Zuberoako ikastolen aldeko otarreak erosteko epea, abenduaren 5a arte
Zuberoako Eperra ikastolak hamaikagarren urtez eskaintzen dituen otarreak erosteko epea abenduaren 5ean amaituko da. Transferentzia bidez eskura daitezke, Ikaskoli.eu webguneko azalpenak jarraituta. Dena den, jende askok haien lantoki, ikastetxe edota euskara elkarteen bitartez bideratuko dituzte eskaerak.
Ziurrenik eskaerak azaroa amaitu aurretik egin beharko dituzte horiek, Laudioko ikastolaren, Basauriko Euskarabila elkartearen edota Arrasateko AED elkartearen bitartez esaterako, adibide batzuk aipatzearren.
Non eta noiz jaso?
Norberarengandik hurbilen dagoen entrega-lekura bidaliko dituzte otarrak, abenduaren 12tik aurrera. Lagungarri gisa, iazko mapa kontsulta dezakezue. Eskaeren arabera, entrega-leku berriak gehitu ditzaketela adierazi dute Eperra ikastolako kideek. Zalantzarik izanez gero, nikere@ikaskoli.eu helbidera idatzi dezakezue.
Bi otarre daude aukeran:
Irati otarrea - 51 €
- Berotu eta arrozarekin edo patatekin jateko prest dagoen txahalki kontserba piperrekin (750 gr)
- Ardi gazta (900 gr)
- Patea ahate gibelarekin (125 gr)
- Gurinezko gaileta paketea (200 gr)
- Eztia (500 gr)
Ahüzki otarrea - 39 €
- Ardi gazta (900 gr)
- Patea ahate gibelarekin (125 gr)
- Gurinezko gaileta paketea (200 gr)
- Eztia (500 gr)
Ikastolak lagundu eta lekuko ekoizleak ezagutaraztea helburu
Orain dela hamaika urte, 2003an, banatu zituen Zuberoako Eperra Ikastolak lehendabiziko otarreak. Proiektuaren helburuak Ikastolaren egoera ekonomikoa hobetu, euskara bultzatu eta Zuberoako ekoizleak ezagutaraztea dira.
Ekimen honekin ikastolaren funtzionamendurako beharrezko dituzten sarreren %5a estaltzea espero dute. Gurasoek finantzazioaren %30 jartzen dute eta administrazioek %20. Gainerako %50 gizarte ekimenen bidez eskuratzen da.
Egiari zor, ez dakit zergatik ari naizen hau idazten. Gaur egungo giro liskartsuan ez dira modu honetako iritziak ondo hartzen. Beharbada, ARGIAk ez du hau argitaratuko, ez baitator bat orain arte argitaratu dituzten iritziekin (baina, azkenean argitaratzea erabaki badute,... [+]
Antolatzaileek Biltzar Nagusian harturiko erabakia da: aurten ez dute Lapurtarren Biltzarrik antolatuko Uztaritzen. Motibazio eskasa da erabakiaren oinarrian dagoen arrazoia.
Arkitektoen elkargoaren helegitea dela eta, Donostiako Udalak atzera bota du kontratazio espedientea.
Tipi-tapa mugitzen ditugu euskaltzaleok gure oinak Korrikaren lekukoaren atzetik, gure hizkuntzaren alde, desio dugun Euskal Herri euskalduna helburu, herri euskaldun gisa biziraun nahi dugula aldarrikatzeko.
Tipi-tapa ematen ditu lehen urratsak Afrikako, Hego Amerikako edo... [+]
Urtea amaitu baino lehen gehiengo politikoaren oniritzia lortu nahi du udalak
Hezkuntza Departamentuak Oibarko ikastetxe publikoan D eredua ezarriko dutela iragarri du. Hilabeteetako protesten ondoren, euskarazko lerroa ezartzea lortu dute.
2024ko bigarren seihilekoaren lanaren emaitzak jaso ditu Euskaltzaindiak. Forma berriak eta aurretik zeudenen osatzeak aurkeztu ditu. Forma berrietan, oraingoan, batez ere, sukaldaritzako hiztegia landu dute. EITB eta Berria-ko edukiak hartu dituzte iturritzat.
Euskalgintzaren Kontseiluak eta Bizkaiko Foru Aldundiko langileak elkarretaratzea egin dute langileen egonkortzearen eta euskalduntzearen alde.
Irulegi irratiak elkarrizketatu du AEBetako Montana estatuko Auzitegi Nagusiko epaile Katherine Bidegaray. Gurasoak behe nafartarrak zituen, aita Mendibekoa eta ama Ahatsakoa.
81 urterekin zendu da. Bere aita Fernando Aire 'Xalbador' bezalaxe, bertsolaria eta artzaina izan zen Mixel Aire.
EH Bai koalizioak babesturiko Ahetzen zerrenda gailendu da bozen bigarren itzulian, joan den igandean, botoen %44 erdietsirik.
PAIk sortutako biktimak ez dira bakarrik PAIren Legeak eragindako egonkortze prozesuari esker funtzionarizatutako irakasleak, baizik askoz gehiago. Batzuei nolabaiteko ikusgarritasun mediatikoa eman zaie Steilasek jarritako errekurtsoaren ondorioz; gehienak, alabaina, ikusezinak... [+]
.jpg)
Hazparneko Armand David laborantza lizeo pribatuko ikasleek Agro-ekipamendua, Zientzia sozial eta ekonomikoak, eta Enpresa ekonomia irakasgaiak euskaraz ikasteko aukera izango dute. Horrek formakuntzaren ia erdia hartuko duela azaldu du Bertrand Gaufryau ikastetxeko zuzendariak.