Zorroza enpresan teilatutik erorita hil zen langilea, oraindik bizirik zela lekuz mugitzeko agindu zuen gerenteak, LABek salatu duenez
LAB sindikatuak asteartean publikoki salatu du Zorroza Gestión de Residuos enpresako gerenteak hainbat langile behartu zituela hildako langilea istripuaren lekutik bere ohiko lanpostura mugitzera, oraindik bizirik zela. Langile bat inputatuta dago ustezko estaltze delituagatik. Sindikatutik salatu dutenez, onartezina da langileak prebentzio faltaren eta laneko heriotzen erantzule egitea, horrela "biktimak erantzule" bihurtuz.
Zorroza Gestión de Residuos enpresan izandako istripu hilgarriaren inguruko informazio gehiago jakinarazi du astearte goizean LAB sindikatuak, Hala Bedik jaso duenez. Santurtzin bizi zen Senegalgo B. D. zen langilea.
Azaldu dutenez, otsailaren 24ean, 17: 00ak inguruan, B. D. langilea beste bi lankiderekin eta enpresako arduradunarekin batera enpresako teilatura igo zen mantentze-lanak egitera. 9 metroko altueran eta inolako segurtasun-neurririk gabe zegoen. Handik minutu gutxira, enpresa barrura erori zen B. D,. teilatuaren zati bat hautsi ostean. Lekukoek sindikatuari adierazi diote, kolpea larria izan arren, hasieran bizirik zegoela.
"Badakizue zer esan behar duzuen, ezta? Zintatik erori da!"
Berehalako laguntza eskaini beharrean, enpresako gerenteak larri zauritutako langilea bere ohiko lanpostura hurbiltzera behartu zituen hainbat langile, honakoa adieraziz: "Badakizue zer esan behar duzuen, ezta? Zintatik erori da!".
LABek salatu du hondakinen kudeaketako langile bat inputatuta dagoela, hilketa estaltzea egotzita. Sindikatuak ohartarazi duenez, aurrekaririk gabeko egoera da, eta patronalak jarduera-ildo berri eta arriskutsu bat ireki du, langileak zuzenean "prebentzio-faltaren eta osasun-galeren eta laneko heriotzen erantzule eginez, horrela biktimak erantzule bihurtuz".
Salatu dutenez, horrelako egoerak "gerentearen mehatxuen ondorioz sor daitezke" eta aspalditik gertatzen ziren.
Epaitegietan dago auzia, eta LABetik exijitzen dute auziak ibilbide osoa egin dezala, egoera argitu dadin.
Betsaide enpresan gertatu da, 08:00ak aldera. Urtea hasi denetik gutxienez bederatzi behargin hil dira.
2024ko laneko ezbeharren txostena aurkeztu dute LAB • ESK • STEILAS • EHNE-etxalde eta HIRU sindikatuek aurtengo otsailean. Emaitza larriak bildu dituzte: geroz eta behargin gehiago hiltzen dira haien lanpostuetan.
Eguerdian gertatu da istripua, 25. kilometroan, Nafarroako Martzilla herriaren inguruan. 2025ean hil den zazpigarren lagilea da.
LAB, ESK, STEILAS, EHNE-etxalde eta HIRU sindikatuek osatzen duten lan osasuneko intersindikalak agerraldi publikoa egin du Bilbon, 2024ko ezbeharren txostenaren harira. Azken hamar urteetan 612 langile hil dira istripuz Euskal Herrian, 64 pasa den urtean.
52 urteko altsasuar bat hil da ostegunean Arbizun lan istripua izan ostean, Nafarroako Foruzaingoak jakinarazi duenez. Urtea hasi zenetik Euskal Herrian lan istripu batean hildako laugarren langilea da. Ezbeharra herriko erdigunean dagoen etxebizitza bat zaharberritzeko lanetan... [+]
Beharginak Excavaciones Mendiola enpresarako ari zen lanean, Construcciones Urrutia enpresaren azpikontrata. Langilearen lehenengo eguna zen sektorean lanean.
Boroa industrialdean hil zen 41 urteko I.P.C langilea, abenduaren 30ean biltegiko inbentarioa egiten ari zenean. ELA eta LAB sindikatuek, eta Jaurlaritzako Segurtasun Sailak eman dute istripuaren berri.
Garraio sektorean aritzen diren hamabi behargin hil dira aurten. LABek azaldu du garraio sektorean gertatzen diren heriotzak “erabat saihesteko modukoak” direla, eta horretarako borondate politikoa “besterik ez” dela behar, bai erakunde publikoen eta bai... [+]
Azken astean sindikatuak 5 heriotzaren berri izan du eta dagoeneko 26 dira Nafarroan lanean hil egin diren edo beste erkidegotan beharrean zendu diren nafarrak. Alarma gorria pizteko moduko datuak LAB sindikatuaren iritziz.
Astelehen honetan zendu da langilea Muskizeko enpresan, mantentze lanak egiten zituen bitartean. Zerbitzu medikuek berehala esku hartu bazuten ere, ez zuten lortu suspertzea. UGT sindikatuak lan istripu honen arrazoiak ikertzea exijitu du.
56 urteko garraiolari lesakarra hil zen lanean Irunen, kamioia kargatzen ari zela. Transportes Etxetrans enpresako langilea zen. Aurten 11 garraiolari hil dira lanean, horietariko asko, azken hau bezala, bihotzekoak jota LAB sindikatuak ohar batean jakinarazi duen bezala... [+]
Geltokiko kafetegi bateko kristalak garbitzen ari zela, hiru metroko altueratik erorita zendu da 55 urteko gizona. Aurten Euskal Herrian lan istrupuengatik hil den 54. langilea izan da.
Langilea eskualdekoa zen eta Zamalloa enpresa azpi-kontratatuarentzat egiten zuen lan.
Ezbeharretatik egun gutxitara zendu dira langile biak. LAB, ESK, STEILAS, EHNE-etxalde eta HIRU sindikatuek osatutako intersindikalak kontzentrazioa egingo du urriaren 31an Bilbon Confebask patronalaren egoitzaren aurrean heriotza biak salatzearren. Aurten 50 dira jada... [+]