaren arloan, hezkuntzarenean nahiz arlo sozialean interesa genuen hainbat lagun elkartu ginen, eta denborarekin proiektu hau forma hartzen joan zen”, azaldu du Pedro Ferrero Diez Kiribiloreko arduradunak.
Permakultura, metodologia gisa
“Permakulturaz hitz egiten dugunean, bizi filosofia batez baino, diseinuez eta habitat jasangarriez ari gara gehiago hizketan. Jendeari proiektu eta bizitza jasangarriagoak sortzeko laguntza emateaz”, dio Ferrerok. Eskola bat, ostatu bat, aisialdirako gune bat, baratze bat… espazio horietan guztietan aplika daitezke permakulturan oinarritutako diseinuak Kiribiloreko lagunen arabera, eta horretan ari dira laguntza ematen.
Baina, zeintzuk dira proiektu horiek sortzeko permakulturaren oinarriak? Bada, oinarri etikoak eta jarrerari eta diseinuari dagozkionak banatzen dituzte Kiribiloren: oinarri etikoak lurraren eta pertsonen zaintzari eta baliabideen, denboraren eta diruaren banaketa justuari dagozkionak dira. Jarrerari lotutako oinarriek, berriz, proiektu bat diseinatzen duen pertsonaren begiradari egiten diote erreferentzia: “Begiratzeko modua oso garrantzitsua da, ulertzea proiektu bateko elementu batek sistema horretan funtzio bat baino gehiago bete ditzakeela”. Azkenik, diseinuari lotutako oinarriek, proiektuko elementuen kokapenak hartzen ditu kontuan, energia aurrezteko, adibidez.
Haur eta helduentzat tailerrak
Permakultura ezagutzera eta praktikara eramateko hainbat ekimen antolatzen dituzte Kiribiloretik. Irailean zehar, esaterako, bi tailer emanen dituzte Gasteiz ondoan, elkarteak permakulturaren oinarriei jarraituz martxan jarri zuen etxaldean. Irailaren 26an, eta urriaren 3, 10 eta 17an helduentzako baratzeen leheneratzeari buruzko tailerra antolatu dute: lurraren analisia eta kromatografia, mikroorganismo eta landareak, bio-ongarrien prestaketa eta baratzea leheneratzeko diseinua landuko dute lau saio hauetan.
Haurrekin eginen duten saioan, berriz, permakulturara hurbiltzeko aukera izanen dute tailerreko parte-hartzaileek. Lurraren eta pertsonen zaintzari begira jarriko dira 5 eta 12 urte bitarteko haurrei zuzenduta antolatu duten ekimenean irailaren 18an eta 25ean, eta urriaren 2an eta 9an.
Ikastaro hauetan interesa duenak, harremanetan jar daiteke telefono zenbaki honetara deituta: 635 74 33 22.
Gipuzkoako hamaika txokotatik gerturatutako hamarka lagun elkartu ziren otsailaren 23an Amillubiko lehen auzo(p)lanera. Biolur elkarteak bultzatutako proiektu kolektiboa da Amillubi, agroekologian sakontzeko eta Gipuzkoako etorkizuneko elikadura erronkei heltzeko asmoz Zestoako... [+]
Emakume bakoitzaren errelatotik abiatuta, lurrari eta elikadurari buruzko jakituria kolektibizatu eta sukaldeko iruditegia irauli nahi ditu Ziminttere proiektuak, mahai baten bueltan, sukaldean bertan eta elikagaiak eskutan darabiltzaten bitartean.
