Asteazkenean eseri dira epailearen aurrean Zorroza Gestión de Residuos enpresako arduradunak, 2020an gertatutako lan heriotzaren harira. Epaileak urtebete eta sei hilabeteko espetxe zigorra eta 30.0000 euroko kalte-ordaina ordaintzea ezarri die bi akusatuei.
2020ko otsailean Bassirou Dione langileak bizia galdu zuenetik lau urte igaro direnean, gaur eseri dira epaile aurrean Zorroza Gestión de Residuos enpresako arduradunak. Gertatutakoa argitzea helburu zuen epaiketa, eta fiskaltza, akusazio partikular eta defentsaren arteko akordioarekin bukatu da: akusatuek delituak onartu dituzte eta urtebete eta sei hilabeteko espetxe zigorra jaso dute, Dioneren senideei 30.000 euroko kalte ordaina ordaintzeko aginduarekin batera.
Sententziak frogatutzat jotzen du Zorroza Gestión de Residuoseko arduradunek ez zizkiotela Dioneri beharrezko segurtasun neurriak eman, eta horrek eragin zuela honen heriotza
Epaiketaren beharrik gabe onartu dute bi akusatuek gertatutakoa estaltzeko asmoz Bassirou Dioneren gorpua mugitu zutela zortzi metroko altueratik amildu ostean. Epaileak sei hilabeteko espetxe zigorra ezarri die bi akusatuei langileen segurtasunaren aurkako delitu batengatik, eta urtebeteko espetxe zigorra zuhurtziagabekeria larriko giza hilketagatik. Gauzak horrela ez dira espetxean sartuko ugazaba eta arduraduna. Halaber, akordioan jasotakoaren arabera, 30.000 euroko kalte-ordaina ordaindu beharko diote Bassirou Dioneren familiari.
Sententziak frogatutzat jotzen du Zorroza Gestión de Residuoseko arduradunek ez zizkiotela Dioneri beharrezko segurtasun neurriak eman, eta horrek eragin zuela honen heriotza.
Bassirou Dione 24 urteko gaztea 2020ko otsailaren 24an zendu zen Murgako industriagunean kokatutako Zorroza Gestión de Residuos enpresan, zortzi metroko altueratik amilduta.
Hasieratik argi-ilunez inguratutako heriotza izan zen jatorri senegaldarreko beharginarena. Hondakinen kudeaketaz arduratzen zen enpresa lan-baldintza eta tratu txarrengatik ezaguna zen, eta gertatutakoak berehala piztu zituen susmoak eskualdean.
Otsailaren 24an, astelehena, 17:30ean jaso zuten abisua larrialdi-zerbitzuek, baina enpresa inguruan zeuden lekukoek ez zuten aparteko mugimendurik ikusi une horretan. Bai, ordea, astelehenetik astearterako gauean; istripua gertatu ostean Zorroza Gestión de Residuos pabiloiko zaborra ateratzen aritu ziren bertako kamioiak, eta otsailaren 25ean Ertzaintza eta Osalan agertu zirenerako ingurua guztiz garbi aurkitu zuten.
Foku guztiak zaborren kudeaketa enpresaren gainean zeudela, Osalanek enpresako arduradunek larrialdi-zerbitzuei emandako hasierako bertsioa gezurtatzen zuen txostena plazaratu zuen.
Bassirou Dione 8,7 metroko altueratik amildu zen. Dionek astebete zeraman lanean Zorroza Gestión de Residuos enpresan, eta eskuko eskailera batera igota teilatuko hainbat elementu konpontzen zebilen beste bi lankiderekin batera, beharrezko segurtasun neurririk eta formakuntzarik gabe.
Osalanek datu argigarri gehiago plazaratu zituen txostenean, eta iradoki zuen hainbat elementu aldatu zituztela istripua gertatu zen tokian, ezbeharra jaso ostean.
“Pandemiak eta Amurrioko Epaitegiko funtzionamenduak luzatu du prozesu guztia”, azaldu dio Aiaraldea Komunikabideari akusazio partikularraren abokatu den Andoni Hernandezek. Gaur, maiatzak 8, Dioneren heriotzatik lau urtera Gasteizko Justizia jauregian elkartu dira alde guztiak, gertatutakoa behingoz argitzeko asmoz.
Akusatuen aulkian Zorroza Gestión de Residuos enpresako ugazaba eta arduraduna eseri dira. Beste bost lagun zeuden deituta epailearen aurrean deklaratzera: Osalaneko bi teknikari, Zorroza Gestión de Residuos enpresako bi langile, eta ertzain bat. Epaiketara sartu aurretik, ordea, akordioa erdietsi dute alde guztiek.
