Zubietako erraustegia ezin da balorizazio-planta gisa sailkatu, Ekopolen arabera
Ekopol ikerketa taldeak eta GuraSOSek elkarlanean egindako ikerketa baten arabera, Zubietako erraustegiak ez ditu ingurumen baimena izateko baldintzak betetzen. Bere arduradunek ez dute aurkeztu energia-efizientzia egiaztatzeko kanpoko txostena, ondorioz, ez dago sailkatua balorizazio energetikoko instalazio gisa. Erraustegiak, bestalde, bi aste geldirik daramala salatu dute.
Ikerketa egiteko administrazioaren "dokumentu guztiak" eskuratu eta aztertu dituzte Ekopolek eta GuraSOS elkartearen talde juridikoak. "Ziurtatzeko moduan gaude Zubietako erraustegiko kudeatzaileek ez dutela zenbait dokumentu aurkeztu", azaldu dute.
Gorka Bueno EHUko irakasle eta Ekopoleko kideak sinaturiko txostenean eman dituzte argitara ikerketaren emaitzak. Azaldu dutenez, Zubietako erraustegiaren energia-efizientzia egiaztatzeko kanpoko txostenik ez dago, eta ondorioz, Eusko Jaurlaritzako Ingurumen sailak ez du modurik kalkulu hori egiteko. Balio hori gabe, gainera, ezin izan da hondakinen balorazio energetikoko instalazio gisa sailkatu.
2016ko txosten bat erantzun gisa
Ikerketa taldeak 2022ko apirilean eskatu zion lehen aldiz informazio publiko hori Eusko Jaurlaritzari. Ingurumen Zaintzarako Planaren urteko txostenak Zubietako planta R1 kodearekin identifikatzen du –hondakinen balorizazio energetikoa egiten duen planta gisa–, baina txostenak ez du horretarako "inolako justifikaziorik" eskaintzen, ezta arestian aipaturiko energia-efizientziaren baliorik ematen ere.
Hori horrela informazio gehiago eskatu zioten Jaurlaritzari. Baina honek, SGS Tecnosek egindako neurketa baten balio hutsa zekarren dokumentu bat eta 2016an egindako energia-efizientzia egiaztatzeko kanpoko txostena baino ez dizkie igorri, hau da, erraustegia eraiki gabe zegoenean idatzitako txosten bat, kalkulu teoriko batzuekin egina. Kasualki, bietan balio bera errepikatzen da gainera (0,82).
Ikerketaren arabera, bistan da Zubietako erraustegiaren kudeatzaile eta arduradunek ez dituztela plantaren efizientzia-energetikoa neurtzeko kanpo-txosten eguneratuak egin, eta bistan da administrazioak ez dituela egiaztatu eta kontrolatu kalkulu horiek.
Ingurumen baimena ere zintzilik
Egoera horrek erraustegiaren ingurumen baimenari ere eragiten dio. Izan ere, Ingurumen Baimen Bateratuaren (IBB) barruan hondakinak tratatzeko operazioen baimena dago, beste batzuen artean, baina baimen hori lortzeko beharrezkoa da egiaztatzea errausketa gutxieneko efizientzia maila batekin egiten dela.
Energia-efizientizaren egiaztapen txosten horren faltak ondorio bat dakar: IBBak bere "indarraldi hori galtzea edo iraungitzea". Beraz, Ikerketa honen arabera, Zubietako erraustegia ingurumen baimena indarrean eduki gabe ari da hondakinak erretzen.
Bi aste geldirik
GuraSOSek, bestalde, salatu du erraustegiak bi aste daramala geldirik, gutxienez apirilaren 17tik, eta zaborra pilatzen ari dela. Elkarteak jakin duenez, elektrizitatea sortu behqar lukeen generadore bat matxuraturik dago.