Mauleko Euskalduna ostatuak urteak daramatza Zuberoako etxe ekoizle txikien produktuekin lanean, eta hiriburuko ostatu parean eraikin bat erosi zutenean proposamena egin zien laborari horiei berei: zergatik ez ireki hurbileko ekoizleen saltokia bertan? “Motibatuta zegoen... [+]
Pandemiaren ondorengo testuinguruan, elikadura –ustez oinarrizko eskubide den hori– lantzeko mugitzen hasi zen talde bat Gasteizen. “Militantzia esparruan beste gaiak jorratzen ari ziren ordurako, etxebizitzarena kasu, baina elikadura ardatz hartuta ez zegoen... [+]
Errezilera bizitzera joan eta sagarrondoak landatu zituen Satxa Zeberiok, Bio-K proiektuaren bultzatzaileak, duela zenbait urte. “Iritsi zen sagarrekin zerbait egiteko momentua, eta sagar zukua eta sagardoa ekoizteari ekin genion orduan”, azaldu du. 2015ean sortu... [+]
Urteak daramatza Ipar Euskal Herriko Biharko Lurraren Elkarteak (BLE) bioaniztasun landatuaren inguruan lanean. “Hainbat proiekdu ditugu abian, eta horietako bat baratzeko hazien ingurukoa da”, azaldu du Nico Mendiboure Hazi Sareko kideak. Duela lau bat urte hasi... [+]
Nekazaritzan trebatzeko eta proiektu propioak abiatu aurretik ekoizpenean eta merkaturatzean norbere burua probatzeko, abian dira gurean nekazaritzako hainbat test gune. Araban, 2023an abiatu zuten Aleko nekazaritzako test gunea, baina, antzeko egitasmo gehienekin alderatuta,... [+]
Itsason (Gipuzkoa) elkarren ondoan dauden bi baserri dira Urteaga eta Urkulegi, duela zenbait urte elkartu eta proiektu bateratua martxan jarri zutenak. “Bi baserriak elkartu eta ekoizpen proiektua abiatu genuen, eta 2011tik dedikazio osoarekin ari naiz honetan”,... [+]
Urteak daramatza martxan Ipar Euskal Herrian Trebatu elkarteak, laborantzan proiektua abiatu nahi duten pertsonek aurrez trebatzeko aukera izan dezaten. Ipar Euskal Herriko proiektua eredutzat hartuta eta ideia berari tiraka, Gipuzkoan ere izen bereko elkartea sortu dute aurten... [+]
Gero eta nekazaritzako test gune gehiago ditugu inguruan, hau da, nork bere proiektua martxan jarri aurretik nekazaritzan eta abeltzaintzan trebatzeko guneak. Nafarroako Zunbeltz espazioa eta Gipuzkoako eta Ipar Euskal Herriko Trebatu dira horietako zenbait adibide, gurean... [+]
Herritarrak elkarren artean saretzea eta bizitza sozialerako espazioak bultzatzea da Xiberoko Kolektiboa elkartearen lan ildoetako bat. Bide horretan, baratze kolektiboa sortzeko aukera suertatu zitzaien 2020an Maulen, eta zalantzarik gabe, proiektuari ekitea erabaki zuten... [+]
Arrasateko Beroña auzoan dago kokatuta Xabi Abasolo Etxabek eta Naiara Uriarte Remediosek bultzatutako Errastiko Ogia proiektua. Bakoitza bere bidetik iritsi ziren okintzaren mundura, baina eredu ekologikoan eta ama orearekin ekoizteko oso ongi uztartu dituzte bi gazteen... [+]
Nafarroako beste zenbait herritan bezala, duela lauzpabost urte hasi ziren Basaburuan gaztainondoen inguruko lanketarekin. “Bertako gaztain barietateei lotutako ikerketa abiatu zuen Nafarroako Gobernuak, eta orduan hasi zen hemengo herrietan ere gaztainaren historia... [+]
Euskal literaturaren eta kulturaren topaleku garrantzitsuenetakoa da abenduaren 5etik 8ra egingo den Durangoko Azoka, eta 59. edizio honetan ere, Bizi Baratzeak bere postua izanen du, ARGIAkoaren ondoan.
Garbiñe Larreak Kosmetikoak sendabelarrekin liburua argitaratu berri du ARGIArekin. "Egin ezazu zuk zeuk" filosofia kosmetikoen mundura ekarrita, egunerokoan behar diren produktuak egiteko liburu teoriko-praktikoa da. Eskuragarri dago azoka.argia.eus webgunean.