Erraustegi azpitik ateratzen den kutsadura ez duela erraustegiak isuri dio erraustegia egin duenak
Ostegun goizean ere Arkaitzerreka erreka kutsatzen jarraitzen du Zubietako erraustegitik ateratzen den hodi batek. Errekak ur garbia darama menditik behera erraustegira iristen denean eta honen azpitik zikina irteten da. Asteazken goizean jabetu ziren zubietarrak erreka zikina zetorrela. Gipuzkoako Hondakinen Kontsortzioak dio erraustegian ez dela isuririk gertatu, baina ez dute esan zer ari den gertatzen.
Ostegun goizean egoera bera da Zubietako Arkaitzerrekan. Erraustegitik ateratzen den hodia erreka kutsatzen ari da, azpiko bideo honetan ikus daitekeenez.
URA agentziak ARGIAri adierazi dio asteazkenean eta ostegunean bertaratu direla teknikariak Arkaitzerrekara, laginak hartu dituztela, hauek ikertzen ari direla eta emaitzaren zain daudela.
Gipuzkoako Hondakinen Kontsortzioak, bere aldetik, prentsara bi esaldiko mezu bat igorri du esanez erraustegian ez dela "isurketarik" egon. Osorik jarriko dugu hemen: "Arkaitzerrekan izandako gertakariari dagokionez, Zubietako Gipuzkoako Ingurumen Gunetik hurbil dagoen erreka batean, GHK.k adierazi nahi du ez dela isurketarik egon GHKren instalazioan.
Era berean, Gipuzkoako Hondakinen Kontsortzioa laginak aztertzen ari da eta emaitza eta jatorria jakin bezain laster jakinaraziko dira". Oharrean isuria erraustegitik datorrenik ukatzen duten bezala, ez dute inolako informaziorik ematen isuria nondik datorren jakiteko.
Asteazkenetik erreka kutsatuta
Asteazken goizetik, gutxienez, erraustegitik pasatzen den Arkaitzerreka erreka kutsatuta dago. Ura ez doa garbi eta oxido kolorea dauka. Hondakinak erretzeko azpiegituraren azpitik errekara doan hoditik aparra ateratzen ari da asteazken goizaz gero, azpiko bideoan ikus daitekeenez.
Azpiko argazkian ikus daiteke asteazken goizean goiz hartutako ur lagina.
.jpg)
Kontutan hartuta azken egunetan ez duela euririk egin, harridura da nagusi auzokideen artean. Zergatik doa zikin erreka bat-batean? Usurbilgo udaltzaingoa, Donostiakoa, URA agentziako kideak eta GHKko ordezkariak bertan izan diren arren, oraindik ez du inork adierazpen ofizialik egin. ARGIAri GHK-tik adierazi diote gaia kudeatzen ari direla eta ezin dutela adierazpenik egin.
Erraustegiaren Aurkako Mugimenduak salatu du URA agentziako teknikariak ez zuela laginik hartzeko asmorik, eta beraiek hartuko zutela esatean erabaki duela beraiek ere hartzea. Horrez gain, ondorengoa adierazi dute sare sozialetan: "Arkaitzerrekan berriro ere agertu diren isurien aztarnak, 2009an Zabalgarbik izan zuen lisibiatuen isurketekin antzekotasun handia du. Orduan, Bilbo handira ur edangarria eramaten duen Ordunte kanaleraino iritsi ziren lisibiatuen kutsaduraren eraginak".
Erreka hau bilakatu da hondakinak erretzeko azpiegituraren kutsadurari jarraipena egiteko arretagune nagusia azken urteetan. Adibidez, Guardia Zibilaren arabera, Arkaitzerreka behin baino gehiagotan kutsatu zuten eta arrainez gain hamabost ardi ere hil zituen, nahiz eta Gipuzkoako Ingurumen diputatu Jose Ignacio Asensiok lehen kolpean ziurtatu kutsadura ez zuela erraustegiak sortu.
Mikel Jauregi sailburuaren esanetan Eusko Jaurlaritzak ez du "inolako arau hausterik atzeman" Ekondakinek Zubietako erraustegitik Artaxoako zabortegira bidalitako lixibiatuetan. Hala, ez du sozietate publikoa zigortuko, Nafarroako Gobernuak eskatu bezala.
Errausketaren Aurkako Mugimenduak Errausketaren aurkako giza katea egingo du datorren hilaren 8an Donostian. 11:00etan abiatuko da Alderdi Ederretik.
Zubietako erraustegitik Artaxoara eramaten zituzten lixibiatuengatik, Ekondakini zigor espedientea irekitzeko eskatu zion ekainean Nafarroako Gobernuak Eusko Jaurlaritzari.
Ostiralean herritar batek detektatu zuen ura ez zegoela garbi, baina ezin da jakin noiztik dagoen horrela. ARGIAk jakin duenez, URA agentziako kideak bertaratu dira Arkaitzerrekara. Aspalditik salatzen ari dira erraustegiaren isuriak eta kutsadura.
Artaxoako Ecofert enpresara baimendu gabeko hondakinak eramateagatik, Zubietako Ekondakin enpresari zigor-espedientea abian jartzeko eskatu dio Nafarroako Gobernuak Eusko Jaurlaritzako Ingurumen Sailari. Jose Maria Aierdi Nafarroako Ingurumen kontseilariak jakinarazi duenez,... [+]
Gipuzkoako erraustegiaren emisioen bost urteko jarraipenaren emaitzak aurkeztu ditu ToxicoWatch fundazioak. Emaitza kezkagarriak, bizidunei eta zehazki gizakiei osasun kalte larriak eragin diezazkieketen kutsatzaileez ari garelako. Emaitza nabarmenak, erraustegi berria eta ustez... [+]
Bost urtez aritu da laginak hartzen Toxicowatch erakundea erraustegiaren inguruko oiloen arrautzetan, goroldioan, zuhaitzetan, sedimenduetan eta ama esnean, besteak beste. 2019tik dioxina maila asko handitu da, baita metal astunak, PFASak eta beste gai oso kutsagarri batzuk ere... [+]
Zubietako erraustegia geratzeko Errausketaren Aurkako Mugimenduak deitutako oinezko martxan parte hartu dute larunbat goiz honetan.
Zubietako erraustegia ixteko eskaria atariraino eraman du Errausketaren Aurkako Mugimenduak larunbat honetan Lasarte-Oriatik abiatu duen oinezko martxan. Ertzaintzak sarbidea inguratua zuen atari horretan bertan plazaratu duen adierazpenean, erraustegia behingoz ixtea eskatu... [+]
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
Zubietako erraustegi inguruan laginak biltzen bost urte daramatza ToxicoWatch fundazioak, metal astunen, dioxinen, PCBen eta PFASen bila. Horiek guztiak ageri dira laginetan eta gainera kutsaduraren “igoera kezkagarria” aurkitu dutela jakinarazi du Errausketaren... [+]
Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.
GuraSOS plataformak Zubietako erraustegiarekiko duten jarrera ukatzailea aurpegiratu zieten foru agintariei asteazkenean Gipuzkoako Batzar Nagusietan egindako agerraldian. GuraSOSen bozeramaile eta abokatu Joseba Belaustegik azaldu zuenez, egungo arazoen aurrean beste alde... [+]