Zumarragan erraustegi bat jartzeko asmoa salatu dute
Plastic Energy enpresak Zumarragan hondakin plastikoen birziklatze kimikorako instalazioa jartzeko asmoa "kezka handiz" ikusten du Urretxu-Zumarraga Bizi! plataformak. Azpimarratu du pirolisiak osasunarentzat kaltegarriak diren kutsatzaile kimikoak askatzen dituela, eta "arduragabekeria" dela etxeetatik eta hirigunetik metro gutxira jartzea. Maiatzaren 3an 19:00etan, Zumarragako kultur etxean egingo duten informazio bilerara joateko gonbita zabaldu du.
Urretxu-Zumarraga Bizi! plataformak herrian ezarri nahi duten "plastiko erraustegia" salatu du eta, instalazio horrek "balorizazio kimikoko sistema" baten bidez hondakin plastikoak erreta beste sustantzia batzuk bihurtzen dituela argitu du.
Plastic Energy enpresak urtean 30.000 tona plastiko baino gehiago pirolizatu nahi ditu. EAEko biztanleek 62.000 tona material plastiko inguru bereizten dituzte edukiontzi horira, EUSTATen arabera; beraz, "EAEko plastikoaren zabortegi bihurtu" nahi dutela salatu du.
Adierazi dutenez, enpresak pirolisia izeneko teknologia erabiltzen du Europako zuzentarauek eta Espainiako Gobernuaren dekretuek (815/2013 Errege Dekretua, urriaren 18koa) errausketa prozesutzat hartzen duena, ez birziklatze-prozesutzat. Hortaz, Arcelorren egin nahi dutenari errausketa ez den beste modu batera deitzea, "herritarrak engainatzen saiatzea" dela salatu dute.
Pirolisia "oso arriskutsua" dela salatu du plataformak
UZ Bizi!-k azaldu du zientziak "argi utzi" duela zeintzuk diren pirolisiaren ondorioak: kutsatzaile kimikoak, kontrolaezinak eta osasunarentzat kaltegarriak, ingurumenera askatzea. Adierazi dute gasak erretzeko eta hozteko prozesuetan, substantzia kimiko ugari sortzen direla kontrolik gabe, eta horietako batzuk osasunean eta ingurumenean izan ditzaketen eraginak ez daudela behar bezala aztertuta oraindik.
Plataformak baieztatu du Plastic Energi enpresak Andaluzian dituen proiektuen datuak lortu ditu eta instalazioak dioxina eta furanoak bezalako "substantzia kutsatzaileak" isurtzen dituela: "Frogatuta dago substantzia hauek izaki bizidunengan eragiten duten kaltea: larruazalean, hormonetan, sistema hepatikoan, ugalketa sisteman... minbizia sortzeraino. Bereziki arriskutsuak dira fetuaren eta haurren garapenean".
Instalazioa eremu populatuan jartzea "arduragabekeria galanta" dela esan dute
Gainera, kezka adierazi dute plataformako kideek instalazioa Arcelorreko lurren inguruko eremu populatuan kokatu nahi dutelako: "Antonio Oraa, Aparicio, Artiz, Argixao edo Ipar Haizea auzoetako bizilagunei plastikoa erretzen duen eta osasunerako kaltegarria den erraustegi bat jarri nahi diete metro gutxira".
Beraz, uste dute balorazio kimikoko faktoria bat biztanle kontzentrazio handiko lekuetatik hurbil jartzea "arduragabekeria galanta" dela osasun publikoaren ikuspegitik: "Zumarragako Udalak ingurumen baldintzarik onenak zaindu behar lituzke, eta Zumarragako eta Urretxuko biztanleen osasunarentzat eta ingurumenarentzat hain sentibera den erabakia ezin da alde bakarretik hartu".
