Zubietan probak amaitu gabe ere hondakinak erretzea normaldu nahi dute Covid-19aren alarma probestuz
Gipuzkoako Hondakinen Partzuergoak, lurralde honetako udal eta mankomunitate guztiak biltzen dituenak, asteartean egingo du osoko bilkura birtuala, erabaki garrantzitsuak hartzeko: Zubietako erraustegiari onartu frogak bukatu gabe ere funtzionatzea eta 2020an 23 milioi euro pagatzea errausteko aukera edukitzeagatik, gehi Zubietara eramango den errefus tona bakoitzagatik pagatuko dena.
Covid-19 izurriagatik Espainiako Gobernuak ezarritako Alarma Egoera baliatuz, GHK Gipuzkoako Hondakinen Partzuergoak Zubietako erraustegia kudeatzen duen Ekondakin korporazioari baimenduko dio lurralde honetan sortutako errefusak TMB plantatik pasata erretzea funtzionamendu egoera normal batean bezala, frogatarako epea etenaz. Alegia, GHK-k esku batekin zigortu egin beharko du Ekondakin atzeratu egin delako erraustegia martxan jarri aurreko froga epeetan (milioi erdiko zigorra) eta beste eskuarekin errausteko kontratua martxan jartzea onartuko dio –teorian Alarma Egoera indarrean dagoen bitartean– horretarako aurreikusitako tarifak pagatuz, 2017an onartutako prezioei %6 inguru garestituz gainera.
Erabaki bitxia dirudi, zeren eta froga fasean atzeratzeagatik zigortzen duen enpresa berari emango baitio GHK-k, Asensio Ingurumen diputatua buru, froga horiek amaitu barik kontratua martxan jartzea. Hala ere, GHKko zuzendaritzak aurkeztu ditu Idom eta Deloitte aholkulari konpainia pribatuek egindako txostenak, bermatzen omen dutenak kontratua abian jartzea legea urratu gabe egin ahalko dela eta teknikoki oraindik frogatan egon beharko lukeen labeak Gipuzkoako errefusak kiskali ditzakeela kutsaduren estandarrak gainditu barik. GHK-k, bestalde, aurreikusi du Gipuzkoako errefusen parte bat Zabalgarbiko labeetara eramatea –Zubietako TMBan tratatu ostean–, probak amaitu artean dauzkaten mugengatik bere azpiegiturek dena ezin badute erre.
Beraz, asteartean GHKk zuzendaritzaren proposamena onartuz gero, proba guztiak gainditu ez dituen –eta uneotan koronabirusagatik ezarritako konfinamendu arauak tarteko teknikoki gainditu ezin dituen– bitartean, Alarma Egoerari esker estandar guztietan O.K. balego bezala funtzionatu ahal izango du Zubietako erraustegiak. Eta Ekondakinek kobratu ere bai.
Diru ordainketen arloan, ARGIAk jakin ahal izan duenez, 2020an Gipuzkoako udal guztien artean Ekondakin kontratari ordainduko diote alde batetik Zubietan beren errefusak tratatzeko aukera (gaztelaniaz Pago Por Disponibilidad esaten zaiona) edukitzeagatik 23 milioi euro (zehazki 22.931.555 ), udalerri bakoitzak dauzkan biztanleen arabera pagatuko du fakturaren zati nagusi hau, berdin dio errefus asko sortu duen edo gutxi: usurbildar batek eta donostiar batek berdin pagatuko dute, azken honek hark baino askoz errefus gehiago sortu arren. Fakturaren beste zatia, txikiena, udal bakoitzak sortutako errefus tona bakoitzagatik pagatuko dio Ekondakini 16,37 euro. Horretan mamitzen da 35 urtetarako Ekondakin (Urbaser) konpaniarekin gipuzkoarrak lotzen dituen tratua.
Mikel Jauregi sailburuaren esanetan Eusko Jaurlaritzak ez du "inolako arau hausterik atzeman" Ekondakinek Zubietako erraustegitik Artaxoako zabortegira bidalitako lixibiatuetan. Hala, ez du sozietate publikoa zigortuko, Nafarroako Gobernuak eskatu bezala.
Errausketaren Aurkako Mugimenduak Errausketaren aurkako giza katea egingo du datorren hilaren 8an Donostian. 11:00etan abiatuko da Alderdi Ederretik.
Zubietako erraustegitik Artaxoara eramaten zituzten lixibiatuengatik, Ekondakini zigor espedientea irekitzeko eskatu zion ekainean Nafarroako Gobernuak Eusko Jaurlaritzari.
Ostiralean herritar batek detektatu zuen ura ez zegoela garbi, baina ezin da jakin noiztik dagoen horrela. ARGIAk jakin duenez, URA agentziako kideak bertaratu dira Arkaitzerrekara. Aspalditik salatzen ari dira erraustegiaren isuriak eta kutsadura.
Artaxoako Ecofert enpresara baimendu gabeko hondakinak eramateagatik, Zubietako Ekondakin enpresari zigor-espedientea abian jartzeko eskatu dio Nafarroako Gobernuak Eusko Jaurlaritzako Ingurumen Sailari. Jose Maria Aierdi Nafarroako Ingurumen kontseilariak jakinarazi duenez,... [+]
Gipuzkoako erraustegiaren emisioen bost urteko jarraipenaren emaitzak aurkeztu ditu ToxicoWatch fundazioak. Emaitza kezkagarriak, bizidunei eta zehazki gizakiei osasun kalte larriak eragin diezazkieketen kutsatzaileez ari garelako. Emaitza nabarmenak, erraustegi berria eta ustez... [+]
Bost urtez aritu da laginak hartzen Toxicowatch erakundea erraustegiaren inguruko oiloen arrautzetan, goroldioan, zuhaitzetan, sedimenduetan eta ama esnean, besteak beste. 2019tik dioxina maila asko handitu da, baita metal astunak, PFASak eta beste gai oso kutsagarri batzuk ere... [+]
Zubietako erraustegia geratzeko Errausketaren Aurkako Mugimenduak deitutako oinezko martxan parte hartu dute larunbat goiz honetan.
Zubietako erraustegia ixteko eskaria atariraino eraman du Errausketaren Aurkako Mugimenduak larunbat honetan Lasarte-Oriatik abiatu duen oinezko martxan. Ertzaintzak sarbidea inguratua zuen atari horretan bertan plazaratu duen adierazpenean, erraustegia behingoz ixtea eskatu... [+]
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
Zubietako erraustegi inguruan laginak biltzen bost urte daramatza ToxicoWatch fundazioak, metal astunen, dioxinen, PCBen eta PFASen bila. Horiek guztiak ageri dira laginetan eta gainera kutsaduraren “igoera kezkagarria” aurkitu dutela jakinarazi du Errausketaren... [+]
Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.
GuraSOS plataformak Zubietako erraustegiarekiko duten jarrera ukatzailea aurpegiratu zieten foru agintariei asteazkenean Gipuzkoako Batzar Nagusietan egindako agerraldian. GuraSOSen bozeramaile eta abokatu Joseba Belaustegik azaldu zuenez, egungo arazoen aurrean beste alde... [+]