Hernandezek berak akordioaren aukeraren inguruan ohartarazi du komunikabidea epaitegiko atarian: “Azken egunetan hurbilketa egon da akusatuen aldetik, egozten zitzaizkien delituen aurrean aringarriak bilatzeko helburuarekin”.
Bai arestian aipatutako Osalanen txostenak, baita deklaratzera deitutako langilearen testigantzek ere, "zalantzarako tarte gutxi" uzten zutela adierazi du Hernandez abokatuak. Gauzak horrela, akusatuek nekez ekidin zitzaketen fiskaltzak eta akusazio partikularrak haien kontra adierazitako langileen segurtasunaren aurkako eta zuhurtziagabekeria larriko giza hilketa delituak.
Gaurko akordioak itxiera eman dio duela lau urte abiatutako prozesu judizialari; eta argitu egin dira, nolabait, Zorroza Gestión de Residuos enpresako arduradunek Bassirou Dioneren heriotzaren gainean zuten erantzukizuna. Ordea, badira oraindik erantzuna behar duten galderak; hala nola, ezbeharra jaso zen unean zaborren kudeaketa enpresan lanean ari ziren jatorri senegaldarreko beharginen lan baldintzak zeintzuk ziren.
Murgako enpresaren praktikak ere argi-ilunez inguratuta jarraitzen du. Izan ere, azken urteetan ugariak izan dira enpresaren kudeaketa eta azpiegitura zalantzan jarri duten txosten eta azterketak, 120.000 euroko isunak jaso ditu. Soka luzea dakarte oraindik Zorroza Gestión de Residuos enpresako kontuek, kapitulu berrietan argitu beharrekoak.
Iragan asteko ostegunean zauritu zen larri Bergarako (Gipuzkoa) Embalan 3 lantegiko langilea, zama bat gainera erorita. 2024 urtean hiltzen den 26. langilea da.
51 urteko garraiolariaren kamioia irauli egin da Ejea de los Caballerosen (Aragoi). 2024an hiltzen den 23. langilea da.
Gizartea kontzientziatzeko eta informatzeko kanpaina bat abiatu dute LAB, CGT, STEILAS, ESK, CNT eta LSB-USO sindikatuek, Nafarroako Osasun Plataformak eta Osasun Publikoaren Aldeko Herri Plataformak.
Langilea larri zauritu zen apirilaren 24an, eta astelehenean, hilak 29, hil da. 22 urte zituen eta sektorean bi hilabete soilik zeramatzan lanean. 2024 urtean hildako 22. langilea da.
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Astelehen arratsean gertatu da ezbeharra, Arrasaten, hiru metroko sakonerara erorita.
Ostegun eguerdian gertatu da ezbeharra Cementos Portland enpresan, Olaztin. Urtea hasi denetik 15 langile hil dira Euskal Herrian.
Durangon 47 urteko langilea hil da asteartean eta jadanik istripuz hildako 14. behargina da aurten Euskal Herrian, LABek emandako datuen arabera. Fumbarri lantegiko teilatuan lanean ari zela erorita hil da langilea eta azpikontrataturiko enpresa batentzat ari zen. Sindikatuek... [+]
Urizaharreko harrobian lanean ari zela hil zen behargin bat joan den ostiralean, makina batek harrapatuta. Urtea hasi denetik, zortzi langile hil dira.
Urtea hasi denetik lanean hildako zazpigarren langilea da. Astebeteko epean, bost behargin zendu dira.
Arriben, Muxikan eta Funesen gertatu dira lan istripuak. Azkena izan da Arribekoa, astelehen honetan gizon bat zortzi metrotik erorita hil ostean.
Bi langile hil dira asteartean lan istripu banatan. Aurtengo lehen lan heriotzak izan dira, biak Bizkaian. Lehen istripua Santurtzin gertatu da, goizaldean, kamioi baten kabinak su hartu ostean. Bigarrena arratsaldean jazo da Trapagaranen, Ugarte industriaguneko lantegi batean... [+]
LAB sindikatuak egiten duen kontaketaren arabera, sei egunetik behin langile bat hil zen iaz Euskal Herrian. Osalanen eta Nafarroako Gobernuaren estatistiken arabera, urtarriletik azarora guztira 46.451 lan istripu izan ziren iaz Hego Euskal Herrian.
Hiru arrantzaleetatik bi desagertuta daude, eta erreskatatu dutena Baionako ospitalean artatu dute, hipotermiak jota.
Astilleros Murueta ontziolan 64 urteko behargina hil da asteartean, metalezko xafla handi bat gainera erori zaionean. LABek egiten duen kontaketaren arabera jadanik 53 dira Euskal Herrian lanean ari zirela aurten hildako pertsonak. Sindikatuek mobilizazioak iragarri dituzte... [+]