Zupiria, zauritutako Realeko zalearen kasuaz: “Ezin da baieztatu foam jaurtigaia izan zenik”
Eusko Jaurlaritzako Segurtasun sailburuak orain arteko bertsioari eutsi dio. Bestalde, esan du Amaya Zabartek, martxoan PSGren kontrako futbol partiduan Anoetan larri zauritutako Realeko zaleak, ez zuela bere deklarazioan aipatu ertzain batek ostikoa jo zionik.
PSG eta Realaren arteko Txapeldunen Ligako futbol partiduan larri zauritu zen Realeko zalearen kasuaz galdegin dio Sumarrek Bingen Zupiria Eusko Jaurlaritzako Segurtasun sailburuari.
Zupiriak azaldu du martxoaren 5ean Donostian jokaturiko partidu hartan "ordena publikoaren kontrako hainbat istilu" hasi zirela eta Ertzaintzak esku hartu behar izan zuela. Bere esanetan, Realeko zalea "testuinguru horretan nahastuta suertatu zen, nahi gabe, berak probokatu ez zituen gertakarietan".
Lehendik bere aurreko sailburu Josu Erkorekak emandako bertsioari eutsi dio Zupiriak, eta "zantzu berriak agertu ezean", esan du ezin dela "baieztatu herritarrak jasandako lesioak Foam motako jaurtigai bat jaurtitzearen ondoriozkoak direnik".
Familiak salatu du buruan kolpe gogor bat jaso ondoren lurrera erori zela eta hori foam jaurtigai batek baino ezin ziola sortu. Zalea larri ingresatu zuten ZIUn, barne odol isuri batekin
Amaya Zabarte Anoetako Reale Arena estadioaren kanpoaldean zegoen egun hartan, mugikorraren estaldura bila, Ertzaintzak erasoaldia jo zuenean. Familiak salatu du buruan kolpe gogor bat jaso ondoren lurrera erori zela eta hori foam jaurtigai batek baino ezin ziola sortu. Ondoezik sentitu eta gero, zalea larri ingresatu zuten ZIUn, barne odol isuri batekin.
Ekainean Noticias de Gipuzkoa-k zabaldutako bideo batek bat egiten du familiak emandako bertsioarekin. Are gehiago, ikus liteke ertzainetako batek itxuraz ostikoa jotzen diola lurrean bazter batean dagoen zaleari. Bideo hori Ertzaintzak erabili du bere barne ikerketa egiteko.
Horren inguruan ere galdetu dio Sumarrek Zupiriari, eta sailburuak esan du bideoa atestatuaren parte dela eta epaitegiaren esku dagoela jadanik; baina, "datu garrantzitsu gisa" nabarmendu du zaleak bere deklarazioan ez zuela "gai hau aipatu" eta epaile instruktoreak ere ez zuela "inolako erasorik antzeman".
Segurtasun sailak ez du agenteen erantzukizun penal edo diziplinarioen berririk eman, Ertzaintzak barne ikerketa duela ia sei hilabete hasi zuen arren, eta talde parlamentarioari bidalitako erantzunak aditzera ematen duenez, ez dirudi halakorik egingo duenik, eraso "hipotetiko" bat gertatu zela erakusten duten "zantzu edo froga berririk" agertzen ez den bitartean.
Zupiriak, bestalde, esan du "bihotzez" sentitzen duela zaleak jasandako sufrimendua, baina "gertatutakoa argitzen lagundu ez duten argitaratutako informazio nahasgarriak" deitoratu ditu segidan.
Hiru funtzionariok jipoitu zuten Robert Brooks, eskuak bizkarrera lotuta zituela. Hurrengo egunean hil zen, eta autopsiak dio asfixia izan zela heriotzaren kausa.
Donostian 2024ko martxoan jokatutako futbol partiduaren aurretik Ertzaintzak egindako kargetan, Amaya Zabarte zaleaz gain bigarren pertsona bat zauritu zuten, ustez foam pilota batekin begian jota. Orain, kasu hori ere ikertzeko agindu du Gipuzkoako Lurralde Auzitegiak.
Realaren eta PSGren arteko futbol partidu batean larri zauritu zuten zalearen kasuan, epaileak onartu du familiaren abokatuek egun hartako bideo irudi guztietara sarbidea izatea. Oldarraldian parte hartu zuten ertzain taldeetako arduradunak identifikatzeko ikerketa ere eskatu du.
Larunbat arratsaldean istiluak izan ziren gaztetxe berriaren atarian, Ertzaintza gogor oldartu zen gaztetxeari babesa ematera joandakoen aurka. Hori dela eta, ehunka lagun bildu dira igande honetan foam jaurtigailu bidezko kargak salatzeko eta udalaren jarrera seinalatzeko... [+]
Jokin Aperribay Real Sociedadeko presidenteak azaldu du gertaturikoa “argitzeko” eskatu diola Polizia autonomikoari. Zauritutako Amaia Zabarteren familiak klubari egotzi dio publikoki ez gaitzestea erasoa.
2018ko maiatzean Getxoko Ertzaintzaren komisarian jipoitu zuten Silvia emakume migratu eta arrazializatua, bidegabeki atxilotu ostean. Epaiketan zigor arinak ezarri zizkioten ertzain bati, baina emakumea ere zigortu zuten desobedientzia leporatuta. Silviak Espainiako Epaitegi... [+]
Gipuzkoako Lurralde Auzitegiaren ustez, bideo bateko irudietan ikusten denak "talka" egiten du Ertzaintzaren atestatuarekin, eta Amaia Zabarte foam bala batekin zauritua izan zenaren "ebidentzia erakusten" du, Noticias de Gipuzkoa-k jaso duenez.
Gutxienez hamabi poliziak inguratu zuten gaztea. Erail zuen agenteak esan du gainera joan zitzaiola agerraldia izan zuen gaztea, baina bertsio hori gezurtatu du lekuko batek. 2020an izan zen hilketa, eta orain ari dira epaiketa egiten.
Alde Zaharreko Gazte Asanbladak (AZGA) salatu du Donostiako Udaltzaingoak auzoko hainbat gazteren aurka astelehen gauean egindakoa: “Auzoko hainbat gazte futbolean jokatzen ari ziren Trinitate enparantzan, Udaltzaingoa hurbildu eta mehatxuka guztiak identifikatzeko agindua... [+]
1991n zauritu zuen larri ke pote batekin Espainiako Poliziak Iruñean eta 31 urte ondoren lortu du instituzio publiko baten aitortza biktima gisa. Espainiako Gobernuak ere kalte-ordaina ordaindu behar izan zion, baina ez da kasuagatik poliziarik zigortu.
Duela bi urte, Marokotik Melillara igaro nahian ari ziren ehunka pertsonari eraso egin zieten polizia-indarrek, eta gutxienez 70 lagun erail zituzten, nahiz eta kopuru zehatza ez dagoen argi. Gertakarien inguruko ikerketa amaitutzat jo dute Marokon, iritzita ez dagoela... [+]
2021ean Pablo Hasel rap musikariaren atxiloketaren aurka Bartzelonan egon zen manifestazioetako batean parte hartu zuen neskak eta begia galdu zuen mossoek jaurtitako foam bala baten ondorioz. Epailearen ustez, neskak “ondorioak bereganatu beharko lituzke”, istiluak... [+]
Gizonezkoa kolpatu zuen ertzain agentea kargutik kendu dute kautelazko neurriekin, eta gertakariak ikertzen ari da Ertzaintzaren Barne Arazoetarako Unitatea. Une hartan han ziren polizia agenteen jarrera ere aztertzen ari dira.