Zumaiako Balenciaga ontziolako langileek mobilizazioei ekingo diete, lanpostuen defentsan
Enpresa jo dute egoeraren erantzuletzat, baita erakunde publikoak ere. Langile batzuek bost hilabete baino gehiago daramatzate kobratu gabe, eta ostiral honetan egingo dute manifestazio bat, ontziolatik abiatuta: ez dezatela itxi aldarrikatzeko.
Hartzekodunen konkurtsora eramango dute Zumaiako (Gipuzkoa) Balenciaga ontziola, enpresako zuzendaritzak aurreko astean jakinarazi zuenez. Atzo goizean, hala, agerraldi bat egin zuten langileek, euren egoera salatzeko eta lantegia itxi ez dezatela exijitzeko. "Nazkatu gara," esan dute.
Egoeraren erantzule modura seinalatu dituzte bai enpresako zuzendaritza bai esku hartu duten erakunde publikoak: "Zuzendaritza, Eusko Jaurlaritza eta Espainiako Gobernuko Ekonomia Ministerioa errusiar erruletan jokatzen ari dira gure etorkizunarekin". Izan ere, "egoera hau kudeatzen ari direnek itxitzat jo dute enpresa, horrekin gure etorkizuna eta Urola Kosta eskualdearen zati handi batena hiltzat emanez", beharginen esanetan. Duela bi urte 200 behargin zituen konpainiak, zuzenean bere plantillakoak zirenak eta kontratetakoak kontuan hartuta.
Cofides eta Jaurlaritza, erantzule
Langileek ohartarazi dute "bideragarria" dela Zumaiako ontziola: "Badago etorkizunerako lan-karga. Finantziazioa lortzeko babesa baino ez da behar". Uste dute, ordea, enpresak aurkeztutako berregituraketa-plana "boikotatzen" ari dela Cofides. Espainiako Ekonomia Ministerioaren menpeko sozietate publiko-pribatu bat da, eta Balenciagan "hartzekodunen konkurtsoa eskatu izanaren erantzule nagusia", beharginen esanetan.
Jaurlaritzari dagokionez, "enpresari babes osoa helarazten diola" adierazi duen bitartean, bideragarritasun-plana inpugnatu du. "Ez dakigu zertan ari den", gaitzetsi dute langileek.
Bost hilabete kobratu gabe
Balenciagako langileek, hala ere, enpresako zuzendaritza azpimarratu dute erantzule nagusi modura: "Azken urteetan eraiki ditugun itsasontzien kudeaketa negargarriak ekarri gaitu hartzekodunen konkurtsora". Salatu dute, gainera, negoziazioetan ez dituela aintzat hartu enpresak: "Albo batera utzita izan gaitu".
Hainbat beharginek, une honetan, bost hilabete edo gehiago daramatzate euren soldata kobratu gabe: "Egunero ari gara sufritzen, hipotekak eta seme-alaben ikastetxeak ordaindu beharrarekin jarraitzen baitugu [...]. Hemen gertatzen ari denaren ondorio nagusiak pairatzen ari garenak gu gara".
Mobilizazioak, ostiral honetan hasita
Egoera ikusita, mobilizatzeari ekingo diote langileek. Ostiral honetan, hilaren 29an, Zumaian bertan egingo dute manifestazio bat: 18:00etan abiatuko da ontziolatik bertatik, Balenciaga ez itxi lelopean. Protesta gehiago egingo dituztela ere aurreratu dute, abenduaren 4an esaterako, Gasteizen (Araba). Jaurlaritza seinalatuko dute orduan.
"Euskalduna ez den pertsona bat –Nagore de los Rios– hautatu du EITBko zuzendaritza nagusiak Eitb.eus eta Social Media atalerako zuzendari posturako, eta, ondorioz, euskaraz ez dakien pertsona bat izendatu dute helburuen artean euskararen... [+]
Aurrekontuak eta urteko kontuen itxiera, ez da besterik urteko garaiotan; etxeko ekonomiatik hasita, partekatzen ditugun espazio sozioekonomiko gehienetara. Enpresa handiak hasi dira kalkulagailuak ateratzen eta 2025ari begira asmo handiak martxan jartzen. Erakunde eta eragile... [+]
Teslaren aurkako lehen greba –eta bakarra– da munduan, Suedian 2023ko urritik aurrera egiten ari direna. Duela mende batetik hona Suedian egindako grebarik luzeena bihurtu da. IF Metall sindikatua bultzatu du protesta, Elon Musken autogintza enpresak hitzarmen... [+]
Joan den abenduaren 5ean, PPk lege proposamen bat aurkeztu zuen Nafarroako Parlamentuan, Nafarroako toki entitateetako Idazkaritza eta Kontu-hartzailetza lanpostuetan funtzionarizazioa lortzeko prozesuak bereizteko. Hori gertatuko balitz, 30 pertsona inguruk merezitako... [+]
B&B Trends lantegiaren jabeak iragarri du hartzekodunen konkurtsoan jarri duela lantegia, "ondare desegonkortasuna" argudiatuta.
Alemaniatik etorritako goi kargu batek eman die 655 langileei enpresaren itxieraren berria, ohar bat "hoztasunez" irakurrita, eta langileei “lehiakortasun falta” egotzi die. Langileek presazko bilera eskatu diote BSHko operazio arduradun Pepe Justeri, eta... [+]
Zerk motibatuta bultzatzen da bi ikastetxeren arteko fusioa? Nola uztartu norbere eskola-proiektua, eredua eta ibilbidea ondokoarekin? Zein da bidea bi eskoletako hezkuntza komunitateak ados jartzeko? Zein da Eusko Jaurlaritzaren rola?
660 langile ditu ontzi-garbigailuak eta hozkailuak ekoizten dituen lantokiak. Astelehen goizean ezagutu dute Alemaniako zuzendaritzaren asmoa. Enpresa batzordeak langile asanbladara dei egin du.
Armagintzari loturiko Hego Euskal Herriko “enpresa, zentro edo erakundeak” hirukoiztu egin dira azken hamabost urteetan, Gasteizkoak talde antimilitaristak hurrenez hurren 2008an eta 2024an egindako ikerketen datuek azaleratu dutenez. Aurkeztu berri duten... [+]
ELB sindikatuak ardien mihi urdinaren eritasuna pairatu dutenendako elkartasunera deitzen du. Abendu hastapenean,departamenduko 650 ardi etxalde hunkiak izan dira. Kasu zenbaitetan, hamarka ardi galdu dituzte hazleek, bereziki marroak. Etxalde batzuek erraterako marroen %80... [+]
Grebak 27 egun iraungo ditu, urtarrilaren 6 arte. Gutxieneko soldata kobratzeko “365 egunez eta 24 orduz” lan-baldintza “jasanezinetan” lan egiten dutela salatu dute, eta lanaldiaren benetako zenbaketa egin dezan exijitu.
Osasun Legea aldatzea beharrezkoa dela adierazi du Nafarroako Osasun kontseilariak, hala nola Osasunbidea enpresa-erakunde publiko bihurtzea, bestela “luze gabe sistemak porrot” egingo duela argudiatuta. Sindikatuak ez daude formula horrekin ados.
Gaurko egunez, duela 50 urte, Euskal Herriko langile mugimenduak bere historiako kapitulu garrantzitsua idatzi zuen. Hegoaldean 200.000 langilek greba orokorra egin zuten erregimen frankistaren aurka. Mobilizazio hark argi utzi zuen Euskal Herriko mugimendu antifrankista... [+]