Zubietako erraustegiaren egoera Europako Parlamentura eramango du Ezker Anitzak
Errauste plantaren transformadorea matxuratu ondoren, Zubietan hondakinak energiarik sortu gabe erretzen ari direla salatu du GuraSOS elkarteak. Ezker Anitza-IUren aburuz, horrek erakusten du Gipuzkoako Ingurumen Gunea “bluf” bat dela eta Europako Parlamentura eramango du gaia.
Pasa den apiriletik Zubietako errauste plantaren transformadorean izandako “behin betiko” matxura baten ondorioz, azpiegiturak ez du araudiak agintzen duen behar besteko energiarik sortzen. GuraSOS elkarteak asteazkenean salatu zuenez, ordezko behin behineko transformadoreak aurreikusitako energiaren laurdena baino ez du sortzen, 24 MW-tik 6MW besterik ez, eta kopuru “testimoniala” da elkarte horren arabera. Erraustegien inguruan energia-efizientziaz zeuden itzalak handitu baino ez ditu egiten datu honek, lehen Zabalgarbin gertatu bezala.
Ezker Anitzak jakinarazi du Europako Parlamentura eramango duela gaia, errauste plantaren “funtzionamenduaren errealitatea zein den jakin dezaten, instalazioak Europako araudiak betetzen dituen ala ez erabaki dezaten, eta horri buruzko neurriak har daitezen”.
Indar politiko horrek gogorarazi du Europako araudiaren arabera erraustegiak energia sortu behar duela eta ez soilik hondakinak erre eta, bere ustez, matxura honek erakusten du Gipuzkoako Ingurumen Gunea deiturikoa “bluf” bat dela, “ingurumen arazoak baino sortzen ez dituena”.
Instalazio horren “funtzionamendu egokiaren” arduraduna Gipuzkoako Foru Aldundia den heinean, GHK-ko zuzendariaren eta Ingurumen diputatuaren dimisioak eskatu zituen uztailean Ezker Anitzak, Hondakinen Legea ez betetzeagatik eta arazo horien aurrean esku ez hartzeagatik.
Ostiralean erraustegiko arduradunak epailearen aurrean
Ostiral honetan erraustegia kudeatzen duen GHK partzuergoko zuzendari nagusi Cesar Gimenok eta Ekondakin eta Ekobaleko arduradunek Zigor arloko Donostiako 5. Instrukzio epaitegian deklaratuko dute inputatu bezala, 2020ko maiatzean Zubieta azpitik igarotzen den Arkaitzerreka errekan izandako isurketaren harira, akusazio moduan aurkeztu den GuraSOS-ek azaldu duenez.
Suhiltzaileek beste sute bat itzali behar izan zuten abenduaren 27an Zubietako erraustegian.
Mikel Jauregi sailburuaren esanetan Eusko Jaurlaritzak ez du "inolako arau hausterik atzeman" Ekondakinek Zubietako erraustegitik Artaxoako zabortegira bidalitako lixibiatuetan. Hala, ez du sozietate publikoa zigortuko, Nafarroako Gobernuak eskatu bezala.
Errausketaren Aurkako Mugimenduak Errausketaren aurkako giza katea egingo du datorren hilaren 8an Donostian. 11:00etan abiatuko da Alderdi Ederretik.
Zubietako erraustegitik Artaxoara eramaten zituzten lixibiatuengatik, Ekondakini zigor espedientea irekitzeko eskatu zion ekainean Nafarroako Gobernuak Eusko Jaurlaritzari.
Ostiralean herritar batek detektatu zuen ura ez zegoela garbi, baina ezin da jakin noiztik dagoen horrela. ARGIAk jakin duenez, URA agentziako kideak bertaratu dira Arkaitzerrekara. Aspalditik salatzen ari dira erraustegiaren isuriak eta kutsadura.
Artaxoako Ecofert enpresara baimendu gabeko hondakinak eramateagatik, Zubietako Ekondakin enpresari zigor-espedientea abian jartzeko eskatu dio Nafarroako Gobernuak Eusko Jaurlaritzako Ingurumen Sailari. Jose Maria Aierdi Nafarroako Ingurumen kontseilariak jakinarazi duenez,... [+]
Gipuzkoako erraustegiaren emisioen bost urteko jarraipenaren emaitzak aurkeztu ditu ToxicoWatch fundazioak. Emaitza kezkagarriak, bizidunei eta zehazki gizakiei osasun kalte larriak eragin diezazkieketen kutsatzaileez ari garelako. Emaitza nabarmenak, erraustegi berria eta ustez... [+]
Bost urtez aritu da laginak hartzen Toxicowatch erakundea erraustegiaren inguruko oiloen arrautzetan, goroldioan, zuhaitzetan, sedimenduetan eta ama esnean, besteak beste. 2019tik dioxina maila asko handitu da, baita metal astunak, PFASak eta beste gai oso kutsagarri batzuk ere... [+]
Zubietako erraustegia geratzeko Errausketaren Aurkako Mugimenduak deitutako oinezko martxan parte hartu dute larunbat goiz honetan.
Zubietako erraustegia ixteko eskaria atariraino eraman du Errausketaren Aurkako Mugimenduak larunbat honetan Lasarte-Oriatik abiatu duen oinezko martxan. Ertzaintzak sarbidea inguratua zuen atari horretan bertan plazaratu duen adierazpenean, erraustegia behingoz ixtea eskatu... [+]
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
Zubietako erraustegi inguruan laginak biltzen bost urte daramatza ToxicoWatch fundazioak, metal astunen, dioxinen, PCBen eta PFASen bila. Horiek guztiak ageri dira laginetan eta gainera kutsaduraren “igoera kezkagarria” aurkitu dutela jakinarazi du Errausketaren... [+]
Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.