Zubietako erraustegia industria segurtasun araudiari bizkarra emanda funtzionatzen ari dela salatu du GuraSOSek
GuraSOSek hainbat dokumentu helarazi dizkie zenbait hedabidera, frogatzeko Zubietako erraustegia arauz kanpo ari dela funtzionamenduan. GuraSOSek salaketa jarri du Fiskaltzan, erraustegiaren legeztatze tramitazioan aurkitutako delituengatik.
Zubietako erraustegia “arauz kanpo” jarduten ari dela frogatzeko, GuraSOSek hainbat agiri helarazi dizkie zenbait hedabideri.
Berriak jasotzen duenez, ekoizpen elektrikoko administrazio erregistroan ezin zuela instalazioa inskribatu jakinarazi zion Eusko Jaurlaritzak Zubietako erraustegiaren kudeaketaren arduraduna den Ekondakin enpresari, abenduaren 1eko data daramaten agiriaren bidez. Sare elektrikoan energia sartu ahal izateko nahitaezkoa da erregistroan inskribaturik egotea, eta hargatik, Zubietako erraustegiak ez dauka baimenik halakorik egiteko.
Gauzak horrela, GuraSOSek jakinarazi du ostegunean duela asmoa sarea kudeatzen duen Red Electrica Españolari, Zubietako erraustegia sarera sartzen arituz gero, hala egitea eragotzi diezaion. Red Electrica Españolak ukatu egin zuen halakorik gertatzen ari zenik urriaren 28an.
Iragan astean, Gipuzkoako Hondakinen Kudeaketak (GHK) eta Ekondakinek sinatutako akta ere mahaigaineratu dute. Enpresak beren zerbitzuak eskaintzen eta hargatik kobratzen hasi zirela jakinarazi zuen Jose Ignacio Asensio Ingurumen diputatuak. Aste honetan, GHKk erabaki du enpresari ordaintzea, instalazioak “ohiko funtzionamendua” duela adieraziz. GuraSOSek, baina, ukatu egin du ohiko funtzionamendurik dagoekin, eta Jaurlaritzaren agiriak egin ditu publiko gezurretan ari dela leporatu ez diezaioten.
GuraSOSek publiko egindako agirien artean akta bat ere bada, eta bertan jasotzen dira urriaren 22an Jaurlaritzaren Industriako teknikariek ordezko sistema elektrikoan egindako ikuskatzaren nondik norakoak. Aktan zehazten denez, zortzi arau hauste larri eta arin bat antzeman ziren. Azaldu dutenez, Jaurlaritzak akatsak zuzentzeko eskatu zion Ekondakinik, baina honek ez ditu ez akatsak zuzendu ez horretarako epea luzatzeko eskatu ere. Hargatik, abenduaren 4an Eusko Jaurlaritzak gogorarazi zuen sistema ez zegoela legeztatuta eta instalazioak ez zituela jardunerako baldintzak betetzen. “Egun horretan bertan, Asensiok prentsaren aurrean Industria Sailaren beste agiri bat erakutsi zuen, haren ustez, funtzionatzeko ahalmena ematen ziona”, jasotzen du Berriak, azalduz bi agiri horiek Jaurlaritzako funtzionario biren sinadura daukatela.
Erraustegia industria segurtasunaren araudia segi gabe ari dela funtzionatzen salatu du GuraSOSek, eta salaketa jarri du Fiskaltzan, erraustegiaren legeztatze tramitazioan aurkitutako delituengatik. Susmoa dute, besteak beste, instalazioetako kudeatzaileek agiriak faltsutu dituztela eta prebarikazioa egin dutela.
Ostiralean herritar batek detektatu zuen ura ez zegoela garbi, baina ezin da jakin noiztik dagoen horrela. ARGIAk jakin duenez, URA agentziako kideak bertaratu dira Arkaitzerrekara. Aspalditik salatzen ari dira erraustegiaren isuriak eta kutsadura.
Artaxoako Ecofert enpresara baimendu gabeko hondakinak eramateagatik, Zubietako Ekondakin enpresari zigor-espedientea abian jartzeko eskatu dio Nafarroako Gobernuak Eusko Jaurlaritzako Ingurumen Sailari. Jose Maria Aierdi Nafarroako Ingurumen kontseilariak jakinarazi duenez,... [+]
Gipuzkoako erraustegiaren emisioen bost urteko jarraipenaren emaitzak aurkeztu ditu ToxicoWatch fundazioak. Emaitza kezkagarriak, bizidunei eta zehazki gizakiei osasun kalte larriak eragin diezazkieketen kutsatzaileez ari garelako. Emaitza nabarmenak, erraustegi berria eta ustez... [+]
Bost urtez aritu da laginak hartzen Toxicowatch erakundea erraustegiaren inguruko oiloen arrautzetan, goroldioan, zuhaitzetan, sedimenduetan eta ama esnean, besteak beste. 2019tik dioxina maila asko handitu da, baita metal astunak, PFASak eta beste gai oso kutsagarri batzuk ere... [+]
Zubietako erraustegia geratzeko Errausketaren Aurkako Mugimenduak deitutako oinezko martxan parte hartu dute larunbat goiz honetan.
Zubietako erraustegia ixteko eskaria atariraino eraman du Errausketaren Aurkako Mugimenduak larunbat honetan Lasarte-Oriatik abiatu duen oinezko martxan. Ertzaintzak sarbidea inguratua zuen atari horretan bertan plazaratu duen adierazpenean, erraustegia behingoz ixtea eskatu... [+]
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
Zubietako erraustegi inguruan laginak biltzen bost urte daramatza ToxicoWatch fundazioak, metal astunen, dioxinen, PCBen eta PFASen bila. Horiek guztiak ageri dira laginetan eta gainera kutsaduraren “igoera kezkagarria” aurkitu dutela jakinarazi du Errausketaren... [+]
Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.
GuraSOS plataformak Zubietako erraustegiarekiko duten jarrera ukatzailea aurpegiratu zieten foru agintariei asteazkenean Gipuzkoako Batzar Nagusietan egindako agerraldian. GuraSOSen bozeramaile eta abokatu Joseba Belaustegik azaldu zuenez, egungo arazoen aurrean beste alde... [+]
Ingurumenaren aurkako ustezko delitu bat egin ote duen eta dokumentuak faltsutu dituen ala ez ikertzeko eskatu du Gipuzkoako Fiskaltzak, GuraSOS elkarteak jakinarazi duenez.
Donostiako suhiltzaileek jakinarazi dutenez, erraustegiko biolehortze-plantan gertatu da ezbeharra.
Ia bi hamarkada luzez egin duten moduan, "errausketarik ez!" aldarrikatu eta oihukatu dute, Kontxako Banderaren bigarren eta azken jardunaldi egun honetan, Donostiako hondartza inguratu duen giza katean.