Informazio bilera maiatzaren 3an
Maiatzaren 3an, asteazkena, 19:00etan, Zumarragako kultur etxean egingo duten informazio bilerara joateko gonbita zabaldu du UZ Bizi! plataformak, herritarrak informatu eta hemendik aurrerakoak adosteko: "Egoeraren larritasuna kontuan izanda, mugitu beharra daukagu, proiektuari buruzko informazio zehatza eskatzeko, erabakian herritarrek parte har dezaten eta, arreta printzipioaren arabera, gure osasunean eta ingurumenean izan ditzakeen ondorioak argitu arte, proiektua geldiarazteko.
Donostiako Udalak iragan osteguneko udalbatzarrean iragarri zuen moduan, zaborren tasa % 26,5 igoko du, 2025eko urtarriletik aurrera, Hondakinen 7/2022 Legeak horretara behartzen duela argudiatuta. Eguzkik, ordea, salatu du legea kostuei begira aplikatzen duela soilik, eta... [+]
Nafarroako Ecofert Sansoain enpresa itxita dago 20.000 tona hondakin toxiko legez kanpo jasotzeagatik Zubietako (Gipuzkoa) erraustegitik eta Tuterako (Nafarroa) Oleofat enpresatik.
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.
Bi urtean 5.000 tona lixibiatu baino gehiago prozesatu ditu Ecofert Sansoain enpresak
Zumarragan badugu eraikin-multzo bat herriguneak besteko zabalera duena ia, Arcelor Mittal-en fabrika zaharra, industriak gurean izan duen garrantzia geroz eta urriagoaren erakusgarri. Hura itxi eta gutxira, 2021eko urrian, Eusko Jaurlaritzako Ekonomiaren Garapen,... [+]
Errauste plantaren transformadorea matxuratu ondoren, Zubietan hondakinak energiarik sortu gabe erretzen ari direla salatu du GuraSOS elkarteak. Ezker Anitza-IUren aburuz, horrek erakusten du Gipuzkoako Ingurumen Gunea “bluf” bat dela eta Europako Parlamentura... [+]
4.500 herritarrek eta Bergarako Udalak jarritako helegiteei muzin egitea egotzi dio Larramendiko Arnasa plataformak Eusko Jaurlaritzari eta manifestazioa antolatu du erraustegi proiektuaren aurka hilaren 19an, igandearekin.
Errausketaren Aurkako Mugimenduak eragile anitzen babesarekin antolatuta, martxa girotu batek Lasarte-Oria eta Zubietako erraustegia lotu ditu larunbat honetan.
Astearte honetan jakinarazi du albistea Bergarako Udalak, baina dioenez Jaurlaritzaren ebazpenak ez die erantzuten baimenik ez emateko udalaren argudioei eta helegitea jarriko dio Ingurumen Iraunkortasuneko Sailburuordetzaren ebazpenari.
Udalaren eta Behemendi elkartearen arteko elkarlanaren fruitu da ekimena. Herrian sortutako hondakin organikoaren zati bat Lartzandieta baserrian konpostatzen hasi dira.
Valogreene Paper BC SM enpresari emandako hirigintza-bateragarritasunari buruzko txostena baliogabetu du Bergarako Udalak, aipatutako txostena egiteko adierazitako jarduera ez datorrelako bat ez ingurumen-baimen integratua lortzeko proiektuan jaso den jarduerarekin, ezta... [+]
Eguzki Talde Ekologistak Donostiako gaikako hondakinen 2020ko San Marko Mankomunitateko datuak aztertu ditu. Azkenaldian, herritarrak kontzientziatzeko birziklapenaren aldeko kanpainak ugaltzen ari direla dio taldeak, baina “itxurakeria” eta... [+]
Zabortegien edukiera bikoiztu egin beharko da EAEn 2030 urtera arteko epean, Eusko Jaurlaritzak aitortu duenez. Horri aurre egiteko hainbat proiektu daude mahai gainean, egungo zabortegiak handitu eta berriak irekitzeko, hala jaso du Berria egunkariak.