Orain arte instalazioak izandako akats ugarien errepasoa ere egin du GuraSOSek eta "proiektuaren funtsezko bost elementuetatik, generadorearena zen huts egiteko falta zen bakarra", esan du. Lehendik labe-galdarek edo gasa erauzteko sistemek ere huts egin izan dutela dio: "Beste era batera esanda, ez dago behar bezala funtzionatzen duen instalazio moderno eta seguruaren elementurik. Lardaskeria handia da, iruzur galanta".
GHK-k oharra kaleratu du bere aldetik, GuraSOSek salaketa publiko egin ostean. Azaldu du "matxura txiki bat" gertatu dela elektrizitate barra batean, baina segurtasun sistemek "automatikoki" funtzionatu dutela. Apurtutako pieza berritu zain daude orain.
Legearen arabera, erabiltzen ez diren zabortegi guztiek itxita eta zigilatuta egon beharko lukete 2008tik. Ekologistak Martxan taldea Eusko Legebiltzarrean izan da legea bete dadila eskatzeko: azaroaren 12an Industria, Trantsizio Energetiko eta Jasangarritasunaren batzordean... [+]
Atez atekoa oinarri, Arabako Errioxako Kuadrillan Kripan eta Eltziego herriek Araba osoko daturik onenak dituzte hondakinen gaikako bilketan eta horien birziklapenean, eta Europak ezarritako gutxienekoetara heltzen diren bakarrak dira. Laster, kuadrillako herri gehiagotara... [+]
Adimen artifizialak bost milioi tona hondakin elektroniko sortu ditzake 2030a baino lehen, Nature Computational Science aldizkariak argitaratu duen txosten baten arabera. Ikertzaileek ekonomia zirkularreko estrategia bat ezartzearen beharra nabarmendu dute.
Hondakinak tratatzeko Artaxoako plantara Zubietako erraustegitik milaka tona lixibiatu modu ilegalean eraman izanaz galdetu dio EH Bilduko parlamentari Mikel Oterok, Eusko Jaurlaritzako Industria, Trantsizio Energetiko eta Jasangarritasun sailburu Mikel Jauregiri. Iragan... [+]
Donostiako Udalak iragan osteguneko udalbatzarrean iragarri zuen moduan, zaborren tasa % 26,5 igoko du, 2025eko urtarriletik aurrera, Hondakinen 7/2022 Legeak horretara behartzen duela argudiatuta. Eguzkik, ordea, salatu du legea kostuei begira aplikatzen duela soilik, eta... [+]
Mikel Jauregi sailburuaren esanetan Eusko Jaurlaritzak ez du "inolako arau hausterik atzeman" Ekondakinek Zubietako erraustegitik Artaxoako zabortegira bidalitako lixibiatuetan. Hala, ez du sozietate publikoa zigortuko, Nafarroako Gobernuak eskatu bezala.
Zubietako erraustegitik Artaxoara eramaten zituzten lixibiatuengatik, Ekondakini zigor espedientea irekitzeko eskatu zion ekainean Nafarroako Gobernuak Eusko Jaurlaritzari.
Berrerarabili, zaharberritu, konpondu, eraldatu… Behar duguna baina gehiagorekin bizi garelako agian…
Nafarroako Ecofert Sansoain enpresa itxita dago 20.000 tona hondakin toxiko legez kanpo jasotzeagatik Zubietako (Gipuzkoa) erraustegitik eta Tuterako (Nafarroa) Oleofat enpresatik.
Artaxoako Ecofert enpresara baimendu gabeko hondakinak eramateagatik, Zubietako Ekondakin enpresari zigor-espedientea abian jartzeko eskatu dio Nafarroako Gobernuak Eusko Jaurlaritzako Ingurumen Sailari. Jose Maria Aierdi Nafarroako Ingurumen kontseilariak jakinarazi duenez,... [+]
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
2022an errekor historikoa hautsi zen Espainiako Estatuan, ia 8.700 milioi litro ontziratu baitziren, Geologia eta Meatzaritza Institutuaren estatistikaren arabera. Aurreko urtean baino 580 milioi gehiago dira horiek, eta 2019an ezarritako mugarria baino % 4,8 gehiago.