Zubietako erraustegi eta guzti, Gipuzkoak milaka tona hondakin bidaliko ditu Bizkaiko Zabalgarbira 2021ean
Abenduaren 11n Gipuzkoako Foru Aldundiaren arduradunek berretsi zuten Zubietako erraustegia erabat martxan dagoela ofizialki, Ekondakin enpresa taldearen kontratua abian dagoela zertifikatuz. Lau egun beranduago, abenduaren 15ean, GHK Gipuzkoako hondakinen partzuergoaren batzarrak onartuko du datorren urtean ere lurralde horretako zaborren parte bat Bizkaiko Zabalgarbira eramateko kontratua, gutxienez 25.000 eta gehienez 60.000 tona hona ekartzeko aukera ematen diona.
2020ko abenduaren 11 markatuta geratuko da Gipuzkoako hondakinen kudeaketaren historian, egun horretatik aurrera hasiko direlako kontatzen Ekondakin enpresa taldeak (kapital txinatarra daukan Urbaser multinazionala buru) 35 urte luzeetarako 2017an sinatu eta orain indarrean jarri den kontratua, Gipuzkoan 2052a arte sortuko diren hondakin guzti-guztien kudeaketaren monopolioa ematen diona. Zubietako erraustegia behin betiko martxan jarri du eta kontratua indarrean dagoela ospatzeko Gipuzkoako diputatu nagusi Markel Olano buru, Gipuzkoako Foru Aldundiko eta GHKko arduradun nagusiek agerraldi publikoa egin zuten abenduaren 11n Zubietako labe aurrean bertan.
Ingurumen diputatu Jose Ignacio Asensiok ostiralean pozik goraipatu zituen Zubietako sutegiak gipuzkoarrei ekarri behar dizkien probetxuak: "Hemen, hondakinak ez dira zabor bilakatzen, baizik eta lehengai; tratamendu mekanikoko eta biologikoko plantan sortzen den material guztia berreskura daiteke, eta balorizatu, materialki eta energetikoki". Jakina da, ez agintariek baina prentsak eta gizarte mugimenduek salatu dutelako, Zubietan oraingoz hondakinekin ez dela balorizaziorik egiten, sistema elektrikoa hasieratik matxuratuta egonik oraingoz erabat konpondu ezin izan dutelako. Asensiok gogorarazi zuen, bestalde, Zubietako erraustegiak 160.000 tona hondakin erretzeko gaitasuna duela.
Alabaina, Gipuzkoako agintariek zaborrak erretzeari dagokionez ez dituzte arrautza guztiak saski bakarrean utzi nahi, badaezpada ere. Asteartean, abenduak 15, batzar orokorra burutuko du GHK partzuergoak eta hor botoa daukaten ordezkariek –Gipuzkoako udalerri guztiak biltzen dituzten mankomunitateen arduradunek– erabakiko dute luzatzea Bizkaiko Foru Aldundiarekin 2018an egindako hitzarmena, baimentzen duena Gipuzkoatik Bilboko Zabalgarbira eramatea gutxienez 25.000 tona eta gehienez 60.000 tona zabor, han erretzeko. Teorian Zubietako labeen kapazitatea aski eta gehiegizkoa ere bada lurralde honetan sortutako hondakin guztiak erretzeko, baina Bizkaiko labeetara ere eramaten jarraitu nahi dute.
Ostiralean herritar batek detektatu zuen ura ez zegoela garbi, baina ezin da jakin noiztik dagoen horrela. ARGIAk jakin duenez, URA agentziako kideak bertaratu dira Arkaitzerrekara. Aspalditik salatzen ari dira erraustegiaren isuriak eta kutsadura.
Artaxoako Ecofert enpresara baimendu gabeko hondakinak eramateagatik, Zubietako Ekondakin enpresari zigor-espedientea abian jartzeko eskatu dio Nafarroako Gobernuak Eusko Jaurlaritzako Ingurumen Sailari. Jose Maria Aierdi Nafarroako Ingurumen kontseilariak jakinarazi duenez,... [+]
Gipuzkoako erraustegiaren emisioen bost urteko jarraipenaren emaitzak aurkeztu ditu ToxicoWatch fundazioak. Emaitza kezkagarriak, bizidunei eta zehazki gizakiei osasun kalte larriak eragin diezazkieketen kutsatzaileez ari garelako. Emaitza nabarmenak, erraustegi berria eta ustez... [+]
Bost urtez aritu da laginak hartzen Toxicowatch erakundea erraustegiaren inguruko oiloen arrautzetan, goroldioan, zuhaitzetan, sedimenduetan eta ama esnean, besteak beste. 2019tik dioxina maila asko handitu da, baita metal astunak, PFASak eta beste gai oso kutsagarri batzuk ere... [+]
Zubietako erraustegia geratzeko Errausketaren Aurkako Mugimenduak deitutako oinezko martxan parte hartu dute larunbat goiz honetan.
Zubietako erraustegia ixteko eskaria atariraino eraman du Errausketaren Aurkako Mugimenduak larunbat honetan Lasarte-Oriatik abiatu duen oinezko martxan. Ertzaintzak sarbidea inguratua zuen atari horretan bertan plazaratu duen adierazpenean, erraustegia behingoz ixtea eskatu... [+]
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
Zubietako erraustegi inguruan laginak biltzen bost urte daramatza ToxicoWatch fundazioak, metal astunen, dioxinen, PCBen eta PFASen bila. Horiek guztiak ageri dira laginetan eta gainera kutsaduraren “igoera kezkagarria” aurkitu dutela jakinarazi du Errausketaren... [+]
Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.
GuraSOS plataformak Zubietako erraustegiarekiko duten jarrera ukatzailea aurpegiratu zieten foru agintariei asteazkenean Gipuzkoako Batzar Nagusietan egindako agerraldian. GuraSOSen bozeramaile eta abokatu Joseba Belaustegik azaldu zuenez, egungo arazoen aurrean beste alde... [+]
Ingurumenaren aurkako ustezko delitu bat egin ote duen eta dokumentuak faltsutu dituen ala ez ikertzeko eskatu du Gipuzkoako Fiskaltzak, GuraSOS elkarteak jakinarazi duenez.
Donostiako suhiltzaileek jakinarazi dutenez, erraustegiko biolehortze-plantan gertatu da ezbeharra.
Ia bi hamarkada luzez egin duten moduan, "errausketarik ez!" aldarrikatu eta oihukatu dute, Kontxako Banderaren bigarren eta azken jardunaldi egun honetan, Donostiako hondartza inguratu duen giza katean.